حسن: انا عندي اصحابي شديد متزوجين و شغالين في روسيا هناك بسفر ادهم هناك ما حاخلي يرجع الا بعد بت عاصم دي تقنع وتعرس
لبني: هييي ووب علي عايز تطفش ولدي بعيد مني لي حريقه في بت عاصم بس ولدي ما تبعدو مني
حسن: يا مره انتي جنيتي لو قعد هنا حايعرس بت عاصم دي كان رضينا ولا ما رضينا ولدك بقي راجل خلاص بقدر ياخد قراراتو بي نفسو وانا ما حانتظر لمن نتخت تحت الامر الواقع
لبني: واها كان ما عرسو لي بت عاصم ولدي ما حاشوفو يعني؟
حسن: لو ما عرسو ليها انا بسفرك ليو كل كم شهر تطمني عليو وترجعي اها تاني عندك كلام
لبني: كان كده ما مشكله اصلا عاصم وسماهر وبتهم ديل طمعانين فينا والله قرش ما يطولو مننا 😏
...................
عادل و عاصم قاعدين برا جمب غرفة سيرين
عادل: اها قررت تعمل شنو يا عاصم ؟؟
عاصم: والله يا عادل ما عارف اسي انا همي كلو اعالج بتي قبيل قابلت الدكتوره وفهمتني انو سيرين اهم شئ ما تتعرض لي ضغط نفسي
عادل: انا قصدي في موضعم هي و ادهم
عاصم: انا خايف ارفضو والبت دي تجيها جلطه ولا مصيبه زمان كمان
عادل: هههههه اها حاتضيع بتك يعني
عاصم: انت لي بتضحك انا جادي والله البت متعلقه بالولد ده شديدوانا شخصيا رافضو اعمل شنو
عادل: سعادت بتك مع ادهم تاني ما حاتلقي زول يحبها زي ادهم
عاصم: الموضوع ما متوقف علي ادهم بس يا عادل الكلام اهلو ابوهو وامو واخواتو حايتقبلو بتي وسطهم ولا حايعيشوها في جهنم ديل ناس اكلو حقنا لمن كنا ايتام منتظر منهم شنو يعني
عادل: خلاص نخت لي ادهم شروط لو وافق بيها كان بها ما وافق يفتح الله
عاصم: وتفتكر انو حايوافق؟
عادل: اي بوافق بس انت باركه
عاصم: نشوف البحصل شنو ؟!
.........
ادهم وصل بيتم ولقي امو وابوهو قاعدين بشربو في جبنه
حسن: ادهم تعالي هنا
ادهم مشي عليو وقعد جمبو: اي يا ابوي
لبني😏
حسن: انا عندي اوراق وقروش مهمه عند واحد صحبي عايزك تستلمه لي منو
ادهم: خير يا ابوي اسي انا تعبان بس خليني اخش الحمام وارتاح شويه وامشي اجيبه ليك منو
حسن: لا ما هو الزول ما هنا
ادهم: وين طيب؟
حسن : في روسيا
ادهم بي خلعه: روسيا عديل كده يا ابوي
حسن: اي روسيا مالك
ادهم: بس ما اسي يا ابوي اديني فرصه اسبوعين كده و بسافر ليك
حسن: لا ماف زمن الاوراق دي مهمه والقروش كمان لازم ارسل زول انا واثق فيو وانت ولدي ما بثق في زول غيرك اسبوع ولحد بس تجهز نفسك فيو
ادهم: لكن يا ابوي .....
حسن: خلاص ما تكتر كلامك قلنا اسبوع بس
ادهم قام من جمبهم وهو زهجان وقرفان ودخل غرفتو
...........
عدا يومين وسيرين طلعت من المستشفي ومشت البيت وابوها جاء قعد جمبها
عاصم: سيرين يا بتي بقيتي كيف
سيرين: .........
عاصم: اتكلمي يا بتي انا اشتقت اسمع صوتك وانتي بتقولي لي بابا
سيرين: ........
عاصم: طيب اتكلمي واطلبي مني اي حاجه وانا بعمله ليك بس انطقي و اتكلمي يا بتي ما ممكن قريب شهر ساكته كده
سماهر: خليها ترتاح يا عاصم
البت تعبانه
عاصم: انا مشتاق ليها يا سماهر دي بتي الوحيده
سماهر: ربنا يخليك ليها يا رب
عاصم: اميين يا رب تعالي يا سماهر اقعدي جمبي هنا عايز احكي ليكم حاجه
سماهر جات قعدت جمبو: خير ان شاء الله يا عاصم
عاصم: شفتي اول يوم لمن سيرين تعبت ورقدت المستشفي وقالو انها فقدت النطق
سماهر: اها
عاصم: انا كنت متضايق شديد و حاسي انا السبب في الحاصل ليها ده مشيت المسجد وبقيت اصلي وادعي كتيييير ومسكت سبحتي وقعدته علي جنبه كده
ويتبع.......
ويتبع
