ادهم: بي غض النظر عن السهر الكلام القلتيو امس ما عايز اسمعو تاني
سيرين: أدهم خلينا نفكر بي عقل شويه
ادهم: سيرين انا قلت ليك ما تتكلمي في الموضوع ده انتي لي انا وبس
نخلي ادهم سيرين في نقاشم ونشوف خالتو لبني مع بناته ريتال و ريفال.....
قاعدين في الصاله تحت وبتناقشو
ريفال: يا ماما لكن انتي كده بتجنو عليو عليك الله يا ماما خلي ادهم و سيرين يتزوجو وان شاء الله يا رب يعيشو بعيد عننا المهم يتزوجو
لبني: يا بت انتي مجنونه انتي ناسيه عاصم عمل شنو في ابوك وقف في المحاكم و فضحنا فضيحه و بعد ده عايزه ولدنا يعرس بتهم لا اكيد بتهظري انتي
ريتال بي تسائب كده: ايكزاتلي يا ماما انا بتفق معاك
ريفال: يا ماما انتي مش بتهمك سعادتو يبقي خلي يتزوج البت البحبها مهما كان
لبني: عليك الله ما تتحشري في امور الكبار ونقطينا بي سكاتك
ريتال: اي احسن تهتمي بدراستك وبطلي تتحشري
ريفال بي تأفف: افففف
وقامت طلعت فوق
ادهم و سيرين اخدو قعدتم وطلعو وفي العربيه
ادهم: سوسو عايني لي هنا و اسمعيني كويس
سيرين: سامعاك
ادهم: خليك واثقه فيني وما تخافي من حاجه و ان شاء الله الامور كلها حتتحل بس انتي بطلي قلق و ما تفكري كتير
سيرين: حاضر
ادهم: يسلم لي الحاضر يوم اشوفو حاضر
ادهم وصل سيرين قريب لي بيتم بس قبل ما تنزل لمحه خالد ولد عماد عمها شافه وهي نازله من عربية أدهم
سيرين ما شافتو بس لمن جات قريب للبيت لمحت خالد و هو بعاين ليها ارتبكت كده وبي خطي سريعه دخلت البيت
خالد كان جاي يزورم بس اتفاجأ لمن شاف سيرين نازله من عربية ادهم و ادهم زاتو شافو وبقو بعاينو لي بعض خالد جاء لي ادهم
خالد: السلام عليكم
ادهم: هلا بي ود عمي كيفك
خالد: الحمدلله بخير انت كيف
ادهم في نعمه والحمدلله
خالد: ادهم انت ما شايف انت البتعمل فيو ده غلط كان انت ولا سيرين
ادهم: الغلط انو نحب بعض وما نكمل مع بعض
خالد: بس انا و انت عارفين كويس انو الزواج ده حايعمل مشاكل كبيرا و ما ليها حصر
ادهم: وليي ما تقول انو ممكن يصلح الامور ويصفي النفوس ليي نحن دايما بنخت الحاجه الكعبه
خالد: انت بتغش فيني و لا في روحك انت ناسي ابوك اكل حق ابوي و اعمامي وشردم السنين الفاتت ديك كلها و انت بكل بساطه عايز تتزوج سيرين تفتكر انو عاصم عمي حايوافق
أدهم: خااالد امور الكبار ما تدخل فيها نحن ما لينا زنب في الحصل زمان ولو بي يدي اكيد ما كنت عايزو يحصل
خالد: طيب ابقي راجل و رجع لينا حقوقنا و قسما بالله انا اجيب ليك سيرين دي من يدها واديك ليها
ادهم: اولا انت ما عندك سلطه علي سيرين زيك زيي ود عمها وبس لو انت عندك القدره في اتخاذ قرار زي ده كنت اتخذتو انا قبلك
خالد في غضب : يا ادهم نحن ما عايزين مشاكل لو سمحت وتاني سيرين ما تلاقيها ولا عندك شغله فيها ولا انا حابلغ عمي بالشفتو اسي ده
ادهم وهو بركب عربيتو: أعلي مافي خيلك اركبو
ادهم ساق عربيتو ومشي وخالد كان زعلان من النقاش الدار بيناتم وطوالي مشي بي غضب لزا الباب لقي سماهر في وشو واتخلعت من صوت الباب
سماهر: بسم الله مالك
خالد: سيرين وين يا خالتي سماهر
سماهر: سيرين جوه مالك انت فاير كده
خالد بقي ينادي فيها سيرين جاتو طالعه
خالد: اسمعي هنا الزفت الاسمو ادهم ده تاني ما اشوفك معاو سامعه ولا لأ
سيرين: هوي هوي تعال هنا انت منو زاتك وبي اي حق تديني امر زي ده
سماهر بي نهره: اسكتي يا حيوانه انتي تناي مشيتي لاقيتيو والله يا سيرين تاني تلاقيو الا اكلم ابوك
خالد هدأ شويه كده قال: استغغغفر الله العظيم يا سيرين اسمعيني وخليك واعيه شويه تعالي اقعدي هنا
سيرين بي غضب و زعل و هي بتكورك بي هستريا: زحو مني كلكم ماف واحد يتكلم معاي انتو ما حاسين بي كل واحد.شايف مصلحتو وكل واحد عايز يفشي خلقو فيني حرام عليكم حرام عليكم حسو بي شويه انتو ما عنكم احساس
اللحظه دي خالد طااااخ ضربه كف لمن صوابعو علمت في وشها
...... ويتبع
