لهفة قلب عاشق

عائله سعيدة ولكن

الفصل الأول « لهفة عشق وعاشقين»
لهفة قلب عاشق 2
بقلم سعاد علاء عباده

بعد مرور 3 سنوات
- مامى....مامى....مامى فتحى عيونك بقا
لتفتح الأم عينيها بصعوبه وظهرت زرقة عينيها الساحرة والمتغيرة بعدت شعرها البنى المنتشر حوليها وبصت لبنتها بحنان وابتسامه جميله برغم تعبها واحساسها إنها محتاجه تنام خصوصا إنها نامت من كام ساعه بس بسبب خناقتها مع آدم إللي مانعها إنها تخرج وتقابل صحابها ولما عاندت حلف عليها مش هتروح الجامعه الأسبوع ده ولما زعلت وقعدت على حرف السرير وقفلت بقها بتبرم لطيف وحزن برئ وحطت ايدها تحت خدها من غير ما تلومه ولا تعاتبه رق ليها وقرب منها وابتسم بحنو واعتذرلها ودابو في بعض لحد ساعات طويله هي نفسها ماتعرفش عددها ولما انتهوا قالها: اعملي حسابك أنا إللي هشرحلك المحاضرات إللي هتفوتك الأسبوع ده
آريام ببراءة: هو مش أنت ...
آدم بجديه:صالحتك..بس ده مش معناه إنى ارجع في كلامى أنا حلفت وده نهائي مافيش جامعه الأسبوع ده ربي عيالك يا حاجه
آريام بغيظ وهي بتضربه بالمخده: يا بااااارد ماااشي يا آدم ماشي.
فاقت من سرحانها علي صوت بنتها« بيسان» : مامي
آريام وهي تشد الغطا عليها وتسحب روب تلبسه : أيه في أيه ؟ مالك يا بوسي! جرالك حاجه اخوكى جراله حاجه يا بت ماتتكلمى ساكته ليه
كانت بيسان باصه لمامتها ببراءة وببلاهه وبعدين اتكلمت: مامي انتى تتلمى بسلعه مث فاهمه حاده« مامى أنتى بتتكلمى بسرعه أنا مش فاهمه حاجه»
آريام بغيظ: عايزة أيه أنتى؟
بوسي: آيزاكى في حاده دروريه أوى
آريام وهي ترجع النوم تانى: خلاص يا بيسو خلاص يا حبيبتى شطبت وأنتى اتفطمتى روحي لبابا
بوسي: أتف اتف ات أيه يا مامى أنتى بتقولي أيه ؟
وبعدين أيه بوثي دى اثمى بيسان أوك ماحدث يقولي بوثي
آريام بابتسامه وهي تحضنها: حبيبتى أنتى كل بنوته أهلها بيحبوها بيحبو يدلعوها وأنا مش بس بحبك أنتى كل حياتى أنتى واخوكى فيها أيه بقا لما ادلعك هاه؟
بيسان بضيق:المثكله أنكم بقيتو تقولو بوثي بوثي بوثي لدردة«لدرجة ف» أنى نثيت«نسيت» إن اثمي بيثان«بيسان»
آريام اتنهدت وقامت قعدت علي السرير وشدتها قعدتها علي رجلها في حضنها: خلاص يا ست ماتضايقيش كده ده عشان بحبك بس وبعدين مش بوسي أحسن من بيسو إللي آسر بيناديلك بيها عشان يغيظك وأنتى بتتغاظى بسهوله
بوسي بتبرم: أوف ماتفترنيش« ماتفكرينيش»ببقي عايسه«عايزة» اتخانق معاه بث بمست لثانى«لسانى»
وبعدين جدو مابيحبث حد يدلع ثيف«سيف توأم بيسان» وبصوت عالي أضافت؛ ليه بقا بتدلعونى أنا
آريام خبظتها علي راسها بخفه وبتنام وتاخدها في حضنها وتربت علي ضهرها بحنو: عبيطه زى أمك وبعدين يا غبيه حد يلاقي الدلع ومايدلعش وجدو مابيحبش حد يدلع سيف عشان يبقي راجل بمعنى الكلمة لكن أنتى بنوته رقيقه واغلي واحده عند جدو ده كفايه إن البيت كله بيعشقك ومايقدرش حد يزعلك هاه لسه عندك اعتراض على دلعك يا ست بوسي
بيسان:.........
آريام بتقضيبة حاجبيها الرائعه بصتلها لقيتها نامت ابتسمتلها وحضنتها غطتها كويس وقامت دخلت الحمام أخدت شاور وغيرت هدومها لفستان صيفي موف رائع وسيبت شعرها وكان منظرها رائع بصت لنفسها في المرايه لجسمها وشافت إنها ما تأثرتش بالحمل والإنجاب بالعكس جسمها زاد أنوثه علي انوثته وبقت صورة في غاية الجمال والروعه ابتسمت برقه لما افتكرت ولادها وبصت لبنتها إللي هى في المستقبل جمالها هيتخطى الحدود أكتر من مامتها بكتبييير قربت عليها وباستها بحنان شديد وخرجت من جناحهم لاوضة ولادها عشان تشوف سيف بس قطبت حاجبيها باستغراب لما مالقيتهوش كانت الأوضه فاضيه نزلت وهي بتكلم نفسها علي السلم ماكانتش شايفه قدامها وهي بتتمتم بكلام مش مفهوم وفجأة خبطت في حيطه
آريام غمضت عيونها وهي بتحك جبهتها بخفه: يااااادى الحيطه إللي مكتوبلي اخبط فيها دى مافيش غيرى في القصر ده ياربي
لتفتح عيونها ببطئ لما لاحظت أيد بتشتد حولين وسطها لتبتسم ببلاهه وتقول بغباء لايق بيها جدا: أيه ده آدم أنت الحيطه
ليرفع أحد حاجبيه بخطر : حيطه
آريام ببراءة مصطنعه: شوف يا خى سبحان الله بقالي كاااام سنه أعرفك لدرجة أنى حافظاك صم وبالرغم من كده كل ما اخبط فيك أحس إنى بخبط في حيطه
آدم بسخريه: ده عشان أنتى بس ناقصك إحساس يا قلبي
آريام برفعة حاجب وهي بتشاور على نفسها بسبابتها: أنا ماعنديش إحساس اصمالله
آدم بنفس رفعة الحاجب: وكمان بيئه وايوة يا آريام أنتى مابتحسيش
آريام بعصبية: لا يا حبيبي ده أنتو إللي جبلات
آدم وهو يمسك شعرها بخفه: مين ده إللي جبله يا مصيبتى السوده
آريام ببراءة: كلهم جبلات يا حبيبي معادا أنت طبعا أنت حاجه كده زى البلسم استغفر الله العظيم يارب ربنا هيسامحنى إن شاء الله اااه شعرى بقا سيبه
آدم بصرامه مصطنعه: أحنا جبلات يا خيبة عمرى اللهم طولك يا روح مش عارف أعمل فيكى أيه نفسي اقصلك لسانك ده إللي من كتر طوله هيلف حوليكى
آريام وهي تبعد أيده وتتجاهل كلامه: اوعي كده وحياة أبوك خلينى أشوف ابنى
آدم باستغراب: تشوفي ابنك!!! ليه هو سيف تايه ولا أيه ؟
آريام وهي تطبق يدها على صدرها: طبعا وحضرتك حاسس بحاجه الواد مختفي من الصبح وأنت ولا هنا
آدم وهو يرفع حاجبيه بدهشه: صبح أيه يا خيبة عمرى الساعه 7 يا حبيبتى أنتى من أمتى بتصحي بدرى كده
آريام ببراءة: بنتك الله يسامحها ولا اقولك الله مايسامحها ظابطه منبهها عليا
آدم وهو يجذبها من أعلي ملابسها: بتدعي علي بنتك ياااارب أيه الأم دى
آريام بحده مصطنعه: أنت إللي مش حاسس بقلب الأم
آدم وهو بيتركها ويطلع السلم بلامبالاه: طب بس يا روحي ماتسخنيش أوى كده
آريام وهي تلاحظ ارتدائه لتيشرت قطنى أسود وبنطلون منزلي نفس اللون وتبصله بحب وعشق وبعدين ردت عليه بعدما فاقت: بحبك يا بارد
لتكمل طريقها لتحت بس وقفت لما سمعته بيقول: وأنا كمان بعشقك يا كارثه يا أم الكوارث
لتبتسم بحب وتنزل لتحت
🔙🔙🔙🔙🔙🔙🔙🔙🔙