فصلية لظالم وحش

42

#فصلية_لظالم_وحش
بارت٤٢
ﺍﻟﺴﻼﻡ ﻋﻠﻴﻜﻢ
ﻓﺼﻠﻴﻪ ﻟﻈﺎﻟﻢ ‏( ﻭﺣﺶ ‏)
ﺑﻘﻠﻤﻲ ﺳﻘﻴﻦ ﺍﻟﺸﻤﺮﻱ
ﻻ ﻳﺴﻤﺢ ﺍﻭ ﻳﺤﻠﻞ ﻧﺸﺮ ﺍﻟﻘﺼﻪ ﺑﺪﻭﻥ ﺫﻛﺮ ﺍﺳﻤﻲ
&
...............
ﺿﻠﻴﺖ ﻛﺎﻋﺪﻩ ﺑﻤﻜﺎﻧﻲ ﻭﺍﺑﺠﻲ ﺻﺎﺭ ﺍﻟﻌﺼﺮ ﻛﻌﺪ ﻳﻮﺳﻒ ﺑﺪﻝ ﻭﻃﻠﻊ ﻭﻣﺎ ﺣﺠﺔ ﻭﻳﺎﻱ
ﻳﺮﺑﻲ ﻭﺍﻟﻠﻪ ﺭﺍﺡ ﻳﺨﺒﻠﻨﻲ ﺷﺒﻲ ﺷﺠﺎﺭﻳﻠﻪ ﻫﺬﺍ ﻟﻴﺶ ﻫﻴﺞ ﺻﺎﻳﺮ ﻭﻳﺎﻱ ﺟﺎﻥ ﻳﺘﺨﺒﻞ ﻋﻠﻴﻪ ﻫﺴﻪ ﺻﺎﻳﺮ ﻳﺘﻌﺎﺭﻙ ﻭﻳﺎﻱ
ﺻﺎﺭ ﺍﻟﻤﻐﺮﺏ ﻭﻫﻮ ﻣﺎﻛﻮ ﻭﺻﺎﺭ ﺍﻟﻠﻴﻞ ﻭﻫﻮ ﻣﺎﻛﻮ ﻭﺑﻘﻴﺖ ﺑﺪﻭﻥ ﻋﺸﻪ ﺳﻮﻳﺘﻪ ﻭﺣﻀﺮﺗﻪ ﻋﺎﻟﻤﻴﺰ ﻭﻫﻮ ﻣﺎﻛﻮ
ﺻﺎﺭﺕ ﺑﺎﻝ١١ ﻭﻫﻮ ﻣﺎﻛﻮ ﺧﺎﺑﺮﺗﻪ ﻣﺠﺎﻭﺏ ﺿﻠﻴﺖ ﺍﻟﺢ ﺟﺎﻭﺑﻨﻲ ﻭﻛﺎﻝ ﺧﻴﺮ ﻛﺘﻠﺔ ﺧﻴﺮ ﺍﻟﻲ ﻳﺼﻴﺒﻚ
ﻣﻮ ﺍﺩﻙ ﻋﻠﻴﻚ ﻟﻴﺶ ﻣﺠﺎﻭﺏ ﻛﺎﻝ ﻃﺎﻟﻊ ﺷﺘﺮﻳﺪﻳﻦ ﻛﺘﻠﺔ ﻟﻴﺶ ﻣﺘﻜﻮﻝ ﻋﻨﺪﻱ ﻣﺮﺓ ﺑﺎﻟﺒﻴﺖ ﻭﺍﻟﻌﺸﺔ ﻣﺤﻀﺮﺗﻪ ﻭﺍﻧﺘﻀﺮﻙ
ﺷﻮﻛﺖ ﺗﺮﺟﻊ ﻛﺎﻝ ﺗﻌﺸﻲ ﻭﻧﺎﻣﻲ ﺍﻧﻲ ﺃﺗﺄﺧﺮ ﻛﺘﻠﺔ ﻭﻳﻦ ﺍﻧﺘﻪ ﻛﺎﻝ ﻣﻮ ﻛﺘﻠﺞ ﻃﺎﻟﻊ ﺳﻤﻌﺖ ﺻﻮﺕ ﻧﺒﺄ
ﻛﺘﻠﺔ ﻳﻮﺳﻒ ﻭﻳﻦ ﺍﻧﺘﻪ ﻛﺎﻝ ﺍﻭ ﺷﻜﺪ ﺗﻠﺤﻴﻦ ﻛﺘﻠﺔ ﺍﻗﺴﻢ ﺑﺎﻟﻠﻪ ﺍﺫﺍ ﻣﺤﺠﻴﺖ ﻭﻛﻠﺖ ﻭﻳﻦ ﺍﻧﺘﻪ
ﻫﺴﻪ ﺍﻋﻮﻑ ﺍﻟﺒﻴﺖ ﻭﺍﻃﻠﻊ ﻛﺎﻝ ﻛﺘﻠﺞ ﻃﺎﻟﻊ ﻭﻳﻢ ﺍﻫﻠﻲ ﺷﺘﺮﻳﺪﻳﻦ ﻣﺘﻜﻮﻟﻴﻠﻲ ﻛﺘﻠﺔ ﻭﻫﺎﻱ ﺍﻟﺤﻴﺰﺑﻮﻥ ﺻﻮﺗﻬﺎ ﻣﻮ ﻳﻤﻚ
ﺷﻌﺪﻫﺎ ﻛﺎﻝ ﺟﺎﻳﻪ ﻟﺒﻴﺖ ﺍﻫﻠﻲ ﻫﻴﻪ ﻭﺍﻫﻠﻬﺎ ﺍﻃﺮﺩﻫﺎ ﻭﺷﻌﻠﻴﺞ ﺑﻴﻬﺎ ﺷﻨﻮ ﺗﻐﺎﺭﻳﻦ ﻣﻨﻬﺎ ﺍﻧﺘﻲ
ﻛﺘﻠﺔ ﺷﺒﻴﻚ ﺷﻨﻮ ﺃﻏﺎﺭ ﺷﻮ ﻛﻤﺖ ﻣﺘﻌﺮﻑ ﺷﺘﺤﺠﻲ ﻛﺎﻝ ﻫﺴﻪ ﺍﻧﻲ ﻣﺎ ﻓﺎﺭﻍ ﺍﺣﺠﻲ ﺷﺘﺮﺩﻳﻦ
ﻛﺘﻠﻪ ﻳﺼﻴﺮ ﺧﻴﺮ ﻳﻮﺳﻒ ﺍﺭﺟﻊ ﻭﺍﻧﻲ ﺍﻟﻚ ﻭﺳﺪﻳﺖ ﺍﻟﺘﻠﻔﻮﻥ ﺑﻮﺟﻬﺎ ﻛﻤﺖ ﺍﻓﻮﺭ ﻫﺬﺍ ﺷﺒﻲ ﻟﻴﺶ ﻫﻴﺞ ﺩﻳﺴﻮﻱ
ﻣﻮ ﻛﻠﺖ ﻫﺬﺍ ﺍﻟﺸﺨﺺ ﺍﻟﻲ ﻳﺴﺘﺎﻫﻞ ﺍﺣﺒﻪ ﻭﺍﻧﻄﻲ ﻛﻠﺒﻲ ﻟﻴﺶ ﺗﻐﻴﺮ ﻋﻠﻴﻪ ﻫﻴﺞ ﻛﺪ ﻣﺎ ﺷﻄﺖ
ﺻﺎﺭﺕ ﻋﻨﺪﻱ ﺗﻘﻠﺼﺎﺕ ﻛﻤﺖ ﺷﺮﺑﺖ ﺍﻟﺪﻭﺓ ﻭﺭﺣﺖ ﻟﻠﻐﺮﻓﻪ ﻣﺪﺩﺕ ﺧﺎﺑﺮﺕ ﻣﺎﻣﺎ ﻭﺣﺠﻴﺖ ﻭﻳﺎﻫﺎ ﻭﺳﺪﻳﺘﻪ
ﻧﻤﺖ ﻭﺑﻘﻴﺖ ﺑﺪﻭﻥ ﻋﺸﻪ ﺣﺴﻴﺖ ﻋﻠﻰ ﻳﻮﺳﻒ ﻣﻦ ﺍﺟﻰ ﻃﺐ ﺳﺒﺢ ﻭﺃﺟﺎ ﻧﺎﻡ ﻭﺣﻀﻨﻲ ﻭﺧﻠﻪ ﺍﻳﺪﻩ ﻋﻠﻰ ﺑﻄﻨﻲ ﺳﻮﻳﺖ ﺭﻭﺣﻲ ﻧﺎﻳﻤﺔ
ﻻﻥ ﺑﺲ ﺍﻛﻌﺪ ﻭﺍﺣﺠﻲ ﻭَﻳَﺎ ﺍﺗﻌﺎﺭﻙ ﻭﺗﺼﻴﺮ ﻟﻴﻠﻪ ﻛﺸﺮﻩ ﻗﺮﺭﺕ ﺍﻓﺎﺗﺤﺔ ﻣﻦ ﻳﻬﺪﺍ ﻭﺍﺷﻮﻓﻪ ﻟﻴﺶ ﻫﻴﺞ ﺩﻳﺴﻮﻱ
ﺿﻠﻴﺖ ﻛﺎﻋﺪﻩ ﻟﺤﺪ ﻣﺎ ﺣﺴﻴﺖ ﺍﻧﺘﻀﻢ ﻧﻔﺴﻪ ﻭﻋﺮﻓﺘﻪ ﻧﺎﻡ ﺿﻠﻴﺖ ﺍﻓﻜﺮ ﻭﺭﺟﻌﺖ ﻧﻤﺖ
ﻛﻌﺪﺕ ﺛﺎﻧﻲ ﻳﻮﻡ ﺳﻤﻌﺘﻪ ﻳﺒﺪﻝ ﻋﺎﻧﺪﺕ ﻭﻣﺎ ﻛﻤﺖ ﺳﻮﻳﺘﻠﻪ ﺭﻳﻮﻙ ﻭﻏﻄﻴﺖ ﺭﺍﺳﻲ ﻛﻤﺖ ﻳﻮﻣﻴﺔ ﺍﻛﻌﺪ ﺍﺳﻮﻳﻠﻪ
ﺑﺲ ﻣﺎ ﺍﺭﻳﺪ ﺍﺗﻼﻛﻰ ﺍﻧﻲ ﻭَﻳَﺎ ﻭﺍﻧﻲ ﻣﻌﺼﺒﻪ ﻻﻥ ﺍﺩﺭﻱ ﻧﺘﻌﺎﺭﻙ ﻃﺐ ﻟﻠﺤﻤﺎﻡ ﻳﻔﺮﺝ ﺳﻨﻮﻧﺔ ﻭﻃﻠﻌﺖ ﺭﺍﺳﻲ
ﻣﺎ ﺍﻛﺪﺭ ﺍﻃﻮﻝ ﺟﻮﺓ ﺍﻟﻠﺤﺎﻑ ﺍﺧﺘﻨﻚ ﻻﻥ ﻋﻨﺪﻱ ﺭﺑﻮ ﺑﺲ ﺿﻠﻴﺖ ﻣﻐﻤﻀﺔ ﻃﻠﻊ ﻫﻮ ﺍﺟﻰ ﻋﻠﻴﻪ
ﺑﺎﺳﻨﻲ ﻣﻦ ﺭﺍﺳﻲ ﻭﺭﺍﺡ ﻳﻮﻣﻴﺔ ﻫﻴﺠﻲ ﺣﺘﻰ ﺍﺫﺍ ﻛﺎﻋﺪﻩ ﺑﺲ ﺷﻨﻮ ﺍﻟﻔﺎﻳﺪﻩ ﻭﻣﺎ ﺍﻋﺮﻑ ﺷﺒﻲ ﺑﺲ ﻳﺘﻌﺎﺭﻙ
بيج قصص عراقيه حقيقيه من واقعنا.روعه الطائي
ﻛﻤﺖ ﻟﻤﻴﺖ ﺍﻟﻤﻴﺰ ﻻﻥ ﻋﻔﺘﻪ ﺑﻠﻴﻞ ﻭﻧﻀﻔﺖ ﺍﻟﺒﻴﺖ ﻭﻛﻌﺪﺕ ﺧﺎﺑﺮﺗﻨﻲ ﺻﺪﻳﻘﺘﻲ ﺗﺴﺎﻝ ﻋﻠﻴﻪ ﻭﺣﺠﺖ ﻭﻳﺎﻱ
ﻭﺟﺎﻥ ﺍﻟﻜﻠﻴﺔ ﺑﻌﺪﻟﻬﺎ ﺷﻬﺮ ﺍﻗﻞ ﻭﺗﺒﺪﻱ ﻛﻤﻠﻨﻪ ﺳﻮﺍﻟﻒ ﻭﺳﺪﻳﺘﻪ ﻣﻨﻬﺎ ﺭﻭﺣﻲ ﻣﻘﺒﻮﺿﺔ ﻭﺻﺎﺭ ﻛﻮﻣﺔ ﻣﺮﺍﻳﺤﺔ ﻟﻤﺎﻣﺎ ﻫﻮ ﺍﺳﺒﻮﻉ ﺑﺲ ﺍﻧﻲ ﻭﺑﻨﻔﺲ ﺍﻟﻤﻨﻄﻘﺔ ﺍﻋﺘﺒﺮﻫﺎ ﻛﻮﻣﺔ
ﻛﻠﺖ ﻣﻦ ﻳﺠﻲ ﺍﻛﻮﻟﺔ ﻭﺍﺷﻮﻑ ﺻﺎﺭ ﺍﻧﻮﺍﺏ ﻳﺮﻭﺡ ﻳﺒﺎﺕ ﻣﻴﻜﺪﺭ ﻳﺮﺟﻊ ﺧﻔﺎﺭﻩ ﻭﻟﻮ ﺍﺭﻭﺡ ﺍﺑﺎﺕ ﻳﻢ ﻣﺎﻣﺎ ﻟﻮ ﺗﺠﻲ ﻣﺮﻭﺓ ﻭﻣﺮﺗﻀﻰ ﻳﺒﺎﺗﻮﻥ ﻳﻤﻲ ﻭﻣﺮﺓ ﺑﺘﺖ ﻳﻢ ﻋﻴﺎﻟﻲ ﻻﻥ ﻣﺮﻭﺓ ﺣﻠﻔﺘﻨﻲ ﺍﺑﺎﺕ ﻳﻤﻬﺎ
ﺿﻠﻴﺖ ﻛﺎﻋﺪﻩ ﻭﺣﺠﻴﺖ ﻭﻳﺔ ﺻﺒﺎ ﻣﻠﻞ ﻣﺎﻛﻮ ﺷﻲ ﺍﺳﻮﻱ ﺑﻮﻛﺘﻬﺎ ﺩﺧﻠﺖ ﻟﻠﻔﻴﺲ ﻭﻟﻜﻴﺖ ﻗﺼﺔ ﻧﺎﺷﺮﻳﻬﺎ
ﺑﻮﻛﺘﻬﺎ ﺍﻭﻝ ﻣﺮﺓ ﺍﻗﺮﻩ ﻗﺼﺔ ﺗﺼﺪﻛﻮﻥ ﻣﺎ ﺟﻨﺖ ﺍﻋﺮﻑ ﺍﻧﻮ ﺍﻛﻮ ﻫﻴﺞ ﺷﻲ ﻭﺭﻏﻢ ﺍﻧﻲ ﺯﻳﻨﻪ ﺑﻤﻮﺍﻗﻊ ﺍﻟﺘﻮﺍﺻﻞ ﻭﺍﻟﺒﺮﺍﻣﺞ
ﻟﺤﺪ ﺍﻻﻥ ﺍﺫﻛﺮ ﺍﺳﻤﻬﺎ ﻟﻠﻘﺼﺔ ﺑﻮﻛﺘﻬﺎ ﺟﺎﻥ ﻣﻠﻞ ﻓﻀﻴﻊ ﻓﻘﺮﻳﺘﻬﺎ ﺟﺎﻧﺖ ﺣﻠﻮﺓ ﻗﺮﻳﺘﻬﺎ ﻭﻛﻤﻠﺘﻬﺎ
ﺟﺎﻧﺖ ﻣﻮ ﻃﻮﻳﻠﻪ ﻛﻠﺶ ﺧﻠﺼﺘﻬﺎ ﻭﻛﻤﺖ ﺳﻮﻳﺖ ﻏﺪﺓ ﺻﺮﺕ ﺍﻋﺮﻑ ﺍﻃﺒﺦ ﺻﺢ ﻣﻮ ﻛﻞ ﺍﻷﻛﻼﺕ
ﺑﺲ ﺍﻟﻮﺟﺒﺎﺕ ﺍﻟﺮﺋﻴﺴﻴﻪ ﻭﻫﻮﺍﻱ ﺗﻌﻠﻤﺖ ﻃﺒﺨﺎﺕ ﻛﻤﻠﺖ ﻭﺻﺎﺭ ﺍﻟﻀﻬﺮ ﻭﻣﺎ ﺍﺟﻰ ﻳﻮﺳﻒ
ﻭﻣﺎ ﺍﺗﺼﻠﺖ ﻋﻠﻴﻪ ﻭﻻ ﺍﺭﻳﺪ ﺍﺗﺼﻞ ﺭﺩﺕ ﺧﺎﺑﺮﺗﻨﻲ ﺻﺒﺎ ﻛﺎﻟﺖ ﺍﻛﻠﺞ ﺯﻭﺯﺓ ﻫﺎﻱ ﺻﺪﻳﻘﺘﻲ
ﺗﺮﻳﺪ ﺗﺰﻭﺝ ﻭﻋﺮﺳﻬﺎ ﺑﻌﺪ ٣ ﺍﺷﻬﺮ ﻭﺗﻜﻌﺪ ﻭﺣﺪﻫﺎ ﻣﻮ ﻭﻳﺔ ﻋﻴﺎﻟﻬﺎ ﻭﻣﺸﺘﺮﻳﻪ ﺷﻘﻪ ﻭﺗﻜﻮﻝ ﺍﺭﻳﺪ ﺩﻳﻜﻮﺭﺍﺕ ﻭﺃﺻﺒﺎﻍ
ﻭﺍﺣﺪ ﻳﺼﻤﻢ ﺍﻟﻬﺎ ﻳﻌﻨﻲ ﻭﺍﻧﺘﻲ ﻫﺬﺍ ﺍﺧﺘﺼﺎﺻﺞ ﻛﺘﻠﻬﺎ ﺍَﻱ ﺍﺧﺘﺼﺎﺻﻲ ﻛﺎﻟﺖ ﻭﻫﻴﻪ ﺧﺎﺑﺮﺗﻨﻲ ﻻﻥ ﺗﺪﺭﻱ
ﻛﺎﻟﺖ ﺷﻮﻓﻴﻬﺎ ﺗﻜﺪﺭ ﺗﺴﻮﻳﻠﻴﺎﻩ ﻋﻠﻤﻮﺩ ﺍﻧﻄﻲ ﺧﺒﺮ ﻟﺨﻄﻴﺒﻲ ﻛﺘﻠﻬﺎ ﻭﺍﻟﻠﻪ ﺍﻧﻲ ﺍﻛﻴﻒ ﻭﺃﺣﺴﻦ ﻣﻦ ﻛﻌﺪﺗﻲ ﻭﻣﻠﻞ ﻓﻀﻴﻊ
ﺑﺲ ﻳﺮﺟﻊ ﻳﻮﺳﻒ ﻭﺍﻛﻮﻟﺔ ﺧﺎﻑ ﻣﻴﻘﺒﻞ ﻛﺎﻟﺖ ﺗﻤﺎﻡ ﺑﺲ ﺭﺟﻌﻴﻠﻲ ﺧﺒﺮ ﻣﻮ ﺗﻨﺴﻴﻦ ﻛﺘﻠﻬﺎ ﺍﻧﺸﺎﻟﻠﻪ
ﺻﺎﺭ ﺍﻟﻌﺼﺮ ﻭﻳﻮﺳﻒ ﻣﺎ ﺍﺟﻰ ﻟﻠﻤﻐﺮﺏ ﻳﻠﻪ ﻃﺐ ﻟﻠﺒﻴﺖ ﺳﻠﻢ ﺭﺩﻳﺖ ﺑﺜﻜﻞ ﻭﻃﺐ ﻳﺴﺒﺢ ﻫﺎﻱ ﻋﺎﺩﺗﻪ ﻣﻦ ﻳﺮﺟﻊ ﻣﻦ ﺍﻟﺪﻭﺍﻡ
ﻃﻠﻊ ﺍﺟﻰ ﻛﻌﺪ ﻳﻤﻲ ﺑﺎﻟﺼﺎﻟﻪ ﻭﻳﻜﻠﺐ ﺑﺘﻠﻔﻮﻧﻪ ﻣﺎ ﺣﺠﻴﺖ ﻭَﻳَﺎ ﺿﻠﻴﺖ ﺳﺎﻛﺘﻪ ﻛﺎﻝ ﺍﺭﻳﺪ ﻛﻼﺹ ﻣﻲ
ﻛﻤﺖ ﺟﺒﺘﻠﺔ ﺑﺪﻭﻥ ﻣﺎ ﺍﺣﺠﻲ ﻧﻄﻴﺘﻬﻴﺎ ﻛﺎﻝ ﻣﻮ ﻋﻮﺍﻳﺪﺝ ﻳﻮﻣﻴﺔ ﺗﺠﻴﺒﻠﻲ ﻣﻲ ﻣﻦ ﺍﺟﻲ ﻣﻮ ﺍﻟﺪﻭﺍﻡ ﻛﺘﻠﻪ ﺗﻌﺒﺎﻧﻪ
ﻛﺎﻝ ﻟﻴﺶ ﺧﻴﺮ ﺷﺒﻴﺞ ﻛﺘﻠﻪ ﻣﺎ ﺑﻴﻪ ﺑﺲ ﺗﻌﺒﺎﻧﻪ ﻛﻌﺪﻧﻲ ﻳﻤﺔ ﻛﺎﻝ ﺍَﻱ ﺷﺒﻴﺞ ﺷﻜﻮ ﻣﺎﻛﻮ
ﻛﺘﻠﻪ ﺳﻼﻣﺘﻚ ﻣﺎﻛﻮ ﻛﺎﻝ ﺍﻟﺒﺎﺭﺣﺔ ﺍﺟﻴﺖ ﻭﻟﻜﻴﺘﺞ ﻧﺎﻳﻤﺔ ﻛﺘﻠﺔ ﺍَﻱ ﻃﺒﻌﺎ ﺍﻧﺎﻡ ﺍﺫﺍ ﻣﺎﻛﻮ ﺍﺣﺪ ﻳﻤﻲ ﻭﻣﺎﻛﻮ ﺷﻲ ﺍﺳﻮﻱ
ﻭﻳﻦ ﺍﺭﻭﺡ ﻟﻌﺪ ﻛﺎﻝ ﻣﻤﻤﻤﻤﻢ ﺳﻜﺘﺖ ﻣﺤﺠﻴﺖ ﺷﻲ ﻛﺎﻝ ﻣﻮ ﻋﻠﻰ ﺑﻌﻀﺞ ﻛﺘﻠﺔ ﻣﻮ ﺍﺫﺍ ﺍﺣﺠﻲ ﻫﺴﻪ ﺗﻌﺼﺐ
ﻭﺗﻜﻮﻝ ﺗﻮﻧﻲ ﺭﺍﺟﻊ ﻣﻦ ﺍﻟﺪﻭﺍﻡ ﻭﺗﻠﻜﻴﺘﻴﻨﻲ ﻫﻴﺞ ﻛﺎﻝ ﻻ ﺍﺣﺠﻲ ﻛﻮﻟﻲ ﺷﺒﻴﺞ ﻛﺘﻠﺔ ﻣﻮ ﺍﻧﻲ ﺍﻟﻲ ﺷﺒﻴﻪ ﺍﻧﺘﻪ ﺍﻟﻲ ﺷﺒﻴﻚ
ﻛﺎﻝ ﻣﺒﻴﺔ ﺷﺒﻴﺔ ﺍﺳﺘﻐﻔﺮﺕ ﺭﺑﻲ ﺑﻜﻠﺒﻲ ﺍﻧﺘﻪ ﺷﺎﻳﻒ ﺭﻭﺣﻚ ﺷﺪﺗﺴﻮﻱ ﻭﺷﻠﻮﻥ ﺻﺎﻳﺮ ﻭﻳﺎﻱ
ﺷﺒﻴﻚ ﺷﻨﻮ ﺍﻟﻲ ﺟﺎﺭﻳﻠﻚ ﺻﺎﺭ ﻓﺘﺮﺓ ﻭﺍﻧﺘﻪ ﻋﻠﻰ ﻫﺬﺍ ﺍﻟﺤﺎﻝ ﻭﺍﻧﺘﻪ ﺗﺪﺭﻳﻨﻲ ﺍﻧﻲ ﻣﺎ ﺃﺗﺤﻤﻞ ﻫﻴﺞ ﺑﺸﺮ ﺣﺘﻰ ﻟﻮ ﺟﻨﺖ ﺭﺟﻠﻲ
بيج قصص عراقيه حقيقيه من واقعنا.روعه الطائي
ﻭﻣﺎ ﺩﺍﺣﺠﻲ ﻭﻳﺎﻙ ﺍﻟﺒﺎﺭﺣﺔ ﻟﻨﺺ ﺍﻟﻠﻴﻞ ﺍﻧﺘﻪ ﻣﺎﻛﻮ ﻃﺒﻴﺖ ﻣﺪﺭﻱ ﺷﻠﻮﻧﻚ ﺑﺲ ﺣﺠﻴﺖ ﻭﻳﺎﻙ ﻛﺒﻴﺖ ﺑﻮﺟﻬﻲ
ﻭﺍﻟﻌﺼﺮ ﻃﻠﻌﺖ ﻭﺧﻠﻴﺘﻨﻲ ﻭﺣﺪﻱ ﺻﺎﺭ ﺷﻜﺪ ﺍﻧﻲ ﻣﺎ ﻃﺎﻟﻌﻪ ﻣﻦ ﺍﻟﺒﻴﺖ ﺗﺪﺭﻱ ﻟﻮ ﻻ ﻭﻓﻮﻛﺎﻫﺎ ﺭﺍﻳﺢ ﻷﻫﻠﻚ ﻭﺣﺪﻙ
ﺗﺮﻭﺡ ﻋﻠﻰ ﻋﻴﻨﻲ ﻭﺭﺍﺳﻲ ﺃﺳﺎﻟﻚ ﻋﻠﻰ ﻧﺒﺎ ﺗﻜﻮﻟﻲ ﺃﻏﺎﺭ ﻣﻨﻬﺎ ﺷﺒﻴﻚ ﺷﻨﻮ ﺍﻟﻲ ﺟﺎﺭﻳﻠﻚ ﻳﻮﺳﻒ ﺗﻌﺒﺘﻨﻲ ﻭﻣﺎ ﺩﺍﻋﺮﻑ ﻋﻠﺘﻚ ﺷﻨﻮ
ﻳﻮﻣﻴﺔ ﺍﻛﻮﻝ ﻳﺤﺲ ﻋﻠﻰ ﺭﻭﺣﺔ ﻭﺍﻧﺘﻪ ﻣﺎﻛﻮ ﻭﻳﻨﺔ ﻳﻮﺳﻒ ﺍﻟﻘﺪﻳﻢ ﺍﻟﻲ ﺟﺎﻥ ﻳﺒﻮﺱ ﺍﻟﻜﺎﻉ ﺍﻟﻲ ﺍﻣﺸﻲ ﻋﻠﻴﻬﺎ
ﻭﻳﻨﺔ ﺣﺒﻚ ﺍﻟﻲ ﺟﺎﻥ ﻗﺒﻞ ﺷﻮ ﺗﻐﻴﺮﺕ ﻫﺴﻪ ﻭﻳﻨﺔ ﻳﻮﺳﻒ ﺍﻟﻘﺪﻳﻢ ﺍﺭﻳﺪﻩ ﻣﺎ ﺃﺭﻳﺪﻙ ﺍﻧﺘﻪ ﻛﻤﺖ ﺍﺑﺠﻲ
ﺣﻀﻨﻲ ﻛﺎﻝ ﺍﺳﻒ ﻳﺮﻭﺣﻲ ﻭﺍﻟﻠﻪ ﺍﺳﻒ ﺑﺲ ﺍﻧﻲ ﻫﻢ ﺩﺍﺗﻌﺐ ﻭﺻﺎﺭﻟﻲ ﻓﺘﺮﻩ ﻣﺎ ﺍﻋﺮﻑ ﺷﺒﻴﺔ ﺍﺣﺒﺞ ﻭﺃﻣﻮﺕ ﻋﻠﻴﺞ
ﺑﺲ ﻣﻦ ﺍﺷﻮﻓﺞ ﻛﺪﺍﻣﻲ ﺍﺗﺨﺒﻞ ﻭﺃﺭﻳﺪ ﺑﺲ ﺍﺗﻌﺎﺭﻙ ﻭﻣﻦ ﺃﻃﺐ ﻟﻠﺒﻴﺖ ﺍﺧﺘﻨﻚ ﻭﺃﺭﻳﺪ ﺑﺲ ﺍﻃﻠﻊ
ﻭﺍﻧﻮﺍﺏ ﺗﺠﻴﻨﻲ ﺍﺗﺨﺒﻞ ﺍﺭﻳﺪ ﺍﺧﻨﻚ ﻭﺍﺫﺑﺢ ﻛﻠﻤﻦ ﻳﺼﻴﺮ ﻛﺪﺍﻣﻲ ﺻﺎﻳﺮ ﺍﻛﺮﻩ ﻛﻠﺸﻲ ﺑﻬﺪﺍ ﺍﻟﺒﻴﺖ ﻭﻣﺎ ﺍﻋﺮﻑ ﻟﻴﺶ
ﻛﺘﻠﻪ ﺍَﻱ ﻭﺍﻟﺘﺎﻟﻲ ﺗﻀﻞ ﺗﺘﻌﺎﺭﻙ ﻟﻌﺪ ﻭﺍﻧﺘﻪ ﺗﺪﺭﻱ ﺣﺎﻣﻞ ﻭﻣﻮ ﺯﻳﻦ ﻋﻠﻴﻪ ﺍﻟﻘﻬﺮ ﻋﻮﻓﻚ ﻋﻦ ﺍﻟﺘﻨﻌﻮﺹ ﻭﺍﻟﺪﻟﻊ
ﺍﻧﻲ ﻣﺎ ﺍﺳﻮﻱ ﻫﻴﺞ ﺑﺲ ﺟﺪ ﻳﻮﺳﻒ ﺍﻧﻲ ﺣﺎﻣﻞ ﻭﻋﻨﺪﻱ ﺭﺑﻮ ﻭﻣﻦ ﺍَﻱ ﺷﻲ ﺍﺧﺘﻨﻚ ﻭﻫﺮﻣﻮﻧﺎﺕ ﺍﻟﺤﻤﻞ ﺧﻠﺘﻨﻲ ﺍﺫﺍ ﺍﻧﻘﻬﺮ ﺍﺧﺘﻨﻚ
ﻣﺘﺨﺎﻑ ﻋﻠﻴﻪ ﺍﺭﻭﺡ ﺍﺧﺘﻨﻚ ﻭﻳﺼﻌﺪ ﺍﻟﻄﻔﻞ ﻋﻠﻰ ﺍﻓﺎﺩﻱ ‏( ﺍﻟﺼﺪﺭ ﻳﻌﻨﻲ ‏)
ﻭﺍﺧﺘﻨﻚ ﻭﺃﻣﻮﺕ ﻣﻮ ﺗﻜﻮﻝ ﺍﺣﺒﺞ
ﺣﻀﻨﻲ ﻛﺎﻝ ﺍﺳﻢ ﺍﻟﻠﻪ ﻋﻠﻴﺞ ﺣﺒﻴﺒﻲ ﻳﻮﻣﻲ ﻗﺒﻞ ﻳﻮﻣﺞ ﺍﻧﺸﺎﻟﻠﻪ ﻛﺘﻠﺔ ﺍﺳﻢ ﺍﻟﻠﻪ ﻋﻠﻴﻚ ﺑﺲ ﺑﻄﻞ ﻫﺎﻱ ﺍﻟﺴﻮﺍﻟﻒ
ﺿَﻞ ﻳﺒﻮﺱ ﺑﻴﻪ ﻭﺣﺎﺿﻨﻲ ﻭﺃﺧﺬﻧﻲ ﻟﻠﻐﺮﻓﻪ ﻭﺑﺪﻩ ﻋﻤﻠﻴﺔ ﻫﺠﻮﻡ ﻛﻤﻞ ﻭﺿﻞ ﻧﺎﻳﻢ ﻛﺎﻝ ﺗﻌﺒﺎﻥ ﺯﻣﺮﺩ ﺍﺭﻳﺪ ﺍﺭﺗﺎﺡ ﻣﺎ ﺩﺍﺷﺒﻊ ﻧﻮﻡ
ﻛﺘﻠﺔ ﻧﺎﻡ ﻳﻠﻪ ﺷﻜﻮ ﻋﻨﺪﻙ ﻟﻌﺪ ﻛﻤﺖ ﺍﻓﺮﻛﻠﺔ ﺭﺟﻠﻴﻪ ﻣﻘﺒﻞ ﻛﺎﻝ ﺍﻟﻌﺒﻲ ﺑﺸﻌﺮﻱ ﻋﻠﻤﻮﺩ ﺍﻧﺎﻡ
ﺍﻧﻲ ﻫﻢ ﺻﺪﻙ ﺭﺣﺖ ﻳﻤﺔ ﻭﺧﻠﻴﺖ ﺭﺍﺳﻪ ﺑﺤﻀﻨﻲ ﻭﻛﻤﺖ ﺍﻟﻌﺐ ﺑﺸﻌﺮﻩ ﻭﺍﻓﺮﻙ ﺭﺍﺳﻪ ﻟﺤﺪ ﻣﺎ ﻏﻔﻪ
ﻛﻤﺖ ﺳﺒﺤﺖ ﻭﻃﻠﻌﺖ ﺳﻮﻳﺖ ﻋﺸﻪ ﻭﺏ١٠ ﻭﻧﺺ ﻛﻌﺪﺗﻪ ﻋﻠﻤﻮﺩ ﻧﺘﻌﺸﻰ ﻛﺎﻡ ﻭﻏﺴﻞ ﻭﺟﻬﺎ ﻭﺗﻌﺸﻴﻨﻪ ﺑﻌﺪﻫﺎ ﺻﺒﻴﺘﻠﻪ ﺟﺎﻱ ﻭﻓﺎﺗﺤﺘﻪ ﺑﻤﻮﺿﻮﻉ ﺻﺪﻳﻘﻪ ﺻﺒﺎ
ﻣﻘﺒﻞ ﻛﺎﻝ ﻟﻴﺶ ﺍﻧﻲ ﻣﻘﺼﺮ ﻋﻠﻴﺞ ﺑﺸﻲ ﻭﺗﺮﻳﺪﻳﻦ ﺗﺸﺘﻐﻠﻴﻦ ﻛﺘﻠﺔ ﻻ ﻭﺍﻟﻠﻪ ﺣﺸﺎﻙ ﻣﻦ ﺍﻟﻘﺼﻮﺭ ﺑﺲ ﻫﻢ ﺍﺿﻮﺝ ﻭﺣﺪﻱ
ﻭﺃﺣﺴﻦ ﻣﺎ ﻛﺎﻋﺪﻩ ﻭﻣﺎ ﻋﻨﺪﻱ ﺷﻲ ﻭﻳﻌﻨﻲ ﺍﻧﻲ ﺍﻭﻝ ﻭﺗﺎﻟﻲ ﺃﻛﻮﻡ ﺍﺷﺘﻐﻞ ﻳﻌﻨﻲ ﺍﺫﺍ ﻛﻤﻠﺖ ﻛﻠﻴﻪ ﺷﺴﻮﻱ ﻟﻌﺪ ﻣﻮ ﺍﺭﻭﺡ ﺍﺷﺘﻐﻞ
ﻛﺎﻝ ﻣﻴﺨﺎﻟﻒ ﺑﺲ ﻣﻮ ﻫﺴﻪ ﺍﺧﺎﻑ ﻋﻠﻴﺞ ﻭﻋﺎﻟﻨﻮﻧﻮ ﻛﺘﻠﺔ ﻓﺪﻭﺓ ﺣﺒﻴﺒﻲ ﻭﺍﻟﻠﻪ ﺿﺎﻳﺠﺔ ﻭﺍﻓﻖ ﺑﺪﺍﻋﺘﻲ
ﻗﺒﻞ ﺑﺲ ﻛﺎﻝ ﺍَﻱ ﺷﻲ ﻳﺼﻴﺮ ﺗﺮﺓ ﺣﺴﺎﺑﺞ ﻋﺴﻴﺮ ﻭﺩﻳﺮﻳﻦ ﺑﺎﻟﺞ ﻋﺎﻟﻨﻮﻧﻮ ﻭﻣﺘﻌﺒﻴﻦ ﻛﺘﻠﺔ ﺍﺗﻌﺐ ﺑﺸﻨﻮ
ﻫﻮ ﺍﺭﻭﺡ ﺍﺷﻮﻑ ﺍﻟﺸﻘﻪ ﻭﺍﻛﻮﻡ ﺍﺧﺘﺎﺭﻟﻬﺎ ﻭﺍﻧﺴﻖ ﺍﻟﻬﺎ ﻭﺍﻭﻛﻒ ﻋﻠﻰ ﺍﻟﻌﻤﺎﻝ ﻣﻦ ﻳﺠﻴﺒﻮﻥ ﺍﻟﻐﺮﺍﺽ ﺍﻛﻠﻠﻬﻢ ﻭﻳﻦ ﻳﺨﻠﻮﻧﻬﺎ ﺑﻌﺪ ﻭﻳﻦ ﺍﻟﺘﻌﺐ
بيج قصص عراقيه حقيقيه من واقعنا.روعه الطائي
كال ﻫﻢ ﻣﻴﺨﺎﻟﻒ ﻭﺭﺍﻫﺎ ﺭﺣﻨﻪ ﻧﻤﻨﺔ ﻭﻛﻌﺪﻧﻪ ﺛﺎﻧﻲ ﻳﻮﻡ ﺑﺪﻝ ﻭﺭﺍﺡ ﻟﻠﺪﻭﺍﻡ ﻭﺍﻧﻲ ﺑﻴﻮﻣﻬﺎ ﺩﺧﺖ ﻛﻠﺶ ﻭﺗﻌﺒﺖ ﻭﺍﺗﺨﺮﺑﻄﺖ ﻓﺨﺎﺑﺮﺗﻪ ﻛﺘﻠﺔ ﻫﻴﺞ ﻭﻫﻴﺞ ﺍﻟﺴﺎﻟﻔﻪ
ﺗﺠﻲ ﻧﺮﻭﺡ ﻟﻠﺪﻛﺘﻮﺭﺓ ﻛﺎﻝ ﻣﺎﺷﻲ ﺑﺲ ﺍﻛﻌﺪﻱ ﻭﻟﺴﻮﻳﻦ ﺍَﻱ ﺷﻲ ﺿﻠﻲ ﻧﺎﻳﻤﺔ ﻛﺘﻠﺔ ﺗﻤﺎﻡ
ﺷﻮ ﻭﺭﺓ ﺭﺑﻊ ﺳﺎﻋﻪ ﺩﻙ ﻛﺎﻝ ﺻﺎﺭ ﻋﻨﺪﻱ ﺷﻐﻞ ﺭﻭﺣﻲ ﺍﻧﺘﻲ ﻭﺍﻣﺞ ﺍﻭ ﺍﺣﺪ ﻣﻦ ﺍﻫﻠﺞ ﻭﺍﺫﺍ ﺗﺮﻳﺪﻳﻦ ﺷﻮﻓﻲ ﺍﻣﻲ ﺍﻭ ﻣﺮﻭﺓ
ﺍﻧﻲ ﻣﺎ ﺍﻛﺪﺭ ﺍﺟﻲ ﻭﻳﺠﻮﺯ ﺍﺑﺎﺕ ﻛﺘﻠﺔ ﺍﻧﺘﻀﺮﻙ ﺑﺎﺟﺮ ﻛﺎﻝ ﻻ ﺭﻭﺣﻲ ﺍﺧﺎﻑ ﻋﻠﻴﺞ
ﺧﺎﺑﺮﺕ ﻣﺎﻣﺎ ﻭﻛﺎﻟﺖ ﺍﻧﻲ ﺍﻣﺮ ﺍﻟﺞ ﺍﺧﺬﺝ ﻭﺍﻭﺩﻳﺞ ﺍﻟﺴﻴﺎﺭﻩ ﺭﺟﻌﺘﻬﺎ ﻟﺠﺪﻭ ﻻﻥ ﺭﺟﻌﺖ ﺻﺤﺘﻪ ﻭﻛﺪﺭ ﻳﻤﺸﻲ
ﻭﻛﻠﻲ ﺍﺧﺬﻳﻬﺎ ﻭﺑﻘﻴﻬﺎ ﻋﻨﺪﺝ ﺑﺲ ﺍﻧﻲ ﻣﻘﺒﻠﺖ ﻭﺭﺟﻌﺘﻬﺎ ﻭﻣﻦ ﺍﺣﺘﺎﺟﻬﺎ ﺍﺧﺬﻫﺎ ﻳﻮﺳﻒ ﻛﺎﻝ ﺍﻧﻲ ﺍﺷﺘﺮﻳﻠﺞ ﻭﺣﺪﺓ
ﻫﺎﻟﻔﺘﺮﺓ ﻓﻤﺎ ﺣﺒﻴﺖ ﺍﺿﻐﻂ ﻋﻠﻴﻪ ﻭﻛﻠﺖ ﺑﺮﺍﺣﺘﻪ ﻻﻥ ﻫﻮ ﻫﻮﺍﻱ ﺻﺮﻑ ﻭﻣﺎ ﺍﺭﻳﺪﻩ ﻳﻀﺮﺭ
ﻣﺎﻣﺎ ﺍﺷﺘﺮﺕ ﺳﻴﺎﺭﻩ ﻻﻥ ﻫﻴﻪ ﻣﺘﻜﺪﺭ ﺑﺪﻭﻥ ﺳﻴﺎﺭﻩ ﻋﺎﺩ ﻛﻤﺖ ﺑﺪﻟﺖ ﻭﺟﻬﺰﺕ ﻧﻔﺴﻲ ﺍﻟﻌﺼﺮ ﻭﻣﺮﺕ ﻋﻠﻴﻪ ﻭﺃﺧﺬﺗﻨﻲ
ﺭﺣﻨﻪ ﻟﻠﺪﻛﺘﻮﺭﺓ ﺷﺎﻓﺘﻨﻲ ﻛﺎﻟﺖ ﻭﺿﻌﺞ ﺍﻧﺸﺎﻟﻠﻪ ﺯﻳﻦ ﺑﺲ ﻃﻔﻠﺞ ﻧﺎﻋﻢ ﻳﺤﺘﺎﺟﻠﺞ ﺗﻐﺬﻳﻪ ﻃﻠﺒﺖ ﺗﺤﺎﻟﻴﻞ
ﺭﺣﺖ ﺳﻮﻳﺘﻬﺎ ﻭﺭﺟﻌﺖ ﻛﺎﻟﺖ ﻓﻘﺮ ﺩﻡ ﺣﺎﺩ ﻛﺘﺒﺘﻠﻲ ﺍﺑﺮ ﺯﻳﺪ ﺍﻟﺪﻡ ﻭﻧﻄﺘﻨﻲ ﺣﺒﻮﺏ ﻭﻛﺎﻟﺖ ﺍﻛﻠﻲ ﻟﺤﻢ ﻭﻛﺮﻓﺲ ﻭﻣﻌﻼﻙ
ﻭﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻃﻠﻌﺖ ﻭﺧﺎﺑﺮﺕ ﻳﻮﺳﻒ ﻛﺘﻠﺔ ﺍﺫﺍ ﻣﺘﺮﺟﻊ ﻋﻠﻤﻮﺩ ﺍﺭﻭﺡ ﻭﻳﺔ ﻣﺎﻣﺎ ﺍﺑﺎﺕ ﻳﻤﻬﺎ
ﻛﺎﻝ ﺍَﻱ ﺭﻭﺣﻲ ﻭﻳﺎﻫﺎ ﻻﻥ ﺍﺑﺎﺕ ﻋﻨﺪﻱ ﺧﻔﺎﺭﻩ ﻭﺍﺫﺍ ﺭﺟﻌﺖ ﺍﺟﻲ ﺍﺧﺬﺝ ﺭﺟﻌﺖ ﻭﻳﺔ ﻣﺎﻣﺎ ﻟﻠﺒﻴﺖ
ﻣﺮﺕ ﺍﻷﻳﺎﻡ ﻭﺳﻮﻳﺖ ﺷﻘﺘﻬﺎ ﻟﺼﺪﻳﻘﻪ ﺻﺒﺎ ﻭﻃﻠﻌﺖ ﻓﺪ ﺷﻲ ﺭﻫﻴﺐ ﻭﻛﻠﻬﻦ ﺣﺒﻮﻫﺎ ﻭﺍﺗﺨﺒﻠﻮ ﺑﻴﻬﺎ
ﻭﺿﻠﻴﻨﻪ ﻧﺘﻌﺎﺭﻙ ﺍﻧﻲ ﻭﻳﻮﺳﻒ ﻭﺑﺰﻋﺖ ﻣﻦ ﻫﺎﻱ ﺍﻟﺤﺎﻟﻪ ﻛﺎﻡ ﺍﻧﻮﺍﺏ ﻳﻜﺴﺮ ﺑﺎﻟﻐﺮﺍﺽ
ﻭﻓﻬﺪ ﻣﺮﺓ ﺩﻙ ﻋﻠﻴﻪ ﺑﺮﻗﻢ ﻏﺮﻳﺐ ﺟﺎﻭﺑﺘﻪ ﻭﻣﺠﻨﺖ ﺍﺩﺭﻱ ﻫﻮ ﻭﻣﻦ ﺳﻤﻌﺖ ﺻﻮﺗﺔ
ﺣﻠﻔﻨﻲ ﺑﺪﺍﻋﻪ ﺍﻣﻲ ﻭﺭﻭﺡ ﺍﺑﻮﻳﺔ ﻭﺟﻬﺎﻟﻲ ﺍﻟﺮﺍﺣﻮ ﻣﺎ ﺃﺳﺪﻩ ﻛﺘﻠﺔ ﺍﻧﺘﻪ ﺷﺘﺮﻳﺪ ﻳﻌﻨﻲ ﺑﻌﺪ ﺍﻟﻲ ﺳﻮﻳﺘﻪ ﺑﻴﺔ
ﻛﻠﺔ ﻭﺗﺮﻛﺘﻚ ﻭﺣﺘﻰ ﺍﻟﺸﻜﻮﻯ ﺳﺤﺒﺘﻬﺎ ﻭﺗﻨﺎﺯﻟﺖ ﻋﻨﻚ ﺑﺎﻟﻤﺤﻜﻤﺔ ﺗﺎﻟﻲ ﺷﻠﻮﻥ ﺍﻧﺘﺔ ﻣﺰﻭﺝ ﻭﺍﻧﻲ ﻣﺰﻭﺟﺔ
ﻭﺃﺣﺐ ﺯﻭﺟﻲ ﺷﻜﻮ ﺷﺘﺮﻳﺪ ﻣﻨﻲ ﺑﻌﺪ ﻛﺎﻝ ﺍﺣﻠﻔﺞ ﺑﻌﺰﻳﺰ ﻛﻠﺒﺞ ﻭﺍﺣﺠﻲ ﺍﻟﺼﺪﻙ ﻣﺎ ﺍﺷﺘﺎﻗﻴﺘﻴﻠﻲ ﻭﻟﻮ ﺷﻮﻱ
ﺿﺤﻜﺖ ﻛﺘﻠﺔ ﺍﺷﺘﺎﻗﻠﻚ ﻟﻴﺶ ﺍﻧﺘﻪ ﺧﻠﻴﺖ ﺷﻲ ﺍﺫﻛﺮﻙ ﺑﻲ ﺣﻠﻮ ﻭﺍﺷﺘﺎﻗﻠﻚ ﻋﻠﻤﻮﺩ ﻫﻮ ﺍﻧﻲ ﺍﺫﺍ ﺍﺫﻛﺮﻙ ﺍﺧﺘﻨﻚ
ﻋﻨﺪﻱ ﻓﻮﺑﻴﺎ ﻣﻨﻚ ﺷﺎﺷﺘﺎﻗﻠﻚ ﺑﻌﺪ ﻟﺨﺎﻃﺮ ﺍﻟﻠﻪ ﻛﺎﻝ ﻫﻢ ﺩﻳﺮﻳﻦ ﺑﺎﻟﺞ ﻋﻠﻰ ﺍﺑﻨﻪ ﺑﻄﻨﺞ ﻟﻮ ﻣﺜﻞ ﺟﻬﺎﻟﻲ ﻣﻮﺗﻴﻬﻢ
ﻛﺘﻠﺔ ﻣﻮﺗﺘﻬﻢ ﺍﻧﻲ ﺣﺴﺒﻲ ﺍﻟﻠﻪ ﻋﻠﻴﻚ ﺑﺴﺒﺒﻚ ﻭﺳﺒﺐ ﺍﻫﻠﻚ ﻭﻣﺮﺗﻚ ﻣﺎﺗﻮ ﺍﻟﺠﻬﺎﻝ ﺟﻨﺖ ﺻﺪﻙ ﺍﻛﺮﻫﻚ ﻭﻣﺎ ﺍﺣﺒﻚ
ﺑﺲ ﻣﻬﻤﺎ ﻳﻜﻮﻥ ﻫﻤﺔ ﻗﻄﻌﻪ ﻣﻨﻲ ﻭﻣﻦ ﺩﻣﻲ ﻭﺻﺎﺭﻭ ﺑﺄﺣﺸﺎﺋﻲ ﻭﺍﻧﻲ ﺍﻣﻬﻢ ﺩﺭﺕ ﺑﺎﻟﻲ ﻋﻠﻴﻬﻢ ﺭﻏﻢ ﺍﻟﻌﺬﺍﺏ ﺍﻟﻲ ﺗﻌﺬﺑﺘﻪ
بيج قصص عراقيه حقيقيه من واقعنا.روعه الطائي
ﺑﺲ ﺑﺴﺒﺒﻜﻢ ﻣﺎﺗﻮ ﺷﺎﺷﺘﺎﻕ ﺗﺬﻛﺮ ﻣﻦ ﺍﻧﻲ ﺣﺎﻣﻞ ﻭﺭﻭﺣﻲ ﺑﺨﺸﻤﻲ ﻣﻦ ﺍﻟﻮﺟﻊ ﻭﺗﻌﺒﺎﻧﻪ ﻭﺷﻔﺘﻨﻲ ﺍﻧﺘﻪ
ﻭﺍﺟﻴﺖ ﺗﻜﻮﻟﻲ ﺳﻮﻱ ﻋﺸﻪ ﺍﻟﻲ ﻭﻟﺴﻬﻴﻠﻪ ﻭﺍﺳﺘﻌﺠﻠﻲ ﻭﻭﻛﻔﺖ ﺍﺳﻮﻱ ﻭﺗﺄﺧﺮﺕ ﻭﺍﺟﻴﺖ ﺍﻧﺘﻪ ﻭﻭﺭﺍﻙ ﺳﻬﻴﻠﻪ ﺷﻠﺖ ﺍﻟﭽﻔﺠﻴﺮ ﻭﺿﺮﺑﺘﻨﻲ ﺑﻲ
ﻋﻮﺟﺘﻪ ﻋﻠﻰ ﺿﻬﺮﻱ ﻭﻛﻤﺖ ﺍﻟﻮﺏ ﻛﺪﺍﻣﻚ ﻭﻣﺎ ﺍﻧﻘﻬﺮﺕ ﻋﻠﻴﻪ ﻟﻮ ﻋﻔﺘﻨﻲ ﻭﻛﻤﺖ ﺍﻧﺰﻑ ﻭﻣﺎ ﻫﻤﻚ
ﻣﺎﺧﺬ ﺣﺠﺎﻳﺔ ﺍﻣﻚ ﻭﺟﺪﻳﺘﻚ ﺍﻧﻮ ﻣﺎ ﻋﻠﻴﻬﺎ ﺷﻲ ﻟﺘﺨﺎﻑ ﺗﺎﻟﻲ ﻟﺤﺪ ﻣﺎ ﺛﻨﻴﻨﻬﻢ ﺭﺍﺣﻮ ﻭﻣﺎﺗﻮ ﻭﺍﻧﺘﻮ ﺍﻟﺴﺒﺐ
ﻭﺣﺴﺒﻲ ﺍﻟﻠﻪ ﻋﻠﻴﻜﻢ ﻭﺍﻟﻠﻪ ﻻ ﻳﻮﻓﻘﻜﻢ ﻭﺍﻧﻲ ﻳﺘﻴﻤﺔ ﻭﺩﻋﻮﺓ ﻳﺘﻴﻢ ﻣﻘﻬﻮﺭ ﺳﻤﻌﺘﻪ ﻳﺒﺠﻲ ﻛﺎﻝ ﺯﻣﺮﺩ ﻭﺍﻟﻠﻪ ﺗﻌﺒﺖ
ﻟﺨﺎﻃﺮ ﺍﻟﻠﻪ ﺍﺭﺣﻤﻴﻨﻲ ﺷﻮﻱ ﻛﺎﻓﻲ ﺩﻋﻮﻯ ﻋﻠﻴﻪ ﻣﻮ ﺍﻧﻬﺪ ﺣﻴﻠﻲ ﺟﺪﻱ ﺭﺍﺡ ﺍﻧﻲ ﻣﺮﻳﺾ ﻭﺑﺘﻲ ﻫﻢ ﻣﺪﺗﺼﺤﻰ ﻭﺍﻟﻮﺿﻊ ﻳﻤﻲ ﻛﻠﺔ ﻣﻮ ﺯﻳﻦ
ﻭﺍﺣﻴﺮ ﺷﺴﻮﻱ ﻭﺍﺩﺭﻱ ﻫﺎﻱ ﺣﻮﺑﺘﺞ ﺑﺲ ﺍﻧﻲ ﺗﻌﺒﺖ ﻭﻣﺤﺘﺎﺟﺞ ﺯﻣﺮﺩ ﻭﺍﻟﻠﻪ ﻳﻮﻣﻴﺔ ﻣﺎ ﺍﻧﺎﻡ ﺍﻟﻠﻴﻞ ﺍﻓﻜﺮ ﺷﻠﻮﻥ ﺍﻧﺘﻲ ﻫﺴﻪ ﺑﺤﻀﻨﻪ
ﻟﺞ ﻫﺎﻱ ﻣﺮﺗﻲ ﻣﺎ ﻭﺍﺻﻠﻬﺎ ﻭﻻ ﻻﺯﻣﻬﺎ ﻭﺍﺗﺨﺒﻞ ﻣﻨﻬﺎ ﻣﺎ ﺣﻠﺖ ﻭﻻ ﺗﺤﻠﻰ ﺑﻌﻴﻨﻲ ﻣﺮﺓ ﺑﺲ ﺍﻧﺘﻲ
ﻛﺘﻠﻪ ﺣﺠﻴﻚ ﻗﺪﻳﻢ ﺻﺎﺭ ﻭﻣﻴﻮﻛﻞ ﺧﺒﺰ ﻭﺑﻌﺪ ﻣﺎ ﺍﻛﺪﺭ ﺍﺳﻮﻳﻠﻚ ﺷﻲ ﻭﺍﻟﻔﺎﺕ ﻣﺎﺕ ﻭﺍﻧﻲ ﺟﻨﺖ ﻳﻤﻚ
ﻭﺍﻧﺘﻪ ﻣﺎ ﻋﺮﻓﺖ ﺗﺤﺘﻮﻳﻨﻲ ﺣﻘﻚ ﻣﻘﻬﻮﺭ ﻋﻠﻰ ﺍﺧﻮﻙ ﻋﻠﻰ ﻋﻴﻨﻲ ﻭﺭﺍﺳﻲ ﻋﺬﺑﺘﻨﻲ ﻭﺍﺗﻔﻨﻨﺖ ﺑﺘﻌﺬﻳﺒﻲ
ﺷﻬﺮ ﺷﻬﺮﻳﻦ ﺛﻼﺛﻪ ﺍﺷﻬﺮ ﻫﻢ ﻣﻴﺨﺎﻟﻒ ﻣﻮ ٨ﺍﺷﻬﺮ ﻭﻧﺺ ﻭﻣﺎ ﻣﻠﻴﺖ ﻭﻻ ﺑﺰﻋﺖ ﻣﻦ ﺩﺍﻡ ﺗﺤﺒﻨﻲ ﺟﺎﻥ ﻛﻠﺖ ﺟﺎﻥ ﻏﻴﺮﺕ ﺃﺳﻠﻮﺑﻚ ﺷﻮﻱ
ﺟﺎﻥ ﺻﺮﺕ ﻛﺪﺍﻡ ﺍﻫﻠﻚ ﺷﻜﻞ ﻭﺑﺎﻟﻐﺮﻓﻪ ﺷﻜﻞ ﻣﻮ ﺿﻠﻴﺖ ﺗﻌﺬﺏ ﺑﻴﻪ ﻟﺤﺪ ﻣﺎ ﺍﻧﺘﻬﻴﺖ
ﺍﻧﺘﻪ ﻣﺎ ﺧﻠﻴﺘﻨﻲ ﺍﺑﻘﻰ ﻭﻳﺎﻙ ﺑﻐﺮﻓﻪ ﻭﺣﺪﺓ ﺟﻨﺖ ﺍﺗﻮﺳﻞ ﺑﻴﻚ ﺍﺭﻭﺡ ﻟﻠﺪﻛﺘﻮﺭﺓ ﻭﻣﺘﻘﺒﻞ ﻻﻥ ﺍﻣﻚ ﻭﺟﺪﻳﺘﻚ ﻣﻴﻘﺒﻠﻦ
ﺗﻌﺎﻝ ﺷﻮﻑ ﻳﻮﺳﻒ ﺍﻟﻬﻮﻯ ﺍﺫﺍ ﺿﻮﺟﻨﻲ ﻳﻜﺮﻫﺎ ﺍﺫﺍ ﺷﺎﻓﻨﻲ ﺗﻌﺒﺎﻧﻪ ﻫﻮ ﻳﺸﺘﻐﻞ ﻭﻫﻮ ﺿﺎﺑﻂ
ﻣﻮ ﻣﺜﻠﻚ ﺍﻧﺘﻪ ﺣﺎﻣﻞ ﻭﺑﺘﻮﻡ ﻭﺗﻌﺒﺎﻧﻪ ﻭﺗﺠﻲ ﺗﻀﺮﺑﻨﻲ ﻭﻓﻮﻛﺎﻫﺎ ﺗﺤﻲ ﺑﻠﻴﻞ ﺗﺎﺧﺬ ﺣﻘﻚ ﺍﻧﺘﻪ ﻣﺎ ﺧﻠﻴﺖ ﺷﻲ ﺍﺫﻛﺮﻙ ﺑﻲ ﻭﻫﻮ ﺣﻠﻮ
ﺭﺟﺎﺀً ﻳﺒﻦ ﺍﻟﻨﺎﺱ ﻋﻮﻓﻨﻲ ﺍﺣﻨﻪ ﻣﺎ ﻣﺘﻮﺍﻟﻤﻴﻦ ﻭﺣﺘﻰ ﻟﻮ ﻣﺎ ﻣﺰﻭﺟﺔ ﻣﺴﺘﺤﻴﻞ ﺍﺭﺟﻌﻠﻚ ﺑﻴﻮﻡ ﻭﺍﺻﻴﺮﻟﻚ ﻣﺮﺓ
ﺍﺗﺮﻛﻨﻲ ﻟﺨﺎﻃﺮ ﺍﻟﻠﻪ ﺍﻧﻲ ﺯﻭﺟﺖ ﺍﻧﺘﻪ ﺭﺟﺎﻝ ﻭﺷﺮﻭ ﻛﻲ ﻫﻢ ﺗﺮﺿﻰ ﺍﺣﺪ ﻳﺪﻙ ﻋﻠﻰ ﻣﺮﺗﻚ ﻭﻳﻜﻠﻠﻬﺎ ﺍﺣﺒﺞ
ﺗﺪﺭﻱ ﺍﺫﺍ ﺩﺭﻩ ﻳﻮﺳﻒ ﻫﺴﻪ ﺷﻴﺴﻮﻱ ﻋﻮﻓﻨﻲ ﻟﺨﺎﻃﺮ ﺍﻟﻠﻪ ﺍﺭﻳﺪ ﺍﺭﺗﺎﺡ ﺍﻧﺘﻪ ﺣﺘﻰ ﺍﺣﻠﻰ ﻳﻮﻡ ﺑﻌﻤﺮﻱ ﻭﺍﻟﻲ ﻫﻮ ﻋﺮﺳﻲ ﺧﺮﺑﺘﻪ
ﻣﺎ ﻛﺎﻓﻲ ﻋﺎﺩ ﺣﺠﺔ ﺷﻮﻱ ﻭﻳﺎﻱ ﻭﻛﺘﻠﻪ ﺩﺍﺗﺮﺟﺎﻙ ﺑﻌﺪ ﻟﺪﻙ ﻻﻥ ﺩﺗﺴﺒﺒﻠﻲ ﻣﺸﺎﻛﻞ ﻣﺎ ﺍﺩﺭﻱ ﻟﻴﺶ ﻣﻦ ﺩﻙ ﺍﻭ ﺟﻨﺖ ﺍﺷﻮﻓﻪ
ﻣﺎ ﺍﺗﺨﺒﻞ ﻭﺍﻋﻴﻂ ﻭﺃﺻﻴﺢ ﻭﺍﺟﺎﻭﺯ ﺍﻟﻠﻪ ﻳﺬﺏ ﻋﻠﻴﻪ ﻫﺪﺍﻭﻩ ﻣﻮ ﻃﺒﻴﻌﻴﻪ ﻣﺎ ﺍﺩﺭﻱ ﻟﻴﺶ
ﺑﺪﺕ ﺍﻟﻜﻠﻴﻪ ﻭﺑﺪﻳﺖ ﺃﺩﺍﻭﻡ ﺳﻨﻪ ﺛﺎﻟﺜﻪ ﺍﻟﻲ ﻳﻌﻨﻲ ﺍﻟﻤﺮﺣﻠﺔ ﺍﻟﺜﺎﻟﺜﺔ ﻳﻮﺳﻒ ﺍﺷﺘﺮﺍﻟﻲ ﺳﻴﺎﺭﻩ ﻻﻥ ﻋﻠﻤﻮﺩ ﺍﻟﻜﻠﻴﻪ ﺍﺭﻭﺡ ﻭﺍﺭﺟﻊ ﺑﻴﻬﺎ ﻣﺸﺎﻛﻠﻨﻪ ﻣﺴﺘﻤﺮﺓ
بيج قصص عراقيه حقيقيه من واقعنا.روعه الطائي
ﻭﻛﺎﻣﺖ ﺗﺰﻳﺪ ﻭﺗﻮﺻﻞ ﺑﻴﻪ ﻣﺮﺍﺕ ﺍﻋﻮﻑ ﺍﻟﺒﻴﺖ ﻭﺍﻃﻠﻊ ﺑﺲ ﺍﺧﺎﻑ ﻋﻠﻰ ﻣﺎﻣﺎ ﻛﻤﻨﺔ ﻧﺘﻌﺎﺭﻙ ﻭﺍﻧﻮﺍﺏ ﻳﻨﺎﻡ ﺑﺎﻟﻐﺮﻓﺔ ﺍﻟﺜﺎﻧﻴﻪ ﻻﻥ ﺍﻃﺮﺩﻩ
ﻛﻤﺖ ﺍﺷﻮﻑ ﺃﺣﻼﻡ ﻣﻮ ﺯﻳﻨﻪ ﺑﺤﻴﺚ ﻣﺮﺓ ﺍﺣﻨﻪ ﻣﺘﻌﺎﺭﻛﻴﻦ ﻭﻫﻮ ﻧﺎﻳﻢ ﺑﺎﻟﻐﺮﻓﺔ ﺍﻟﺜﺎﻧﻴﻪ ﻭﻋﻠﻰ ﺻﻮﺕ ﻋﻴﺎﻃﻲ ﻭﺍﻧﻲ ﻧﺎﻳﻤﺔ ﺍﺟﻰ ﻳﺮﻛﺾ
ﻣﻦ ﻛﻌﺪﺕ ﻣﺨﺘﻨﻜﺔ ﻭﺍﺭﺟﻒ ﺭﺃﺳﺎ ﺟﺎﺑﻠﻲ ﺍﻟﺒﺨﺎﺥ ﻛﻤﺖ ﺍﻛﺮﻩ ﻛﻠﺸﻲ ﻭﺍﺗﺨﺒﻞ ﻣﻨﻪ ﺻﺎﻳﺮﻩ ﺻﺎﺭ ﺑﺸﺮ ﺛﺎﻧﻲ ﻭﻻ ﻫﻮ ﻧﻔﺴﻪ
ﺿﻠﻴﺖ ﺃﺩﺍﻭﻡ ﻭﻫﻮ ﻛﺎﻡ ﻳﺘﻌﺎﺭﻙ ﻭﻳﺎﻱ ﻭﻣﻦ ﺷﺎﻓﻨﻲ ﺍﺗﺨﺒﻠﺖ ﻭﻟﻤﻴﺖ ﻣﻼﺑﺴﻲ ﺩﺍﻃﻠﻊ ﻣﻦ ﺍﻟﺒﻴﺖ
ﺿَﻞ ﻳﺘﻮﺳﻞ ﻭﻛﻌﺪ ﻭﺳﻜﺖ ﻣﺤﺠﺔ ﻭﻣﻘﺒﻞ ﺍﻃﻠﻊ ﻭﻣﻌﻠﻴﻪ ﺑﻴﺔ ﺻﺎﺭ ﺑﺲ ﺿَﻞ ﻧﻔﺲ ﻭﺿﻌﻪ ﺻﺎﺭ ﻗﻠﺔ ﻳﺠﻲ ﻟﻠﺒﻴﺖ
ﻭﺍﻧﻲ ﺗﺮﻛﺘﺔ ﻻﻥ ﻣﻮ ﺑﺤﺎﻝ ﺃﺿﻞ ﺃﺟﺎﺩﻝ ﻭَﻳَﺎ ﻭﻣﺎ ﺍﻟﻲ ﺧﻠﻚ ﺍﻧﻌﺰﻣﻨﺔ ﻋﺪ ﺃﻫﻠﻪ . ﻭﺭﺣﺖ ﺍﻧﻲ ﻻﻥ ﺟﺎﻧﻮ ﻣﺮﻓﻌﻴﻦ ﻋﻤﻮ ﻭﻣﺴﻮﻳﻨﻪ ﻣﺪﻳﺮ ﺍﻟﻤﺴﺘﺸﻔﻰ
ﻳﻮﺳﻒ ﺟﺎﻥ ﺑﺎﻟﺪﻭﺍﻡ ﻛﺎﻝ ﺭﻭﺣﻲ ﻭﻣﻨﺎﻙ ﺍﻧﻲ ﺍﺟﻲ ﺑﺴﻴﺎﺭﺗﻲ ﺃﺗﺄﺧﺮ ﻓﺮﻭﺣﻲ ﺍﻧﺘﻲ ﻋﻴﺐ ﺻﺪﻙ ﻫﻮ ﻋﺎﺩ ﺧﻠﻴﺖ ﻭﺑﺪﻟﺖ ﻭﺭﺣﺖ
ﻟﻜﻴﺖ ﻫﻨﺎﻙ ﻋﻤﺎﻣﺔ ﻭﻋﻤﺎﺗﺔ ﻟﻴﻮﺳﻒ ﻭﺍﻟﺤﻘﻴﺮﺓ ﻫﻢ ﻫﻨﺎﻙ ﻣﺎ ﺍﺧﺘﻠﻄﺖ ﺑﻴﻬﺎ ﻭﺍﺻﻼ ﻣﺎ ﺳﻠﻤﺖ ﻋﻠﻴﻬﺎ ﻻﻥ ﺷﺎﻓﺘﻨﻲ ﻭﺍﻧﻬﺰﻣﺖ
ﻓﻤﺎ ﺳﻠﻤﺖ ﻭﻻ ﻭﺻﻠﺘﻬﺎ ﺟﻨﺖ ﺑﺸﻬﺮ ﺍﻟﺨﺎﻣﺲ ﺑﻄﻨﻲ ﻛﺒﺮﺍﻧﺔ ﺷﻮﻱ ﻭﻛﻠﻬﺎ ﺗﻜﻮﻝ ﺣﻠﻴﺎﻧﺔ ﻭﺻﺎﻳﺮﺓ ﺗﺨﺒﻠﻴﻦ ﻋﺎﻟﺤﻤﻞ
ﻭﺳﻤﻨﺎﻧﺔ ﺷﻮﻱ ﻣﺮﺗﻀﻰ ﻛﺎﻝ ﻫﻮ ﻳﺠﻲ ﺍﺑﻨﺞ ﻭﺍﺷﻮﻓﺔ ﺑﻌﻴﻨﻲ ﻣﻮ ﺭﺍﺡ ﺃﻣﻮﺕ ﻃﻜﺖ ﺭﻭﺣﻲ ﻋﻠﻴﻪ
ﻛﺘﻠﺔ ﻋﻴﻨﻲ ﺑﻌﺪ ٤ ﺍﺷﻬﺮ ﺑﻌﺪ ﻭﻛﺖ ﻃﻮﻳﻞ ﻛﺎﻝ ﺍﻧﻲ ﺩﺍﺣﺴﺐ ﺍﻟﺞ ﻳﻮﻡ ﻳﻮﻡ ﺿﺤﻜﻨﺔ ﻋﻠﻴﻪ ﻛﻠﺘﻠﻪ ﻋﻤﺘﻲ ﺟﺪﺓ ﺑﻄﺔ ﺣﺎﻓﻆ ﻫﺎﻱ ﺍﻟﺴﻮﺍﻟﻒ
ﻳﺎﺑﻪ ﻣﻦ ﻛﻠﺘﻠﻪ ﻫﻴﺞ ﺧﺮﺑﻨﻪ ﻣﻦ ﺍﻟﻀﺤﻚ ﻣﺘﻨﺔ ﺻﺎﺭ ﺍﻟﻐﺪﻩ ﻭﻳﻮﺳﻒ ﻣﺎﻛﻮ ﻣﺎ ﺍﺟﻰ ﺧﺎﺑﺮﺗﻪ ﻛﺎﻝ ﺃﺗﺄﺧﺮ ﺍﺗﻐﺪﻱ
ﻭﺍﻧﻲ ﻣﻦ ﺍﺟﻲ ﻋﻮﺩ ﺍﻛﻞ ﺍﻧﻲ ﺑﻮﻛﺘﻬﺎ ﺟﻌﺖ ﻭﺣﺎﻣﻞ ﻣﺎ ﺍﻛﺪﺭ ﺍﺑﻘﻰ ﺑﺪﻭﻥ ﺍﻛﻞ ﻭﺑﺎﻟﺮﻳﻮﻙ ﺍﻛﻠﺖ ﺷﻲ ﻗﻠﻴﻞ
ﻓﺘﻐﺪﻳﺖ ﻭﺑﻠﻐﺘﻬﻢ ﻣﻴﺠﻲ ﻳﺘﺎﺧﺮ ﺍﻧﺠﻤﻌﻨﻪ ﻛﻠﻨﺔ ﺍﻟﻨﺴﻮﺍﻥ ﻋﻠﻰ ﺳﻔﺮﻩ ﻭﺣﺪﺓ ﻭﺇﻟﺰﻟﻢ ﺑﺎﻻﺳﺘﻘﺒﺎﻝ ﻻﻥ ﻣﻜﻔﺔ ﺳﻔﺮﺓ ﻭﺣﺪﺓ
ﺻﺎﺭ ﺏ٣ ﺍﺟﻰ ﻳﻮﺳﻒ ﻣﻦ ﺍﻟﺪﻭﺍﻡ ﺳﻠﻢ ﻭﻛﻠﻬﺎ ﺗﻜﻮﻟﺔ ﺑﺬﺍﺕ ﻣﺘﺠﻲ ﻭﻻ ﺗﺴﺎﻝ ﻫﻴﺞ ﺍﻟﺰﻭﺍﺝ ﻏﻴﺮﻙ
ﺭﺩﺕ ﻧﺒﺄ ﻛﺎﻟﺖ ﺍَﻱ ﻫﺎﻱ ﻣﺮﺗﻪ ﻋﻴﻨﻲ ﻣﺎﻧﻌﺘﻪ ﻣﻦ ﻋﺪﻧﻪ ﻣﺘﻘﺒﻞ ﻳﺠﻲ ﻣﻮ ﺍﺣﻨﻪ ﻧﻌﺾ ﻣﺮﺩﻳﺖ ﻋﻠﻴﻬﺎ ﻭﺍﻟﻜﻞ ﺍﺟﺎﻫﻞ ﻛﻼﻣﻬﺎ
ﺟﺎ ﻳﻤﻲ ﺑﺎﺳﻨﻲ ﻣﻦ ﺭﺍﺳﻲ ﻭﻛﺎﻝ ﺷﻠﻮﻧﺞ ﺍﻟﻴﻮﻡ ﻛﺘﻠﺔ ﺯﻳﻨﻪ ﺗﻤﺎﻡ ﻛﻌﺪ ﺑﺼﻔﻲ ﻭﻛﺎﻝ ﺍﻏﺴﻞ ﻭﺻﺒﻴﻠﻲ ﻏﺪﻩ
ﻛﺘﻠﺔ ﺗﺪﻟﻞ ﺭﺍﺡ ﻫﻮ ﻳﻐﺴﻞ ﻛﻤﺖ ﺍﻧﻲ ﺩﺍﺻﺒﻠﻪ ﻟﻜﻴﺖ ﻧﺒﺄ ﺩﺗﺴﻮﻱ ﺻﻴﻨﻴﻪ ﺍﺟﺎﻫﻠﺘﻬﺎ ﻣﺎ ﻋﺒﺎﻟﻲ ﻟﻴﻮﺳﻒ
ﺳﻮﻳﺘﻠﺔ ﺻﻴﻨﻴﻪ ﻏﺪﻩ ﻭﺭﺗﺒﺘﻬﺎ ﻭﺧﻠﻴﺘﻬﺎ ﻋﺎﻟﻤﻴﺰ ﻛﻠﺖ ﻋﻠﻤﻮﺩ ﻳﺎﺧﺬ ﺭﺍﺣﺘﻪ ﺑﺎﻻﻛﻞ ﺷﻮ ﻃﺒﻴﺖ ﺍﺻﻴﺤﻠﺔ ﻭﻟﻜﻴﺘﻪ ﻛﺎﻋﺪ
ﺑﺎﻟﻜﺎﻉ ﻭﺩﻳﺎﻛﻞ ﻣﻦ ﺍﻟﺼﻴﻨﻴﻪ ﺍﻟﻲ ﻣﺴﻮﻳﺘﻬﺎ ﻧﺒﺄ ﻭﻫﻴﺔ ﻛﺎﻋﺪﻩ ﺑﺼﻔﺔ ﺗﻀﺤﻚ ﻭﺗﺴﻮﻟﻒ ﻭﻫﻮ ﻣﺸﺎﺭﻛﻬﺎ ﺍﻟﺤﺪﻳﺚ
بيج قصص عراقيه حقيقيه من واقعنا.روعه الطائي
ﺑﺎﻭﻋﺖ ﻋﻠﻴﻪ ﻭﺿﺤﻜﺖ ﻭﺩﻧﻜﺖ ﺭﺍﺳﻬﺎ ﺗﺤﺠﻲ ﻭَﻳَﺎ ﻭﻫﻮ ﻣﻨﻄﻠﻖ ﻳﺤﺠﻲ ﻭﻳﺎﻫﺎ ﻛﺘﻠﻪ ﻳﻮﺳﻒ
ﺭﻓﻊ ﺭﺍﺳﻪ ﻛﺎﻝ ﻫﺎ ﺯﻭﺯﺓ ﻛﺘﻠﻪ ﻣﻮ ﺻﺒﻴﺘﻠﻚ ﺍﻛﻞ ﻟﻴﺶ ﻣﺎ ﺍﺟﻴﺖ ﻛﺎﻝ ﻣﻮ ﻧﺒﺎ ﺻﺒﺘﻠﻲ ﻭﻛﻌﺪﺕ ﺃﻛﻞ
ﻛﺎﻟﺖ ﺃﻣﻬﺎ ﻟﻨﺒﺄ ﺩﻳﻠﻪ ﻋﻴﻨﻲ ﺷﻨﻮ ﺍﻟﻲ ﺻﺎﺭ ﻫﺴﻪ ﻭﺍﺫﺍ ﺻﺒﺘﻠﻪ ﺑﺖ ﻋﻤﺔ ﺭﺍﺡ ﺗﻨﻜﻠﺐ ﺍﻟﺪﻧﻴﺎ ﺷﺪﻋﻮﺍﺝ ﻋﻴﻨﻲ
ﺿﻠﻴﺖ ﺻﺎﻓﻨﻪ ﻋﻠﻴﻬﺎ ﺍﻧﻲ ﻣﺤﺠﻴﺖ ﺷﻲ ﻏﻴﺮ ﺑﺲ ﻫﻴﺞ ﻛﺘﻠﻬﺎ ﺧﺎﻟﻪ ﺍﻧﻲ ﻣﻜﻠﺖ ﺷﻲ ﺑﺲ ﺩﺍﻛﻮﻝ
ﻭﺑﻌﺪﻳﻦ ﻫﻴﻪ ﻧﺒﺄ ﻟﻴﺶ ﻣﺤﺠﺖ ﻭﻛﺎﻟﺖ ﺭﺍﺡ ﺍﺻﺒﻠﻪ ﻏﺪﻩ ﺟﺎﻥ ﻣﺘﻌﺒﺖ ﻧﻔﺴﻲ ﻭﻛﻤﺖ ﻻﻥ ﺍﻧﻲ ﺣﺎﻣﻞ ﻭﺍﺧﺎﻑ ﺍﺗﻌﺐ ﻣﻦ ﺃﻛﻮﻡ ﺗﻌﻤﺪﺕ ﻫﻴﺞ ﺍﻛﻮﻝ
ﻳﻮﺳﻒ ﻣﺤﺠﺔ ﺷﻲ ﻭﻧﺒﺄ ﺗﻀﺤﻚ ﺑﺤﻘﺎﺭﺓ ﻣﺤﺠﻴﺖ ﺷﻲ ﺭﺣﺖ ﻛﻌﺪﺕ ﺑﺲ ﺍﺣﺲ ﻣﻌﺪﺗﻲ ﻛﺎﻣﺖ ﺗﻜﻠﺐ ﻣﻦ ﺍﻟﻘﻬﺮ ﻭﺣﺮﻛﺎﻥ ﺍﻟﺪﻡ
ﻫﻮ ﺗﻐﺪﺓ ﻭﺍﻧﻲ ﻛﻌﺪﺕ ﻭﺭﺍﻩ ﺑﺲ ﺣﻠﻔﺖ ﺍﻟﻴﻮﻡ ﺍﻃﻠﻌﻬﻦ ﺳﻢ ﺍﻟﻪ ﻛﻤﻞ ﻭﻛﺎﻡ ﺷﺎﻟﺖ ﻧﺒﺄ ﻭﺭﺍﺣﺖ ﺗﺮﻛﺾ ﺟﺎﺑﺘﻠﺔ ﺟﺎﻱ ﻭﺍﺟﺖ
ﺍﺧﺬﻩ ﻭﺭﺍﺡ ﻳﻢ ﺍﻟﺰﻟﻢ ﺣﺠﺖ ﻧﺒﺄ ﻛﺎﻟﺖ ﻣﺎﻣﺎ ﻛﻠﺖ ﻟﻴﻮﺳﻒ ﻋﻠﻰ ﺻﺪﻳﻘﺎﺗﻲ ﺷﻜﺪ ﻣﻌﺠﺒﺎﺕ ﺑﻲ
ﻭﺃﺭﻳﺪ ﺗﺠﻲ ﻟﻠﻜﻠﻴﻪ ﻋﻠﻤﻮﺩ ﺍﺗﺒﺎﻫﺎ ﺑﻴﻚ ﻛﺪﺍﻡ ﺻﺪﻳﻘﺎﺗﻲ ﻭﻛﺎﻝ ﺑﺎﺟﺮ ﺍﻣﺮﻟﺞ ﻟﻠﻜﻠﻴﻪ ﻭﺗﺪﻟﻠﻴﻦ ﻭﺍﻛﺸﺦ ﻋﻠﻤﻮﺩﺝ ﻫﻢ
ﺍﺣﺲ ﺭﺍﺳﻲ ﺻﺎﺭ ﻋﺒﺎﺭﻩ ﻋﻦ ﻃﺒﻘﻪ ﻣﺸﺘﻌﻠﻪ ﺿﺤﻜﺖ ﺃﻣﻬﺎ ﻭﻛﺎﻟﺖ ﺍَﻱ ﻟﻌﺪ ﺭﺗﺒﻲ ﻧﻔﺴﺞ ﺑﺎﺟﺮ ﻋﻠﻤﻮﺩ ﺗﻠﻴﻘﻴﻦ ﺑﺎﺑﻦ ﻋﻤﺞ
ﻋﻤﺘﻲ ﻭﻣﺮﻭﺓ ﻭﺍﻟﺒﺎﻗﻴﺎﺕ ﺿﻠﻦ ﺻﺎﻓﻨﺎﺕ ﻋﻠﻴﻪ ﺑﺲ ﺍﻧﻲ ﻣﺤﺠﻴﺖ ﺳﻮﻳﺖ ﺭﻭﺣﻲ ﺍﻛﻠﺐ ﺑﺎﻟﺘﻠﻔﻮﻥ
ﺑﺲ ﺣﻠﻔﺖ ﺍﻟﻴﻮﻡ ﺍﺗﻌﺎﺭﻙ ﻭَﻳَﺎ ﻣﻦ ﺻﺪﻙ ﺍﺗﺤﻤﻠﺘﺔ ﺑﻤﺎ ﻓﻴﻪ ﺍﻟﻜﻔﺎﻳﻪ ﺭﺩﺕ ﻛﺎﻟﺖ ﺍﻛﻮﻟﺞ ﺯﻣﺮﺩ ﺑﺎﻭﻋﺖ ﻋﻠﻴﻬﺎ ﺑﻤﻌﻨﻰ ﻫﺎ
ﻛﺎﻟﺖ ﻣﺘﺸﺘﺎﻗﻴﻦ ﻟﻄﻠﻴﻘﺞ ﺍﻟﻲ ﺟﻨﺘﻲ ﻓﺼﻠﻴﻪ ﺍﻟﻪ ﻛﻠﻬﺎ ﺍﻧﺼﺪﻣﺖ ﺑﺴﺆﺍﻟﻬﺎ ﻛﻠﺘﻠﻬﺎ ﻣﺮﻭﺓ ﻧﺒﺄ ﺷﻌﻠﻴﺞ ﺍﻧﺘﻲ
ﺑﻬﺎﻱ ﺍﻟﺴﻮﺍﻟﻒ ﻣﻮ ﻣﻦ ﺣﻘﺞ ﺗﺪﺧﻠﻴﻦ ﻭﺍﺫﺍ ﺳﻤﻊ ﺑﻴﺞ ﻳﻮﺳﻒ ﻫﺴﻪ ﻳﻜﻠﺐ ﺍﻟﺪﻧﻴﺎ ﻛﺘﻠﻬﺎ ﻻ ﺣﺒﻲ ﻣﺮﻭﺓ ﺩﻗﻴﻘﻪ
ﺍﻭﻻ ﻫﺬﺍ ﺍﻟﺸﻲ ﺭﺍﺟﻊ ﺍﻟﻲ ﻭﻫﺬﺍ ﺷﻲ ﻳﺨﺼﻨﻲ ﺛﺎﻧﻴﺎ ﺳﻮﺅﺍﻟﺞ ﺷﺨﺼﻲ ﻭﻣﺎ ﺍﺟﺎﻭﺏ ﻋﻠﻴﻪ ﻻﻥ ﻫﺬﺍ ﺍﻟﺸﻲ ﺑﻴﻨﻲ ﻭﺑﻴﻦ ﻧﻔﺴﻲ
ﺛﺎﻟﺜﺎ ﺍﻋﺘﻘﺪ ﺍﻧﺘﻲ ﻣﺎ ﺍﻟﺞ ﺩﺧﻞ ﺑﻬﺬﺍ ﺍﻟﺸﻲ ﺍﺑﺪ ﻭﻣﻤﺴﻤﻮﺣﻠﺞ ﺗﺴﺎﻟﻴﻨﻪ ﻻﻥ ﺷﻲ ﻣﻴﺨﺼﺞ ﻭﻳﻌﻮﺩ ﺍﻟﺞ ﺗﻤﺎﻡ ﺣﺒﻴﺒﺘﻲ
ﻛﺎﻣﺖ ﺗﻔﻮﺭ ﻫﻴﻪ ﺭﺩﺕ ﺃﻣﻬﺎ ﻭﻛﺎﻣﺖ ﺗﻌﻴﻂ ﻭﻟﻴﺶ ﺗﺠﺎﻭﺯﻳﻦ ﻋﻠﻰ ﺑﺘﻲ ﻭﻫﻴﻪ ﺷﺤﺠﺖ ﻭﺷﻨﻮ ﺍﻟﻲ ﻛﺎﻟﺖ ﻭﻫﻴﺞ ﺗﻜﻮﻟﻴﻠﻬﺎ
ﻭﺷﺼﺎﺭ ﺑﻴﺞ ﻭﺗﺤﺠﻴﻦ ﻋﻠﻰ ﺑﺘﻲ ﻭﺗﻐﺎﺭﻳﻦ ﻣﻨﻬﺎ ﻭﺿﺎﻳﺠﺔ ﺿﺤﻜﺖ ﻛﺘﻠﻬﺎ ﻋﻠﻰ ﺷﻨﻮ ﺃﻏﺎﺭ ﻣﻨﻬﺎ ﺧﺎﻟﻪ ﺑﺸﻨﻮ ﻫﻴﻪ ﺍﺣﺴﻦ ﻣﻨﻲ ﺣﺘﻰ ﺃﻏﺎﺭ
ﺟﺎﻥ ﺗﻜﻮﻝ ﻣﺎ ﻋﻠﻴﺞ ﻋﺘﺐ ﻛﻄﺎﻋﻪ ﺍﻟﺜﺪﻱ ﻗﺼﺪﻫﺎ ﻻﻥ ﺗﺒﺮﻳﺖ ﻣﻦ ﺍﻫﻞ ﺑﺎﺑﺎ ﻭﻫﻴﺞ ﺳﻮﻳﺖ
ﺍﺗﺨﺒﻠﺖ ﺷﻠﻮﻥ ﺗﻜﻮﻝ ﻫﻴﺞ ﻭﺗﺤﺠﻲ ﻭﻳﺎﻱ ﺣﻖ ﻛﺘﻠﻬﺎ ﻧﻌﻢ ﺧﺎﻟﻪ ﺷﺘﻔﻀﻠﺘﻲ ﻛﺎﻟﺖ ﻧﻌﺎﻣﺔ ﺍﻟﺘﻨﻌﻨﻊ ﺿﻠﻮﻋﺞ ﺍﻧﺸﺎﻟﻠﻪ
ﺍﻟﺼﺪﻙ ﺍﺟﺎﻭﺯﺕ ﻋﻠﻴﻪ ﻭﺗﻌﺎﺭﻛﺖ ﻭﻳﺎﻫﺎ ﺑﺲ ﻣﺎ ﺍﺟﺎﻭﺯﺕ ﺣﺪﻱ ﻭﻗﻠﻠﺖ ﺍﻷﺩﺏ ﻭﻳﺎﻫﺎ ﻭﻫﻴﻪ ﻭﺣﺪﻩ ﺩﺍﻳﺤﺔ ﻋﻠﻰ ﺍﻟﻐﻠﻂ ﺍﻟﻲ ﻏﻠﻄﺘﻪ
بيج قصص عراقيه حقيقيه من واقعنا.روعه الطائي
ﻛﺎﻝ ﺑﻌﺼﺒﻴﻪ ﺍَﻱ ﺗﻌﺘﺬﺭﻳﻦ ﺍﻧﺘﻲ ﻛﺎﺗﻠﺘﺞ ﻧﺒﺄ ﺗﻐﺎﺭﻳﻦ ﻣﻨﻬﺎ ﺑﺲ ﻫﻴﻪ ﺍﺣﺴﻦ ﻣﻨﺞ ﻛﺘﻠﻪ ﻋﻠﻰ ﺷﻨﻮ ﺃﻏﺎﺭ ﺑﺎﻟﻠﻪ ﻓﻬﻤﻨﻲ ﻭﻫﺴﻪ ﺻﺎﺭﺕ ﺍﺣﺴﻦ ﻣﻨﻲ ﻣﻴﺨﺎﻟﻒ ﺭﻭﺡ ﺍﻟﻬﺎ ﻟﻌﺪ ﺍﻧﻲ ﺧﻠﺺ ﺑﻌﺪ ﻣﻌﻠﻴﻪ
ﺑﺲ ﻗﺒﻞ ﻫﺬﺍ ﻛﻠﻪ ﻋﻤﻮ ﺍﻟﺴﺎﻟﻔﻪ ﻭﺣﺪﻩ ﺛﻨﻴﻦ ﺗﻼﺛﻪ ﺳﻮﺍﻟﻒ ﻧﺒﺄ ﻟﻴﺶ ﺗﻜﻮﻝ ﺣﺠﺖ ﻋﻠﻴﻬﺎ ﻭﻣﻜﺎﻟﺖ ﺑﺲ ﺍﻧﻲ ﺳﻜﺘﺖ ﻣﺎ ﺭﺩﺕ ﺍﺳﻮﻱ ﻣﺸﺎﻛﻞ
ﻛﺎﻡ ﻳﻌﻴﻂ ﻳﻮﺳﻒ ﻭﻳﺼﻴﺢ ﻛﺎﻝ ﺍﻧﺘﻲ ﺗﻐﺎﺭﻳﻦ ﻭﺗﺤﺠﻴﻦ ﻫﻴﺞ ﻭﺗﻜﻮﻟﻴﻦ ﻛﺘﻠﻪ ﻋﻠﻰ ﺷﻨﻮ ﺃﻏﺎﺭ ﻓﻬﻤﻨﻲ ﻭﺣﺘﻰ ﺍﺫﺍ ﻏﺮﺕ ﺍﻧﺘﻪ ﻣﻨﻮ ﻣﻮ ﺯﻭﺟﻲ
ﻫﻴﻪ ﺍﻟﻲ ﺗﺴﻮﻱ ﻣﺎﻛﻮ ﻣﺮﻩ ﺗﻘﺒﻠﻪ ﻭﺍﻧﻲ ﺳﻜﺘﺖ ﺗﻘﺒﻞ ﺍﻧﻲ ﻫﺴﻪ ﻣﺠﺮﺩ ﺍﺣﺎﺟﻲ ﻓﻬﺪ ﺍﻧﻲ ﻛﻠﺖ ﻫﻴﺞ
ﻭﻣﺎ ﺍﺣﺲ ﻏﻴﺮ ﺧﺪﻱ ﺍﺷﺘﻌﻞ ﻧﺎﺭ ﻣﻦ ﻭﺭﻩ ﻳﻮﺳﻒ ﺿﺮﺑﻨﻲ ﺭﺍﺷﺪﻱ ﻭﻛﺪﺍﻡ ﺃﻫﻠﻪ ﻛﻠﻬﻢ ﻭﻫﺎﻱ ﺍﻭﻝ ﻣﺮﻩ ﻳﺴﻮﻳﻬﺎ
ﻛﺎﻝ ﺍﻟﻒ ﻣﺮﻩ ﻛﺘﻠﺞ ﻫﺬﺍ ﺍﻟﻨﻜﺲ ﻣﺠﻴﺒﻴﻦ ﻃﺎﺭﻳﻪ ﻋﻠﻰ ﻟﺴﺎﻧﺞ ﻟﺰﻣﺖ ﺧﺪﻱ ﻭﺑﺎﻭﻋﺖ ﻋﻠﻴﻪ ﻣﺼﺪﻭﻣﺔ ﻭﺍﻫﻠﻪ ﺗﺨﺒﻠﻮ
ﻭﻛﻠﻬﺎ ﻛﺎﻣﺖ ﺗﺤﺠﻲ ﻭﺗﻌﻴﻂ ﻋﻠﻴﻪ ﻣﻘﺒﻠﺖ ﻭﻋﻤﻮ ﺗﺨﺒﻞ ﻭﻏﻠﻂ ﻋﻠﻴﻪ ﻛﺘﻠﻪ ﺻﺎﺭ ٣ﺍﺷﻬﺮ ﻣﺘﺤﻤﻠﺘﻚ ﻭﻣﺘﺤﻤﻠﺔ ﺃﺳﻠﻮﺑﻚ ﻭﻣﺎ ﺷﻜﻴﺖ ﻣﻨﻚ
ﺑﺲ ﻭﺻﻠﺖ ﺑﻴﻚ ﺗﻤﺪ ﺍﻳﺪﻙ ﻋﻠﻴﻪ ﻭﺗﻮﻛﻒ ﻭﻳﻪ ﺑﻴﺖ ﻋﻤﻚ ﻭﺑﺖ ﻋﻤﻚ ﻋﻠﻴﻪ ﻻ ﻟﻬﻨﺎ ﻭﺍﻋﺬﺭﻧﻲ
ﺑﻌﺪ ﺍﻧﺘﻪ ﺑﺪﺭﺏ ﻭﺍﻧﻲ ﺑﺪﺭﺏ ﻛﺮﺍﻣﺘﻲ ﻓﻮﻙ ﻛﻠﺸﻲ ﺍﻧﻲ ﻓﻬﺪ ﻣﻦ ﺟﺎﻥ ﻳﻀﺮﺑﻨﻲ ﺷﻔﺖ ﺍﻧﺘﻪ ﺑﻌﻴﻨﻚ ﺷﺴﻮﻳﺖ ﺑﻲ
ﺯﻟﻢ ﻣﺎ ﻛﺪﺭﻭ ﻳﻌﺎﻗﺒﻮﻥ ﻫﻴﺞ ﻋﻘﺎﺏ ﻭﺷﻔﺖ ﺍﻧﺘﻪ ﺟﺮﺟﺮﺗﻪ ﺑﺎﻟﻤﺤﺎﻛﻢ ﻭﻫﻮ ﺍﺑﻦ ﺷﻴﻮﺥ ﻭﻛﻌﺪﺗﻪ ﻟﻠﻔﺼﻞ ﻭﻫﺴﻪ ﺍﻧﺘﻪ ﺍﺟﻴﺖ ﻭﻣﺪﻳﺖ ﺍﻳﺪﻙ ﻋﻠﻴﻪ ﻭﺿﺮﺑﺘﻨﻲ ﺑﺪﻭﻥ ﺳﺒﺐ
ﻫﺎﻳﻬﻴﻪ ﻟﻬﻨﺎ ﻭﺧﻠﺺ ﺍﻧﻲ ﻣﺎ ﺍﺑﻘﻰ ﻋﻨﺪﻙ ﺑﻌﺪ ﺷﻠﺖ ﺍﻟﺴﻮﻳﺞ ﻭﺍﻟﺠﻨﻄﻪ ﻭﺩﺍﻃﻠﻊ ﻫﻮ ﺍﻧﺼﺪﻡ ﻭﺍﻫﻠﻪ ﺗﺨﺒﻠﻮ ﻭﻣﻦ ﺩﺍﻃﻠﻊ
ﻣﻘﺒﻠﻮ ﻭﺣﺎﺭﻭ ﺷﻨﻮ ﺳﻮﻭ ﺑﻲ ﻭﻋﻤﻲ ﺻﺎﺣﻠﻲ ﻭﻛﺎﻝ ﻳﺎﺑﻪ ﻟﺨﺎﻃﺮﻱ ﻟﺘﻄﻠﻌﻬﻢ ﻋﻮﻓﻲ ﺍﺑﻘﻲ ﻳﻤﻨﺔ ﻭﻟﺘﺮﺟﻌﻴﻦ ﻭَﻳَﺎ ﺑﺲ ﻟﺘﺮﻭﺣﻴﻦ ﻻﻫﻠﺞ
ﺭﺣﺖ ﻋﻠﻴﻪ ﺑﺴﺘﻪ ﻣﻦ ﺭﺍﺳﻪ ﻭﻛﺘﻠﺔ ﺧﺎﻃﺮﻙ ﻋﺰﻳﺰ ﻋﻠﻴﻪ ﻭﺟﺒﻴﺮ ﻋﻨﺪﻱ ﻭﻋﻠﻰ ﺭﺍﺳﻲ ﺑﺲ ﺗﻌﺬﺭﻧﻲ
ﻭﺍﺗﺮﺟﺎﻙ ﻋﻤﻮ ﻋﻮﻓﻨﻲ ﺍﺭﻭﺡ ﻻﻥ ﻣﺴﺘﺤﻴﻞ ﺍﺑﻘﻰ ﻭﻳﻪ ﻳﻮﺳﻒ ﺑﻌﺪ ﻣﺮﻭﺓ ﺗﻮﺳﻠﺖ ﻋﻤﺘﻲ ﻫﻢ ﺿﻠﺖ ﺗﺘﻮﺳﻞ ﺑﺲ ﺍﺑﻘﻲ ﻛﺘﻠﻬﻦ ﺗﻌﺬﺭﻭﻧﻲ
ﻫﻮ ﺿَﻞ ﻳﺤﺠﻲ ﻭﺯﻣﺮﺩ ﻛﻌﺪﻱ ﺑﻠﺤﻀﺔ ﻋﺼﺒﻴﻪ ﺍﺳﻒ ﻭﺍﻋﺘﺬﺭ ﺳﺎﻣﺤﻴﻨﻲ ﻣﺎ ﺍﻧﺘﺒﻬﺖ ﻣﺎ ﺭﺩﻳﺘﻠﻪ ﻭﻻ ﺑﺎﻭﻋﺖ ﻋﻠﻴﻪ ﺿﻠﻮ ﻳﺤﺠﻮﻥ ﻭﻳﺎﻱ ﻭﺍﻧﻲ ﻗﻔﻠﺖ
ﻻﻥ ﺟﺪ ﺻﺎﺭ ﻣﻴﻨﺴﻜﺖ ﻋﻦ ﺃﺳﻠﻮﺑﻪ ﻋﻤﻲ ﻛﺎﻝ ﺧﻠﻲ ﻳﻮﺻﻠﺞ ﻣﺮﺗﻀﻰ ﻋﺎﺩ ﻛﺘﻠﻪ ﻻ ﺍﻧﻲ ﺍﺭﻭﺡ ﺑﺴﻴﺎﺭﺗﻲ ﻣﻴﺤﺘﺎﺝ
ﺿﻠﻮ ﻳﺤﺠﻮﻥ ﻭﻳﺎﻳﻪ ﺳﻠﻤﺖ ﻋﻠﻴﻬﻢ ﻭﻃﻠﻌﺖ ﻟﺤﻜﻨﻲ ﻳﻮﺳﻒ ﻭﻃﻠﻊ ﻳﺮﻛﺾ ﻭﺭﺍﻱ ﻣﺎ ﺍﻫﺘﻤﻴﺖ ﺍﻟﻪ ﻭﻻ ﺣﺎﺟﻴﺘﻪ
ﺭﻛﺒﺖ ﺍﻟﺴﻴﺎﺭﻩ ﻭﻃﻠﻌﺖ ﻟﻠﻜﺮﺍﺩﻩ ﻭﻫﻮ ﻭﺭﺍﻳﻪ ﺿَﻞ ﻳﺪﻛﻠﻲ ﻫﻮﺭﻥ ﻭﺍﻧﻲ ﺣﺘﻰ ﻣﺎ ﺧﻔﻔﺖ ﻭﻳﺪﻙ ﻋﻠﻴﻪ ﻣﺎ ﺍﺟﺎﻭﺏ
ﻭﺻﻠﺖ ﻟﺒﻴﺖ ﺍﻫﻠﻲ ﻭﻫﻮ ﻭﺭﺍﻳﻪ ﻛﻠﻤﺎ ﻳﻮﺻﻞ ﻳﻤﻲ ﺃﺯﻳﺪ ﺑﺎﻟﺴﺮﻋﺔ ﻧﺰﻟﺖ ﺑﺴﺎﻉ ﻭﺟﺮﻳﺖ ﺍﻟﺴﻴﻢ ﻣﺎﻝ ﺍﻟﺒﺎﺏ ﻓﺘﺤﺘﻪ ﻭﻃﺒﻴﺖ ﻧﺰﻝ ﻣﻦ ﺍﻟﺴﻴﺎﺭﻩ ﺳﺪﻳﺖ ﺍﻟﺒﺎﺏ ﺑﻮﺟﻬﺎ
ﺿَﻞ ﻳﺪﻙ ﺑﻴﻬﺎ ﻣﺎ ﻓﺘﺤﺘﻪ ﺩﻛﻴﺖ ﺑﺎﺏ ﺍﻟﻤﻄﺒﺦ ﻻﻥ ﻣﻘﻔﻮﻟﻪ ﻃﻠﻊ ﺟﺪﻭ ﻋﻠﻴﻪ ﺃﺗﻔﺎﺟﺄ ﺑﻬﻴﺞ ﻭﻛﺖ ﻭﺣﺪﻱ ﺍﺣﻤﺮ
ﻳﺘﺒﻊ ............
ﺍﻟﺒﺎﺭﺣﺔ ﻛﺘﺒﺖ ﺍﻟﺒﺎﺭﺕ ﻭﻛﻤﻠﺘﺔ ﻣﻦ ﻭﻛﺖ ﺑﺲ ﻣﺎ ﻧﺸﺮﺗﻪ ﺑﺴﺒﺐ ﺗﻔﺎﻋﻠﻜﻢ ﺻﺎﻳﺮ ﻛﻠﺶ ﻗﻠﻴﻞ ﻭﻫﻮﺍﻱ ﺻﺎﺭﺕ ﺍﻧﺘﻘﺎﺩﺍﺗﻜﻢ
ﻭﻋﻠﻰ ﻋﻴﻨﻲ ﻭﻋﻠﻰ ﺭﺍﺳﻲ ﺍﻧﻲ ﻭﻳﺎﻛﻢ ﺫﻛﺮﺕ ﺗﻔﺎﺻﻴﻞ ﻫﻮﺍﻳﻪ ﻭﻣﺎ ﺍﻟﻬﺎ ﻣﻌﻨﻰ ﻭﺻﺎﺭﺕ ﺍﻟﻘﺼﻪ ﻣﻤﻠﺔ ﺑﺲ ﺷﺴﻮﻱ
ﺍﻣﺎﻧﻪ ﺍﻟﻠﻪ ﺍﻛﺜﺮ ﻣﻦ ﻣﺮﻩ ﻛﻠﺖ ﻟﺰﻣﺮﺩ ﻭﻣﻘﺒﻠﺖ ﺍﺣﺬﻑ ﺗﻜﻮﻝ ﺍﺭﻳﺪ ﺍﺭﻭﻱ ﻗﺼﺘﻲ ﺍﻟﻲ ﻋﺸﺘﻬﺎ ﻟﻤﺘﺎﺑﻌﻴﻨﻲ ﻛﻠﻬﺎ
ﺣﺘﻰ ﻣﻦ ﻳﻘﺮﻭﻥ ﺍﺣﺴﻬﻢ ﻳﻌﻴﺸﻮﻥ ﺍﻷﺟﻮﺍﺀ ﻭﻳﺎﻳﻪ ﺍﻧﻲ ﺷﻨﻮ ﺫﻧﺒﻲ ﺑﻌﺪ ﻭﻫﻴﻪ ﺍﺻﻼ ﻫﻢ ﺩﺗﺎﺑﻊ ﺍﻟﺘﻌﻠﻴﻘﺎﺕ
ﺍﻧﻮﺏ ﺍﻧﻲ ﻭﻛﻌﺖ ﺑﻴﻬﺎ ﻭﺻﺎﺭﺕ ﺍﻟﻤﺴﺒﻪ ﻋﻠﻴﻪ ﺑﻔﻠﺲ ﻳﺎ ﻧﺎﺱ ﻳﺎ ﻋﺎﻟﻢ ﺍﻧﻲ ﻣﺪﺧﻠﻨﻲ ﺯﻣﺮﺩ ﺍﻟﻲ ﻃﻠﺒﺖ ﻫﺬﺍ ﻭﻛﺎﻟﺖ ﺗﻨﺸﺮﻳﻬﺎ ﻛﻠﻬﺎ ﻛﺎﻣﻠﺔ
ﻭﺑﺎﻟﻨﺴﺒﺔ ﻟﺴﻔﺮ ﻳﻮﺳﻒ ﻻ ﻋﺎﺩﻱ ﺍﻟﻌﺴﺎﻛﺮ ﻭﺍﻟﻀﺒﺎﻁ ﻳﻜﺪﺭﻭﻥ ﻳﺴﺎﻓﺮﻭﻥ ﻫﺴﻪ ﺍﻧﻲ ﻋﻤﻲ ﺿﺎﺑﻂ ﺳﺎﻓﺮ ﻟﺘﺮﻛﻴﺎ ﻭﺍﻟﻠﻪ
ﻭﺑﺎﺑﺎ ﻧﺎﺋﺐ ﺿﺎﺑﻂ ﺳﺎﻓﺮ ﻟﻠﻬﻨﺪ ﻗﺒﻞ ﺳﻨﺘﻴﻦ ﻭﻗﺒﻞ ﺷﻬﺮ ﺭﺟﻊ ﻣﻦ ﺇﻳﺮﺍﻥ ﺍﻟﻠﻪ ﺷﻬﺪ ﻋﻠﻴﻪ ﻭﺍﺳﺎﻟﻮ ﻭﺍﺗﺎﻛﺪﻭ