DASHER: THE DASHING DEVIL

CHAPTER 12

DONNIE MARIE stared at the letter in front of her. Nasa pulang papel iyon. Pula rin ang envelope at napapalibutan ng iba't ibang kulay na bulaklak. All in all, magandang tignan iyong sulat. Dangan lamang ay natitiyak niyang hindi kasing kaaya-aya ng panlabas na anyo niyon ang nakapaloob na mensahe, base na rin sa nakikita niyang pagkayamot sa mukha ni Dasher. Kinuha niya ang sulat mula sa ibabaw ng mesa at tsaka binasa ng malakas ang laman niyon.

"You are mine. Only mine. I love you so much I could die," basa niya sa mensahe. Napailing siya at napatigil sa pagbabasa. "It sounds too possessive," komento niya bago ipinagpatuloy ang pagbabasa. "You looked great yesterday. You really look good on green. Nakakatunaw ng puso ang ngiti mo kahapon pero hindi ko nagustuhan ang dahilan ng naging pagngiti mo. Someday, I'm gonna be the reason for your smile. I love you, Dasher. FOREVER."

Marahan niyang ibinaba ang hawak na sulat bago muling bumaling kay Dasher. "Alam mo, malala na itong stalker mo. Delikado na ang isang ito," iling niya.

The stalker knew everything that Dasher went to. Pati ang suot at mga kasama ni Dasher, alam ng stalker nito. Natigilan siya at muling binasa ang nasa sulat. Then she realized something.

"H-hindi niya nagustuhan ang naging pagngiti mo kahapon. It sounded like a threat. Ano'ng ibig niyang sabihin?" kinakabahang tanong niya.

Dasher sighed. Mayamaya ay naglabas ito ng tatlo pang sulat. Nanlaki ang mga mata niya. "Ang sulat na binasa mo ay ang una kong natanggap. I received that last night. Ngunit may ipinadala ulit siya kaninang umaga. I've received a total of five letters just for today. Ito ang kauna-unahang pagkakataong tinambakan niya ako ng sulat."

Napailing siya. They were at Dasher's condo. Pinapunta siya roon ng binata dahil sa nakababahalang mga sulat na natanggap nito. Sa nanginginig na kamay ay kinuha niya ang mga sulat na inilapag ni Dasher sa ibabaw ng mesa. Isa isa niyang binasa ang laman ng mga iyon. Nang matapos niyang basahin ang lahat ay nanghihinang napabaling siya kay Dasher.

"A-ako ang tinutukoy niya sa sulat!" bulalas niya.

Dasher nodded. "Kaya nga ipinatawag kita."

"Bakit niya nasabi na—" natutop niya ang bibig. "Nakita niya ba tayo sa loob ng kotse mo?" Pinamulahan siya ng mukha. Then she sighed. "Hindi malayong makatanggap din ako ng threat. But don't worry, kaya ko naman ang sarili ko. I know self-defense kaya—"

"Kailan mo ba mahuhuli iyan?" iritadong sikmat nito.

Dalawang araw na ang ginugol niya sa pagbabasa ng profile, schedules at activities ng mga taong ini-imbestigahan niya na pinaghihinalaan niyang stalker. She's gathered informations about Krisstine, Dakila and Juliet—mga main suspect niya.

Iyong ibang nadagdag sa listahan niya ay agad ring naalis sa checklist niya dahil nakitaan niya agad ang mga ito ng loopholes. Iyong tatlo lang talaga ang consistent sa pagiging kaduda-duda lalo't pare-parehong may gusto ang mga ito kay Dasher.

"I'm trying my best. Hindi ko nga lang na-anticipate na madadamay ako sa pagseselos ng stalker mo. Kasalanan mo ito eh! Kung hindi mo ba kasi sana ako nilalandi, eh 'di sana walang kumplikasyon! Baka masira pa ang plano ko nang dahil sa kapabayaan mo."

"Ano'ng plano iyon?" kunot-noong untag nito.

"We are going to attend the press-con the day after tomorrow, right? Magkakaroon ako ng chance na kausapin iyong tatlong suspect ko. Magmamasid na rin ako sa mga taong dadalo. I have the list of all the invited guests, madali ko na lang mapag-aaralan ang sitwasyon. Kilala ko rin ang lahat ng nasa listahan dahil napag-aralan ko na kagabi ang mga profile nila."

"Malakas ang kutob kong aatake ang stalker mo bukas. Marami siyang pagkakataon para malapitan ka. Magkakaroon din siya ng chance para malapitan ako."