UNRIVALED!

• CHAPTER 18 "Eugi vs Suzzane"

"Ah! Natatakot akong manood, pakiramdam ko matatalo niya kaagad si Neo! Nakakahiya!"

"Pwede ba!?" kunot ang noong humarap si Sheiko sa mga katabi niyang kaklase. "Nandito ba talaga kayo para suportahan siya!?"

"Of course, but it doesn't mean naniniwala kami na mananalo siya.."

"Tsk! Mananalo si Neo!" tumingin pa siya sa mga estudyanteng nasa likod niya dahilan para tumingin rin ito ng may pagtataka sa kaniya. "Si Neo ang mananalo! Hmph!"

~•~•*•~•~

Nakatingin lang si Eugi sa malaking screen kahit kaharap na niya si Suzzane. Wala pa rin talaga sa plano niya ang umatake hangga't hindi nauuna ang kaniyang kalaban. Wala naman siyang alam na istilo sa pakikipaglaban at wala rin siyang alam sa pag-gamit ng wand ng mga sorcerers.

'Ah, shit! Ano ba 'tong pinasok niya?'

"Hindi pa huli para mag back-out Neo," seryoso ang tinig ni Suzzane habang masama ang tingin kay Eugi. "I'm giving you a time while I have my sanity cause later I won't spare you.. Not even a single mercy! So if you want to forfeit, I allow you—"

"H-Ha??" gulat na tanong ni Eugi matapos tumingin sa screen. Hindi niya narinig ang sinasabi ng kaniyang katunggali kaya naman halos magtaka siya nang may sinasabi na pala ito sa kaniya. "S-Sorry, hindi ko narinig—"

"Inaasar mo ba ako!?" halos pumutok na sa inis ang ulo ni Suzzane sa kaniyang kausap. Para bang inaasar siya nito!

"Hindi nga kita narinig.."

"Back-out or else! I'm sparing you, can't you see!?"

"You don't need to spare me.. you'll need it more, so save it for yourself.."

"Wow, so niyayabangan mo ko?? Na mas kailangan ko ng spare sa sarili, gano'n??" taas ang kilay niyang tanong kay Eugi pero hindi lang ito umimik kahit na iyon ang ibig nitong sabihin. Nag-iwas ng tingin si Eugi para sumulyap sa mga manonood. Siguradong naghihintay na ito makasaksi ng malupit na aksiyon. Napabuntong hininga siya sa isipan saka muling tumingin sa kaniyang katunggali.

PERO

Wala na sa kaniyang puwesto si Suzzane!

*Swoooooooooosh*

Binalot nang napakalakas na hangin ang buong battlefield, kaya ang buong buhok ni Eugi ay lumipad na papunta sa kaniyang mukha. Naramdaman niya ang pag-angat ng kaniyang suot na sombrero bugso ng malakas na hangin kaya naman bigla siyang nakaramdam ng kaba. 'Shit, hiram lang 'yon.. Pag nasira 'yon, babayaran ko pa!'

"You'll regret this, Neo.." dinig niyang usisa ni Suzzane sa kung saan ngunit hindi niya ito hinanap sa paligid dahil nakapokus lang ang kaniyang buong atensyon sa paghahanap kung saan bumagsak ang suot niyang sombrero. Mas lalo siyang kinabahan nang hindi ito makita, ang mas ikinababahala niya ay masira ito.

Spotted!

Nang makita niya ang sombrero sa isang sulok ay mabilis siyang tumakbo patungo roon pero natigilan siya nang biglang lumitaw sa kaniyang harapan ang isang dambuhalang halimaw na mula pa sa himpapawid. Sinubukan niya itong iwasan at lumiko sa gilid nito ngunit muli nitong hinarangan ang kaniyang dadaanan dahilan para mainis si Eugi.

"Tabi muna—"

Napahiyaw ang mga manonood nang magsimula nang umatake ang kaharap niyang halimaw. Mabuti na lamang at mabilis niyang nabasa ang atake nito kaya naihanda niya rin ang sarili na umabante mula sa kaniyang puwesto. Napansin ni Eugi na halos buong manonood sa hall ay sa kaniyang laban nakatingin. Naghihintay ng magandang mangyayari.