#كان أخي

البارت24

#كان-أخي
البارت24

هيثم:داكلج احبج انتي وبالي يمج انتي ماعندي اي مشاعر تجاها..ثقي وعتقدي بذات الله ياملك لو ماالها حق شرعي عليه واخاف من ربي ماتقرب الها اصلا
صرخت بوجهو وتعصبت
ملك:لعد ليشششش خطبتها وماصدكت على الله اكلك موموافقه حتى تروح تخطب كبل شنو هالحب هذا هااا
جيت عليه بيوم وليله تكلي احبج وراها تتزوجيني لو لا حتى مانطيتني فرصه اغير من تفكيري....تحمل لعددد تحمممل
هيثم:ملك انتي شكاعد تحجين اني جنت دايما احاول الفت نضرج كلشي سويت وانتي تكوليلي اخويه واخويه صار عمرري31سنه اني جنت يائس اصلا انو راح تحبيني وحتى بالخطوبه كتلج كولي لوبس كلمه وحدة وراح انهي كلشي وهم ضليتي ساكته ..اني من خطبت شروق كلت عسى ولعل انساج وافكر بحياتي ومستقبلي
كل فترة الخطوبه جنت اتمنى منج تكولين كلمه بس ماشفت كلشي منج وبالاخير تجين بيوم العرس تكليلي احبك لعد هذاا فعل تسوي بيه هااا
ملك:الكلام مايفيد بعد احسن شي كلمن يروح بطريقه انت تزوجت بعد لازم تتقبل انو عندك مرة والها حقوق عليك الحل انو نبتعد عن بعض
هيثم: موعلى كيفج وكت تريدين تجين وتحنين وكت تريدين تروحين مو على مزاجج اني فهمتي لو لا وسالفه انو نبتعد انسيها
ملك:يعني شوون نضل هييييج هذا حل برأيك
هيثم:لااا مانضل هيج اكو حل
ملك:-شنو الحل هاا
هيثم:اكو حل بس لازم تقبلينو
ملك:كوول شنو
هيثم:نتزوج
ملك:شنوووو .لازم نسيت انك متزوج
هيثم:-اقصد زوجه ثانيه
ملك:ههههه ضحكتني والله شوف هيثم صحيح اني احبك بس مال ازوجك وانت عندك مرة هاي مستحيل اني ماتحمل وحدة تشاركني بيك كل عقلك اموت والله اني موكد هذا الشي ابد... ومال تكولي اعوفها او اطلكها وتزوجج هم مستحيل لان اني مااريد اكسب خطاها ابد
هيثم:لعددددد شلووووون هااااا وتااالي ويااااج اي شي اكلج اياه مايعجبج مو تفعستيني تفعسس ارحميني لخاطر الله
ملك:والله لوما مدرستي مسجله هنان فلا ابقه هنا اروح يم اهلي ومن جيهه انت ماتضل تشوفني وتتعذب ولااني اشوفك واتعذب هيج نرتاح اثنينه
تعصب حييل
هيثم:هاي سالفه مال اروح لاهلي على مود تزوجت انسيها ترى اكسر راسج والله ....يعني شلون ماتخليني ارتاح شلون....خرررب باليوم الي حبيتج بي ....اووك ملك براحتج برررراحتج ابتعدي عني ولاتتقربين وشسوين سووي بس يصير خير
نزل متعصب حيل واني كمت ابجي...موضوعنه معقد مثل الكابوس ولااعرف شنو نهايته...ضليت ابجي اله ماهلكت نزلت جوة غسلت وجهي ورحت تمددت بغرفه الخطار  وشغلت التلفزيون ضليت اباوع للقنوات واكلب اله ما اخذتني النومه ضليت نايمه حسيت هبه تكعدني
هبه:ملك كومي تعشي
ملك:ماريد خليني نايمه
رجعت نمت صحيت الساعه9..كمت حسيت نفسي جوعانه وحميت العشه وتعشيت رجعت ادرس شوي صارت الساعه11 فاتت السيارة للحوش...باوعت هيثم وشروق فاتت شروق ووجها مكلوب عليه وهو هم حتى ماباوعلي فاتو لغرفتهم....ضليت ادرس ماهتميت اله نمت وكعدت رحت للمدرسه اخذت دروسي ورجعت تغديت بالمطبخ وشروق جانت تغسل المواعين وهبه تعاونها
هبه وشروق كامن يتسولفن واجه طاري موضوع الزواج والحب وهاي السوالف
شروق:اكو بنات مايستحن يلاحكن المزوجين شون قله حيه
عرفت تقصدني من نبرة صوتها...مارديت عليها خلصت غدة ورميت المواعين عالمغسل هيه جانت تغسل
شروق: ماتغسلين مواعيج ليش عفتيهن
ملك:انتي موكاعد تغسلين شخسرانه اذا غسلتهين
شروق: روي روحي الضاهر تعودتي
ملك:على شنو تعودت
شروق: موشي هيج
ملك:شوفي ترى اني لابحالج ولابحال شغلج كل عمري اشتغل بيدي وخادمه البيت كلو وروحي اسألي زلمتج
شروق:وليش تدخلين زلمتي بالموضوع
ملك:على مود تتضحلج الصورة
رحت وعفتها...طلعت هيثم كبالي..لاباوعلي ولاباوعتله رحت فتت للغرفه فاتت هبه
هبه: شبيج انتي وشروق
ملك:موشفتي كدامج الصار منو الغلطان هاا
هبه:متضايقه منج مبينه
ملك:مشكلتها شمسويلها اني
هبه:المهم اليوم العصر نشيل الفرش مال البيت الجو صار حار كافي ونشطفو هم
ملك:اي انشالله...صارت الدنيا عصر وكمنه اني وهبه شلنه الفرش كلها وصعدناها فووك فووتت الصوندة للبيت جان تجي شروق تسحبها مني وكامت ترشرش
مادرت الها باب اعرف ليش تسوي هالحركات ...مسكت الماسحه وكمت امسح وهي ترش..فات هييثم من برة
هيثم:هس اني وين اكعد
شروق :اكعد بغرفه الخطار عالقنفات
كاعد امسح وهو تايفوت تمزلحت  جان وكعت لو ما هيثم مسكني
هيثم:يمعودة على كيفج جان تكسرتي
رحت للغرفه بدلت هدومي لان صارن كلهن مي ورجعت اشتغل
شروق:خوش حركات عندج
ملك:شقصدج
شروق:الوكعه مالتج ماتصير اله وكت هيثم اجه سبحان الله
ملك: انتي ماتكوليلي شبيج ترى موفاضيه لسوالفج وعيب هالكلام
شروق:تحجين بالعيب انتي اعرفي العيب بالاول عود احجي بي
ملك:ليش مخليه راسج براسي هاا
شروق:شوكت ماتشيلين هيثم من راسج عود اشيل راسي منج
ملك:والله ياالله اسكت احسن
شروق:لا احجي موزين اليسكت..ترى كلشي اعرف ادري بيج ملاحكتو وعينج علي بدون خجل ومستحه ولاتكولين هو مزوج
تعصبت هيين حيل وطلعت روحي
ملك:اااانتي شكاعد تخررربطين بسوالفج ترى زلمتج الي ميت عليه مو اني وازيدج من الشعر البارحه جان يكلي اريد اتزوجج واني الي رفضت هالشي و كتلو انت متزوج ومرتك خطيه روح التهي بيها اخاف ماتدرين
ماتت قهر من هيج كتلها المفروض ماكللها هيج بس بعجتني بكلامها ورديتلها عااد....
شروق:جذابه هاي انتي الي تريدن هالشي وميته تابس يزوجج لو هالكد يحبج وميت عليج مثل ماتكولين جان خطبج وتزوجج ليش اجه عليه مو انتي كبالو ليش يدور بعيد هااا
ملك:حبيبتي موكلشي لازم تعرفي راح اسكت وماجاوبج رحت وعفتهاا
ضلت تحجي وتغلط وراي ماكو شي ماكالتو عليه
صارت الدنيا ليل وسمعتم متعاركين بالغرفه
شروق:يعني تحبها وتررريد تزوجهااا مووو لعدد ليشش ماخذنيي  شووف هيثم بأحلامك تفكر تزوج عليه اسوي شي ماصار والله وماسكتلك ابد ولاخلي اهلي يسكتون
هيثم:سددي حلكج  كاافي عاااد ترى راسي يوجعني  ومالي خلكج شفتيني تزوجت مثلا تاهيج تحجين ولاتهددين مرة ثانيه لابأهلج ولابكل عشيرتج فهمتي؟؟
سميه:خير شبيهم ليش صوتهم طالع
ملك:ماعرف
دكت الباب عليهم:- هيثم افتح الباب شبيكم صوتكم طالع شصاير خير
هيثم:ماكو شي يووم
سميه:حلو مشاكلكم بصوت واطيء وتعوذو الشيطان لاتكبرون الامور
شروق:اي كوليله لايكبر الامور خلي يخليها صغيرة احسسن
شروق:موكلت سددت حلكج ماريد اسمع صوت هاي اخر مرة اكلج
سميه:-امشي ملك امشي خليهم ينجازون
رحت كعدت ويه عمه سميه وهبه بس كلبي يدك عالسريع حسيت نفسي تورطت ليش هيج كتلها ضليت خايفه كمت احس كل المشاكل من وراي
رحت ويه هيه نمت اجه ثاني يوم رحت للمدرسه اني مااخذ كل كتبي من اروح حسب الحدول اشيل الكتب رجعت كالعادة سبحت وتغديت ونمت كعدت العصر ادرس ادور لكتبي الباقيات بالبيت ماكو رحت عمه سميه:-عمه اكو كتب خليتهن عالمكتبه شو ماكو
هبه:اسألي هبه جانت تعزل البيت هي وشروق
رحت على هبه:-اكلج ماشفتي كتبي
هبه:-اي جانن موجودات عالمكتبه مالتج عزلت الغرفه اني وشروق بس ماجيت اني عليهن اسألي شروق..رحت على شروق وسألتها:-كتبي عالمكتبه جانن وينهن
شروق:-هااا ذنه الج اوو ولج ذبتهن بالوسخ حسبالي ماتريدنهن
تخبلت من هيج كالت
ملك:شنوو ماريدهن يعني عالمكتبه مرميات اكيد اريدهن ومنو غيري يدرس بالييت اكييد الي وين ذبيتيهن احجي بساع
شروق:-على كيفج يمعودة روحي شوفيهن بالسطله مال الوسخ الورى البيت
رحت عالسريع كمت ادور بالسطل باوعت الكتب مشككات وكلهن مي منتهيات..كمت ابجي معد اكدر......يتبببع