#كان أخي

البارت14

هيثم:ملك بعد ماتحمل اريد اتزوجج
ملك:شنو شنو تتزوجني هاي شبيك كل عقلك
هيثم:ايي كل عقلي داكلج احبج واريد نتزوج الى متى اضل انتضرج يعني
ملك:اني ماكايلتلك انتضرني وسالفه الزواج هاي لاتعيدها بعد
هيثم:شوفي ملك اني راح اكول لامي وابوي اني احبج واريد اتزوجج
ملك:لالاتكوللهم دير بالك والله عيب واستحي حتى اباوع بوجوهم
هيثم:ماليه دخل بعد وصلت حدها كافي
ملك:لاهيثم لاعفيه لاتسوي هيج
هيثم:ملك والله احبج وطك كلببي شون يعني شوكت تحنين عليه
ملك: هيثم اني اشوفك اخوي وبس والي تريدة مستحيل
باوع عليه حيل معصب
هيثم:هذا اخر كلاام عندج
ملك:اي
هيثم: متأكدة
ملك: اي
هيثم: خير انشالله ....بس راح اشوفج اخوج ابن الكلب شيسوي بعدد
كالي هيج وراح وكلش متعصب
رحت فتت للغرفه بس كلبي مومرتاح وضايجه لان شفته هيج متعصب
اجت صفا وهبه للغرفه
صفا:هذا شبي هيثم
هبه:مادري
رحت نمت وكعدت الصبح رحت للمدرسه ورجعت تغديت ونمت كعدت العصر سويت جاي وصبيت للكل وديت لهيثم بس مااخذ مني.ورى شوي كال لهبه تسويلو جاي..سويت العشه وتعشينه ورى العشه اجت هديل وزوجها وسلمنه عليها كلش فرحنه من اجت رحنه اني وياها للغرفه
هديل:الله شكد مشتاك للغرفه مالتنه
ملك:اي والله حتى الغرفه مشتاكتلك
هديل:اي شكو ماكو اخبار امور
ملك:والله الحمدلله ماكو شي
هديل: شوكت اجت عمه منتهى
ملك:قبل يومين
هديل:اي زين..
ملك:تباتين مو
هديل:لا مابات
ملك:ليش
هديل:مايقبل بلال كالي بس نتعلل ونرجع
راحت هديل ويه هيثم يحجون ويه باقي العيله بقو يحجون واني رحت سويت نسكافي ورحت وديتلهم ردت انطي هيثم هم مااخذ مني..
ادري بي ضايج بس مالو حق يسوي هيج اوووف
صاحتني هديل للغرفه ورحت لحكتها
ملك: ها هديل
هديل:احجيلي شنو صاير بينج وبين هيثم
ملك:ماصاير شي
هديل:ملك ترى اني اعرف كلشي
ملك:شنو تعرفين
هديل:اعرف هيثم يحبج...
ملك:هاا شنو منو كالج
هديل:هو كالي من زمان من قبل لاتزوج
ملك:اهااا
هديل:اي...ملك ترى هيثم حيل يحبج ومتعذب هواي لان انتي تعتبري اخ هذا الشي حيل تعبو اتمنى تغيرين تفكيرج تجاهو
ملك:صعبه حيل صعبه ماكاعد اتخيل هالشي
هديل:اعرف صعبه بس حاولي يجوز بس بالبدايه هيج تحسين بعدين كلشي يتغير وتكومين تحبينو حتى نخطبج لوة وتتزوجون
ملك:والله ماعرف شكلج
هديل:شوفي اني ماريد اضغط عليج او اجبرج بس ارجوج حسي بي ترى حيل تعبان هو
ملك:انشالله
كالتلي هيج وصاحها زوجها تايروحون ..راحت هديل وبقيت افكر بكلامها بجديه حاولت بيني وبين نفسي اقتنع انو احاول اغير تفكيري تجاهو عسى ولعلى اكدر احبو ..كل ما اتعمق بالتفكير ماتحمل احس ماكدر مستحيل انكون عشاق او يكون بينا حب ماتقبل هالشي ...بس كلت ميخالف خلي احاول من صدك اتقرب يجوز يتغير الامر عندي
صارت الساعه11 رحت للمطبخ سويت جاي هو فات للمطببخ عرفتو جوعان لان ماتعشه
ملك:اسويلك شي تاكلو
هيثم:مايحتاج هس اكول لهبه
ملك:ليش تكول لهبه هس اني اسويلك
هيثم:لا هببببببه هببببببه
هبه:هاا
هيثم:تعاي سويلي اكل
من يوم رفضت موضوع الزواج وكت كالي تغير عليه وابد معد يصخرني ولايحجي وياي حيل قليل اله اسألو اني تايالله يجاوبني....صادفت عندي امتحان ورحت علي يدرسني
ملك:هيثم بس اريد تدرسني عندي امتحان
هيثم:عندي شغل
ملك:بس شوي ماتطول
هيثم:داكلج عندي شغل شبيج متفهمين
ملك:اوك براحتك
رحت من عندو بس حيل ضجت منو...ماعرف اذا اعذرو لولا ..كل اليل يضحك ويه صفا وهبه  وكت اجي اني ويشوفني يعبس وجهو.. راحت عمه منتهى وبقينه فترة اني وياه هيج لاكلام ولاشي بس ادري بداخلو غضب جبيير وكلبو محروك.
بعد فترة كمت احلم بي هواي وحسيت بدة يصير عندي مشاعر تجاهو..
جانت الدنيا ليل الساعه10ونص وطافيه الكهرب وهبه وعمه سميه نايمات اخذت اللمبه وفتت سبحت خلصت وطلعت من الحمام باوعت لكيته بوجهي
ملك:ها شو واكف هين جفلتني
هيثم:ملك اني حجيت كلشي لامي واريد منج جواب تتزوجيني لولا
ملك:هااا
هيثم:هاي اخر مرة اكلج تتزوجيني لو لا
ملك:شبيك انت وليش هالسؤال هس
هيثم:عندج مهله تفكرين الى باجر واريد ترديلي خبر لو  اي لو لا فهمتي
كالي هيج وراح
مانمت اليل بس افكر بكلامو وشنو راح اكلو باجر.حاولت ويه نفسي افكر بالامر من افكر انو يكون بينه حب اتقبل هالشي وافرح بس من اتخيل  انو يكون زوجي واكون وياه بنفس الفراش تتعب نفسيتي حيل وماتحمل كبل  اعوف الموضوع...
كعدت الصبح واحس نفسي بغير عالم وكلش متوترة وخايفه حتى احس صخنت وماريد اتخله بهيج موقف صعب جدا صعب .اخذت موبايل عمه سميه وخابرت على فرح ومرح حجيتلهن كلشي وكتلهن هيثم منتضر من عندي جواب اليوم حتى يخطبني شسوي..اثنينهن كاللي وافقي وماكو احسن من هيثم عليج وهو يحبج ويموت عليج ومن هالحجي ضلن ساعه يقنعن بيه....
احس بالزايد تخربطت مشاعري عشت صراع قوي ويه نفسي.
صارت الدنيا مغرب ورحت صليت ودعيت .بس نفس الشي. كمت احس كل البيت مايسعني رحت للحمام وضليت ابجي حيل تعبت يعني ليش يخليني بهيج موقف ليش يضغط علي يعني ليش ماينطيني فرصه افكر ويصبر عليه ارجع من جيهه اكول هو هم كبر وتعب ويريد من عندي جواب ومن جيهه اكول بس اني الموضوع بعدو جديد عليه وماكاعد استوعب هالشي.صبيت العشه الهم بس ماتعشيت صارت الساعه 11 رحت طلعت ورى البيت كعدت وحدي ...باوعت شفته اجه عليه
هيثم:ها ملك بشنو فكرتي
بقيت ساكته
هيثم:دا اسألج شنو جوابج
انهاريت حيل وكمت ابجي
ملك: هيثم ماااكاعددد اتخيل اني اكووون زوجتك مااكدررر  افهم عليه والله حاووولت ماكدرررت حسس بييه عفيه
باوع عليه بس عيونو مدمعه كلش وحالو يقهر
هيثم:خلاص فهمت كلشي ..لاتحاولين بعد ولاتضوجين ولاتفكرين ابد الموضوع انتهى سدي
كالي هيج وراح ...بس احس كلبي انفطر علي متت قهر
ضليت كل الليل ابجي احس خسرتو وضلمتو واذا اوافق اضلم نفسي
كعدت الصبح بالكوة كمت همزين جان عطله وماعندي دوم...احس جسمي متكسر من القهر.عدة اليوم كلو سكته وهدوء حتى هيثم ماشفته
انطتني الموبايل عمه سميه وكالتلي فرح عالخط حجيت وياها كتلها اني رفضتو وماكدرت اوافق ضلت تحجي عليه وتكلي راح تتندمين ومدري شنو..خلص اليوم واجه ثاني يوم رحت للمدرسه ورجعت نمت وكعدت العصر مثل كل يوم سويت عشه وتعشينه بس هيثم ماتعشه ويانا رحت لغرفته كاعد ادرس جان تفوت هبه تضحك
هبه:وين التنورة العسليه
ملك:شوفيها بالكنتور مالي..ليش وين تاتروحين
هبه:ليش ماتدرين
ملك:لا
هبه:تنروح نخطب لهيثم
ملك:شنووو
هبه:اي والله اليوم هيثم كايل لامي ولبابا تانروح هس  نخطبلو بس ننتضر بابا يجي بالطريق
ملك:كل عقلج تحجين
هبه:اي والله شبيج
حسيت مثل الضربه جت على راسي.....يتبببع
بالنسبه للي يكول ليش تتأخرين بالنشر لان القصه اكتبها بيدي بعد ملتحجيلي صاحبه القصه التفاصيل واني هم عندي دوام فارجو المعذرة