#كان أخي

البارت2

لبست فستان بسيط وخليت شويه مكياج خفيف
هديل:ياترى شون شكل الخطيب حلو لا
هبه:شدرانا قابل هس يجي وتبين
جنه نحجي وندك الباب
سميه: اكيد اجو انتن لاتطلعن بالبدايه اني استقبلهم بعدين عود اصيحجن
هديل:اوك
كمنه نباوع من شباك الهول حتى نشوفهم من يفوتون
فات بالبدايه رجال جبير
هديل:هذا اكيد ابو
بعدين فاتن نسوان اثنين مرة جبيرة واخرة اصغر منها
هديل:هاي اكيد امو واختو
هبه:كافي تحللين دسكتي ترى مبينه ميحتاج تحليلج
بعدين فات شاب يطلع عمرو بالعشرين زين حليو وسط
هديل: يمااا اكيد هذا هوو والله مبين حلوو ومرتب
من فاتو رحنه نركض للغرفه حتى مايشوفونه
طبعا بيت خالي صاير4غرف واستقبال وهول غرفه للخطار وغرفه لخالي ومرته ومصطفى هم ينام وياهم لان بعدو صغير وغرفه النه ثلاثتنه اني وهبه وهديل وغرفه لهيثم وحسن  وحوش كلش جبير وعدهم بالحوش بصفحه مكان صغير بي دجاج عمه سميه يعجبها تربي دجاج  .حسن يدرس بالاقسام الداخليه ماموجود حاليا بالبيت لان الجامعه بعيدة علينه احنه موساكنين بداخل المدينه حوالينه منطقه ريفيه بيها مدراس ومتوسطه ومحلات بس الجامعه  والسوك صايرات داخل المدينه بعيدات علينه
فتنه للغرفه وهم فاتو الزلم كعدو ويا خالي بالاستقبال والنسوان كعدن بالغرفه مال الخطار.اجت عمه سميه علينه:روحن سون جاي هس واني راح اودي الهن المي لحد تفوت اله اني اكوللجن
هديل:اي هس اروح اسوي جاي
راحت هديل تسوي جاي واني وهبه بقينه بالغرفه نحجي بعدين سمعنه باب الهول نفتح.طلعنه من الغرفه باوعت هيثم اجه.
هيثم:خير شكو منو يمنه؟
هبه: هذول خطابه جايين
هيثم: خطابه عليمن؟
هبه:مانعرف
كاعد نحجي واجت عمه سميه
سميه:همزين جيت ابوك كاعد ويه الجماعه وحدو
هيثم:هذول عليمن جايين
سميه:كاعد اسولف ويه النسوان بعد ماعرفت على مني  بالضبط .بس يجوز هنه يشوفن البنان ويختارن لان ماكالن على مني لي هس
هيثم: شنووو شعدنه مخضر مفتحيين ويريدن يختارن وانتي مكيفه تريدين تفوتينهن تكوليلهن اختارن التعجبجن موووو
تعصب كلش من هيج حجت عمه سميه وباوع عليه حيل مخوزر
هيثم:وانتي مكيفه لابسه ومتحضرة عليش هذا كله هاااا شنو ما مصدكه تريدين تزوجين يعني
احس معد اكدر من كالي هيج كدام عمتي وهبه خجلت حيل وضجت بس مارديت علي ضليت ساكته
سميه:شبيك ياابني مابيها شي ترى عادي
هيثم:عندج عادي وعندي موعادي واني هس كاعد هين دخل اشوف وحدة بيهن تفوت للغرفه اله اكسر رجليها
سميه: على كيفك ماراح يفوتن بس وطي حسك لايسمعون الجماعه
هيثم: ومايسمعون بالجهنم
رحنه اني وهبه للغرفه من الخوف سدينه الباب وكعدنه وحدة تباوع عاللخ
رجع فتح الباب علينه جفلنه من شفناه
هيثم:شوفن راح اروح اكعد بالاستقبال وياهم قسما عضما الي تفوت عالغرفه حتى اذا امي صاحتها اكسر راسها
هزينه راسنه اثنينه وطلع هو
هبه:اووف هذا شبي صاير نارر
ملك:شدراني .عبالك مدري شسوينه
بقينه كاعدين واجت هديل كعدت ويانا وبدت تسألنا على هيثم ليش جان يصيح ومتعصب
بعدين اجت عمه سميه
هديل:ها يوم شكالن النسوان
سميه:بالبدايه رادن يشوفنجن ويختارن بس هيثم مقبل عاد كتلهن اخوهن ميقبل هيج ويكول اذا يريدن لازم يجن محددات من البدايه.عاد كالن راح نخطب الجبيبرة
هديل:صددك
سميه :اي ولج صدك من يصير الجاي تعاي فوتي انتي جيبي واني راح اكوللهن هاي الجبيرة
هديل: اي تمام
راحت هديل صبت الجاي وفاتت للغرفه بقت كاعدة بالغرفه اني وهبه ننتضرها تطلع تانسألها
بعد شوي اجه هيثم فات للغرفه باوع علينه
هيثم: لعد وين هديل
هبه:بالغرفه ويه الخطار
هيثم:اني شكلت هاا
هبه:مو النسوان خطبنها كالن نريد الجبيرة قبل لتفوت هيج كالن عاد راحت هديل قدمتلهن جاي
هيثم:اكيد هيج؟؟
هبه: اي والله هيج
حسيتو ارتاح وهدة من عرف انهم رايدين هديل مو غيرها
ماجنت فاهمه الي كاعد يصير وياه ولاخطر ابد على بالي الشي الي موجود ابالو
اجت هديل فرحانه حيل وتضحك
ملك:ها بشري شصار تعاي احجي
هديل: فتت قدمت الجاي .وحيل انعجبن بيه امو كالت ماشالله عليج حلوة ومرتبه ومبينين نضيفين
هبه:اي وبعد
هديل: اختو كالت شي اكيد راح تعجبين بلال لان هو يريد هيج مواصفات
هبه:اي وشصار هس ابوي  وامي شكالو
هديل:ماعرف
فاتت عمه سميه
سميه:راحو
هديل:اي وشنو كلتولهم
سميه:ابوج كاللهم كم يوم ونردلكم الجواب
هديل:اي وشراح يردلهم
سميه:ابوج يكول حيل خوش ناس وهم راح يسأل عليهم انشالله خير
هبه:هاااي انتي على كيفج شبيج مومصدكه
هديل:اي والله مومصدكه فرحانه حيل وكلبي ارتاح الهم مبينين زينين
بقينه نحجي بهالموضوع اله ماصارت الساعه11
تمددنه بفراشنه وكاعد نسولف صار مطر قوي ورعيد جان تطفي الكهرب صارت ضلمه وبس نسمع صوت المطر والرعيد
هبه: وحدة منجن تروح تشعل اللمبه
ملك:كومي انتي شعليها
هبه:تعرفيني شكد اخاف من الضلمه ونوب وحدي
ملك:لعد امشي اثنينه نروح
هبه:يله
رحنه اني وياها للمطبخ شعلنه اللمبه ورجعنه للغرفه
فجاة فتح الباب هيثم.
هيثم:ها بعدكم كاعدين
اني مارديت علي بعدني ضايجه من كلامو اليوم وياي
هبه:اي كاعدين
اجه كعد ويانا وكام يسولف ويضحك ويه هبه وهديل
اني ماحجيت وياه ولاضحكت ابدد
هديل:اكول هيثم شنو رأيك بالخطيب مبين حلو مو
هيثم:وشون عرفتي حلو
هديل:باوعنه عليهم من الشباك من اجو
هيثم:ماشالله عليجن...يعني زين مبين خوش ولد بس بعد لازم نسأل عليهم
بقو يحجون ويسولفون بعدين باوع عليه وكالي
هيثم: ملك كومي سويلي جاي
كمت اسويلو جاي بس مارديت علي
رحت للمطبخ سويتلو جاي باوعت شفته بالمطبخ
هيثم: اعرف ضوجتج بكلامي اليوم بس موقصدي ضجت من تصرف امي لان هيج كالت
حسيت نفسي نفتحت من هيج كالي معد اسكت
ملك:اييي شفت نفسك شون تكول بس تريدين تزوجين موعيب هيج تكول كدام امك وهبه والله ستحيت معد اكدر.بعد اذا كلت هيج والله اموتك وماحجي وياااك ابدددد
هيثم:هيي هيي على كيفج موكاعد اعتذرلج عابت بهالحلك مومال احترام
ملك: لاوالله
هيثم:اي والله...اله صدك درستي الموضوع مال الامتحان
ملك:لا مادرستو ماكدرت واعرف نفسي فاشله بي
هيثم:امشي هس ادرسج اياه عالسريع
ملك:بهالوكت
هيثم:اي واذا هذا امتحان
ملك:والله ياريت
رحت وياه للغرفه مالته لان البنات نامن
جبت الكتاب والقلم وبدة يشرحلي الموضوع
باوعت عاجرارات كتاب لفت نضري كمت رحت علي مسكتو.كبل اجه هيثم واخذو مني.....يتببع