حسيت واحد نايم وراي بعدين خله ايدو على خصري وحضني حيل قوي.باوعت هيثم
ملك:وخر عني..ردت اكوم جلب بيه قوي وماخلاني اكوم
هيثم:وين وين شبيج.ابقي
ملك: وخر خلي اروح ماريد احجي وياك...اني موجاهل حتى هيج تسوي وياي بعدين تجي تصالحني وخر عني
هيثم:كافي رحمه لربج كافي ترى كلبي محروك وماكدر على زعلج ولاتحسبين هينه عليه اشوفج تبجين اعرف نفسي زودتها حيل وياج وحجيت كلام مالو داعي بس شسوي من حركت كلبي
ملك:بس فهمني على شنو محروك كلبك ترى انت حيل متغير هالفترة وماكاعد افهم شبيك
هيثم: اووووف منننج....كومي هس كومي غسلي وتعش
ملك:لاماكوم لاتحسب حجيت وياك معناها رضيت ترى بعد ضايجه منك واريد اروح لاهلي..مشتاكتلهم والله
هيثم:متكليلي وين تروحين والجو بارد وعندج مدرسه عوفي هالسالفه ماكو روحه
ملك: اليوم اربعاء باجر خميس اروح باجر والسبت ارجع
هيثم:لا
ملك:شنو لا..شعليك
هيثم:بطلي هاي السالفه مال شعليك..ترى تبعجني شنو شعليك هااا.ولج نسيتي من جان واحد يضوجج او تريدين شي تجين عليه هاا هس صرت شعليه بيج ترى محد يهتم بكدي صدكي ..واني من اكول ماكو روحه مو لان ماريدج تروحين بس لان احس البيت فارغ بدونج
ملك:مادري شكلك حترت وياك .من جيهه تجرحني بكلامك وتبجيني ومن جيهه تعتذر وتراضيني
هيثم: موجذب من اكول عليج غبيه لوغيرج جان فهم
ملك:شنو افهم مثلا
هيثم:اخخخخ.الحجي معاج ضايع.كومي تعشي وياي ماكدرت اتعشه ولا اسوي شي اله اراضيج
ملك:مامشتهيه
هيثم:كومي وياي هس اسويلج شهيه
ملك:شوون؟
هيثم: هس كومي
كومني غصب من ايدي ورحت غسلت وجهي وياه ماعافني
هيثم:هبه سوي عشه ليه ولملك هس عسريع
اجت هديل وهبه
هديل:والله ماتستحون لعد خبصتونه كل المغرب بصياحكم وعراكم وهس تريدون تعشون سوه
هيثم:انتن شعليجن اني وياها بكيفنه نتعارك نتفاضح بعد شوي نصالح بكيفنه
هبه:هالله هالله..اي وبراسي اسويلك عشه روحو انتو سوو
هيثم:لاتلغين زايد امشي سوي عشه يله
هيثم:امشي وياي انتي
رحت وياه فات لغرفتو
ملك:باردة الغرفه
هيثم:هس اشغل الصوبه
شغل الصوبه الكهربائيه جانت عالكه الكهرب
كعد وكعدت وياه طلع جكارا وشعلها من الصوبه يضل يسوي هاي الفقرة
هيثم:تذكرين من مرة انطيتج جكارا وكتلج روحي اعلكيلياها جنتي صغيرة
ملك: اي اذكر
هيثم: انطيتج اياها ورى شوي جيتي عليه تبجين
ملك:هههه اي
هيثم: اتوسل ابيج اكلج بس كولي شبيج متحجين بس تبجين..اتحيل عليج ماكو فايدة...اخر شي هديل حجت لان شافتج
ملك:اي
هيثم:كالتلي رادت تسوي مثلك وتشرب جكاير بس خلت الجكارا بالعكس خليتي المشعوله بحلكج وشعلتج هههه
ملك: ههههههه
هيثم:كتلج حتى بعد ابد متفكرين تقلديني بهاي الشغله وتوبين
ملك:اي اذكر. شكد جنت متعلقه بيك واحب اقلدك بكلشي وماعوفك ابد ..مرات اسوي وكاحه وخالو محمود يهددني بيك يعرف ماسمع بس كلامك
هيثم:بس هم جنتي باهته وماتسمعين كلام
ملك:صح جنت ماسمع كلام بس جنت اسمع كلامك
هيثم:.ومره ضعتي هم. بقيت ادورلج ماخليت تخبلت اخر شي لكيتج نايمه هين جوة التخت من التعب ماخذتج النوومه
ملك:اياااام حلووة
هيثم:وهس كبرتي وصرتي تكولين شعليك بيه موو
ملك: لاوالله موهيج قصدي تعرف شنو انت بالنسبه ليه بس انت مشفت نفسك شون تحجي وياي زعجتني حيل شسوي غير اردلك هيج
كاعد نحجي اجت هبه شايله صينيه مال اكل بيها كبد مشوي وبطاطا وسلطه
هييم:يله مدي ايدج
كمت اكل وياه حسيت نفسيتي شوي ارتاحت وصرت احسن
اجت هديل كعدت ويانا
دك الموبايل على هيثم يمكن صديقو
هيثم:اني اروح هس شويه واجي
ملك:وين تروح
هيثم:صديقي كاعد يكلي تعال تعلل لان الشباب كاعد يتعللون جايين من الدائرة
ملك:اوك...اي هديل احجيلي شنو صار بالخطوبه ترى من المشاكل كلشي ماشفت
هديل:اووو حيل طيبه صورت هبه بالموبايل عود شوفي
ملك:خوش
هديل:اي صدك خليتلج كيك وعصير من مال الخطوبه اعرف بيج ماكلتي شي منو
ملك:اي زين مانسيتيني
هديل:لا عيني مانساج...كل مايقرب موعد الزواج افرح من جيهه واحزن من جيهه
ملك:ليش تحزنين
هديل:مادري شون راح اعوف البيت واروح لغير بيت ماكاعد اتخيل
ملك:حتى اني كل ما اتخيل انج تروحين ينعصر كلبي مدري شون راح نتحمل فراكج...بس هاي سنه الحياة الله كريم لاتديرين بال اهمشي بلال زين عليج
هديل: الحمدلله كلش زين وياي.بس تدرين اكو وحدة ابد معجبتني كل الوقت تباوع على بلال واحسها موطبيعيه
ملك:هاي الغيرة بدت تصير عندج
هديل:لاولج موشغله غيرة والله العضيم احسها متوترة وعيونها ماراحت عن بلال
ملك:ماعرفتي مني هيه
هديل:لابعد كلت عود بحجه اسأل عالمعازيم اسأل اختو عليها اريد اعرف مني هاي
ملك: انشالله خير
هديل: اله صدك شبيكم انتي وهيثم ترى كلشي مافتهمت
ملك: يمعودة سوالي سالفه على مود ضحكت ويه اركان وخليت مكياج
هديل:تدرين شغله .يمكنو يحبج شو هيج كاعد احس
ملك:عمت عينج اي والله ولج هيثم اخوي شكاعد تخربطين لوساكته احسن
هديل:والله مدري من تصرفاتو هيج شكيت.
ملك:اسكتي اسكتي لااحد يسمعج
هديل:يماااه الساعه11ونص.بلال كالي بال11 نتخابر
ملك:اي روحي هس ينتضرج
ماهتميت لحجي هديل لان شي مسحتيل بنضري هو اخوي وماممكن بيوم يصير هيج شي ابد
راحت هديل تخابر بلال وهبه نايمه وخالي عندو دوام مايجي اليوم وعمه سميه هم نايمه بس اني كاعدةدبقيت احوس وافتر باليل لان موجايني نوم .اجه بالي الكتاب الي هيثم ماخلاني اقراه كبل رحت للغرفه وكمت ادورلو لكيته بالجرارت اخذته وكمت اقراه......يتبببع
DU LÄSER
#كان أخي
Fanfictionتتكلم عن فتاة عاشت حياتها في بيت خالها فكيف لابن خالها الذي تعتبره اخاها والذي يكبر عنها ب13سنه قد اغرق في حبها وهي لاتعلم!!
