#كان أخي

البارت21

#كان -أخي
البارت21

رحت علي لغرفه الخطار كتله:مبروووك
هيثم:اشكرج
ملك:حلوة حيل الغرفه تتهنى بيها انشالله
هيثم:اي حلوة بس لو انتي صاحبتها جان صارت احلى بهواي
ملك:لوو...الله كريم
طلعت للطارمه شوي اتنفس هوى لان مخنوكه حيل
الدنيا حيل ضاكت عليه..صارت الدنيا ليل واني برة جت هبه صاحتني:تعااي تعشي ملك
ملك:ماريد موجوعانه
هبه:براحتج
فتت ورى شويه للبيت .كعدت وياهم
سميه:مادام جبنه الغرفه خلي نحدد يوم للعرس
خالي: الاسبوع الجاي ....شتكول هيثم
هيثم:ماكو اشكال عادي
مر اسبوع والعرس باجر ..عزمو الناس والبيت هم رجع امتله هديل وحسين وخواتي وخواني وكل الناس موجودة
بهذا الاسبوع هيثم جان ملتهي بالعرس وتحضيراته ودوخته الكل جانو مهتمين وملتهين بي...اني نحمست حيل من شفته مهتم للعرس قررت احرك كلبو بالعرس ..هيج فجاة جه على بالي اشعل كلبو واموته قهرر لان متحملت اشوفه هيج مهتم بالعرس والزواج
اجه ثاني يوم الي هويوم العرس..كعدنه الصبح والبيت هوسه صارت الدنيا ضهر والبنات الي راحت عالصالون
والي بقت بالبيت تتمكيج.....اني رحت خليت فرح تمكيجني مكيجتني مكياج يخبل وبرملت شعري ولبست فستان نص ردن ضيك...احس معد اعرف شنو اريد اشوي من القهر ...
سميه:هديل اقفلي الغرفه مالت هيثم وخلي المفتاح عندج
راحت هديل ضمت المفتاح بمكتبه هبه
اجه العصر وراحوتايجيبون العروس اني مارحت وياهم ضليت بالبيت
ورى نص ساعه هيج اجوو فاتو وكعدو بالاستقبال ماطول هيثم5دقايق وكام طلع برة اني بس اباوعلها واحس نفسي اريد اكلها.... الحوش مالنه كلش جبير الزلم بالحوش والنسوان بالبيت صارت الدنيا مغرب وخلينه العشه للناس.بعد ساعه هيج صارت ليل اجه حسين وسالم اخوي كالو:تايفوت هيثم ياخذ العروس للغرفه خما تضل كاعدة ....معد اكدر من هيج كالو كبل اجه ابالي المفتاح رحت ركض عالمكتبه واخذت المفتاح وخليته بصدري..ورى شوي جت هديل:اكلج ملك المفتاح وينو صار ساعه ادورلو ماكو
ملك:ليش وين خليتي
هديل:خليتو بمكتبه هبه
ملك:والله مادري ولاشفته
راحت هديل وراها جه حسين وعمه سميه كامو يسألون الكل عالمفتاح كلمن يكول ماشفته..واني بداخلي اضحك وفرحانه..فات هيثم جان حسين يكله:المفتاخ مدري وينو كاعد ندورلو
هيثم:لعد اني اطلع من تلكو عود صيحني
بقو البيت كلهم يدورن للمفتاح واحد يطعس بالثاني ويسأل الخ عالمفتاح ..واني كلبي بارد واتفرفر بكيفي..
طول الموضوع وحتارو  لان عيب الوقت راح والعروس بعده كاعدة فات هيثم  سئلهم عالمفتاح واني صعدت عالدرج ..كالوله مالكينه استغرب حيل مدري شلون اجت عينو بعيني ابتسمت وطلعت المفتاح من صدري شوفته اياه ورجعته وصعدت عالسطح ...يعني خبثت
سمعت صوت واحد صعد عرفت راح يلحكني
باوعت شفته..ضل يباوعلي واباوعله
هيثم:شنو معنى هاي الحركه
ملك:بكيفك انت شتفسرها فسرها
هيثم:تصرف سيء بس طلع منج حلوو....المهم انطيني المفتاح
ملك:مانطي
هيثم:ليش
ملك:هيج مانطيك اياه
هيثم:شنو كاعد تلعبين وياي...
ملك:.......
هيثم:عيب ملك انطيني المفتاح
ملك:شنو العيب هاا....عيب تنتضرك العروس وخايف تتأخر عليها...منطي
كام يفرك بوجهو ويتنهد
هيثم:يعني شون اخذو منج غصب
ملك:ماتكدر
هيثم:اكدر ونص
اجه تاياخذ المفتاح من صدري ....جان اركض شوي انهزمت منو
هيثم:شنو عجبج تلعبين لازم
ملك:كللتتت مااانطي ماانطي افهم
هيثم:شنو السبب
ملك:ماريد تضل وياها بنفس الغرفه
هيثم:اهااا من شوكت هالحجي بله...لو ماتريدين اضل وياها جان منعتيني من زمان مو هس جايه تمنعيني وتاخذين المفتاح ....جان صرتي اذكى بشوي
ملك:.........
هيثم:اي ماتجاوبين لان تعرفين نفسج....يله ملك انطيني المفتاح مايصير هيج تسوين
تقربت علي حيل وعيوني مدمعه
ملك:شون راح تقبل تكون وياها بالغرفه وتنام معاها وتحضنها هااا....جنت بس اني انام يمك وتحضني موو...هم راح تبوسها وتكلها كلام حلو
هيثم:اشششش كافي ملك
ملك: اووووف ماكاعد اتحمل والله..هيثم اني احبك والله احبك مدري شلون تجرئت وبستو وهو هم كام يبوس بسه ضلينه نبوس بعض حسيت دموعو نزلن على خدي
وخرت عنو شفت عيونو مدمعه
هيثم: ليش هيج تسوين بيه ملك ليش..تكليلي احبك بيوم عرسي ليش...جنت اتمنى تكوليها قبل هذا اليوم وهس جايه تكولين احبك ليش...دمرتيني والله
كمت ابجي عيوني مابطلن دمووع انهد حيلي اله كعدت بالكاع من البجي
صعدت هديل هم وشافتنه اجت يمي
هديل:شبيكم ليش كاعد تبجين.حضنتها كبل وكملت بجي..افتهمت كلشي وهي هم كامت تبجي وياي
هديل:الله يعينكم ...كافي ولج حركتي كلبي كافي
باوعت على هيثم جه يمشي عليه كام يمسح بدموعي
هيثم:كومي يله كومي وياي...الصار صار والندم مايفيد بعد ماريد اشوفج تبجين..سحب ايدي وكومني نزلت وياه وهديل معانا..
طلعت المفتاح ونطيته لهديل
هديل:هااااي يمج جان!!
ملك:اي
هيثم :لاتكولين لحد المفتاح عدها كولي لكيته اوك
هديل:لا ماكول
نزلنه جوة ورحت غسلت وجهي..
هبه:هاي وين جنتي شو ماكو
ملك:موجودة
سمعت صوت هلاهل باوعت هيثم ماسك ايد شروق وتايفوتون للغرفه رحت ضليت اباووع علي
كامو يشاقونو حسين وسالم ...
تايسد الباب جان تجي عيني بعينو...ابتسملي كأنما ديطيب خاطري....هو فات للغرفه لو اني انجنيت احس البيت بكبرة ميوسعني مثل طفل صغير ويضيع اموو فتت للحمام وكملت بجييي اله هلكت طلعت من الحمام شافتني هديل
هديل:امشي وياي امشي خل اغير الجو مالج
طلعتني هديل للحديقه وجانت الناس رايحه بس قليل موجود بس الكرايب
ضلت تواسيني وتهدي بيه ..اجن البنات كرايبنه وكامن يشاقن ويضحكن ويقلدن على بعض بالعرس حسيت شوي صرت احسن.....يتبع