#كان أخي

البارت22

#كان-اخي
البارت22
حسيت نفسي صرت احسن شوي...
هديل:تعشيتي لو لا
ملك:اكلت شوي
هديل:هس احمي من العشه واجيبلج
ملك:لا ماريد كلشي مامشتهيه
هبه:هس العرسان شنو وضعهم
بت خالي:اكيد بغير عالم.....عالم جمييييل
البنات:ههههههههه
بقن يشاقن ويضحكن بهذا الموضوع واني ماليه خلكهن ابد
حسيت نفسي نعسانه ردت انام.تذكرت من قبل اذا البيت هوسه اروح انام بغرفتو هس ماكدر
كمت ويه هديل فتنه جوة.رحت بدلت وتمددت بالغرفه بنص الهوسه ونمت.... فتحت عيوني وره شويه بعدهم مونايمين وهم هوسه رجعت كملت نومتي بس ياريت مانمت....حلمت بهيثم كأنما مثل قبل يعني قبل ميخطب ويصير كل هذا...بالحلم اني اضحك واسولف وياه نتشاقه عبالك حقيقه.وكام يمشطلي بالحلم..فجاة كعدت بس بعدني موحيل صاحيه عبالي بعدني بذيج الفترة.باوعت عالبنات نايمات بالغرفه وحسيت على نفسي وتذكرت زواج هيثم...تكول نارر ورجعت صبت بيه دموعي تنزل بدون توقف وبدون صوت والغرفه ضل اختنكت معد اكدر طلعت من الغرفه رحت عالمطبخ شرربت مي...فتحت الباب مال المطبخ صاير ورى البيت باوعت عالمكان الي باسني بي وكت كسرت الصحون هم رجعت ابجي واشهك وكلها نايمه والبيت سكته...بقيت كاعدة ورى شوي سمعت صوت الجامع أذن رحت صليت ودعيت شوي ارتاحيت..رجعت لفراشي بس صار عندي ارق ماكدرت انام طلع الضووو.ندك الباب
سميه:هااا بعدجن نايمات
هزيت راسي يعني اي طلعت عمه سميه..كعدت هديل
هديل:صباحووو ملك
ملك:صباحووو
هديل:من شوكت كعدتي
ملك:مانمت اصلا حتى اكعد
هديل:هااا ليش
ملك:مادري صار عندر ارق ماكدرت انام
رجعت فاتت عمه سميه:يله اكعدن عدنه شغل خاف الناس تجي تسلم
هديل:اي هس
كمت اني وهديل بس بعد الباقي نايمين.رحنه للمطبخ
هديل سوت الجاي واني سويت البيض
كعدنه نتريك اني وعمه سميه وهديل بالهول ..انفتح الباب مال غرفه هيثم باوعت هيثم طلع
سميه:صباح الخير ياعريس
هيثم:صباح النور
اجه كعد ويانا
هديل:شعجب كاعد من وكت العرسان يضلون للضهر
هيثم:جوعان كلش
سميه:اي صحيح ماتعشيت البارحه.... انت ريوكك ويه مرتك يختلف عن ريوكنه من تكعد شروق اسويلكم
هيثم:عادي اتريك مرتين
صبتلو هديل جاي وكعد تريك ويانا
سميه:شروق بعده نايمه
هيثم:اي
خلصنه ريوك وشلته رحت للمطبخ... هديل كامت تغسل المواعين ..جان تفوت شروق وهيثم راحو يمكن للتواليت بعدين رجعو...شافتنه ابتسمت
هديل:صباح الخير ياعروسه
شروق:صباح النور ....كل اليل محصورة واستحي اروح للتواليت اخر شي كلت لهيثم بعد ماتحمل امشي وديني تعرفين ماندل وهم استحي اطلع وحدي هههه
هديل:ههههه لا عادي حبيبتي اي شي تحتاجينه كوليلي
شروق:من ذوقج حياتي.... طلعو من المطبخ فاتت عمه سميه: هديل طلعي الكبد وشوي الهم
هديل:هس
طلعت هديل الكبد وسوتو الهم وسوت وياه سلطه ودتو للغرفه البنات كعدن والناس كامت تجي تسلم هيثم ويه الزلم بالاستقبال وشروق ويه النسوان...اني بقيت بالغرفه حتى شغل ماشتغل ولالي واهس اشتغل شي..صارت الدنيا عصر وأجن كرايب شروق خالاتها وبناتهن يسلمن عليها.هي كيفت وتلكتهن بالاحضان فوتتهن للغرفه مالتها وسدت الباب  ورى شويه جت هديل
هديل:هاي شبيها شروق قافله الباب دكيت الباب عليها كتلها اكو نسوان يريدن يسلمن عليج تكلي كولليهن نايمه
ورجعت قفلت الباب
هبه:اي طبعا لان حبايبها هذنه
هديل:واذا حبايبها مايصير هيج تسوي
بقن كرايبها عالعشه..ماراحن لل10
طلعت للحديقه وجه حسين وهديل كعدو ويايه
بقينه نسولف واكثر الوقت سولفنه ويه حسين على مود نور..جه هيثم هم كعد ويانا وبقينه نحجي صارت الساعه12..اجت شروق
شروق:لازم موجايك نوم
هيثم:لا
ورى شوي كامت فاتت لغرفتها
حسين:روح الحك مرتك خاف محتاجه شي شعندك باقي هين
هيثم: كلشي مامحتاجه خليني كاعد
حسين:والله غريب انت اني لو اعرس اضل شهر بالغرفه ماطلع ههههههه
هديل:ههههههههه
ورى شويه كام.اني رحت للمطبخ .هم اجو شروق وهيثم وطلعت شروق ورى البيت تاتروح للتواليت هو بقه بالمطبخ وكاف يم الباب بعدين صاحتو
شروق:تعال اخاف
هيثم: من شنو تخافين كلشي ماكو روحي بوحدج
راحت هيه..ردت اطلع اني من المطبخ تاروح للغرفه
هيثم:ملك
ملك:هاا
هيثم:تعااي اريد اشوفج
ملك:هاا ليش
هيثم:مشتاقلج
ملك........
هيثم:مشتاقلج مووت والله
ملك:اي
هيثم:وجعي...وانتي ماشتاقيتيلي
ملك:لا
هيثم:جذابه
ملك:اي مشتاقتلك حييل
خله ايدو على حنجي
هيثم: كل الليل افكر بيج بالي يمج مارحتي عن بالي ابد
سمعنه صوت واحد يمشي عرفنه شروق كبل وخر ايدو عني واني رحت بصفحه
شروق:هاا بعدك هين شخسران لو جاي وياي
هييثم:يله امشي
طلعو من المطبخ وراحو للغرفه.... بعد 10 ايام هيج جانت الدنيا عصر وكاعدين كلنه بالحديقه والجو ربيع وحلو
هيثم:ملك باكيت الجكاير بالجرار جيبيلياه
كمت تاروح
شروق:لازم اني موموجودة  حتى تصخر غيري
باوعلها وكال:شنو يعني واذا كتلها عادي
شروق:لاموعادي لان اني يمك
هيثم:اوك مرة الخ اكولج روحي ملك جيبي
انداريت تاروح جان تكول
شروق: لاتروحين هس اني اروح
عفتها وراحت هيه جابت الباكيت وانطته ايا
صارت الدنيا مغرب ورحت للمطبخ تاسوي عشه شفت شروق وهبه كاعد يكلن بطاطا وبيدنجان سويت سلاطه اني .خلصنه ورحنه صبينه العشه...شروق شالت بصفحه اكل الها ولهيثم ودتو لغرفتهن
احنه كعدنه نتعشه وهيثم جه كعد ويانا ..اجت شروق:هيثم تعال خليت عشه النا بالغرفه
هيثم:تعاي تعشي هين لويش بالغرفه
شروق:خليته هناك بعد يله تعال
هيثم:مايحتاج كاعد اتعشه هين تعالي انتي
اجت كعدت ويانا بس حسيته ضاجت
تعشينه وخلصنه رحت غسلت المواعين اني وشروق سوت جاي..خلصت غسيل ورحت كعدت بغرفه الخطار وياهم
حسين:ملك الاحد تفتح المدارس
ملك: ايي احسن
حسين:اووف لازم ارجع للاقسام
ملك: اي شسوي
هيثم: ملك احمي الجاي وصبيلي نوب.باوعت علي شروق بحدادة
ابتسم هيثم:يمعودة متعودة اصخرها شسوي
اني ماهتميت الها رحت للمطبخ اسوي جاي
جان تلحكني
شروق: من رخصتج ملك مرة ثانيه حتى اذا هيثم صخرج لاتسوين شي اني اسوي
ملك:والله اذا هو يكلي مجبورة اكوم ماكدر اثولها اعذريني...تعرفين هو متعود يصخرني اني
شروق: بس لازم يتعود عليه اني من اليوم ورايح
ملك:والله عاد كوليلو الو هالحجي اني شعليه
تنهددت وراحت
رحت وديتلو الجاي
ورجعت كعدت.ضلينه كاعدين حسين ملتهي بالموبايل وهيثم مرة عينو عالتلفزيون ومرة عالابتوب ومرة عليه
صارت الساعه11 عمه سميه راحت نامت هيه وهبه واني وشروق ضلينه كاعدين وياهم
باوعت لشروق بدون ماحسستها انو اني داباوعلها شفتها تأشر لهيثم بحواجبها بمعنى خلي نروح للغرفه
هيثم ماهتم وماكام
حسين:اني قفلت اروح انام
طلع حسين من الغرفه
شروق: يله هيثم مانعست
هيثم:اصبري شوي
حسيتها ضاجت حيل..اخر شي كامت وراحت لغرفتها
من طلعت كام يباوعلي
ملك:ماتروح وياها خطيه صار ساعه تنتضرك
هييم:وانتي خطيه شايله همها موو...اصلا تكيفين اذا ماروح الها
ملك:وعليش اكيف شمخليه بجيبي مثلا
هيثم:هههههه ضلي كابري ضلي وكتها من صدك ماراح تخلين شي بجيبج
ملك:الي ردت اخلي بجيبي ضاع بعد شنو ممكن اخلي بجيبي
هيثم:ماضاع بعدو موجود
ملك:اي موجود بس بجيب غيري
هيثم:هههههه تكدرين تاخذينه تبوكينه مثلا
ملك:الجيب مقفول ماكدر
هييثم: بسيطه اني افتحلج اياه انتي بس مدي ايدج
ملك:اخاف امد ايدي والكي مايريدني..تعود وكام يريد الجيب الي جان بي
هيثم:هههههههههه شعليج سوالف ياملك....اموووت على سوالفج
ضحكت شوي وياه....جان تفوت شروق: هااا ماتجي
هيثم:هس اجي
شروق:يله كوم اخاف انام وحدي
هيثم:هيان جيت....يله ملك تصبحين على خير
ملك:وأنت بخير
رحت نمت كعدت الصبح وكعدنه نتريك
هبه:الجو كلش حلو خلي نطلع سفرة نغير جوو
ملك:اي خوش فكرة
هيثم:ورى الغدة اخذكم
هبه:صدددك عفيييه
خلصنه وتغدينه وتحضرنا تانروح..
هيثم:هااا خلصتن يله امشن
ضلت شروق سااعه تعدل وتبدل وتخلي مكياج
رحنه تانصعد بالسيارة صعدت شروق من كدام
هيثم:اصعدي من ورى امي تصعد من كدام
شروق:ليش
هيثم:شنو ليش اذا امي موجودة هي تصعد من كدام
نزلتوكامت تنافخ وصعدت ويانا من ورى وعمه سميه صعدت من كدام
رحنه كل الطريق هيثم مشغل اغاني رومانسيه ويباوغلي من المرايا ويوزع ابتسامات ...حسيت شروق انتبهت كمت نزلت راسي ماريد تحس اوتشك بشي
وصلنه ونزلنه يم مكان يخبل بي جبال وخضار كلشش حلوو
هبه:يماااا الله يجنن المنضر
ملك:اي والله يرد الروح
نزلت هبه الحصير بمكان وكعدنه بي..شروق لزمت ايد هيثم وراحت تتمشه وياه
هبه: ملك جبتي التنس وياج
ملك:اي جبته
هبه:خوووش ...طلعي خل نلعب
رحت طلعت التنس وكمنه نلعب انس وهبه..وحدة تضرب عاللخ
اجو بأتجاهنه هيثم وشروق
مدري ليش حسيت نفسي اريد اخبث ضجت من شفتهم يمشون سويه..ضربت الريشه مال التنس عليهم صارت بكصه شروق
شروق:اااااخ هااي شبيج
متت من الضحك اني وهبه
ملك:والله موقصدي بالغلط
شروق:مرة ثانيه باوعي عدل
كلت بكلبي تدللين المرة الثانيه موبكصتج بخشمج
هيثم يباوعلي ومبتسم..رحنه كعدنه شوي عالحصير كلنه
بعدين رحنه اني وهبه نتفرفر لحكنه هيثم واجه يتمشى ويانا..هبه راحت بغير اتجاه ضلينه بس اني وياه بقينه نمشي صرنه بعيدين حيل عليهم مسكني من ايدي
وبقينه نمشي والجو يخبل
هيثم: لو سألو من هو اكثر شخص سعيد الان لجاوبتهم وقلت انا..لانني امسك الان يد حبيبتي الناعمتين الصغيرتين
ابتسمت على كلامو
هيثم:احبج هوااي والله شكد ماراح تتخيلين شكد احبج وانتي تحبيني مو ؟
ملك:.......
هيثم:شبيج ماتجاوبين
ملك:اي
هيثم:بس اي!!
ملك:لعد شكول
هيثم:كلشي تعرفين تكولين بس براسي تغشمين روحج
اجت شروق تمشي بأتجاهنا..سحبت ايدي من هيثم بسرعه..وصلت يمنا
شروق:صار ساعه ادورلك
هيثم:رحنه نتمشى
شروق:جان كلتلي حتى اجي وياكم ليش اضل بوحدي.....يتببع
مكدرت اتزل بارت البارحه لان صارت حاله وفاة يمنا ومكدرت