#كان أخي

البارت20

#كان-أخي
البارت 20

ملك:اي انت بس فالح تهدد بيه ماعندك غير شغله
هيثم:شقصدج بله
ملك:ماحجيت هندي واضح قصدي
هيثم:العليه كلتو وبكيفج بعد
ملك:واني هم العندي كلتو...طلعت من المطبخ ورحت للغرفه تمددت بس بداخلي فرحانه افرح من اشوفه هيج غيرران عليه
اجه ثاني يوم مارحت للمدرسه ماجان عندي شي حسيت اليه واهس ارتب نفسي واكشخ فتت سبحت وطلعت لبست تراك وردي بس شوي ضيك وكويت شعري بالكابسه وخليت مكياج خفيف ...رحت على حسين اخذت موبايله وخليت السماعات وكمت اسمع اغاني وافتر بالبيت طلعت للحوش كعدت عالكرسي واسمع حيل متونسه جنت...فات حسين وهيثم من برة
كمت اكلب بالموبايل سويت نفسي مامنتبهتلو
قبل ماوصلوني كمت من الكرسي ورحت امشي واتمندل على كيفي بمشيتي كعدت بغرفه الخطار واجه هم كعد بالغرفه
هيثم:شنوو هااي شو اليوم ضيك ومكياج شنو السالفه
ملك:ماكو سالفه...وانشالله بعد من اليوم ورايح اضل هيج اباوع على نفسي وماهتم لاحد
هيثم:اي ماشالله..عيب بابا لبسج ضيك روحي غيري
ملك:واذا ضيك ماكو احد غريب بالبيت
هيثم: واذا غيري احسن
ملك:اي بس هاي ضلت تدخل بهالشغله نوب اغيرة والله ماغيرة ...شوكت تزوج وتلتهي بمرتك وتعوفني
هييثم: ايييه تلحكين تلحكين..قهرتيني بهذا كلامج.بس تدرين حتى لو ازوج ماعوفج والله
ملك: وهاي شلون بله
هييثم:اكو شغلات بداخلي متفهمين عليها..اني احسج شي خاص بيه يعني مثل واحد عندو غرض او حاجه لوة ويحبها حيل وخاصه بي مايحب احد يمسكها اويستخدمها اويلعب بيها. انتي هيج بالنسبه ليه
ضليت ساكته من كالي هيج ماعرفت شجاوبه اصلا فرحت حييل.بعدين رديتلو
ملك:بس ممسويه شي غلط اني لان بالبيت موبرة
هيثم:اوووف منج ضلي ضلي بهاي سوالفج اشوف شتحصلين
ملك:مومهم احصل المهم مرتاحه
هيثم:والله كايمه تردين هم ومعد اكدرلج بسييطه
ملك:اوووووف خل اكوم احسن
كمت طلعت واني اضحك ويه نفسي ..وصلت للي اريدة
عدة اليوم واجه ثاني يوم وحسين طلب مني هم يشوف البنت رحت للمدرسه وطلعنه سويه وبنفس المكان هم اجه حسين.كام يحجي ويه نور طولو شوي
ملك:استعجل
حسين:بس شوي
ملك:اووف
جنت كلش خايفه لااحد يجي ويشوف.فجاة جه ولد يمشي بأتجاهنا نور كبل كالت:اخوي اجه اخوي هذا
معند نعرف شنسوي
حسين:على كيفج اهدي
اجه الولد يمشي سريع وكف يمنا باوع على حسين وعلى نور كال:شعندك واكف هنا ...وانتي ليش واكفه وياه امشي كدامي تشوف جر نور من ايدها
حسين: على كيفك خويه
الولد:انت انجب ولاتدخل حسابك عندي
حسين:احترم نفسك ولاتغلط
الولد:هس اعلمك منو يحترم نفسه..ضرب حسين بوكس
رجع حسين هم ضربه
واحد يضرب والثاني يرد واني ونور بس نعيط عليهم
خلصو على بعض والدم من اثنينهم طالع اريد بس احد يجي يحاجزهم محد موجود اختفت الناس
فجأة جه رجال جبير رحت علي كتله:عمو عفيه بس الحك عليهم واحد خلص عالثاني..اجه الرجال عليهن يحاجزهم مايتحاجزون ونور خطيه بس تبجي بعدين طلع واحد من بيته وجه يركض عليهم وبالكوة حجزهم
سحبت حسين ورجعنه للبيت وايدو وخشمو كلهن دم
تلكتنه عمه سميه وهيثم
سميه:ياييمه هاي شصاير بيك شنو هذا الدم
هيثم:شنو هذا شاكو
ملك:تعارك هو ولد
هيثم:ليش شسالفه احجو
حسين:لحد يسألني..راح للمغسل يغسل ولحكو هيثم
بعدين رجع عليه :احجيلي شنو الموضوع
مارديت علي اصلا معرف منين ابدي وشكلو وصاير نار من العصاب
هيثم:انعلللل يومكم شبيكم ساكتين مو فريتو عقلي احجيي
ملك:والله سالفه طويله
فجاة ندك الباب طلع هيثم جان يفوتون 3زلم وبقو يحجون ويه هيثم بالطارمه..رجع فات هيثم
هيثم:حسيييين
اجه حسين
هيثم:شنوو هاي السالفه الوصخه هااا
سميه:خير يمعودين شاكو مو راح انجلط
هيثم:هاي انت الدارس والتفتهم هيج تسوي
حسين:السالفه مو مثل ماتحسب ...
هيثم:تدري هس ابو البنت وعمامها اجو ويكولون اخوها شايفك تتحرش بالبنت واخوتها يتهددون
حسين:جذذذب موصحيح هالحجي والله جذب وملك تشهد وكلشي صار يمها
ملك:لا السالفه موهيج ابد.حجيتلو السالفه كلها
هيثم:ماشالله ماشالله عليكم...شوف حسين ابقه بالبيت ولاتطلع لان اخوتها ناوين نيه موزينه خل ابوي يجي واشوف شيسوي وياهم..وانتي حسابج بعدين
فتنه جوة وحيل خايفه اني لاتكبر السالفه وحسين ماطلع من البيت..صارت الدنيا عصر اجه خالو محمود وهيثم حجالو السالفه تعصب حيل خالي ورتفع الضغط عندو..اندك الباب قوي هبه جانت فوك نزلت ركض كامت تنادي هيثم
هبه:اجو ناس شايلين اسلاح
متت من الخوف على حسين اني ..هيثم راح على حسين كالو لاتطلع من الغرفه ابد
حسين:بالجهنم شيسون يسون والله اطلعلهم
راد يطلع حسين كلنه جلبنه بي وماخليناه يطلع كلمت تتوسل بي عمه سميه .فوتناه جوة وهيثم وخالو محمود طلعو عليهم..احنه بس نتصنت ونسمع الصوت يعله وصياحهم ويه هيثم  وخالو محمود كلشي مفتهمنا..ورى شوي راحو وفات هيثم وخالي
سميه:هااا شصاار
خالي:حجينه وياهم بس مافاد اخرشي اتفقنه نسوي كعدة  ويه عمامها كتلهم اريد كبار يجون ماريد تجون انتو وراح يجون اليوم باليل ونشوف تاليتها وين تصفا
صارت الدنيا ليل واجو عمامها وابوها هم اجه
كعدو بالاستقبال وكامو يتسولفون واني وهبه وعمه سميه واكفين يم الباب نتصنت عليهم..سمعنه خالي محمود كال لهيثم صيح حسين.طلع هيثم شافنه واكفين
هيثم:شنو جواسيس واكفات هين امشن سون جاي
راح على حسين واخذو وياه وفاتو جوة
بقينه نتصنت..واحد منهم ضل يسولف ويه حسين ويكله مايصير هيج تسوي وعيب وهاي اعراض ناس ومدري شنو.تعصب وحسين وكال اني موكاعد العب بأعراض الناس ولااني ساقط حتى هيج تكول اني راح احلها البنت اني اخطبها وهاي هيه
تفاجئنه اني وعمه سميه وهبه حيل
بالبدايه ابوها ماقبل بعدين عمامها قبلو وكامو يقنعون ابوها وكالوله:هذا احسن حل اخاف واحد من ولدك يشوفو بعدين ويسوي سالفه جبيرة خلي نفضها وهاي هسه مادام الولد رايدها على سنه الله ورسوله شكو بعد نكبرها
ضلو يحجون اخر شي اتفقو انو يخطبها وتفض
طلع هيثم من الاستقبال:هاي الحد الان واكفات هين شكلت اني موكلت سوي جاي
ملك:اي هس جنه نتصنت
رحت سويت جاي وكاعد اصب فات هيثم
ملك:صدك راح يخطبها
هيثم:اي...كلو من وراج لوكايلتلي بساعتها ماجان هيج صار ضليت اسألج ماجاوبتيني
ملك:بس حسين ماسوة شي هو خطيه يحبها ونيته نضيفه وطلب مني اساعدة
هيثم:هاي اخر مرة تسوين شي من وراي.. وشفي هس شصار من ورى هاي السالفه
ملك: اصلا احلى شي صاار...هيج هويرتاح والبنت هم ترتاح..وانت هم ارتاحيت لأن جان بالك غير شي
هيثم:هههههه شوكت تبطلين سوالفج
ملك:من تبطل تحبني ابطل سوالفي
هيثم:الله الله وصايرة تعرف تحجي
ملك:اي ليش شايفني
هيثم:زعطوطه لااكثر
ملك: من هذا ميت عالزعطوطه
هيثم:خل اروح احسن لان صايرة لسانج طويل وماكدرلج..
اجه ثاني يوم وراحو هيثم وحسين وخالو محمود على اهل البنت ضلينه ننترضهم ورى ساعتين رجعو
سميه:هاا شسويتو
محمود: فضيناها.....مسكنالهم عقد ملا على مود تبقه البنت لوه بس بدون زواج هس
افتهمت انو حجزوهم لبعض ومسكو عقد ملا بس مايزوجون بساع لان البنت تدرس وبعدها صغيرة وهو هم يدرس يعني بس صارت لوه
عدددت ايام ورجع حسين للاقسام وبدت امتحانات نص السنه ضليت هااي الفترة بس دراسه حتى من الغرفه مااطلع ومااشتغل بس شي خفيف.خلصت الامتحانات واجت عطله نص السنه وشوي ارتحت وخصلت من الامتحانات ..اني بكل عطله اروح لاهلي ابقه يمهم فترة
مرر3ايام عالعطله..كعدت الصبح لكيت العيله كاعد يتريكون كعدت اتريك وياهم
ملك:اريد اروح لاهلي ..باوعتلي هبه مبتسمه
هبه:هالعطله ماعتقد راح تروحين لاهلج
ملك:ليش بله
هبه:البارحه جانو يحجون باليل وانتي جنتي نايمه..راح نزوج هيثم بهاي العطله
ملك:هااا
كلبي كام يدك عالسريع حتى ماضلي واهس اتريك
سميه:اي والله جنه نحجي ويه خالج محمود كلنه عليش نأخرها مادام الجو صار زين وعطله حتى هم حسين يجي ويحضر العرس .بس لازم نشتري غرفه الخشاب هاليومين
هيثم بقه ساكت كلشي ماكال
كمت من الريوك وخصلت شغل مثل كل يوم اجه ثاني يوم العصر سمعت صوت سيارة وكفت برة طلع هيثم بعدين جت هبه كالتلي:جابو غرفه الخشاب كاعد يفوتوها...حسيت انعصر كلبي عصرة قويه حتى مارديت عليها
انحبست بالمطبخ اني وهبه الى ماكملو كامل تقريبا صارت مغرب...اووف ونوب مغرب الدنيا والقهر يصعد بالزايد
هبه:اعتقد راحو امشي خل نشوف الغرفه
رحت ويه هبه للغرفه فتت عمه سميه هم موجودة بس هيثم برة وياهم بعد مافات
هبه:ووواوووو تخببببل
سميه:صلي عالنبي كولي ماشالله
هبه:والله تجنن
باوعت الغرفه كلششش حلووة موديل حديث والخشاب بي تطريز وردي وميز بيها وبلازمه هم جايب وياها
سميه:باجر اروح اشتري تحفيات وورد اخلي بيها مايصير تجي البنت غرفتها فارغه
هبه:اي اجي وياج حتى اختار شغلات حلوة لان اعرفج راح تشترين مزهريات قديمه هههه
سميه:ليش شايفتني ماعرف اشتري
هبه:لا ابس اعرف ذوقج هههه
سيمه:واشتري ديباج مال نووم هم لازم
اجه ثاني يوم وراحت عمه سميه وهبه تسوكن  اني جنت نايمه كعدتني هبه كالت كومي شوفي شجبنه غطيت راسي وماكعدت لان اصلا ماريد اشوف شي اسمع صوتهن يسولفن بس بقيت نايمع كعدت المغرب
سميه:ها كعدتي هس روحي شوفي الغرفه كملناها
فتت عليها من صدك تخبل صايرة ديباج التخت وردي يجنن والبردة هم ورديه وشكال تحفيات حلوة مخليه بيها اني اباوع بس كلبي يوجعني بكل نضرة تجي بيها عيني للغرفه 
رحت على غرفه الخطار شفت هيثم كاعد كتله وعيوني مغوركه:مبرووووك
مابين الغيرة والحيرة والخسران والندمان والصمت لانك لاتستطيع الكلام او لايحق لك الكلام اصلا لانك وقعت على كل شيء بيدك انتت .....نعم انا وقعت بيدي
كلها تجتمع تحت مسمه(نيرااان حارقه )......يتبع
انتضرو بارت21مساءا