#كان أخي

البارت16

#كان أخي
البارت16

كام يبوس بيه كل قوته واني تجاوبت وياه ومامنعته حيل طوول وهو يبوسني بعدين وخر عني جان يكلي بكل هدووء
هيثم: انتي روووحي واني راحت روحي من يووم رفضتيني
ملك:لان رفضتك هيج تسوي بيه ها
هيثم:لا ابدا مامفكر اأذيج على عمود اقهرج ..بس صدكيني من حركه كلبي تطلع هاي التصرفات مني... تجيني لحضات مدي اضربج واصيح عليج من عذاب كلبي احسج ماتحسين بيه وبعذابي ..تحسبين هينه عندي اروح اخطب واتزوج واني بكل لحضه اشوفج كبالي اموووت الف مووته ترى محد يحب يعذب نفسو هيج بس شسويلج فهميني...
ملك:بس انت خطبت بعد
هيثم:من ورااج...
ملك:والله هذا موعذر ابد
كاعد نحجي جان تجي عمه سميه
سميه:هيثم خطيبتك تسأل عليك
هيثم: لييش شكو
سميه:ماكو شي بس تاتسألك على مسك العقد معرف شنو
ملك: يله رووح
هيثم:راحت روحي وخلصت انشالله
رحت فتت جوة وهو هم فات باوعت المطبخ مليان زجاج من الصحونه الكسرتهن كمت نضفت الكاع رحت فتت لغرفتي كمت ادرس شوي
جان تفوت هبه
هبه:ماتجين تكعدين ويانا شعندج هين
ملك:ماتشوفين كاعد ادرس..
هبه:كاعد يسولفون عالخطوبه
ملك:خطوبه؟؟
هبه:اي....شروق كالت لهيثم الاثنين نسويها.وراها بيوم يمسكون عقد..
ملك: وهيثم شكال
هبه:بالبدايه ماقبل بس كامت تلح علي وتتميع ماشفتيها شون تسولف وياه .ضلت تتحيل اله ماقنعتو
ملك:اهاااا
هبه:تدرين شروق مو هينه ابد من هس تريد تكسبو هيج احسها
ملك: اني هم حسيتها مو فقيرة
هبه:بس تدرين هي الزينه تعرف شون تحصل الي تريدة مبينه ملعبه...امشي اكعدي ويانا كافيج وحدج
ملك:شوي نوب اجي
طلعت هبه وضليت افكررر هلكت من التفكير.رحت كعدت وياهن بالغرفه بس هيثم ماجان موجود كاعد ويه الزلم
كعدت يم هبه وشروق..كامت تسألني على حياتي وهيج
شروق:انتي تدرسين مو
ملك:اي ادرس.وانتي؟
شروق:لا.اهلي رادوني اكمل بس اني مالي واهس بالدراسه حيل..اضوج من كعدة الصبح
ملك:ماكو احلى من الدراسه
شروق:اي صحيح...انتي عايشه هين موو.يصير خالج محمود ؟
ملك: اي  خالي من توفت امي بقيت هين..لان اخوتي كلهم كبار ومتزوجين فجنت ابقه هين ويه هديل وملك تعودت عليهم وضليت يمهم
هبه:اي والله من هيه صغيرة بقت يمنه...جانت المدلله مال هيثم حتى اني جنت اغار منها ههه
شروق:صدك
هبه:اي والله صدك...المهم هس اريد نحجي عالخطوبه وشون راح تكون ومنو راح نعزم
شروق:اني عندي كوومه صديقات لازم اعزمهن
هبه: اي طبعا...هم احنه كرايبنه كلشش كثااار ...
شروق:بس لازم باجر نروح نشتري الذهب..على مود البسه بالخطوبه
هبه:اي صحيح
كاعد نحجي جان يفوت هيثم..شروق كبل ابتسمت
هيثم:ابو فلاح يكول تاتروحون
سميه:بعد وكت عليش مستعجلين
ام الخطيبه: ماتعرفين ابو فلاح مايتحمل يضل برة البيت
كامت شروق وامها واحنه هم كمنه وياهن
راحت شروق على هيثم وكفت وياه وكامت تحجي بصوت ناصي وتتبسم
ردت اسمع شنو يحجون بس ماسمعت شي
طلعو الزلم وطلعن النسوان وراهم وهيثم وشروق بعدهم واكفين بالحوش.اني  وهبه نباوع عليهم جان تبوسو من خدو وتروح
هبه:يمااا شفتيها شكد وكحه هههه
ملك:اي.بس عادي هو خطيبها
كمت ابرر بالحجي حتى ابرد النار الي بكلبي
فتنه جوة وفتا هيثم جان ينادي امو
سميه:هاا شبيك
هيثم:ليش من كالن عالخطوبه  الاثنين طبكتي وياهن كبل
سميه:اي ليش شكو بيها واذا الاثنين
هيثم:شنو واذا موفاضي لسوالف الخطوبه هس.بعدين خما اله خطوبه ترى موضروري
سميه:بله هذا حجي تكولو يعني اني ماصدكت على الله تقبل تتزوج وانت اول واحد تخطب  تريد ماتسوي خطوبه قابل شناقصك حتى ماتسوي
هيثم:والله لو ماصارت شغله احراج كدامهن ماجان قبلت
هبه:اهووو عاد يعني ليش حتى مانفرح بيك قابل شناقصنه
هيثم:اي انتي بس همج الهووسه
هبه:اي واذا شنو يعني اريد اتونس...بعدين شو من كامت تتحيل بيك شروق سكتت كبل وماكلت شي جان كلتلها ماريد عليش بس كدامنا تسولف
هيثم:يله كافي سدو الموضوع لاتزودين بالحجي
رحنه فتنه للغرفه اني وهبه
فرشت فراش ونمت كعدت الصبح سويت ريوك وكعدت هبه وعمه سميه وهيثم وخالو محمود خليت الريوك وكعدنا نتريك
سميه:خابرتني ام شروق تكول اليوم نروح نشتري الذهب
محمود: لعد اني ماراح اخذ السيارة اخذها انت مادام عندك روحه.هس اخابر براهيم يجي ياخذني
هبه:اني اجي وياكم
هيثم: وانتي بكل شغله مدخله نفسج عليش تجين
هبه:عندي هواي شغلات اريد اشتريهن ..اكسوارات ومكياج
سميه:اي واذا تجي ويانا غير تحضر لخطوبت اخوها وحتى ملك هم تجي ويانا
ملك:لا اني ماجي.عندي باجر امتحان البارحه كلشي مادرست
سميه:براحتج
بقه ساكت هيثم ماكال شي ورى شوي طلعو هيثم وعمه سميه وهبه راحو على اهل الخطيبه حتى يروحون سوى يشترون الذهب..ضلينه اني وحدي بالبيت على شغل وعلى نوم وعلى دراسه على هاي الحال بقيت ..الدنيا صارت مغرب تايالله رجعو.فاتت عمه سميه وهبه
شايلات علاكات مليانات شكال اغراض
سميه:روحي هبه جيبيلي مي ترى متت عطش...جبتلج شغلات عود شوفيهن
ملك: وينهن
سميه:بالعلاكه الحمرة روحي افتحيها وشوفيهن
فتحت العلاكه جايبه اكسسوارت ومكياج وعطورات وداخليات

ونواعم شكال جايبه
سميه:ماخذت هدوم لاالج ولا لهبه كلت تاخذن من الصالون احسن
جت هبه انطت المي لعمه سميه
ملك:اي وششتريتو بعد
هبه: والله اهواي شغلات اشترينه ...شفتي يووم شكد اشترت شروق ولج ملك لوشايفه ماكو شي ماشترتو اخذت كلادتين ذهب و3محابس و4اسوارات وجوزين تراجي هااي ماعدة الملابس وباقي الامور وكلو غالي ماتاخذ رخيص
ملك:وشدعوووة عوود
هبه:والله مدري العتب على امي وهيثم شتريد تاخذ وكلشي ماكالو
سميه:يعني عروس وكاعد تجهز اكوللها لاتاخذين هذا وذاك عييب مايصير.باجر من تنخطبين عود تشوف شراح تسوين انتي
هبه:اله افلسو تفلس هههههه
سميه:  ههههه اعرفج انتي ماترضين...ملك لاتسوين عشه جبنه ويانا كباب ودجاج مشوي
ملك:اي خوش بعد احسن
اخذت الغراض وفوتتهن جووة ... طلعت الاكل الجابو وحميته وتعشينه بي.هبه وعمه سميه راحن نامن كبل ورى العشه لان تعبن من الطريق والتفرر
بقيت اني كاعدة وهيثم بغرفه الخطار ماسك الابتوب
رحت كعدت وياه بالغرفه اباوع عالتلفزيون.دك الموبايل على هيثم
هيثم:الووو هلا شروق........ليش دتبجيين....على كيفج اهدي وفهميني....... هيان جايج اني شويه واكون يمج
ملك:خير شبيها
هيثم:ماعرف مافتهمت عليها هس اروح اشوف شبيها اخذ السويج وطلع
اوووف شكد انحمست كلت هاي كامت تتغله علي مكارة
راح ورى ساعه هيج رجع
ملك:هااا شبيها شروق
هيثم:يمعودة حسبالي بيها شي واني كل عقلي زاد رحت
ملك:ليش بله
هيثم: كارصتها دودة وكل عقلها تبجي
ملك:كل عقلك تحجي
هيثم:اي والله
ملك:ههههههههههههههااااي
هيثم:قزز القرررط شبيييج
ملك:شددد راسسك ياهيثم بعد
هيثم:لاتحسبين اني ملطلط واسمع وله اركض ورة كلام النسوان ....اكو اختراع اسمو نعال هو يعرف يشتغل
ملك: ههههههههههه تنشوووف
هيثم:اذا تريدين اجررب بيج الاختراااع عاااادي
ملك: لاوالله اشحدك
هيم:جااا غيررر انتي كلببي والواحد مايصخي يضرب كلبببه
سكتت وصفنت من كالي هيج
ملك:اروح انام اني
هيثم:ليش
ملك:شنو ليش عندي دوام باجر
هيثم:اوك نامي زين ..تصبحين على خير
ملك:وانت بخير
رحت نمت.كعدت الصبح رحت للمدرسه  جان يوم الاحد وامتحنت جاوبت زين ورجعت..لكيت هديل موجودة وخاله حسنه وعيلتها البيت هوسه لان سمعو بخطوبه هيثم باجر
بدلت هدومي ورحت تغديت..احسس العبرة خانكتني حيييل بس مايطلعلي دموووع.اشتاكيت لهيثم حيل بداخلي اريد اروح احجي واسولف واضحك وياه مثل قبل ماريد احد ياخذو مني
رحت تباوعت لغرفه الخطار ..بيها ولد خالتي وعمه سميه كاعد يسولفون بس هيثم ماكو.رحت على هبه سألتها على هيثم
هبه: يمكن نايم
ملك:هس نايم؟شعجب
هبه:مادري والله شوفي
رحت على غرفتو فتحت الباب شفتو نايم ضليت اباوع علي صافنه...دقت على ضهري هديل
هديل:هاا ملوكه شعندج واكفه هين
ملك: هييج ..ردت اشوفه كاعد لو نايم
هديل:اخبارج شاكو ماكو
ملك:كلشي ماكو
رحت اني هم نمت كبببل ماكعدت اله المغرب يمكن نوووم ضييم هذا مو نووم رراحه..كعدت المغرب بالزايد مخنوكه والبيت هوسه رحت للحمام باوعت الدورة نازله عليه سبحت وطلعت...اني من تجيني الشهريه نفسيتي حيل تتعب واصير اكره كلشي واي شي يبجيني نووب من غير شي القهررر شكثررة ومايخلص..طلعت من الحمام ورحت عالمطبخ شفته مليان هديل وهبه وبنات خاله حسنه كلهن بالمطبخ كاعد يطبخن عشه شوي لعبت نفسي من الريحه طلعت من المطبخ رحت تااسد باب الهووول باوعت شفت هيثم واكف ويه ولد خالتي بالطارمه الشمس مال الغروب عاكسه على وجهو وعلى شعرو ووجهو وارم من النوم وشعرو منكع بالمي يمكن هو هم هس كعد من النوم ومبتسم  .شكد حبيتو بذيج اللحضه شعور مينوصف احس كلبي كام يدك عالسريع والله العضيم حتى اسمع صوت دكات كلبي بمدي اروح احضنو واكلو انت بس ليه........