الحلقة 31 من ''زواج لن يستمر''
كانت الدهشة من نصيب آسر وادهم
بالنسبة لآسر كيف لها ان تكون بهذه الشراسة كيف لها انت تحبه كل هذا الحب فكل كلمة قالتها كانت تخرج من روحها من جوفها من قلبها وليس فقط من فمها
اما ادهم فكان من كثرة دهشته عقد لسانه شلت حركته اهي حقيقية اهذا الجمال هذه الحورية تحبني كل هذا الحب انها تعشقني فقد شعرت بكل كلمة قالتها حسنا لن اتراجع ثانية وسوف ارددها بقلبي وامامك وامام كل العالم
انا اعشقك حوريتي !!
تنهدت نور بحرقة
-انا اتولدت وحيدة وكمان بقيت يتيمة وشوية ولاد عمي طردوني من بيتي وطمعوا فيا وبعدوني عن احب الناس علي قلبي
ولما لقيت اللي يعوضني عن دا كله لقيت
اللي يبقي الاب لما ينبهني ويحذرني
اللي يبقي الام لما يعلمني حاجات في المطبخ
اللي يبقي الاخت لما يقولي رايه في لبسه
اللي يبقي اخويا اللي لما يحضني حضن مفيهوش اي رغبة ولا اي شهوة بس بيبقي حضن امان
وانت جاي تاخدني من عيلتي جاي تسحب مني الروح بالبطئ وللمرة التانية بس الاشخاص مختلفة ... وقفت نور تعجب الاثنان وقف ادهم هو الاخر ناظرا لها بدهشة وقف آسر
نظرت له بقوة
-انا هسحب المحضر بكرا وشكرا لعرضك للمساعدة بس انت دخلت حياتنا بالغصب حياة مش ليك دخلت عالمنا الصغير وعاوز تخترقه بأي شكل وانا مش هسمحلك هقفلك بسلاحي
لو انتو سلاحكوا اجسامكوا وتدريباتكوا ومسدساتكوا ... ف انا سلاحي الايمان بالله وحبي لجوزي وللعالم دا وانا مبحبش حد يقرب من حاجة تخصني ... وافتكر يا سيادة القدم
انك لو حاولت تاني محدش هيوقفلك غيري
الزيارة انتهت .... يا بخت من زار وخفف .. في رعاية الله يا سيادة المقدم ...
احرج آسر بشدة كان يتمني الان تنشق وتبتلعه
ودون اي كلمة آخري خرج من المنزل
واوصد الباب خلفه ظل ينظر مطولا علي الباب وابتسم ورحل ...
-----------------------------------------
مازال ادهم مصدوما ظل ينظر لها ببلاهة .. ظلت تتنفس بهدوء وكأن جبل انزاح من علي قلبها
لاحظت نظراته المصوبة باتجاهها نظرت له بمعني''كل شئ انتهي الان ''
جلست بهدوء وهو مازال ينظر لها رفعت جابيها بعني ''ماذا'' ... لا اراديا ظهرت ابتسامة علي شفتيه لانه يعشق هذه الحركة
جلس بجانبها ومسد علي شعرها بحنان
وفجأت القت برأسها علي صدره وحاوطت خصره بينما هو احتضنها بكل حنان لانه يعلم انهاا الان تذكرت اشياء حزينة وسعيدة يعلم انها حنت للماضي يعلم انها اشتاقت لوالديها واخيها مازن كثيرا ظلوا هكذا فترة لم يتحدث ايا منهم فكلاهم الان يتحدثون بلغة القلوب اجمل واطهر لغة
كان ادهم يريد تغيير مزاجها وفك هذا الصمت
-اممم مش هناكل ولا اي ؟!
-تؤ مش جعانة قالتها ب لا مبالاة
-نعم !! انتي مكلتيش حاجة من الصبح علي فكرا
-امممممممم
-طب اي رايك نخرج ناكل برا !؟
-تؤ مش عاوزة اخرج !!
-اي يا نور مالك مش عاوزة مش عاوزة في اي
-انت لسة مدايق ؟!
-لا انا بقيت كويس ..
-عارف .. انا عاوزة مازن .. بجد وحشني اوي
-عارف والله بس هنعمل اي
كان فتيل الغيرة مشعل الان عند ادهم ولكنه عليه التحامل ففي النهاية هو اخيها !!
فجأة قامت نور وضعت يدها قلبها التي بات يدق بسرعة كبيررة .. جلس ادهم ونظر لها باهتمام
-في اي مالك ؟!!
اغمضت اعينها تنفست بقوة ولكن هذا الهواء الداخل اللي رئتيها معبأ بأنفاسه ورائحته
قالت في نفسها أأتوهم لاني اشتاق له ايصبرني الله برائحته ..
علي الجانب الاخر كان مازن قد وصل اخيرا للعنوان صعد مازن درجات السلم بسرعة فائقة كضربات قلب نور المتسارعة
كان ادهم قلق للغاية فهي مازلت واضعة يد علي قلبها ويد ممسكة بالسلسة المحاوطة عنقها
-انتي كويسة حاجة بتوجعك ؟!
اماءت له ب لا واكتفت بابتسامة لتطمئنه
كان قلبها يتسابق مع سرعة مازن علي الدرج كان قلبه يدق بعنف هو الاخر
وقف امام االباب ينظر اليه مطولا اهي خلف هذا الباب هل سأراها الان واحضنها واتحدث معها
...... ..
وكانها شعرت بانفاسه الﻻهثة وكانه يتنفس بأذنها ظلت تتنفس بسرعة هي الاخري وقد ساقتها قدميها امام الباب وقفت ومدت يدها تحسست الباب بهدوء بالغ ... كان ادهم يراقبها بصمت ليري الي اين ستصل وماذا تريد !!
قالت بصوت منخفض ولكن سمعه ادهم
-يلا خبط خبط
-هو مين ؟! قالها ادهم بحيرة
(شكله فكر لتكون ملبوسة 😂😂)
وبالفعل كانت دقات الباب تصدع في المكان
نظر لها ادهم بصدمة .. ذهب ليري من من الحائط الالكتروني ولكن يدها منعته
-لاء انا عارفة دا مين ودا اختبار لاحساسي بيه ان كان زي الاول ولا لاء .... همست باسمه مازن
-ازاي مازن يعني
اكتفت هي بابتسامة فتحت الباب لتجده بالفعل يقف امامها .. لا توجد كلمات تعبر عن مدي جمال لقائهما نظرت له باعين دامعة وضعت يدها علي فمها وتوالت الشهقات منها ومنه قفزت هي بأحضانه كالارنب الصغير حملها عن الارض واضعا راسه بعنقهاا ... كان ادهم يشعر باختناق رهيب
كان يمسح علي وجهه بغضب
نسيت نور العالم فهي لا تصدق الان بحضن اخيها اللهم لك الحمد حتي ترضي كانت هذه تمتمتها وهي بأحضانه ابتعدت عنه وجدت ان عيناه حمراء من كثرة البكاء حاوطت وجهه بيدها وقبلت جبينه بينما هو حضنها مرة آخري كادت تدخل في ضلوعه
كان ادهم يحترق ببطئ ف مازن يحتضنها كما يفعل هو يضع رأسه بعنقه ويحاوطها بأكملها يقبلها بوجنتيها وراسها ويدها يا الله كم هذا الشعور قاتل حسنا عليهم ان ينهوا هذه الاجواء العاطفيةة فورااا والا ساحضر سلاحي وانهي عليهم الي الابد ... تنحنح ادهم لينبههم لوجوده
-اححححم نحن هناا ملناش م الحب جانب ولا اي
انتبه الاثنان لوجوده وابتعدت نور عنه .. احتضنه مازن حضن خالي من اي شعور فهو لقاء ومجرد سلام عابر .. ظلت نور تنظر لمازن فهي الي الان لاتصدق .. لاحظ ادهم هذه النظرات .. لا لاتنظر له فهذه النظرات ملكي وحدي ..
كان هذا حديث ادهم الداخلي لنفسه
لاحظ مازن نفس النظرات نظر لها مشاكسا وغامزا
-احلوينا وادورنا هه مش واخدة بالك انتي هتفضلي تحلوي كدا لحد امته
خجلت نور من طريقة حديثه ونظرت بالارض
-يا فضحتي نور بتتكثف يا ولاد ومن مين مني ؟!
يا بت انطقي صوتك وحشني
نظر له نور وضيقت اعينها
-انت بارد ورخم وسائع ازاي تيجي ومتقوليش انك جااي هه بعدين انت عملت كدا لي
-😳😳في واحدة تقول لاخوها الكبير كدا لاء وبعد غيبة طويلة كماان .. عملت اي 😳
-يعني طولت واعرضيت كدا ودقنك طولت حلوة اوي يا زوزو بقيت حلو اووي
-بجد شالله يخليكي ... بس انتي مش ملاحظة حاجة اننا كلنا بنطول ونكبر اللي انتي نموك واقف
حدفت به الوسادة قائلة
-حيوان اخرس .. انا عاوزة ابقي سمباتيك
كان ادهم يراقب كلماتهم مزاحهم ضحكهم لاحظ ان بينهم ملامح كثيرة متشابهة الضحة وحركات يدها مثله وتعبيرات وجهها كان يبتسم تارة وغالبا ما يضحك معهم تنحنح قائلا
-طب انا هقوم اعملك حاجة تشربها
اسرعت نور :لا خليك يا ادهم انا هعمل
-حاوط ادهم كتفيها وابتسم
-لا خليكي انتي مع اخوكي وانا مش هتأخر اتكلموا سوا شوية علي بال م اجيلكوا عشان هاخده كدا في كام كلمة
-انت وهو كلام اي هه كلام اي
-كلام رجالة مملكيش دعوة بيه يا حشرية
قال هذه الكلمة وهو يمسك انفها
-آااااي بالراحة طيب
قبل رأسها بحنان بالغ واكتفت هي بالابتسام
كان مازن يراقب الجو فهو يراهم مناسبين كم هم رائعين سويا تمني لهم البقاء الي اخر العمر سويا تمني ان يدوم هذا الزواج للابد
خرج من شروده علي عضة من اخته صرح متأوه
-ااااااه يا بنت العضاضة
-احسن دانا لسة هعضك اكتر واكتر لحد م تعلم كدهوو عشان انا عاوزة امووتك دلوقتي
سبل لها بأعينه وظل يرمش لها عدة مرات
-موتينيي
عقدت حاجبيها متعجبة
-شووف الواد بيسيبلي ازاي !! عيونك مش حلوين اصلا اصلا يعني
-هاهاهاي لاء حاسبي د الاجانب هيموتوا عليا
-😒what ever يعني هتفضل طول عمرك عرة
-حبيبة قلبي تسلمي
ضحكوا الاثنان علي هذا الكلام الذي ليس منه اي فائدة لندخل للمفيد
تحمحمت قائللة بحذر
-احم انت انت قايلها ان جاي !؟
نظر لها عاقدا حاجبيه بابتسامة استغراب
-هي مين !!
-ماازن انا وانت عارفين احنا بنكلم عن مين بطل تهرب يا ماازن بقا وواجه ولو مرة ! واعترف بغلطك ولو لمرة واحدة
-مش هعترف بحاجة لاني مغلطش يا نور مغلطش ومتقلبيهاش نكد بقا
-كل م افتح الموضوع دا تقولي نفس الكلمتين
-نوور قالها بغضب
حضر ادهم : اي اي اهدوا اي اللي حصل
نظر لها مازن بحنق
اقتربت هي منه : انا اسفة انا عارفة ان دا مش وقته وانك لسة جاي بس بجد يا مازن انا خايفة عليك لازم توااجه بقاا
احتضنها بحنان : انا خلصت كل شغلي هناك وجاي عشان استقر هنا ب زوزو وبيها وبيكي
عندما قال اخر كلماته نظر له ادهم ما معني قوله ''بها'' أيعتقد اني ساتركها ام ماذا ؟!انه يحلم لا اكثر من ذلك ؟!
نور بسعادة : بجد والله هتتستقر هناا
اماء بنعم ثم استطرد مكملا
-طاايب هقوم انا عشان انا قولت لماما هاجي اسلم عليكي واروح اطمنها
امسكت بيده : لالالا هاتها وتعال بالله بالله
----------------------------
الحلقة صغيرة انا عارفة اصلا دا جزء منها
وبعتذر جداا بس انا تعباانة جدا حدا
ومقدرتش اكتب غير دول والله بعتذر مرة تانية
دمتم سالمين
#NoUr
الجزء الثاني من الحلقة 31
من ''زواج لن يستمر ''
مازن : مينفعش يا قلبي هنجيلك بكرا
نور بتذمر : عشان خاطري يا مازن هموت واشوف ماما زوزو بقاا بالله عليك يلااا روح وتعال
-اتأخرنا يا بنتي
-انت هتستهبل العشاا لسة ماذنتش
-يوووه زنانة ... طب استاذنك يا سيادة ال..
قاطعه ادهم قائلا : عيب عليك البيت بيتك طبعا وفي اي وقت تشرفوناا
