Samuel FORD SERIES 6 (COMPLETED) Under Editing

Kabanata 13 - Pagtatanan

Kabanata 13

Pagtatanan

Hindi alam ni Catherine kung saan sila patungo ni Samuel. Tinatanong nya ito ngunit ang sinabi nito ay hindi din nito alam. Basta kahit saan daw, yung malayo sa pamilya nila para hindi daw sila matunton.

Nakasakay sila sa mahabang pampasaherong sasakyan na rinig nya ay isang bus. Malayo na rin ang naging byahe nila. Marami na rin silang nasakyan na pampasaherong sasakyan. Pagod na sya sa byahe, maging ang binata kaya saglit ay nakaidlip sila.

"Oh! San Fernando na!"

Naalimpungatan sya sa pagsigaw na iyon. Napatingin sya kay Samuel na kakagising lang din at napatingin sa kanya.

"Let's go.."

Tumango sya at inayos ang buhok nya. Hawak-kamay silang bumaba ng bus habang alalay sya ng binata sa pagbaba sa bus habang bitbit nito ang bag nila.

"Ako na sa bag ko." Aniya dahil baka nahihirapan na ito, lalo't magdamag nitong buhat-buhat iyon.

"No, I can handle this. Don't worry." anito at nginitian sya kaya napahinga sya ng malalim at tumingin sa pinagbabaan nila. Maraming tao at nandito sila sa bus station.

"Saan na kaya tayo? Makakaya kaya natin rito?" tanong nya bigla.

"Makakaya, at papatunayan natin na kaya natin kahit na walang suporta nila."

"Oh, San fernando! Sakay na kayo!"

Napatingin sila sa driver ng pampasaherong sasakyan na tumatawag ng sakay. Napatingin sya kay Samuel ng hilahin sya nito palapit doon.

"Manong, sa hotel kami." sabi ni Samuel sa driver.

"Sige po, sakay na po kayo."

Pinauna sya ni Samuel at inalalayan papasok. Hindi sya sanay at medyo nahihirapan sya dahil parang ang sikip lalo na ng tumabi sa kanya ang binata. Nilapag nito ang bag nya at bag nito sa sahig ng tricycle at umayos ito ng upo bago sya akbayan.

"Samuel, dapat pala maghanap tayo ng condo units or pent house dito. Baka maubos ang pera natin sa hotel." aniya habang pinaglalaruan ang kamay nito at nakatingin sa daan ng umandar na ang sinasakyan nila.

"Wag kang mag-alala sa pera, dala ko ang atm ko at black card." paniniguro nito at hinalikan sya sa ulo kaya napahinga sya ng malalim dahil sa sinabi nito. Hindi nya nadala ang kanya dahil tiyak naman na puputulin ng mommy nya iyon para hindi sya makawithdraw.

Nag-ring bigla ang phone ni Samuel kaya nagkatinginan sila. Kinuha nito ang phone nito sa bulsa ng pantalon nito at tinignan ang tumatawag. Kinabahan sya ng makita na daddy nito ang tumatawag, pero napatingin sya sa binata ng patayin nito iyon.

"Bakit mo pinatay?"

"Malalaman ni Dad kung nasaan tayo kapag sinagot ko. Alam mo bang madali lang kay Dad na madetect tayo at mahanap, kaya mabuti ng patayin ko para makasigurado."

Kinabahan naman sya dahil tama ito. Tiyak na mahahanap sila ng tito nya dahil marami itong connection. Nangangamba tuloy sya na baka saglit na panahon lang ay nahanap na sila. Baka paghiwalayin sila kapag nangyari iyon.

"Stop thinking nonsense. Hindi mangyayari ang iniisip mo, kaya relax ka lang, hmm?"

Tumango sya at sumandal sa balikat nito. Sana nga ay hindi mangyari iyon dahil kinakabahan sya at natatakot na magkahiwalay sila ng binata.

Nakita nya ang pagpasok nila sa isang hotel: thunderbird resort and casino. Hininto ng driver sa entrance ng hotel ang tricycle nito. Bumaba si Samuel at kinuha muna ang mga bag nila bago sya alalayan nito sa pagbaba.