لهفة قلب عاشق

إقتباس من الجزء الثاني

آريام بخبث مسكت الموبايل وقالت وابتسامه لعوبه علي شفتيها: بقا كده يا آدم ماااشي

طلبت رقمه وانتظرت لما يجاوب

آدم كان علي رأس طاولة الإجتماعات مندمج في شغله ونظراته الحاده راعبه كل الموجودين موبايله رن بص للاسم باستغراب ورد
آريام أول ما آدم فتح اتكلمت بسرعه: حبيبي أسفه لو ازعجتك بس أنت محرج عليا ماعملش حاجه من غير أذنك
آدم بابتسامه: برافو عليكى يا حبيبتى بحبك وأنتى مطيعه..عايزة تروحي فين
آريام ببراءة: أنا محرجه الصراحه يا دومي بس لازم آخد أذنك
آدم بجديه: قولي يا ستى ولا يهمك طول مانتى مطيعه طلباتك أوامر هاه علي فين
آريام بجديه: عايزة أروح الحمام
آدم رفع الموبايل من علي أذنه بصله ببلاهه وعدم استيعاب وقال بغباء: قلتى أيه ؟
آريام وهي بتكتم ضحكتها: اوعا ترفض يا دومى وحياتى
آدم بغيظ قفل السكه في وشها
آريام انفجرت من الضحك وقالت أنا هوريك الطاعه يا سي آدم عشان تقول حقي برقبتى
اتصلت بيه تانى وتالت ورابع وكل مرة طلب اتفه من إللي قبله مرة تستأذن تدخل الحمام ومرة تخرج من الأوضه ومرة تنزل تحت ومرة تخرج الجنينه وغيره لحد لما كلمته للمرة العشرين تقريبا
آدم فتح وبغيظ وجديه شديده: أنا ابن جزمه أصلا يا بنت سيف يا مجنونه يا بنت المجانين بصي اعملي اللي تعمليه انسي أنك متجوزه أنا آسف لأهلك أنى خايف عليكى وقفل الفون في وشها
آريام بصت لعز وفارس جنبها ببراءة وقالت: خلقه ضيق أوى.....

#لهفة قلب عاشق« لهفة عشق وعاشقين»2
#سعاد عباده
#آدم_وآريام