'ဒီဆိုင်ပဲ'
ဗိုလ်ချုပ်ဈေးထဲက အထည်တန်းကို ပတ်ရှာပြီး
နောက်မှာတော့ လင်္ကာရှာနေတဲ့ဆိုင်ကို တွေ့လိုက်ရသည်။
ဆိုင်ထဲကိုကြည့်လိုက်တော့ အသက် ငါးဆယ်ဝန်းကျင်
အမျိုးသမီးတစ်ယောက်နဲ့ ပိတ်အုပ်တွေစီနေတဲ့ အရောင်း
မိန်းကလေးတစ်ယောက်ရှိနေသည်။ ကောင်တာမှာ
ထိုင်နေတဲ့ အန်တီကိုကြည့်လိုက်တော့ ဟန်နီနဲ့
ရုပ်ချင်းတော်တော်ဆင်သည်။
'ဘာလိုချင်ပါသလဲရှင့်'
'အဲဒါ ... ဝမ်းဆက်နှစ်စုံစာပေးပါ'
လင်္ကာတွေ့ရာပိတ်စတွေကို လက်ညှိုးထိုးပြလိုက်သည်။
'ရပါတယ်အစ်မ ... ခဏနော်'
အရောင်းမိန်းကလေး ပိတ်အုပ်တွေဖြတ်နေတုန်းမှာ
လင်္ကာ ကောင်တာနားကိုသွားလိုက်ပြီး ...
'အန်တီက ဟန်နီ့အမေလားမသိဘူး'
ဟန်နီ့နာမည်ကြားတော့ အန်တီစိတ်လှုပ်ရှားသွားပုံရသည်။
'ဒီစာလေးယူထားလိုက်ပါအန်တီ ... စောင့်ကြည့်နေတဲ့သူ
ရှိနေနိုင်တာမို့ သတိထားပါအန်တီ ... စာဖတ်ပြီးရင်
အန်တီ နားလည်သွားမှာပါ'
'အစ်မ ... ဒီမှာပါ'
လင်္ကာပိုက်ဆံရှင်းပြီးထွက်လာခဲ့သည်။ ဒီညဟန်နီ့အမေ
ဆက်သွယ်လာမှာသေချာသည်။
🍀🍀🍀
'အဆင်ပြေပါ့မလားလင်္ကာ'
'ပြေမှာပါ ... ဘာမှစိတ်မပူနဲ့ ... ကိုယ်ဟန်နီပေးလိုက်တဲ့
စာကိုသေချာပေးလိုက်တယ် ... အန်တီ့ကိုတစ်ခါတည်း
ခေါ်လာပေးချင်ပေမယ့် နောက်ကနေတစ်ယောက်ယောက်
လိုက်လာမှာစိုးလို့ ... ခေတ်ကိုရှာမတွေ့မချင်း ဟန်နီ
ပြန်သွားလို့မဖြစ်သေးဘူးလေ ... ဟန်နီလည်း
ပြန်မသွားချင်ဘူးမလား'
လင်္ကာပြောတော့ ဟန်နီခေါင်းငြိမ့်ပြသည်။ ဟန်နီ့အတွက်
အန္တရာယ်မကင်းတဲ့နေရာကို လင်္ကာပြန်မလွှတ်နိုင်သေး ...။
ဟန်နီ့အတွက်စိတ်ချရတဲ့အခြေအနေတစ်ခုရှိမှ ဟန်နီ့ကို
ပြန်ပို့နိုင်မည်။ ဘယ်ကမှန်းမသိပဲ ဟန်နီနဲ့တူတဲ့
မိန်းကလေးတစ်ယောက်နဲ့မှားပြီး စွပ်စွဲနေတဲ့
ယောက်ျားတစ်ယောက်နဲ့ သဝန်တိုတတ်ပါတယ်ဆိုတဲ့
ချစ်သူဆိုတာ အခုအချိန်မှာဟန်နီ့အတွက်
ချိန်ကိုက်ဗုံးတွေထက်ဆိုးတဲ့အန္တရာယ်ဖြစ်သည်။ တော်ရုံ
ဘယ်သူကမှတော့ အကြောင်းရင်းမရှိပဲ ကိုယ့်ဒုက္ခကိုယ်ရှာပြီး
အိမ်ပြေးလုပ်နေမှာမဟုတ် ... ဟန်နီ့လိုနူးနူးညံ့ညံ့
မိန်းကလေးအတွက်ဆိုပိုလို့တောင်မဖြစ်နိုင်သေးသည်။
ပြီးတော့ ဟန်နီကအမေတစ်ယောက်တည်းရှိတဲ့သူ
ဒါတင်မကသေးပဲ ဟန်နီ့အမေကနှလုံးရောဂါကြောင့်
ခွဲစိတ်ဖူးတဲ့သူ ... ဟန်နီ့လိုအမေကိုသံယောဇဉ်ကြီးတဲ့သူက
အကြောင်းအရင်းမရှိပဲကျန်းမာရေးသိပ်မကောင်းတဲ့အမေကို
ချန်ထားခဲ့ပြီးအိမ်ပြေးလုပ်နေစရာအကြောင်းမရှိ ...။
ဟန်နီစိတ်ချလက်ချအိမ်ပြန်နိုင်ဖို့ဆိုရင် ဟန်နီက
ခေတ်မဟုတ်မှန်းသေချာပေါက်သက်သေပြပြီးမှသာ
ဖြစ်နိုင်လိမ့်မည်။ အရာရာစိတ်ချရတဲ့အခြေအနေတစ်ခုကို
မရောက်မချင်း ဟန်နီ့ကို လင်္ကာပြန်မပို့နိုင် ...။ ဒွိဟဖြစ်နေတဲ့
ခံစားချက်တွေနဲ့ ဟန်နီ့ကိုအခုထက်ပိုပြီးသံယောဇဉ်
ဖြစ်မိသွားမှာလည်းကြောက်နေပေမယ့် လင်္ကာ့
ခံစားချက်တွေထက် ဟန်နီအေးအေးချမ်းချမ်းနေနိုင်ဖို့ကိုပဲ
လင်္ကာစိတ်ပူမိသည်။ လင်္ကာ့ခံစားချက်တွေက
အရှိန်မလွန်ခင်ထိန်းချုပ်လို့ရနိုင်မှာပါ ...။ ဟန်နီ
အချိန်တန်ရင်အိမ်ပြန်မှာဆိုတာ လင်္ကာသိနေတာပဲ ...
လင်္ကာကိုယ့်စိတ်ကိုယ်ထိန်းနိုင်မှာပါ ...။
