60
كسر الخواطر💔💔
رحاب::غمضت عيوني علي كلمة
اسف وقرب مني
حط يده علي يدي وقرب عند وذني. هذي حياتي من غيرك ظلام
ونزل يدي من مفتاح الضي قلبي قعد يدق بالقوة برمني. عليه. حط يده علي خدي حسّيت روحي ضعفت
مراد:: حبيبتي. انا اسف انا مش قاصد الكلمه اني مش طايق وجك. لو صح من قلبي راني مصدقت سيبتي الحوش. انا بس كلمت مره وآخر مره كانت. انا نحبك انت وحياتي انت. وو
رحاب:: وووو قرب مني استسلمت شويا رِن. تلفونه نطيت فطنت لروحي.
مراد:: رِن تلفوني. انفجعت . وخرت. .
مديت. يدي وشعلت. الضي.
رحاب::برمت وجي. وقَعَدت نبكي. بعبرتي
مراد: ابكي يارحاب فشي خاطرك. خلي بكاك يكون علي صدري يكون في دارك. انا اللي نسمح دمعك
رحاب:: انت كسرتني يامراد. حرقت قلبي. استهترت بيا
انت هانت عليك مراتك هانت عليك ام وليدك هانت عليك احلي ايام. هان عليك حبي انت متحبنيش. زهدت فيا. قارف مني انت قطع عليا
مراد::انا غلطت. وجيت لعندك. طلبت السماح من اول ما عرفتك سمعتينا. يومها قفلت التلفون. قادرني فتك ومسكت التلفون نزلت. كنت نقدر نديرها بس انا فطنت. لروحي اني قاعد. نغلط وقاعد نجرح فيك. رحاب اي انسان يغلط. بس اللي يرد بسرعهً
هذا شخص. يحب رحاب انا منقدرش نعيش مِن غيرك. انت حبيتي ومراتي. مستحيل نستهين بيك. ولا ننفر منك ياعمري انا راضي. أتعاتبيني و تسبيني. راضي باي عقاب بس الا اني. نقطع علاقتي بيك. او نمحا اسمك في كتيب العائله. الشي. نموت ولا نديره
رحاب:: شن كنت تقوللها. حبيبتي. ياعمري
ولاياحبي. كيف كنت تمشي في الوقت معاها. ساعات. تهدرز. وعندي ساكت. ليش قعدت تبات كل خميس برا
شن ادير. وين تقعد. انا فقدت ثقتي فيك. انا هكي. حاسه روحي منقرفه منك. انت تخوف. ملكش امان ومتعرفش الإخلاص.
مراد:: خديتها مع يدها وقعمزتها علي الصالون.
ممكن. تهدي. ونحكو زي اثنين عاقلين. نحكو. ونتفاهمو
بدون عياط. مديت يدي بنمسح دموعها وخرتني
رحاب:: قعدت نمسح. في دموعي.
شن تبي تتفاهم فيه مفش تفاهم خلاص. غير. الطلاق الحل. الانسب واللي انا مصكره. راسي عليه
مراد:: وانا مصكر راسي منيش مطلق
شوفي انا نعترف اني كلمت بس جبدناها بالكلام. تي عرفناها من تي قعدت ترعش وعبدو هددها يعدي لخوتها.
حتي اسالي عبدو حوبه متخليش حبيبتي حاجه زي هذي تهدم حوشنا. وتشرد ولدنا.
تخايلي. بعد كم سنه. العيل. بيني وبينك.
خصوصا لو انا تجوزت كيف تبهدله مرت باته
