#كسر_الخواطر 💔
حلقة 1❤
الحاج علي الو يا
اشرف وين عبدالرحمن توا كلمني الحاج فوزي قال كنه المحل مصكر
اشرف::اكيد راقد مانك عارف عبدو في رمضان كيف روتينه
الحاج علي ::العيل هذا بيهبلني ماني عارف لمن طالع
اشرف :فوته ياحاج توا يعقل خلاص انا بنصكر اغلب المحلات صكرن
حاج ::خلاص صكر
(الحاج علي تاجر كبير معروف في تجارة الذهب
وله محلات في تجارة الرداوات واللبس العربي
عنده فرع في سوق الجريد للرداوات وهذا ماسكه عبدو.
وفرع شارع دبي اشرف
وفرع شارع 20 :مراد
اما محمد فاختار العمل الحكومي ويشتغل في شركة الخليج في الصحرا
حاج محمد أغلب وقته يكسد علي زرعاته في المزرعه ومسيب الشغل للشباب بس ديما يتفقد فيهم
~~
حاج علي::السلام عليكم
حليمه:/وعليكم السلام
حاج علي ::كملتي ياحاجه
حليمة::الحمدالله اللي عليا درته شربة وبراك
وكوثر كيمياء وبطاطا مبطنه
ودنيا ::حلو وبيتزا
حاج::ربي يعطيكم الصحه
وين ولدك
حليمه::راقد مسكين ًامس طول مارقد
حاج::محد ودر العيل وخربه غيرك يامرا
توا العصر يأذن وهوا مزال منخمد نعدي نوضه يلحق هلي الظهر
انت يافرخ عبدالرحمن يابلا نوض صلي
عبدو ::آه آه
حاج::نوض صلي هيا
عبدو ::حاضر حاضر صبيت
(ًامس روحت متاخروسهريت للفجر رقدت ونسيت نصلي او الصراحه انا منصليش )
نزلت لامي
أمي حبيبتي. عطيني مفتاح دار الضيوف
حليمه::شن تبي فيه
عبدو ::بنخش نرقد بعيد عن شايبك نولع التكييف ونصكر علي روحي ولما يسأل قوليله عدا للعصر
حليمه::ياولد بطل فكنا من المشاكل
عبدو ::غير هيا ياغلايا حرام عليك شوفي عيوني طايحات
حليمه ؛؛خوده بسرعهً فكني منه
علي تجوز حليمة جابت بنات وهوا يبي اولاد
تجوز كوثر كانت صغيره وقَعَدت غاليه عنده بكل.
