#گســر_الخــواطــر 💔
الحلقـــة الثــالثــة والاربعــون
رشا:: قعدت. الليل كله نفكر. كيف نصكر عليه
غلطانه يارشا مفروض. سمعتيه. ليش هكي. كلامه صح انت مفروض تسارعي الوقت. شن المشكله في الموضوع.
يعني. ليش انت حساسه واجد ليش تخلقي في نفسك عقدة النقص
ماما. تبي تأجل لعند امتي. اصلا القصه امتاع عبدالرحمن ومراته مش معروف امتي تنتهي. اوووف.
يارب. ساعدني.
بس حتي هوا ليش معش رِن مصدق يعني. ياربي. ياربي دلني علي القرار الصح
إذن الفجر وأنا مزلت. نفكر. سمعت صوت ماما تتحرك شكلها ناضت بتصلي. نصبي. حتي أنا نصلي خيرلي
حليمه:: طلعت من داري ونذكر في الله
أصبحنا واصبح الملك لله لا اله الا الله
شفت دار رشا والع. خشيت عليها
حليمه:: صباح الخير
رشا::صباح النور شكلك مش راقده ماما ارحمي روحك عيونك شلشلن من البكاء
حليمه:: خشيت. قعمزت. جنبها
ااااااه. يابنتي مش بيدي. مقهوره علي كبيدتي سندي وظهري.
وحيدي اللي حصَّلته بعد شوق ودعاء ومراجاة
وكنت نحلم بعرسه ومراته وعويلته اللي يجرو عليا
فجأة الحلم قعد كابوس.
ضاع العيل انجن تهلوس بالفرخه. رانيا معش قعد عبدالرحمن المرح. الحنين. اللي يجي يقولي كنك ياامي حاسك زعلانه. اللي مزعلك حسابه عندي
عبدو تغير من يوم تجوز هذك الفرخه لعبت بعقله. وبدت تسحب فيه بتخسره هله. ومراته.
رشا::اعوذ بالله منها ديما نرعش من نظرتها. جلدي يكش منها
تي تصوري كانت تبيني ناخد خوها. وتقنع فيها اللي ماتتحشم علي وجها وهوا اللي خش بيسرق حوشنا. وضرب خويا. وقحه ربي يخلصنا منها وجه الشر
تي نقطع يدي من هن لو ماكان ساحرته.
عاميه عيونه. منها لله
حليمه:: حسبي الله ونعم الوكيل. فيها
بس كلام محمد ياخيه صدمه. ووووه ووووه في حوشنا في وحده عاهره وسخه
رشا::بكل حتي انا مصدومه ليا كم يوم نفكر فيها مشيت سالت رحاب قالت قاللها مراد. صح وهي. كانت تمشي معاه ومحمد جا طلعهم. من الشاليه. امتااااعنا. بس
بابا. طبعا معنداش علم انه شاليهنا بعدين قصه لمحمد تقعد
حليمه::هل الفروخ محمد وعبدالرحمن. اكثر اثنين تعبونا من صغرهم الحاج يقول. العيال هذوم حاس روحي بنتعب وراهم
