#گسـر_الخـواطــر 💔
الحلقـــة الخــامســة
رحمه:: طلعت من المستشفي علي حوش جدي
مقعده. منشوفش ولا نقدر نحكي.
بابا يبيش يشوف وجي.
نعذره. اللي صار مش ساهل بس انا شن ذنبي. وهوا كيف يصدق اني ممكن نكون بنت مش كويسه
انا توا محطمه مليش فائده
طلعنا ومعانا احمد ومهند.
أمل وأسماء محبوسات عند بابا نبيهن معايا محتاجتهن.
طلعوني.
وانا في حاله نفسيه مدمره. مش مستوعبه اللي صار
نبكي كل شوي
مش قادره نشوف غير صورة ماما بين عيوني وخواتي وخوتي رايفت. عليهم
تجي صورة محمد واللي داره فيا. ننهار. لقطة. استهزاءه بيا بين عيوني معش نشوف في شي بس ليش اللقطه هذي نشوف فيها
كيف طلقني بالسهولة. هذي بدون اي مرعاة للقرابه والدم والسمعه اللي ضيعها
ماما واجعتني حبيبتي
علاقة خلاتي لبعضهن قويه.بسبب علاقة نسب. ضاعت وانقسمو خوالي جزء متعاطف معايا. وقاطع خويله كوثر
وجزء محايد.
انا حاليا في حالة صدمة
كنت راقدة ونضت علي صوت بابا يعيط هوا واحمد ومهند وخالي
~<~>
احمد::علي جثتي يندار الفحص الطبي. وانت ملكش دعوا بيها رحمه مسؤوليتي.
عبدالسلام ::نبي تقرير نحطه في وج خوتي وخواتي. والجيران نبي نلصقه علي باب حوشي نبي نثبت للعالم انها طاهره حسو بيا. ياناس راسي في الوطا كلام الناس. يقتل فيا
اخمد::اللي بيحكي يحكي مستحيل ياباتي افهم. لو درنا التقرير وكشف. رحمه راح تتعب نفسيا زياده. منقعدوش نحن نزيدو فيها عليها هي لازم تحس ان نحن واثقين فيها لازم نفسيتها تتحسن عشان ترد طبيعيه.
ولو مره بس ياباتي صبي معانا ولو مره بس. حس بينا وأمسك في يدينا
عبدالسلام::انا ميهمنيش نفسيتها تموت ولا تنجن ولا تتحرق انا نبي. نثبت شررررفي.
ياراجل خوتي قاطعوني حاطين اللوم عليا معرفتش نربي وخايفين علي سمعة بناتهم
انت وياه رجاله مش متظررين لكن اسماء وأمل. شن مصيرهن من بيجي يدق الباب ويطلبهن
مهند:: اسمع وحط الكلام في راسك. مستحيل حد يجي شور رحمه. والكلب محمد انا نعرف كيف ناخد حقها منه
تطمن وخلي راسك مرفوع بنتك شريفه واللي مايبي يصدق راسه يضربه في الحيط
خال مفتاح::عبدالسلام اهدا. وحاج علي قاعد قالب الدنيا علي محمد توا يجبوه غصبا عنه ويصلح اللي داره
