#گسـر_الخــواطـر 💔
الحلقــة الســابعــة والثــلاثــون
رحمه:: نضنا الساعه 11 علي باب الدار يدق دقه مستفزه بعدها صوت هرجه وحد يهزب
برمت. هوا رااااقد لاصق فيا السرير ممل صغير.
صبيت كنت عاطيته ظهري مقعمزه نلبس في شبشب امتاعي.
قعمز. وقالي صبااااح الخيررر بصوت واطي. وقعد يعصر في عيونه
برمت. شفته منظره يضحك. قتله كنك
عبدو:. دار عيونه وقالي كني. صبحت بس
رحمه:: لالا علي منظرك. هههههه بحتت في الدار وقتله
عبدالرحمن الطفل. شكلك عشت الجو. العاب وسرير فردي ودار جنب ماما وبابا. ههههههه
عبدو:: درتلها بلساني باااه تتحنطي علي الصبح. من اللي يخبط. كان. وجيت صبيت.
رحمه:: صبيت وقتله. مش عارفه بس صوت مراتك المزعج
عبدو:: برمت فتحت الدولاب نطلع في جلبيتي وقتلها رايقه نايضه اطلعي شوفيلي. الحمام بنخش ندوش
رحمه:: قول نايضه متكسره يناعليا عليك سرير كسرني وانت الليل كله تخبط فيا نومه ممله
عبدو:: برمت عليها. هههههههه اليوم خودي راحتك عومي. فيه وبكرا توا نجيب فراشات نفرشو تحت.
رحمه::الله يهديك عندنا فراش كبير. وشقه ليش بس. البهدله
عبدو:: قربت حومتي اصبري عليا عارف انا انك بنت ناس وتتحملي اصبري عليا حبيبي. انا حاليا مش عارف راسي من كرعيا وعقلي مشوش.
رحمه:: حاضر. بس قالت ام كلثوم.
إنما للصبرررر حدود ياحبيبي.
عبدو:: ههههههه حاضر حي كنه خَدَّك.
رحمه:: كنه يعني عضني. جريو صغير. ًامس هههههه
عبدو:: ناعليا من الرومانسيه تحشمت تقول كلب
رحمه:: احتراما لك قلت جريو ههههههه هيا وقت. واستقبل الصباح الخلو علي وجه الصفره صفره تركبها يارب
عبدو:: قرصتلها خشمها رايحه واعره المرا.
رحمه::طلعنا من الدار. وجت الأخت تجرررري
رانبا:: مش قتلك أمس بنعدي لهلي
عبدو:: باهي مزال بدري نروح من الجامع نحطك
رانيا:: لا توا بنعدي
عبدو:: فاضيلك انا. حولي ترا بعدين الناس تصبح
مع جيت امي
صباح الخير.
رحمه:: جيت حبيت علي رأسها. صباخ الخير ماما
