رواية كسر الخواطر ⬅ جبر الخواطر

الحلقة 26

#گســر_الخـواطــر 💔

الحلقــة الســادســة والعشــرون

رانيا::شوفي هوا شايفك وميت فيك وماتخافي من موضوع الجنسيه  كثير ليبيات متجوزات عرب

انا عمي متجوز ليبيه  واخي معجب كثير فيك ووضعه المادي  ممتاز

رشا::رانيا انا عارفه الرفض راح يجي من بابا وخوتي ومنيش مستعده نخش في نقاشات معاهم  بعدين انا مش مستعجله  علي الزواج ان شاءالله. اللي ربي كاتبه ليا يصير

رانيا:: بس انت معش صغيره عمرك 33 وتوا الشباب بياخدو البنات الصغار يعني سامحيني في الكلمه وانت جسمك زايد مكبرك

رشا::خلاص رانيا لو سمحتي مش بالغصب هي انا منبيش وانا راضيه بحياتي وفرحانه لخواتي وعلي اللي تقولي فيه انا عارفته بس انا واثقه في حكم ربي واكيد مش مكتوبلي الا الخير  ولو وصل عمري للسبعين وماتجوزت عادي منيش مكلوبه علي الراجل وحوش هلي حوشي وفرحة فرحتي وعيالهن عيالي

رانيا::علي راحتك بس كنت نبي نقولك عبودي عليا والباقي انت تعرفي  شلون تخليهم يوافقو

وكذب مهما كان مرتاحة في بيت اهلك بس بيت الزوج غير
والحب غير كثير حلو شخص يهتم بيك ويشعرك بانوثتك

وخواتك الدنيا راح تاخدهن ومعش تشوفيهن الا لما يجن يحطن اولادهن زي توا انت بس اللي تعاني

وخوتك كل واحد في حياته وأبوك وامك الله يطول في عمرهم بس مش دايما باقيين

رشا::نزلت من عندها عقلي مشوش  كلامها صاح  بس خو  رانيا مش ليبي. وبابا ميحبش هلها

وماما كوم بروحها وخوتي قصة  نزلت قعدت في حيره  مشيت  حكيت لريما وقَعَدت تشفط عليا وتعلق  سيبت موضوع اني كبرت وشعوري ومسكت في موضوع الجنسيه كان مفروض تخفف عليا بس كله ضحك خداته وجعتني وزعلت منها طلعت طلعت مشيت حكيت لريهام وأماني  كان الرد  الاستهزاء  نفس ريما

ريهام:: نهارك يسمعها جلال يضحك عليا يقولي كنها اختك

وقَعَدت تحكي علي عربها كان سمعو

اماني:: لالا هههههه قعدت تضحك  بعدك عادل شوره  التحنيط  توا يمسكها عليك يارشرش
اوووووف رقالي منهن

عديت داري وقَعَدت نبكي. خفت نركب لدنيا الثانيه تبدأ كيفهن زمطتها وسكتت  بس بديت نفكر الموضوع

~>~<~

مراد خلاص يامحمد انا نحاول نفهم باتي بالقصه. وهوا يتصرف. مع عبدو  لان. انا هوا عارف اني منحبهاش  ومش طايقها ولا راح يتقبل مني انا وأشرف بس هوا يرعش من باتي ويسمعله

محمد::تمام وانا خلاص نحاول نهاية الشهر نروح وانت حلوا تمهد. لباتي. اني نادم ومرايف عليه ونبي رضاه قوله تقابلنا صدفه وريه صور عليوا بلكي يحن