گســر_الخــواطـر 💔
الحلقــة التـاسعــة والثــلاثــون
حاج :: حطي البنت. وتعالي قربي.
اماني:: حطيت تولي. وجيت قدمت.
حاج::تعالي ورايا حوش كوثر
اماني معقوله هكي. تصرفي. كيف تطلعي. اكثر من مره بدون علمه. معقوله هكي انا ربيتك. كيف حرجانه لك . ايام وانا اخر من يعلم. كنك يااماني هك ربيتك. شن سبب المشكله عليش قاعده. هنا
انا لما. كلمته قالي طلعت. مرتين بدون علمي.
اماني:: قعدت نبكي. وساكته
حاج:: تعالي ياكوثر. هديها.
كوثر :/ مني اهدي حبيبتي وأحكي لباتك. عادل. معصب. وزعلان لما حكا معاه باتك
اماني::
بابا. هوا يتحسس واجد. وأجداد بكل. يعني. ديما صابره ومنحبش نحسسه وعمري ماجيت. شكيت.
حنون اه طيب اه. يكافح. عشاني اه.
بس يابابا حساس واجد. لو روحت من هنا. بحاجات ماما حاطتهن يدير. نكد.
ماما مرات. تحطلي في فواكه لتولي ومرات. تشريلي منها انا منطلبش تموين وتحلف نروح به
يدير نكد. ويزعل. نقعد انفهم فيه قصد ماما بس هوا يصكر. راسه. وانا نصكر راسي
حاج؛: ومن اللي يتنازل.
اماني::هوا
حاج::كملي كملي. نسمع كأني مش عايش معاكم كملي
اماني:: يتحسس ناخد من زينب. حاجه. تعبني يبيش يقتنع انه هلي عادي. ليش يتحسس لو ساعدوني
لما انت عطيته ملف المحل. روح متعقد. جيت سألته تخت قدام هله كنك مضايق نت. فيا وهزب بصوت عالي
ركبت. ركب ورايا وقعد يهزب عطنيش فرصه نشرحله. اتهمني. اني نجي نشكي. عشان هكي انت درتلي المحل ولا. متحسس عشان قدام مراد
نزلت لزينب. زعلانه والصبح. جيت هنا
حاج:: بدون علمه طلعتي طبعا
اماني:: جيت هنا ومع خوه وأختي. يعني. وين. الغلط
حاج:: تنرفزينيش مزلت نسمع هادي. من جدك هكي تديري
ومعش تقنعي روحك. بتبريرات غبيه
انا ليا 40سنه متجوز. أمك عمرها مفكرتش تطلع من ورايا.
وكوثر 36سنه. وحتي هي ماتخطي خطوه من دون شوري
تجي. انت. ديريها
خواتك. زينب. تحترم في راجلها وكلمته هي الأساس
ساره كذالك
انت بروحك في بناتي المتجوزات راسك. يابس
انا حكيت معاه جاني المحل . وقالي
طالعه بدون أذنه. مرتين. يوم اللي زعلتي. واليوم هذا
وتبيش تنزلي لامه ومتكبرة عليهن. تبيش دوشت. عيال خوته
ولا حتي عيال اختك طايقتيهم. تنزلي. تقول. يبزو فيك. بالشوك. تبيه هوا وبس
يابنتي الزواج مش معناه. تاخدي الراجل وبس. لا الزواج.
زوج وهله لازم تعرفي تحترميهم زي ما تحترمي في هلك
تتقبليهم تنطفي وتساعدي عادي تقعدي مقتنعه انه حوشهم نفس حوشك
وعمتك مرا كبيره. واخت وحده شابه. صغيره تقرا شن المشكله تنزلي تونسي عمتك
انا غلطت لما مديته له معنديش علم انه حساس وعادي مش عيب هذا طبعه مفروض مديته لك انت روحتي حكيتي مع راجلك. وتفاهمتو
والحسس هذا أمك اللي حطاته راجل. بعد اول مره تحسس خلاص مغش نعاودها. لكن أمك مكثره.
تبي تساعدك نمدلك فلوس لك. لكن خضره. ولحم هي عادي مفروض مفهش شي. بس عادل حسسسساس واجد. وبجد يعجبني. الشاب. هذا
ركزي. انه. يشتغل في ثلاث اعمال بس عشان يوفرلك حياة كويسه ومايحرمكش
عمره طلبتي حاجه وماوفرهاش
اماني::لالا اللي نبيها يوفرها
حاج::عمره زعلك. وضغط عليك في نزلت هله
آماتي:: لالا.
حاج:: عمره مد يده. سبك. وجرحك منكد عليك يهين فيك عندك اي حاجه. عليه انا نجيبه هن ونهزبه وناخدك. عندي. تبيش. خلاص. معش تبي العشيه معاه نقوله طلقها
اماني: اماني لالا عادل. كويس بس سؤ فهم
انا توا يهدأ. ونكلمه لالا شنو طلاق.
حاج:: منبيش هبالك هذا مره ثانيه. الراجل. مفش منه كويس وانا عاجبني راجل. بجد. تأمن عليه بنتك.
يكرد ليل نهار بس عشان. شنو عشانك. تذكري انه ينوض. مِن السبعه ويروح دوبك يتغدا ويرد عمل ثاني. ويروح جايب اوراق عمل ثالث يعني. . . معنداش. نفس اماني متتحشميش بيا الله يربحك
صبي لمي دبشك. توا نشيلك انا له.
اماني :: بس مفروض هوا يجي وحاضر نروح
حاج::بس هوا جا وانت مش قاعده وعندك وج تحكي. بطلي. كساحت راس لو تبي حياتك تستمر
اماني::حاضر
خشيت. وتيت دبشي.
رشا:: قوليله قالتلك رشا شكرًا علي البكلاوه يناعلي تهبل
اماني/:/سم. عدي ياكلبه انا في شنو وأنت في شنو
رشا:: انا. في البكلاوه. وانت مروحه البكلاوه. ليلتك عسسل. زي البكلاوه. ياعسسل. بس بجد قوليله شكرًا
اماني؛: البرود اللي عندك هذا عايشه. به شهرين ومعش نشوفه
رشا؛: لا وراسك توا تشوفيه ديما. أسومي. مستحيل يزعلني
ولو زعلت طبق كيكه. ههههههه
اماني:: روحي. مثقل دمك
زعمت كبدي. بارده. وانا نار راكبه. فيا شن ردت فعله كيف يستقبلني ربي يستر.
وصلت وركب بابا معايا. فتحت الشقه. وخشيت
لقيته. مش قاعد بس الشقه. بنتها مغمومه
لها فتره مش مهويه بس نظيفه الدار زي ماسيبتها والحمام. يبي تنظيف بس. المطبخ نظيف مش منظر حد مستخدمه.
الصاله اثار نومه. علي كنبه ودبدوب تولي عليها.
صوري محطوطات علي وجهن كانه يبيش يشوف وجي بكل
حاج:: ايوا إنرجي قاعد
عادل:: انا بعد عصبت منها ومن حركتها ولاني مليش غير باتها تسمع منه ويأدبها علي حركة الطلوع من دون أذني
عديتله المحل وحكيت معاه بس مش كل شي.
اعتذر وعصب. مشيت لعمل العشيه المغرب رِن عليا
انا نبيك في موضوع ورآني وصلت قدام الشقه
جيته. صبيت استغربت. قلت بلكي. نزل لحوش زينب.
فتحت الباب خشيت جيت
خير. ياعمي انستني. انستني انا نقول كنها الشقه منوره.
حاج؛: الله يأنسك منوره بيك وبمراتك وبنتك.
انا جبتها شخصيا. لك. لانها غلطت وطلعت بدون إذنك وانت مش راضي
وهي مش بس عصت كلامك عصت حتي ربي سمعتي. يااماني
عصيتي زوجك وربك
عادل:: ياعمي. انا مش مانعها ونقوللها لو كنت عند هلك وصار ظرف عدي عادي بس انا اللي خوفتني الطلعه الاولي عابئ عليها راقده عند اختها. نعرف طلعت و
ولا نتعوذ من الشيطان وجيتها صدتني مبتش تروح.
ولاتكلم تسال جيت المره الثانيه نلقاها طالعه حوش جدها
في وقت. حساس يعني. اخبط راسك. في الساس مش مدورتك نطلع ونخش
نسيتي انه اللي تطلع من الحوش بدون إذن زوجها معلونه من الملائكه
حاج::: لا يااعدوله انا نقاطعك هنا للتصحيح.
مفش أمراءه. ملعونه والله العالم.
بس الحديث هذا ضعيف الاسناد
والشيخ الالباني الله يرحمه ضعفه
بس استند علي قوله صلى الله عليه وسلم: إذا استأذنكم نساؤكم بالليل إلى المسجد فأذنوا لهن.
أيعني لازم إذن الزوج. نص واضح وصريح.
وأنتم الاثنين تعتبرو مزلتو في بداية حياتكم. تحملو بعضكم. وعيشو علي مبدأ يااماني. اي شي داخل حوشي منطلعش برا.
راجلك احتلفتي معاه يبقي واجبه لين يهدأ وتعالي تفاهمي معاه. بس هوا شايط وانت شايطه حياه فاشله. وهكي. راح يصير فيها قلة الاحترام. واهم شي في الحياة الزوجيه الاحترام.
وانت ياعادل مش معني. اني جبتها اليوم. معناها انت الصح في كل شي.
لا انا لايم عليك. انت معصب وزعلان. متجيش تهزبها. بصوت عالي في خوش هلك. هذي بنت ناس ولازم قدام هلك يقعد قدرها عالي.
المره هذي عشان طلعت بدون إذن انا جبتها بس لو عرفت انك مزعلها او. مقلل من شانها واحترامها وقتها. بنتي تقعد عندي وانا اللي نجي. ناخدها ومعد تشوف ظفرها
بس لاني عارفك راجل وعاجبني
عادل:: حاضر ياحاج انا مش مقصر. ويوم اللي نتيت فيها. زلت لسان ومعش تتكرر
حاج:: انا اسف لو انت تحسست مني علي قصة المحل مكنش قصدي جت هك
عادل:: لالا عادي
حاج:: باهي. ماشاءالله. شقتكم حلوه وكبيره. تبيش تشربينا قهيوه
عادل::اول. مره تخشلنا الشقه. نذبحو عليها هذي مش قهوه
اماني :: اول. ماخش قلبي بدا يدلف. شعور الخوف. كان المسيطر مركزتش في اني مرايفه ولاشي خووووووف وبس
قعدت منزله راسي.
عيونه. بس علي بنته. مسكها يبوس فيها وواضح كيف مرايف عليها. انا متجاهلني هدرز مع بابا ورحب به
درت قهوه.
وبابا طلب بينزل عند زينب يسلم قبل يروح.
صبا نزله هوا وطبق الباب وراه
شعور الرعب زاد عندي بابا روح. شن ناوي مش عارفه
صبيت. بديت نهوي في الشقه. وانظم في الصاله
خش وطبق الشقه وراه ولا با يحكي معايا علي طول علي دارنا خدا اوراق. ونزل. محكش ولا ربع كلمه. قعدت. نقول بلكي جاله حد تحت يهدرز. ولامع خوته. بس شفت السياره مش قاعده
دق الباب ولد زينب. قالك عمو عادل خودي هذين. انا مروح في الليل
شفت الكيس خبزه وتموين
برمت علي الشقه. ولبست ونزلت.
قعدو يقصقصو قلت مافي شي.
وجو بعيد السو علينا من الزعل. الساعه 11 روح
خش شافني مقعمزه. انا قعدت نرعش يدير موقف يحرجني ويكذبني خش قعمز بعيد. عليا. نظارات ليا وله وواضح انه اناكذابه ونحن متعاركين
. قلت وجه يقول ناويها صبيت. وقلت تصبحو علي خير
عادل:: انا منحبش حد يعرف شي عن. حياتي. ولا اي شي
حسّيت اماني ارتبكت. وهما نظارات غريبه فيها تساؤل وشماته انا منرضش عليها قتلها
عادل:: بحتت فيها بوج رايق وين ماشيه
اماني:: نركب نوتيلك العشاء
عادل::ييي بعدك ميت جوع. هيا راكب معاك
صبيت رفعت تولي. وقلت تصبحو. علي خير
اماني:: توا حسّيت روحي رايفت عليه وجه كان. مرتخي ورايق. عجبتني منه كيف تصرف وغيرت النظارات اللي كانن عليا
ركبنا. فتح الباب. وحط البنت ونفس النهار خش غير. وخش للمطبخ. دار سندوتش وطلع للصاله.
اماني:: خشيت غيرت. وجيته قتله خلينا. نهدرزو
عادل ::خشي لدارك مفش بينا هدرزه
اماني:: عاااااادل عاد
عادل:: فنصت. فيها وهي كلمه قلتها. دارك بنرقد ورايا نوضه بدري
خشت معصبه. طفيت الظي وقَعَدت نتقلب.
اماني:/ كنه بارد عنجد يزلطني ثقيل.
~>~<~
ريما :: لبست بطلب من نورا فستان وردي قصير. مكيجت مكياج. خفيف. نسمع في صوت ساره اختي جت مررررايفين عليها ليا كانت مسافره
خشت عليا مفاجأه. انا جيييييت. ههههههه
ريما:: سوسو. ياخيه. مفاجأه تهبل. حمدالله علي السلامه
ساره::الله يسلمك شن في برا. مفهمتش جو غريب عليش الطاوله.
ريما:/ طاوله شنو هنا جايات هدرزه كساد وصبايا خوالي هن اللي غريبه مش من العاده يجن. بس اهو تغير جو
ساره:: صبايا خوتك وين.
ريما؛: قاعدات توا نركب نكلمهن رحومه. عدت تكلم في خواتك
ساره:: وهذك شن جوها تشوقت نشوفها تهدرزلي عليها مني في التلفون. لين كرهتها منها
ريما::ووووه اعوذ بالله. توا بعدين نحكو وين وليدي
ساره:: برا مع أمك. اممم باهي هيا اطلعي ورايا طولش
رحمه؛: عديت. نكلم فيهن. ولقيت عبدو في المطبخ جيته جبت الامانه
عبدو::جبتها ومنكش مستلمتيها لين. ناخد مقابلها حاجه
تعالي :: خشينا الدار.
رحمه::اللي تبيها توا مش وقته
عبدو:: ههههههه وين عدا عقلك لالا نبي بوسه بس وبرا اييييييب علي قولة عليوه مراد
رحمه::هههههه وانا نقولك اييييب. انطول عليهن
بودّي مش وقتك حول.
عبدو:: قعدت ماسكها مع وسطها وجيت عند وذنها بصوت واطي باهي اسمعي.
رحمه:: هممم شنو.
عبدو:: اليوم بايت هنا باهي.
وحطيت يدي علي وذنها مرايف علي قليبي
رحمه؛: ياريت. حبيبي.
سمعت صوتها تنادي عليه قريب من الدار
قربت منه وهي خشت
عيطت. شنوووو هذا وخشيت في صدره
عبدو:: رد اللباب كنك انت كيف تخشي هك هبله.
اطلعي. عنجد وجك
رانيا:: معلش. نحسابك بروحك قالو هي الحوش الثاني
رحمه::عدلت ورحي وبعدت من. عليه وقتلها
جايه. بتجري تقوليله عدت غادي ألحقها
عبدو::خلاص رحمه.
رانيا اطلعي لوًسمحتي
طلعت معصبه
عبدو::خودي. الامانه من الثلاجه. وعقبيلنا في الليل هنا
الليله ليلتك ياجميل
رحمه::خلاص خليني نطلع وصبيت نعدل في الروج وبرمت قتله وانت. امسح. فمك ههههه
عبدو:. نطلع به سمح موضه ههههه
رِن تلفونها
رحمه:.صروري ياماما يعني.
عبدو:. كنها
رحمه::قالت عيب كلمي ضرتك عشان راجلك
عبدو::خير من بنتها
رحمه::بنتها تغير. حقها
عبدو::بنتها هذي ااه منها تطلع بسرعهً خيرلها
رحمه::خطمت قدّامه بنفتح الباب
نغزني. علي جنبي العبيييي. هههههه
رحمه:: ااااه نطيت عيطت. وفتحت الباب جت في وجها
سيبته معاها يحكو في الصاله وخديت التورته من الثلاجه ى
وجيت عزمت عليها ومصدقت طلعت
ريما :: طلعت لقيت تورته علي شكل لبست تخرج وجو. موالح وعشاء
جنبهن لبست تخرج مطبقه مربوطه بناسترو
واستقبلتني خالتي بزغروته.
انا كنكم. تي مزال النتيجه
رحمه:: فتحت العبايه ولسبستها لها. الف الف مبروك طلعت ًامبدري. مبروك. التخرج
ريما::تحكي جد. وشن تصفياتي
رحمه::حلو كلهن الا الإحصاء بس قال احمد
ريما؛: قصدك احمد عارف
نورا:: اسمعن. خلونا نقعمزو نشربو نسكافي.
قصن هيا
ريهام :: اصبري صكري العبايه قفطانك قصير. بس بنكلم بابا يصور معاك
حاج::خشيت سلمت عليها وحضنتها. مبرووووك
خلاص. انتهت. المهمه كلكن رفعتن راسي. وجبتن الشهاده
مزال رحمه بس. بنتي الصغيره
رحمه:: قربت حبيت يده ورأسه ربي يعطيك الصحه وتحضره
ريما:: ربي يخليك لنا
رشا:: فكوًنا من العواطف ياقماعه عاوزين نحلي بوئنا
حليمه::حي علي. هذي قريب تاكلنا
حاج::المهم الصحه يارشروش
رشا::الصحه عال العال ياحاج هيا. قصرها بسرعهً هههههه
رحاب:: جيت عند وذنها نعلي. راني صبيتك توا جو الرقه قدامي مفروض. ههههه
رشا؛:اااه سوري حوبه. تي رووحي مغش فيها ترقيع كل علي الطبق ههههههه
رحاب::المهم هو راضي ومكبد صح
رشا::عسسل ربي يحفظه.
رحاب:: ربي يهنيكم راك تزعلي نبصر.
رشا: عارفه نيتك. البيضه. احلي صبيه. ومرت اخ. بس بعدين لنا تقعميزه لازم نحكو مش عاجبتيني انت
رحاب::انا بروحي نبي نحكي. تعبانه.
قعمزنا. وحطينا التورته والنسكافي
رحاب::تجنن هذي من وين حاجزتيها يارحمه
رحمه:: بعد اخمد الصبح دور ومحصلش وحده تديرها بالصدفه نحكي لرشا قالت تشوف صاحبتها جهزتها مسكينه. بسرعهً. وخداها عبدو من كافي اسامه
رشا؛: شاطره اسامه قاللها من توا تورتة الفرح. منك
رحاب:: توا نحجز منها علي عيد ميلاد مراد. عجبتني
رانيا::امتي عيد ميلاد مراد
رحاب:: الخميس الجاي.
رحمه::كل سنه وهوا طيب. فيه جو. دلعيه
رشا:: تبي قوليلي نوصيها توصيه خاصه
رحاب:: اه. قوليلها نبيها علي شعار. اليوفنتس
ساره:: الخميس جايه. بنكسد حوش خويا
رحاب::روحي. نصكر الباب في وجك. ههههههه تعالي الجمعه الاربعاء اي يوم لكن الخميس ليا. مغلق
رشا::للصيانه ههههههه.
دنيا::اي عاد انا جويرتك ونتبرع نمسك عليوه . حصتي نبيها مليش دعوه
رحاب:: انت العسل. حاجتك خاصه. يارب يادنيا ربي يفرحنا بيك قريب
دنيا::يارب. ايه صح اني وأشرف ماشيين عمره. عشر أواخر رمضان
رشا:: ماشاءالله. خبر حلو مقبوله يارب
رحمه:: عمره. الله. حلمي نعدي.
دنيا:: اشرف. حكا لعبدو. تعدي انت ورحمه معانا قاله مش توا.
رحمه:: صاح. غريبه مقليش
رانيا:/ العشر الاواخر اصله. مسافرين مصر. أناوياه كيف مقالكش
رحمه:: زي الميه الساخنه نزلت عليا وابتسمت. وقتلها اها قالي
وحطيت الصونيه خشيت لريما. تعالي قعمزي
جيت جنب ماما خلاص هيا احكي.
كريمه:: دايمه يارب
كوثر :صحه يابنات
كلنا يسلمك
كريمه::شوفي انا مربيه ريما وزي بنيتي وتعز عليا.
وطلع في غيري تعز عليه اكثر مني
اليوم جايبه طالبه. يد رويما لاحمد.
ريما:: بحتت في رحمه درتلها بعيوني. مش فاهمه
كوثر ::رويما بنتك وحمادي وليدي. كان عليا انا عطيت.
لكن نشوفو. رأي بوها ورأي البنت
نورا::بوها موافق وعنده علم بجيتنا اليوم. حاكي معاه احمد من فتره. ووافق وقرو حتي فاتحه علي نية التوفيق
وكلا البنت مفضوحة. اصلا من مايعرف في العيله. بنظرات احمد وريما ههههههههه ريتي وجها بتضحك.طلعيها. الضحكه حقك تفرحي
كريمه؛:تعالي قعمزي جنبي
ريما::صبيت. قعمزت. جنبها.
قعدت تبوس فيا. كنتي العسل.
أمل:: فهمتي عليش نبي المرايه اصلي جايه بصفت صبيتك
ريما:: أصله استغربت تصرفات غريبه. درتنهن
رحمه:/هيا ماما
كريمه:: هاتي يدك.
ريما:: لبستني الدبله.
شعور مش عادي نجيه ياخيتي. حبيبي. مفاجأه حلوه.
رحمه::وهذي هدية تخرجك. تفضلي. افتحيها. وورينا
ريما:: فتحتها.
لالا بجد تحكو انتم. عيوني دمعن مفاجأه غريبه
.هههههه
رانيا ::بأهي تصبحو علي خير
رشا:: كنها هذي. مجنونه اكيد ناويه علي شي مصيبه
ريما: بابا موافق
رحمه:: اها. ربي يهنيكم
هكي يعني قبل رمضان. بيومين. فاتحتك
كانت الهديه كرت الفاتحه.
كمل اليوم. عند ريما حلو
روح محمد.
باتي. نطلعو بدري
حاج:: اه توا انوض الفجر تنوضك. توصلنا يامراد
مراد:/ تمام. توا نبات مع محمد. عشان تنوضني.
رحاب شن رايك تباتي. مع البنات
رحاب:/ تمام قاعده. مع رشا.
><~~
فرشنا وظلمنا الدار. ورقدنا نهدرزو
مراد::ياراجل هبلني ارقام ومعلومات عليا. ولا مصره تدز مسجات فيهن اُسلوب اني حاكي معاها
محمد:: تقعدش وخذه. قديمه وخطرلهاترد
مراد:: تي لا مظنش بعدين. مانك عارف بعد خطبت غبرت الشفره
محمد:: توقع ساهله. يجيبن ارقام
مراد:: انا توا قاعد نمشي فيها. لين نعرف من دازها
مخمد::نهارك. رد بالك انت اللي تطيح بعدها
مراد:/ تعرفنيش معناها انا رحاب عندي حاجه خاصه مستحيل نبحت في غيرها.
محمد:: حتي بعد جبتو مزلت تحبها كيف قبل
مراد::قول اكثر. من قبل عشان حبيبتي ومراتي
توا ام اول فرحتي
تي رحاب اصلا مفش منها. بنت ناس واصليه.
تي انت لما كنت مسافر انا كان طبعي صعب ومزلت. طبعي صعب. تي تتحمل وتمشي. وتفوتلي في حاجات واجد
عنجد نخونها
بس الرقم ديما يجن. في يدها المسجات. وباديه تشك فيا
محمد:: ماني عارف خود حذرك نبهتك
~<~<~
رحاب:: واجد يارشا متغير. يطّلع في الليل ولما نسال. يتحجج كل مره بحاجه. اخرها أمس راكب بالتلفون فوق السطاح ولما ركبت. انفجع صكر ودار حجت. يدخن
رشا:: مراد مستحيل. تي معروف كيف يموت فيك.
تي مستحيل. كنك انت مش قادره اصلا نفكر او نستوعبها
رخاب:: يارب يطّلع شكي مش في محله
~<~>~
رحمه:: روحت مضايقه كيف بيسافر في رمضان. وانا شن بيصير فيا
صبيت علي الروشن نفكر قعدت نشوف في كلب. مقعمز يبحت فيا
قعدت نبحت زززززين
كريت ايه الكرسي. وأمن الرسول
المعوذتين. فجأه اختفي
رعب قعدت طلعت نجري توضيت وصليت. وقعدت ندعي لربي ونبكي. طلعت نجري. خديت مية رقيه ووملح ورشيتهن في زوايا الدار وفي دولابي ودولابه
وفي الفراش. قعدت مقعمزه نراجي. فيه
عبدو::طولت عليك
رحمه: كنت فوق
عبدو:: اها. ومريت سلمت علي باتي. يطّلع الفجر.
رحمه:: اها. اها. وقَعَدت نهز في كرعيا. بتوتر وهوا يغير في دبشه
سالته تعشيت. قال كلا فوق.
صبيت. جبت ميه. ومديتها له اشرب.
عبدو:: كنه وجك اصفر. تحسي في حاجه
رحمه::لالا اشرب بس
عبدو:/ حي علي أمك ههههههه راه تطلعي تسحري فيا
رحمه:: اعوذ بالله من الشرك بالله. بحت فيا بتفنيصه ترعش
غمضت عيوني قوي إيمانك. يابنت. بِسْم الله.
خودها حبيبي. عشاني
عشانك بس مدي. شربت نصها خلاص خليها نخش الحمام ونجيك. تؤبريني شو بحبك
رحمه::ابتسمت ابتسامه صفره طلع
بخيت عطري ولبست. وجا
قرب مني تعالي اتكينا علي الفراشات. علي الارض
وين عليوه
رحمه:: ساره بايته تبيه. عندها قاعد
رقدت علي صدره ووولع التلفزيون.
التلفزيون. يبي زياده قنوات صح
رحمه:: اه نبي قنوات القراءان
عبدو:: تمام توا نجيبه يعدله.
رحمه:: رمضان. الخميس هذا لا اللي بعده
عبدو::توا قالولي علي فاتحة ريما مبروك. بس انت من الاول عارفه علاقه وتكذبي عليا
رحمه:: هما مش علاقه. يبو بعضهم. بس
عبدو:: يلا اللي صار صار. المهم خوك قرنا ههههههه حسابه.
رحمه:: حشاكم. قتلك انت قايلك اشرف علي عمره
عبدو::اها قتله مش وقتها عشان عليوه. صعب عليه بهدله
رحمه::مش عشان حاجه. اخري
عبدو:/ حاجة شنو
رحمه:: انت مسافر. مع رانيا مصر.
عبدو:/ اه احتمال. هلها ماشيين قلنا نعدو
رحمه:: قلنا نعدو باهي البني آدم رحمه. هذي شن يصير فيها. رمضان وعيد هكي يعدي عليا
عبدو::متكبريهاش انت سافرتي مرتين وهي ساكته حقها هكي العدل
رحمه:.مش في العيد ورمضان.
عبدو::رفعت رأسها حبيبي تسبقيش الأحداث. خلينا في توا. مرايف عليك. وجيت عليها
رحمه:: كان جوه. تمام فجأه. كالعاده
صبيت. فالي تعالي. وين ماشيه.
قتله. توا نجي نشوف عليوه
طلعت للحمام. بكيت. بعدها فطنت بروحي وين قاعده توضيت وطلعت. جنب البنات كنك
الجواب. كان لا شي.
~<~>
رحاب:: وتعيد عليك. اخري. يعني عارفه عيد ميلادك. تستغفل. فيا انت.
مراد:: رحاب راك زودتيها انا منكذبش. منعرفهاااااااش. افهمي
رحاب:: لا تعرف وانت تخون فيا بجد انا تعبت
مراد::حبيبي. اهدي وركزي. يعني عيد ميلاد من ميعرفش. حاجه عاديه مش معلومه سريه.
حوبه.ياستي راح نغير الشفره. بكل باهي.
رحاب:: اها غيرها احسن
مراذ:. في عيدميلاده وتبكي. مسحت دموعها. تي انا انحبك. ولا يمكن. نحب ولا نفكر ندير وجيج عليك.
حظنتها. خلاص حبيبي. تعالي نطفئ شمعتي
رحاب:: حولت ومسكت يده شن رايك
مراد:/حلووووه. ومدتلي الهديه شكرًا حبيبي. وتشكي. فيا تي مفش مرا تفرحني كيفك
انت هديتي.
رحاب:: افتحها
مراذ:: هههههههههههههههههه. خطيره كلا انت. شكرًا ياستي.
رحاب:: انقل الأسماء وكسرها
مراد::حااااضر.
كانت الهديه شفره وموبايل
بعد مرور ايام
لمبس:: شنو صارمعاك
محمد:/ شوفي
لميس:: ياروحي. عسسسل. كابر
محمد:: مرايف عليه بكل تصوري استغربني قعد ماسك في امه يبينيش
لميس:: اه وانت. عاد مرايف عليه هوا وامه
محمد:: شن رايك انت
لميس::مرايف اكيد. حنّيت. يامحمد.
محمد:: محمد. كيف مش احميده
لميس:: هكي جت.
محمد؛:: لالا تطمني انا خلاص طلقتها رسمي. وخديت العيل باتي فش غلي فيها.
أصلا وصلنا لقيناها مش قاعده والعيل مع مربيه اجنبيه اخري شوفي الكارثه
لنيس:: ياروحي. خزي عليك ام
امتي مروحين
محمد:: باتي دار فحوصات خديت جوازه عنده الجنسيه الفرخ هههه وبعد بكرا مروحين
لميس؛: نراجي فيكم.
محمذ:: فينا.
لميس:: اه انت وعليوه
محمد: باتي. جا بنشيله للعياده. نتلاقو. باي
اوووف نبيش نعلقها ونعلق روحي. نبيش.
لميس::حماره كيف تحكي هكي معاه
تي انا شن قلت كلمه
لالا ياغبيه هوا فسرها وهرب منك. غبيه. يعتبر فيك زي الأخت. معش تآملي روحك
|>~|
التمو كلهم روح عمي ومحمد وولد محمد
رحمه:/ وراس عبدو نعدو لعند امتي. نقعد. بعيده عليه
بس حرام عليك رمضان قرب.متجيش عاد قطع في شهر الرحمه
قعد يفكر. بعدها. هيا صبي. نعدو منطولش بس
عدينا وفرحو بيها. سلمنا. والعيل. مسكته سموح بكككككل
عبدو:: خييير
محمد:: ديوا. ويلكم.
عبدو:: من ديوا
محمد:: هوا يقول علي روحه عليوه. ديوا. عجبتني بنمشيها. فيه
رشا:: ديوا. تهبل. صح
عبدو:: بحتت في رحمه تحسي الخشم. ضارب
رحمه::يناعليا تبيش. تبطل هل الهبال بس هوا مش بس خشمك العيل كله انت
خصوصا عيونه وشعرك. قعدت نلعب بشعره ماشاءالله يلمع وطرف واحد زيك
رشا:/ بجد فعلا يشبهك. واجد
خليمه:: لا امبدري مستغرب مراد وأشرف. بس انت يلعب عادي ربي يُحنن سبحان الله
عبدو:: مديت العيل. لرشا. وصبيت باهي تصبحو علي خير نحن. هيا رحمه
مرررررن الايام
لووووووووليييي قروها الفاتحه. يابنات.
رشا:: خلاص قصدكم. قعدت مرت راجل هرمنا.
ريما:: مبروك رشرش
رشا:: ومبروك حتي انت بس اسمعي راك اتديري فرحك معايا.
ناعليا مش داعي تغطي عليا سمحه وجسم
ريما:: هههههههههه بارده اول حاجه نحن مزززززال
ثاني حاجه اليوم انتم اللي قلدتم.
رحمه:: لالا رشرش بتبدا في ريجيم. صح
رشا:: اها بنحاول. ربي يقدرني.
اماني:: نشك انا بس خلي الفيلو بين عيونك والاوراب الللي تبي جسم توا . تنقصي
رحمه:: انت شن اخبار عادل معاك
اماني :: لالا عسسل. اول يومين قعديرقد برا ويطنش بس. توا رد دولي. حبيبي
وحتي المحل لما حكينا بهدوء اقتنع.
رحمه::ربي يهنيكم عقبالي
اماني:: كنك انت مش عاجبتيني.
رحمه::شي. تعالن نطلعو نهدرزو. خساره. رحاب عند هلها.
طلعنا زغاريت وتشتاي هلي. جايين بيان بس. هل رحاب مجوش. فاتحه بس
ريما ::لبست. فستان ازرق ملكي حلو. طويل. درت تسريحه. بسيطه نص شعري مطلوق
علي كلامهم طلعت حلوه.
رشا:/. لبست. فستان. بني. قصير كم.
ولبست مشد اثنين فوق بعضهن هههههه
قالو. باينه حلوه.
ريهام :: دود شور الغنا. ديري جو بياني
دنيا :: يا
امرحب بظيوف الغالي....صدر الحوش الهم طوالي
سلم باتي عابي بينا ...... داير حوش اتقول مدينة
قيسه بوه عليه امربح في العين السوده يصبح
خديتوها مال وجمال. موش اخساره فيها المال
هيا يابناويت يدكين شاركني
ريهام::
يا سلم باتي و عمامي .. يا صيت امنور قدامي
يا سلم باتي و خوالي .. يا عزي و و دي و دلالي
اماني::
جيت نجري دودي نبي نقول. عطيني. حاجه
حفظتها أوكي ههههه
يا سلم باتي واولاده **كيف الصقر علي حساده
دنيا::
يامولاي اتصونه لينا .. ها اللي بالجرد امغطينا
ساره::
ربي نجيلي باتي .. اللي امدلعني ني و خواتي
أمل:: حومه ياغبيه تعالي جنبنا انت توا هل العريس
رحمه؛:حي صح ههههه
قعمزت جنب هلي.
وبدو هلي حتي هما يشتو
اليوم قرينا الفاتحه انشالله تجينيا فالحه..
يامبروك عليه شقيقي هذا وين زمطه ريقي.....
يامبروك عليه مراته فتح الفم قمر لقاته
كان ازويل يجي من غادي ننقز نحسابه حمادي
جابو دبش وطقم بسيط
احمد بيخش. يابنات. تغطن
زغاريت. لوووووووولييي
احمد:: قبل نبيش نخش تصكير راس من ريما تبكي ودارت جو زعل. خشيت
مرتبك. شفتها اول مره بدون حجاب.
سلمت عليها شن الجو.
ريما:: كنك ترعش اهدا.
احمد:: تي انت عارفه. كيف نتحشم. يبال عليا الأنظار
ريما:: وهذا اللي نحبه. فيك
غيرنا الدبل
قصينا التورته. صورنا كم صوره.
احمد. رورو خلاص. بنطلع. جيت بنشير. لرحمه
ريما:: عليش اسمك راجلي. صبي معايا ناخدلك. طريق
صبيت. وقعد مطبس راسه متحشم يطّلع
كوثر :. جيت نجري المجنونه هذي شن دارت
اماني:: حي علي المرعوشه
رحمه:: وين شايلته. هذي طح سعدها جيت نجري.
كنكم
احمد:: نبي نطلع خلاص توصل فيا
رحمه:: يناعليا. اطلعو بسرعهً.
وخرت.وسيبتهم
ريما:: خلاص اطلع
احمد:: كريتها للصالون بوسه. بس
ريما:: احمد كنك. اطلع هيا
اخمد:: ههههههه نبصر. اطلعي قدامي.
طلعت وكان يوم حلم بالنسبه. ليا سلمت علي الحاج علي
وقعمزت مع عيال خالتي برا
محمد:: لبست الساعه هههههههه
احمد:: شوووف. ماشيه مع البدله ههههههه
مراد :: ساعة شنو
محمد:: سر صح ياحمادي
احمد:: اصلي يااحميده. اصلي.
~<~>
رحمه:: قعمزنا نهدرزو والدار مليانه
مرت خالي. حومه العقد. اللي لابستيه.ماشاءالله من محل عبدو
رحمه:: لالا. هذا توصيه جاني. وحطيت يدي علي الطقم
رشا؛: توصيه خلاص عرفته. من من.
رحمه:: هذا. فاجأني به عبدو عمو. جابه وقاله. عطيه لمراتك
ساره:: تررررااا. انا شوري. الأحجار. هذا الماس فيه
رحمه:: اها. قصتين. هذين قالي عبدو
كلهم ماشاءالله الحاج. ربي يخليه لكم.
رشا:: نظرات رانيا رعشن جسمي
رانيا:: بس مش ماشي مع لبستك. يعني. مفروض لبسه أفخم
ريهام :: بالعكس عشان لبستها بسيطه. الطوق في مكانه عكس. عليها
رانيا:: بس عيب يعني. الصراحه جو التفشيك والفخفخه
من تواضع لله رفعه الله
رحمه:: وانا جاوبت علي السؤال. بس ولا فخفخت. انا اصلا منعرفش ولا نفهم في المجوهرات.
ونكمله لك. الحديث وطالما أنك. عارفه ابقي طبقيه علي
روحك
[ مَنْ تَوَاضَعَ لِلَّهِ رَفَعَهُ اللَّهُ ، فَهُوَ فِي نَفْسِهِ صَغِيرٌ ، وَفِي أَعْيُنِ النَّاسِ عَظِيمٌ ، وَمَنْ تَكَبَّرَ وَضَعَهُ اللَّهُ عَزَّ وَجَلَّ ، فَهُوَ فِي أَعْيُنِ النَّاسِ صَغِيرٌ ، وَفِي نَفْسِهِ كَبِيرٌ ، وَحَتَّى لَهُوَ أَهْوَنُ عَلَيْهِمْ مِنْ كَلْبٍ أَوْ خِنْزِيرٍ " .
طبقيه. علي نفسك. قبل مش رحمه اللي تشوف نفسها علي حد
وصبيت. طلعت
><>>
اسامه:: ايوا السلام عليكم
رشا:: وعليكم السلام.
اسامه:: معلش ممكن نكلم مدام رشا
رشا:: من هذي معلش. معرفتهاش
اسامه::زوجة اسامه ال
رشا:: اها الدبدوبه هذي اللي راجلها معصعص
اسامه:: ههههههههههههههههههخ بليده. انا معصعص
رشا:: اها. عصعوص
اسامه:: باهي باه.
رشا:: فيهاش زعل ياريتني عصعوصه. هههههههه
اسامه:: باهي. ياكلبوزتي. نبي صورك اليوم.
رشا:/ ضروري يعني.
اسامه:: علي الطلاق. تدزي. ههههههه واحد. فرحان انه تجوز
رشا:: متطلقش. من أولها حي عليا
اسامه: بنصكر ودزيهن هيا عاد
رشا ::دزيتهن وماسكه. اعصابي.
علي طول. رد عليا
عسسسسسسسل بجد تهبلي
رشا؛؛جسمي مش حلو مخرب اني عروس
اسامه:: حبيبي. ليش ماتحاولي تنقصي عشان صحتك. يعني.
رشا:: ياطروح صحتي
اسامه:: ههههههه ياستي. عشانا. بعدين
رشا:: سجلت في نادي ودكتورة. تغذيه ربي يعيني
اسامه:: حطي بين عيونك المعصعص. توا تنقصي
ولو منقصتيش. عادي. انا نحبك. بكل حالاتك
~<~~
~<~>
مرن الايام واليوم اول ايام شهر رمضان
#يتبــع ...
