إبتسامتكِ جميلة .. تستطيع بسهولة أن تسرق قلبي ..ولِهذا أرجوكِ حافظي عليها .. وأنا بِدَوري سأُقاتل العالم لأراها تدوم على وجهكِ الذي أحب 💙
#رايان
==========================
رايان خت تلاتة حبات في كباية ملاك وحركها كويس قبل ما يشيلهم ويطلع .. مداها ليها بابتسامة وقعد جنبها .. فتح التلفزيون وبدا يقلب في القنوات .. ملاك فجأة حست برغبة عجيبة في النوم ما قدرت تقاومها .. رايان انتظر ل دقايق قبل ما يشيلها ويدخلها غرفة النوم .. غطاها كويس وطلع من الشقة بعد ما قفل عليها باب الغرفة .. فتحت عيونها ببطء وقعدت في السرير .. استغربت كيف نامت فجأة .. ودهشتها زادت لما عاينت للساعة ولقتها 8:10 .. يعني هي تقريباً نايمة قريب خمسة ساعات متواصلة .. عاينت للباب من تحت وكان واضح انه الصالة مضلمة بس في خيال ضوء خافت بيظهر .. قامت بتردد وحاولت تفتح الباب .. لقتو مقفول من برة .. دقته براحة وهي بتنادي على رايان لحد ما جاها صوته : صح النوم معقولة المنوم كان قوي للدرجة ولى انتي تعبانة
ملاك : منوم !! اتذكرت أنها نامت فجأة بعد ما شربت العصير .. قالت ليه بانفعال : ختيت لي منوم في العصير !! طيب ليه !! ليه عملت كدا !!
رايان : في صندوق في الكرسي .. شيليه وجهزي نفسك .. وبعدها هفتح ليك الباب .. قبلت وراها وعاينت للصندوق الكبير المختوت في الكرسي .. فتحته وطلعت منه فستان مع الشوز وحتى العطر .. ضحكت على تصرفه وبدت تجهز في نفسها .. بعد قرابة الساعة دقت ليه الباب عشان يفتحه
خرجت من غرفتها وهي تتجول في المكان بنظرات متفحصة .. تفاجأت من الظلمة التي أحاطت بالمكان .. لا مصدر للضوء سوى الشموع المنتشرة في الارجاء .. والأرضية المغطاة ببالونات حمراء وأخرى بنفسجية .. التفتت على وقع أقدامه المتجهة نحوها .. إقترب منها بخطوات بطيئة .. ها هو يغرق في تفاصيلها مرة أخرى ..تماماً ك ليلة زفافهما.. في كل مرة تثبت أنها فعلاً ملاك .. ارتدت فستانا خمريا من المخمل .. وأحاط بخصرها قماش من التل الناعم .. وحذاء زجاجي ك حذاء سندريلا .. لم تكثر من وضع مساحيق التجميل .. بل اكتفت بأحمر شفاه باللون الأحمر .. طغى عطرها الأنثوي على المكان 💙 .. أمسك يداها الناعمتين وقبلهما ..
قال بصوته الرجولي الخشن وبدون تردد : أنا أحبك 💙 ..
نظرت إليه بعينين مدهوشتين .. كانت تعلم مسبقاً حقيقة مشاعره .. ولكنها لم تتوقع أن يصارحها بهذه السرعة
استأنف حديثه : منذ اللحظة الأولى التي رأيت بها عينيك
إقتنعت أن مقولة :
(تعددت الأسباب والموت واحد)
صحيحة تماماً !!
اكتفت بابتسامة خجولة فقط .. لم تدري حقا ماذا تقول .. عم الصمت بينهما لدقائق.
كسرت حاجز الصمت بصوتها الناعم : ختيت لي منوم في العصير عشان تاخد راحتك في التجهيز
رايان : I'm sorry 😅
_ عادي بعدين هحكي لأحفادي انه جدهم خت لي منوم عشان يجهز لي مفاجأة 😂😂
ضحك عليها وبعدها مشو على سفرتهم .. كانت مرتبة بطريقة جمييلة وراقية .. اتعشو وهم بتونسو وبضحكو وآخر انبساط .. قالت ليه باستفسار : When you fall in 🌚 love with me
_ من أول يوم شفتك فيه في المستشفى .. ما عارف وقتها حسيت بشنو .. طريقة تعاملك مع المرضى وتصرفاتك بتجبر الزول يركز معاك .. اتفاجأت لما جات أمي وطلبت مني أتزوجك .. وهددنتي بعدم رضاها اذا ما وافقت .. ما كان قدامي حل تاني ووافقت .. بس بعدين اكتشفت اني وافقت لاني كنت عايزك انتي
فضلو يتكلمو لوقت طويل لحد ما خلصو عشاهم ..
بعدها قعدو في البلكونة
_ كأنه في حاجة ناقصة
_ شنو !!
دخلت جوة وشغلت ميوزيك هادية .. قالت ليه بلهجة حماس : Our evening won't be complete without dancing
_ I don't know how to dance
_ انا بعلمك 😌
_ أمري لله
جا وقف قدامها وبدت تعلم فيه .. عفصها كذا مرة لحد ما أخيراً حفظ الرقصة .. وبدو يتمايلو مع الموسيقى بتناسق .. بعد كملو رقصتهم من غير اي أخطاء قالت ليه بسعادة : u become a professional dancer
_ Thanks to u
انحنى ناحيتها وقبلها في عنقها قبل ما يشيلها
==========================
نور كانت قاعدة في شقتها وكالعادة بتشرب في سجاير .. أول ما سمعت صوت الجرس قامت بسرعة وفتحت الباب : اتاخرت ليه !! انا مستنياك لي ساعة ونص
ليث : أذكرك انه عندي شركة بمشي في أمورها ما عاطل زيك
نور : انا لقيت حل خلاص .. حل هيرجع ليك ملاك ويبعدها من رايان
ليث : إلي هو !!
نور : بس انت ما تلعب لي دور الملاك الطاهر اووكيي !! إذا عملت زي ما قلت ليك ملاك هتجيك بإرادتها
ليث وهو بيقيف : هتفضلي تديني في مقدمات !! اختصري وقولي بسرعة لاني ما فاضي
نور : هجيبها عندي هنا في البيت .. وبما أنها ما بتتعاطى كمية صغيرة هتطلعها من الشبكة .. وبعدها انت هتشوف شغلك
ليث عاين ليها بقرف قبل ما يضربها كف : أفكارك الوسخة دي احتفظي بيها .. سيبي البت في حالها .. انتي واحدة مريضة .. انا مستحيل أفكر أذي ملاك بأي شكل وما هسمح ليك تأذيها
طلع منها خلاها مولعة من الغيظ .. ركب عربيته وساق بسرعة .. نزل في كافيه كان دايما بيجيه مع ملاك .. قعد في أقرب طاولة وطلب قهوة سادة .. فتح تلفونه وبدا يتفرج على صورها العندو .. قال بصوت منخفض : ضيعتك من يدي بغبائي
بعد دقايق طلع ورجع الشركة
==========================
6:00 AM
فتح عيونه ببطء شديد وعاين للساعة .. كانت 6:00 .. عاين جنبو ولقاها مافي .. نزل من السرير وشات قميصو المرمي في الأرض .. دخل الحمام غسل وشو وطلع .. لبس تشيريت قبل ما يطلع برة .. لقاها في الصالة بترتب في سفرة امبارح عشان تجهز الفطور ( من العادات الصحية انه الزول يفطر بدري أول ما يصحى )
_ صباح الخير
_ صباح النور .. يلا جهز نفسك عشان هنطلع
_ وين !!
_ هنبدا بالتايم سكوير أول .. هنقضي فيه اليوم دا كلو وبكرة هنبدا يومنا في متحف 11 سبتمبر
_ يوم كامل في التايم سكوير بس !!
_ هو اليوم ما هيكفي اصلاا .. سنتين ما عملت شوبينغ هنا ف نص اليوم هيضيع في الشوبينغ
_ على فكرة انتو كائنات عجيبة
_ احنا !! 😶
_ ايوة انتو .. الجنس اللطيف عموما .. من وين بتجيبو طول البال الي يخليكم تجربو الحاجات الفي المحل قطعة قطعة .. وين المتعة في الشوبينغ اصلا
_ حبيبي دي حاجات كبيرة على عقلك .. ف الأحسن ما نتناقش فيها .. كابتشينو ولى قهوة !!
_ قهوة
جهزت سفرة خفيفة كلها سناكس .. بعدها اخدت وقت في اللبس قبل ما يطلعو
========================
مر شهر طويل من غير أي أحداث مهمة .. رايان وملاك خلصو إجازتهم ورجعو السودان وكل واحد نزل شغلو .. وسمر بدت جلسات العلاج مع ملاك رغم أنها انفصلت عن خالد الي كان لسة شغال في المستشفى وما بتشوفو كتير .. أما لؤي رجع سكن مع رايان وملاك وبدا يركز على قرايته اكتر .. عكس ليا الي كان معظم وقتها مع وسام وهي ما عارفة نيته الحقيقية .. أما ليث فنسى أو بيتناسى في علاقته مع ملاك ومن يومها ما اتكلم مع نور ولا شافها
اما رشا ف علاقتها اتحسنت شديد مع ملاك .. وبقت بتزورها كتير ومرات كتيرة بتناديها ب Mom
=============
ليا كالعادة طلعت من البيت بحجة أنها عاوزة تدرس مع وتين .. ركبت في عربية وسام الي كان مستنييها تحت .. قالت ليه بتردد واضح : مافي أي مكان تاني ممكن نمشي ليه !! بلاش البيت
_ خايفة من شنو انتي
_ هي ما حكاية خوف .. بس يعني ما ظريفة انا أمشي معاك بيتك
_ على فكرة ابوي مسافر وماف زول في البيت غير غصون والخدم
_غصون !!
_ مرت أبوي .. وصاحبة ملاك بردو .. يعني لو عايزة ممكن تتتصلي عليها عشان تطمني
_ لا ماف داعي خلاص
مشو لحد ما وقفو قدام بيت كبير ممكن نوصفه بأنه قصر... نزلو الاتنين ووسام رمى مفتاح العربية لواحد من الحرس .. ليا كانت ماشة بخطوات بطيئة ومترددة لحد ما دخلو جوة .. سلمت على غصون وحست بالإطمئنان لما قالت ليها انها صاحبة ملاك وبتعرفها كويس .. بعد إصرار من وسام طلعو غرفته .. كانت كبيرة شديد .. فيها مكتبة كبيرة كلها كتب وطاولة للدراسة .. أما مكان النوم ف كان مفصول .. وفي ركن صغير فيه كنبة طويلة وجنبها جيتار .. قعدو فيها وبدو يتونسو .. حكى ليها عن طفولته وأنه أغلب وقته بقضيه براه .. أبوه أغلب وقته في السفر ومرت أبوه مشغولة بردو .. سكت ومسح عيونه كأنه بيبكي .. مسكت يدو وطبطبت عليها .. قالتليه بصوت متأثر : انا هنا جنبك .. ما هتحس بالوحدة مرة تانية .. واوعدك انك في أي وقت تحتاجني هكون موجودة
وسام : بصفتك صحبتي ولى زميلتي
ليا : سميها زي ما تحب
اخدت نفس عمييق قبل ما تقول ليه : وسام .. يمكن تقول علي خفيفة زي ما بتسموها أو أي كان بس انا ما اتعودت اخبي حاجة جواي .. الي في قلبي على لساني .. تقريباً انت أول زول لاقيته في المدرسة .. وكرهتك بطريقة ما عادية يومها .. بس بعدها اعتذرت وانا قبلت إعتذارك .. ومن وقتها بقينا أصحاب .. ما عارفة ليه الناس بتقول انك سئ انت بس محتاج زول يفهمك صح .. وسام انا بحبك .. يمكن يكون إعجاب ويمكن تكون مشاعر مراهقة .. بس دا الفي قلبي حالياً
عاين ليها لثواني قبل ما يقول : وطالما انتي فاهماني صح .. اكيد قدرتي تفهمي اني بحبك ومن فترة طويلة
قالت ليه بتردد : بس ياريت علاقتنا تفضل زي ما هي في المدرسة .. عشان ما تحصل مشاكل بينك وبين لؤي
وسام : على عيني وراسي
قعدت معاه لحد مواعيد المغرب ورجعها بيتهم .. مما دخلت الإبتسامة لحد ضرسها الأخير .. طلعت غرفتها وقفلتها عليها .. مسكت تلفونها ورسلت ليه مسج .. انتظرته مسافة ما رد عليها بعدها قامت وبدت تذاكر لحد ما حست بالنعاس .. رسلت ليه مسج تاني ونامت
صحت الصباح على صوت المنبه .. استغربت انه لسة ما رد عليها .. حست بصداع قوي .. طلعت علبة المسكن الشالتها من وسام .. لقت فيها آخر حبة .. بلعتها وبدت تجهز في نفسها للمدرسة .. اتأخرت على الترحيل ف اضطرت توصلها أمها .. لما وصلت الحصة الأولى بدت بس لحسن حظها الأستاذ ما جا .. أول ما دخلت الفصل الناس كلهم عاينو ليها وبدو يتهامسو ويضحكو .. استغربت من نظراتهم بس اتجاوزتها وقعدت في مكانها .. عاينت في مكان وسام ولقته فاضي .. جاتها وتين وقالت ليها بانفعال : يا بت انتي عملتي في نفسك شنو !!
_ عملت شنو
_ ليه ما قلتلي انك وصلتي مع وسام للحد دا !!
_ وتين ممكن تتكلمي طوالي ومن غير مقدمات
_ متابعة قناة وسام في اليوتيوب !!
_ ايوة 😕 ليه
_ افتحيها
طلعت تلفونها وفتحته .. لقت آخر فيديو نازل قبل ستة ساعات ومكتوب عليه : Confession No. 50 .. She loves me
اتسعت عيونها من الدهشة وهي بتتفرج على الفيديو .. كان اعترافها ليه .. وطبعاً حذف ردو من الفيديو وكان ظاهر أنه مصور في بيته وفي غرفته .. كمية المسخرة الفي الكومنتات خلتها تحس بسخافة مشاعرها بالنسبة ليه
وتين : قلت ليك كتير وحذرتك منه .. وسام دا أحقر خلق الله وعمرو ما هيتغير .. قلت ليك خلي علاقتك معاه في حدود .. بس لا حياة لمن تنادي
ليا شالت شنطتها وطلعت من المدرسة .. طلبت ترحال ورجعت البيت .. أول ما دخلت لقت أمها في وشها : ليا !! الساعة تمنية ونص جابك البيت شنو !!
ليا : تعبانة .. حاسة نفسي ما كويسة
رشا : اوديك الدكتور !!
ليا : لا الموضوع ما مستاهل .. بس عاوزة أنوم
طلعت غرفتها وقفلتها عليها .. قعدت في الأرض وبكت بحرررقة .. يمكن كانت صريحة زيادة عن اللزوم .. أو استعجلت في اعترافها ليه .. شالت تلفونها واتصلت عليه .. مرة واتنين وتلاتة وهو ما بيرد .. حست بصداع تاني من البكا .. غسلت وشها وغيرت هدومها ونزلت .. شالت مسكن من التلاجة وبلعته .. بس كان من غير فايدة .. شوية والصداع بقى لا يطاق لدرجة أنها ما شايفة كويس .. مشت لأمها في غرفتها .. قالت ليها بصوت متعب : ماما
_ بسم الله يا بتي مالك عاملة كدا
_ مصددددددعة .. حاسة راسي هيتكسر .. اخدت مسكن مس كأنه بيزيد الصداع
قربت منها واتحسست جبهتها .. كان عندها حمى خفيفة .. ساقتها وطلعو المستشفى .. هناك طلبت انه يعملو ليها فحوصات كاملة عشان يطمنو عليها
رقدوها في غرفة براها وركبو ليها سيروم
بعد ساعة حتى نتيجة الفحوصات طلعت .. شالتها ملاك ورشا ومشو للدكتور .. عاين ليها بتفحص وتركيز شديد .. طلع نظارته وعاين لرشا : انتي أمها !!
_ايوة
_ بنتك عمرها 17 سنة !! أغلب وقتها بتقضيه وين !! وهل انتي مراقباها ولى لا
_ بتي ممتحنة شهادة .. ف أغلب وقتها بكون في المدرسة .. ولما ترجع البيت بتبدا تذاكر بعد ما ترتاح .. ايوة انا مراقباها كويس ومتابعة معاها
_ ما لاحظتي أي تغير في تصرفاتها وطباعها !!
_ ابدا .. بس في الفترة الأخيرة بقت بتشكي كتير من الصداع
ملاك : خير يا دكتور في أي حاجة !!
_ للأسف بنتكم مدمنة
_ م .. مدمنة !! مدمنة كيف يعني !!
_ بتتعاطى مخدرات .. ودا السبب في الصداع الدايم البتحس بيه .. الموضوع دا بقى منتشر في العمر دا .. بسبب الصحبة السيئة وضعف رقابة الأهل على أبنائهم .. وأظن أنها لازم تبدا في العلاج .. وانسب طريقة أنها تدخل مركز لإعادة التأهيل .. لو حابة ممكن أكتب ليك توصية على أحسن مراكز التأهيل هنا
ملاك : شكراً ليك يا دكتور
ساقت رشا وطلعو من عيادته .. كانت مصدومة ودخلت في حالة ما يعلم بيها إلا الله .. قعدت برة جنب الغرفة الفيها ليا أما ملاك دخلت ليها جوة
قعدت جنبها بهدوء وهي مبتسمة .. قالت ليها بصوت هادئ : ليا
_ نعم
_ متين بالضبط بديتي تحسي بالصداع دا
_ قبل شهرين أو اكتر .. ما متذكرة .. حتى يمكن تلاتة شهور
_ طيب كنتي بتاخدي مسكن ولى بتعملي شنو
_ كنت باخد مسكن معين كدا
_ أسمو شنو
_ ما متذكرة أسمو بس كان في علبة بيضاء واسمو مكتوب بالأحمر
_ طيب وصفي لي الحبة شكلها عامل كيف
_ كانت كبسولة .. نص أخضر قريب للتيفاني والنص التاني شفاف وفيه حبيبات صغيرة ملونة
ملاك اخدت ثواني عشان تتعرف على الحبة الوصفتها ليا : طيب جبتيها من وين !!
_ من وسام .. مرة حسيت بالصداع قي المدرسة .. بتذكر دي كانت أول مرة .. وفعلا المسكن شال لي الصداع نهائياً .. بعدها اداني العلبة كاملة قالي اذا حسيت بصداع أخد حبة واحدة بس .. وأنه المسكن دا محظور في السودان
اطلقت تنهيدة عميقة قبل ما تقول ليها : دا ما مسكن الي كنتي بتاخديه .. دي كان دوا مخدر
ليا بصدمة : مخدرات !!
ملاك : يب .. وللأسف انتي وصلتي لمرحلة الإدمان
ليا دموعها بدت تنزل بغزارة وهي بتقول : يعني ... يعني انا كدا مدمنة !!
ملاك مسكت يدها في محاولة أنها تطمنها : زي ما دخلتي في الدوامة دي هتطلعي منها اوكيي !! بس انتي خليك قوية .. وأنا هفضل معاك لحد ما تتعافي من الإدمان
ليا : هيدخلوني مصح
ملاك : لا .. المصح دا لأصحاب الأمراض العقلية .. أما انتي هتدخلي مركز لإعادة التأهيل .. وهناك هيساعدوك انك تتخلصي من الإدمان
ليا اترددت قبل ما تحكي لملاك بمكشلتها الأخيرة مع وسام .. حضنتها وهي بتطمن فيها أنه هيتحاسب على عملته
#نهاية_الجزء_الواحد_والعشرين
أرآئكم وتوقعاتكم 💭 ..
لو في أخطاء املائيةة اتجاوزوها
