7:00 AM
رفعت رأسها في هلع على صوت رنين المنبه ⏰.. أمسكت بهاتفها في كسل 😴.. نظرت إلى الساعه بعينين ناعستين .. نهضت في فتور وتوجهت نحو المغسلة .. عادت عند سماع رنين هاتفها .. أجابت بصوت متكاسل : دادي 😴💙
صبري : صباح الخير
ملاك : صباح النور 😴
صبري : شكلك لسه ما صحصحتي 😅😅
ملاك : Yup .. كيفك انت وماما فاطمة 😴
صبري : كلو بخير الحمد لله .. راجعة الساعه كم 😄
ملاك : الحمد لله .. بعد ساعة كدا
صبري : طيب مستنيينك للفطور
ملاك : طيب 😴
غسلت وشها واخدت حمام سريع ونزلت .. عشان تمر على مرضاها قبل ما تطلع
==================
وقفت عربيه إسعاف قدام المستشفى .. نزلت منها بنت في الثلاثينات من عمرها ومعاها ممرضتين .. كانو جارين نقاله في سيدة منتصف الخمسينات .. وقفة قدام الاستقبال وكان واضح انه في مشكله 😕
موظفة الإستقبال : والله يا أستاذة انا ما بقدر أساعدك .. لازم يكون في حجز بإسم المريضة قبل كم ساعة عشان تدخل 🙁
-تسجيل على الطوارئ !! هي حالة مستعجلة وما بتتحمل تأخير
موظفة الإستقبال : مافي طريقة قبل 12 ساعة .. دي قوانين المستشفى 🤷🏻♀
حالتها ما بتتحمل الوقت دا كلو .. حسبي الله ونعم الوكيل 💔
جاهم صوت حازم من وراهم : في أي مشكلة !!
-رافضين ينقلو أمي للطوارئ وهي حالتها مستعجلة ☹
موظفة الإستقبال : دكتورة ملاك 😕 .. الدكتور المسؤول طلب مننا ما ندخل أي حالة الطوارئ من غير حجز قبل 12 ساعه
ملاك : حجز على الطوارئ 😠 !! دي شنو المهزلة دي !! دكتور منو ؟
موظفة الإستقبال : دكتور خالد
ملاك : تمام .. انا هتصرف .. سجليها وهتتنقل ناااو الطوارئ .. قبلت على الممرضين .. انقلوها الطوارئ .. بعدها اتلفتت على البنت الواقفة جنبها : أملي الإستمارة وسجلي عليها كل البيانات ولو واجهتكم أي مشاكل انا موجودة
تسلمي يا دكتورة الله يخليك ☺
ملاك : ما عملت حاجه 😊
البنت وقفت عشان تسجل بيانات المريضة وتدفع الرسوم .. أما ملاك مشت لحقت الممرضين لحد الطوارئ واتاكدت انهم دخلوها ووصت عليها الدكاترة والممرضين .. ولأنها دكتورة معروفة بأسلوبها الراقي وتعاملها اللطيف 💙 .. كلهم وقفو معاها وبعدها هي طلعت على عربيتها
بعد ربع ساعة وصلت البيت .. وبدون ما تتفاهم طلعت غرفتها وناامت 😴 بعد نص ساعة جاتها حبوبتها عشان تصحيها : قومي يا بت كفاك النوم دا ما بنفعك 😑
ملاك بصوت ناعس : الساعة كم
فاطمة : تسعة إلا عشرة دقايق
ملاك : Seriously !! انا لسة ما كملت ساعة 😭😭💔
فاطمة : هووي يا بت النوم بجيب اللوم 😑😑👋🏻.. قومي على حيلك قدامي
ملاك غطت وشها وقبلت على الجهة التانية : يا ماما خليني أنا تعبانه عاوزة انوم 😴 ..بعد ثواني شهقت شهقة عالية من الموية الاتكبت فيها 😨😨: مااااماااا .. انا ما شافعة عشان تصحيني كدا 😨💔
فاطمة : ابيتي تقومي اعمل ليك شنو 😒
ملاك وهي بتبكي بطريقة طفولية 😭😭: لكن ما كدا حسبي الله ما ارتاح يعني 😭😭
فاطمة : الأكل جاهز .. تعالي نازلة سريع عشان تفطري معانا
ملاك : ما عاوزة 😞
فاطمة : راحتك 😒👋
ملاك : طيب دا كلو لزومه شنو 😭😭.. حااضر جايه 😑
فاطمة نزلت وملاك دخلت الحمام .. استحمت وغسلت شعرها بسرعة وطلعت .. لبست شورت جينز فوق لركبتها وتيشيرت بدون أكمام .. فكت شعرها وهو مبلول ونزلت .. لقت فاطمة وابوها قاعدين في السفرة وبدو ياكلو لأنها اتأخرت
فاطمة : دا شنو يا بت 😳
ملاك : في شنو 😮
فاطمة ليه نازلة وشعرك لسة مبلول 😒 !! عاوزة تموتي لينا هنا
صبري : ملاك دي شنو التصرفات دي 😕 .. اطلعي نشفيه وتعالي
ملاك : انا كدا مرتاحة 😌.. قعدت في السفرة وبدت تآكل
فاطمة قبلت على المرة الي كانت بتجهز ليهم في السفرة : خديجة .. اطلعي رتبي غرفة ملاك وغيري المفرش بتاعها ..
ملاك : أولادك ما ناويين يجو 😀
فاطمة : إلا يلمهم عرسك 🌚
ملاك : يا الله 🤦🏻♀ .. هتندميني على السؤال
صبري : انتي مالك بتتهربي من سيرة العرس في أي مشاكل بينك وبين ليث 😕
ملاك : لا مااف اي مشاكل 😄 .. بس أمك شكلها مستعجلة وعاوزة تطردني من البيت ما عارفة مضايقاها في شنو ☹💔
صبري : عاوزة تفرح بيك 😂😂
ملاك : كل شئ في وقته حلو 😌 .. بدو كلهم ياكلو ويهظرو مع ملاك .. لحد ما قاطعهم صوت رنين تلفونها 📞
صبري : ما يكون شغل تاني
ملاك : لا 😅 دي نور ردت عليها بسرعة .. الو
نور : مومو 😍
ملاك : تاني 😒
نور : خلاص اسفهه 😑.. شوفي عشان ما أطول عليك .. عاملين لمة في بيتي الليله الساعة تسعة .. الشله كلها هتجي وليث بردو هيجي أوع تتأخري 😉
ملاك : I can't sweetheart I'm busy lady 😌
نور : ليث هيجي 😏😏
ملاك : so what !! انتي عارفة انه انا يطلع من العيادة الساعة 11 اذا ما كان عندي عملية متأخرة .. لو لقيت فرصة ب أخلص وانتو لسة قاعدين بمر عليكم 🤦🏻♀
نور : يالله ما بتقدري تبدري شوية 🙁
ملاك : مرة تانية 😀 .. بتصل عليكم لما ألقى فرصة
نور : مع أنه ما حتكون حلوة من غيرك 😞💔
ملاك : بااي 🙂
اول ما قفلت الخط استلمت مكالمة من المستشفى : دكتورة ملاك .. عندك مريضة الليلة محتاجة متابعة والوضع حساس .. حاولي تجي أبكر من مواعيدك بشوية
ملاك : حالتها كيف 😕
عندها نزيف وحولوها لعيادتك
ملاك : أوك
صبري : شغل !!
ملاك : Yeah 😪
فاطمة : هسا يا بتي كان ع.....
قاطعتها ملاك : ماما فاطمة 😊 .. الأكل هيبرد 🌚
فاطمة : خلاص سكت
ملاك : كدا حلو 🙂
===========================
في مكان تاني وجوة مطار الفخامة بتنبض في كل جزء من أجزائه .. طلع تلفونو واتصل على آخر رقم عنده في القائمة .. جاهو صوتها هادئ من ورا السماعه وهي بتقول : الو ... رايان
رايان : اخدتيها المستشفى
رينا : ايوة قبل كم ساعة وصلنا المستشفى مع أنه واجهتنا صعوبة وبعدين حولوها لدكتور نسائي وهنقابلو المسا
رايان : صعوبة في شنو
رينا : رفضو يسجلو لينا في البداية لكن جات دكتورة واتوسطت لينا ولحد ما دخلوها الطوارئ ووصتهم عليها والحمد لله لحد هذا كلو تمام
رايان : هي كيف حالياً
رينا : حالتها كويسة الحمد لله .. انت لسة
رايان : انا في المطار .. مواعيد الإقلاع بعد نص ساعة يعني بعد 3 ساعات بكون في مطار الخرطوم
رينا : توصل بالسلامة ❤
========================
ملاك طلعت غرفتها ودخلت استحمت تاني .. سرحت شعرها ولفته كعكة .. لبست جينز أسود وقميص شيفون اسود فوق لركبتها .. عملت غلوس وردي خفيف 💙.. لفحت اللابكوت بتاعها في يدها ونزلت .. ركبت عربيتها وبدت تسوق بهدوء .. تلفونها رن .. طلعته من الشنطة وابتسمت اول ما شافت الإسم .. لبست السماعة وردت بلهفة : سمووور 😍😍
سمر : كدا يا ملاك 😞
ملاك : اووووف 🤦🏻♀ انتو متضايقين من الموضوع كدا ليه !! ما انتو عارفين سلفا انه أنا مشغولة وما عندي وقت في نص الأسبوع
سمر :يعني ما بتقدري تفضي وقتك عشاننا 🙁
ملاك : سمر 😕 انا ما مديرة أعمال انا دكتورة ودا إلتزام والله هيسألني منه .. اكيد ما حضيع كم ساعة عشان اتسلى معاكم
سمر : طيب 😞 اصلا اتعودنا
ملاك : سمر انتي أقرب واحدة لي وعارفة اني مشغولة قدر شنو .. حاولي تفهميني
سمر : يادوب فهمت ليث ليه دايما ماخد في خاطرو منك
ملاك : ما تخلطي المواضيع ببعضها 😑.. انا في الطريق بااي .. قفلت الخط بإنزعاج .. طلعت السماعة ورمتها في الكرسي الجنبها
: نتعرف عليهم **
سمر : صاحبة ملاك من أيام الجامعة .. حضرت الماستر في نيويورك وهناك اتعرفت على ملاك .. عشان كدا هي أقرب واحدة ليها .. بنت كيووت شديد 😍.. وعندها غمازات ووشها مليان .. طويلة وممشوقة 💙.. محجبة 💙.. وعندها لكنة في بعض الحروف .. عسولة وبتتحب بسرعة دكتورة أطفال💙
نور : صاحبة ملاك بردو 😍.. لاقتها اول ما جات السودان وعلاقتهم بقت حلوة .. سمراء وملامحها جريئة ❤.. طويلة وقوامها خرافي ومتناسق .. عيونها ناعسة ووشها نحيف .. حواجبها رفيعة ومقوسة ولبسها جرئ جدآ
بعد دقايق ملاك وصلت المستشفى .. وقفت عربيتها ونزلت منها بسرعة .. مشت على عيادتها بعد ما وصت موظفة الإستقبال في القسم النسائي انه تدخل اول مريضة بعد عشرة دقايق .. جات داخلة رينا وهي سايقة أمها في كرسي مدولب .. ملاك اول ما شافتها قامت على حيلها عشان تساعدهم ..
رينا : انتي تاني شكلك مكتوبة علينا 😅
ملاك بضحكة : يمكن 😂😂 ساعدتها لحد ما رفعوها السرير وملاك رجعت قعدت في كرسيها وهي بتتصفح في ملف المريضة : مريم .. 55 سنة .. بتشكي من شنو ؟
رينا : بتحس بألم في نهاية بطنها وقبل كم يوم بدت تنزف مع الحركة
ملاك : نزيف غزير
رينا : لا
ملاك : كانت بتشكي من أي مشاكل قبل كدا !! وبالنسبة للضغط والسكري
رينا : لا .. عندها ضغط بس
ملاك : طيب .. قامت ومشت على المريضة .. اتحسست كم منطقة من جسمها وسألتها كم سؤال ورجعت .. قعدت ورا مكتبها وهي بتكتب على ورقة بسرعة : تعملو فحص للدم البنزل وفحص للدم الأبيض .. النتيجة هتطلع بعد ساعتين .. بعدها تجوني تاني
رينا : في أي حاجة خطيرة
ملاك : ما هقدر اصرح بأي حاجة قبل ما تطلع التحاليل الطلبتها
رينا ساقت أمها وطلعت .. رجعت على صوت تلفونها وهو برن .. زفرت بضيق ظنا منها انهم نور أو سمر .. اتحول الانزعاج لفرح لما شافت الإسم Laith ♡ ردت بصوت منخفض : الو
ليث : حبيبي كيفك 💙
ملاك : ليث انا جوه العيادة وما فاضية حالياً .. بكلمك اول ما أخلص .. قفلت الخط في وشو عشان تستقبل المريضة التانية
==============================
في العاصمة القطرية الدوحة ... لؤي طلع من غرفته وهو ماشي بخطوات بطيئة لحد ما وصل غرفة أمه .. الباب ما كان مقفول للآخر .. كان عاوز يدخل بس وقف على صوت أمه وهي بتتكلم مع زول تاني .. دخل من غير ما هي تحس عليه .. كانت بتتكلم في التلفون وواضح انه الطرف التاني سيدة بردو .. اتسمر في مكانه وهو بيسمع في كلام أمه 💔.. رشا أول ما خلصت مكالمتها قبلت وراها ولقت لؤي واقف وملامح الدهشة ظاهرة في وشو 😳.. قبل عشان يطلع بس وقف على صوت أمه .. بعد ربع ساعة طلع من غرفتها وعليه حالة تانية .. كان عرقان مع أنه الجو بارد وماشي براحة وحاسي برجوله ما شايلاه 💔.. مشى وهو مسنود على الحيطة لحد ما وصل غرفة ليا .. دخل وقعد في السرير من غير ما يقول كلمة .. ليا جاهو جارية وقعدت قدامو في الأرض : قالت شنو
لؤي : ...............
ليا: قلت ليها شنو وقالت ليك شنو 😶 غيرت رأيها
لؤي : لا .. الموضوع دا شكلو منتهي خلاص .. سلمي للأمر الواقع 😪
ليا : كأنه فجأة فقدت الحماس الكنت فيه 😒 بعدين مالك زي الكاشحين فيك موية
لؤي قام وطلع من غرفتها بدون ما يقول أي كلمة .. ليا تمتمت كتير وبعدها طلعت من غرفتها ومشت على اتجاه البلكونة .. لقت أبوها قاعد وشغال في اللابتوب بتاعو .. قربت منه وقعدت في الكرسي القصاده .. قالت بصوت جادي : بابا
نزل اللاب شوية وانتبه معاها وهي واصلت كلامها : يا بابا احنا ما عاوزين نسافر ليه ما قادرين تفهمونا .. احنا اتولدنا هنا وحياتنا كلها هنا .. عاوزين مننا ببساطة نقرأ آخر سنة ثانوي في السودان 😢
مهاب : الموضوع دا مفروغ منه ... احنا أدرى منكم بمصلحتكم .. كلها أسبوع وتتعودو على الوضع وهتلقو أصحاب جداد .. بعدين اهلكم كتيرين هناك وهتقدرو تقضو وقت اكتر معاهم
ليا : طيب وأنت 😞
مهاب : انا كل ما ألقى فرصة هنزل السودان .. بعدين انتو كم شهر وترجعو تاني لما تخلصو مدرسة
ليا : السفر متين !!
مهاب : بعد أربعة أيام .. عارف الموضوع دا صعب عليكم بس الإنسان مفطور على أنه يتعود على أي نمط .. وانتو هتتعودو على الجو هناك وهتحبو الوضع أن شاء الله 🙂
قامت براحة وهي كلها يأس 💔 .. انسحبت ببطء لحد ما طلعت من البلكونة وجرت على غرفتها بعد ما دموعها خذلتها ونزلت
