" أحببتك بكل مشاعري .. ولكنها كانت مشاعر أعمق من أن يدركها شخص فارغ مثلك ... كنت سجينة حبك لعامان .. ولكن أخيراً أفرج عني .. تحررت من قضبان صدرك للأبد .. الآن لا اكرهك فقط .. بل أكره نفسي التي احبتك يوماً وأخلصت لك "
#ملاك
===============================
لما لاحظت ليه صحى حاولت تتلفت بسرعة .. مسكت رقبتها بألم وغمضت عيونها .. قال ليها بصوت هادئ : رقبتك واجعاك
ملاك : yup
رايان : ضربك في راسك !!
ملاك : لا 😓 ضغط على راسي بقوة دي آخر حاجة متذكراها وتاني ما عارفة حصل شنو .. لفت ايديها حوالينها وغمضت عيونها
رايان اعتدل في قعدتو ومسح على راسها بيدو : الحمد لله لحقته قبل ما يعمل حاجة
ملاك : انت قلت هتتأخر 😕 كيف رجعت بدري
رايان : عم إسماعيل اتصل وقال لي أنه جا ضيف الفلة وانا اتوقعت يكون هو فرجعت
ملاك : Thanx 💙
رايان : ولو ☺ أيا كان شكل العلاقة البينا انتي بتفضلي شرفي
ملاك ابتسمت ليه ابتسامة ناعمة ورجعت مسكت رقبتها
رايان : بتاخدي أي مسكنات للصداع !!
ملاك : yeah .. في الكومودينة الجنبك
رايان فتحها وطلع منها حبوب مسكنه ومداها ليها .. بلعتها ورجعت نامت .. رايان لما اتأكد إنها نامت طفى الابجورة الجنبها ومشى غرفته .. نام في سريرو وهو لسة بفكر في ملاك لو كان اتأخر وما رجع كان هيحصل فيها شنو
=================================
5:00 AM
ليا من التوتر صحت قبل مواعيدها وبدت تجهز للمدرسة .. أول يوم في سنة جديدة ومدرسة جديدة مختلفة تماماً عن مدرستها .. كانت بطمن في نفسها بكلام ملاك وأنها كم يوم وهتتعود .. اتأكدت من حاجات شنطتها ألف مرة 😂😂 واتصورت صور كتيييرة باليونيفورم .. بعد مسافة نزلت تحت .. لقت جدها قاعد تحت وقعدت معاه .. بعد فترة لؤي نزل ومعاه رشا وسايقة ليان
مودنها وين هي كمان
رشا : الحضانة .. مواعيدها شوية متأخر لكن هأخرها لو سقتها معاي المدرسة
ليا : ضروري تمشي معانا المدرسة !! إحنا ما صغار يا ماما
لؤي : مشيتي براك وشفتيها وشفتي بيئتها وسجلتي لينا .. تاني هتمشي معانا ليه
رشا : ما تكترو كلامكم واطلعو قدامي عشان ما نتأخر 😑.. ركبو في العربية ورشا السايقة .. وصلو ليان الحضانة وكانت قريبة شديد من المدرسة .. وقفو قدام مبنى ضخم .. مستحيل زول يشوفها من برا ويفكر انها مدرسة .. ليا كانت مبتسمة وهي بتعاين للبوابة والطلاب داخلين جوا المدرسة .. أما لؤي فكانت نظراته فارغة وخالية من الإهتمام .. دخلو جوا المدرسة أكانت ساحتها وااسعة جدا .. والأشجار موزعة فيها بطريقة جميلة عبارة عن جلسات مريحة للطلاب .. ليا فصلها كان في الطابق التاني .. أول ما دخلت اتجولت في الفصل بعيونها .. كان وااسع ولأنها مدرسة مختلطة فكان الأولاد في قسم والبنات في قسم وفي مساحة كبيرة بين القسمين .. أتنهدت قبل ما تمشي وتقعد في أقرب مكان فاضي يلاقيها
أما لؤي فصلو كان في الطابق الثالث .. كأي زول بيجي على مكان جديد ولأول مرة اتفحص المكان كلو بعيونه .. الفصل كان هادئ عكس الفصل الأدبي .. اتنحنح قبل ما يمشي على آخر مقعد ويقعد فيه .. رشا بعد ما اتأكدت انه الحصص بدت رجعت ل ليان في الحضانة .. أول يوم من كل سنة والحصص الأولى بالذات .. بتكون عادية وغالباً تعريف بالمادة والطلاب ونصائح أكاديمية .. ليا كانت منتبهة مع الأستاذ الواقف قدامهم وبيحكي ليهم عن تجارب واقعية لطلاب كانو قبلهم .. انتبهوا كلهم على صوت الباب البيخبط .. بعدها دخل ولد باليونيفورم بتاعهم .. طويل وبنيته عضلية 😻.. بشرته بيضاء وعيونه لونها أخضر 😻.. حواجبه كثيفة وعندو سكسوكة خفييفة وتفاحة آدم بارزة في رقبته ❤.. لابس فريم ومركب بريسس ( تقويم الأسنان ) أزرق ❤.. شايل الشنطة بكتف واحد ومكفكف أكمام القميص وراخي الكرفتة بتاعتو .. دخل بدون ما يسلم على الأستاذ حتى واتوجه على آخر مقعد وقد فيه
وسام ما هتبطل حركاتك دي
وسام : دعواتك يا أستاذ
شكلك هتتعبنا السنة دي تاني .. ليا عاينت ليه بطرف عينها ورجعت ركزت مع الأستاذ تاني
اول تلاتة حصص مرت سرعة وجا وقت الفسحة .. ليا بدت تدخل في حاجاتها جوا شنطتها عشان تطلع .. رفعت رأسها على صوت أنثوي بيقول ليها : هاايي
ليا : أهلين
-انتي جديدة صح
ليا : اممم ☺
-انا وتين شايلة فنون
ليا : اتشررفناا .. ليا شايلة فنون بردو
وتين : معناها بقيناا أصحاب كنتي بتقري وين !!
ليا : في قطر 😊 ودي اول سنة أنزل السودان
وتين : طيب تعالي معاي أعرفك على طلاب الفصل وبعدين نلف في المدرسة
ليا : نلف في المدرسة ممكن بس ما حابة أتعرف على الطلاب كلهم هسا
وتين : طيب على راحتك .. يلا
اول ما قامت جاتها واحدة جارية : وتييين قالو في ولد جديد في هندسية البنات كلهم اتردمو في الفصل ما شفتي الخفة
وتين : خلاص نمشي نشوفه ليا يلا
ليا مشت معاهم الاتنين لحد الفصل .. البنت ووقفت واشرت ليهم عليه بعيونها .. اتفاجأو الاتنين لما شافو ليا ماشة عليه 😳.. أول ما وصلته قعدت في درجه فوق : ما متعودة على فصل من غيرك 😫
لؤي : لسة انتي هتقري أربعة سنين جامعة من غيري 😂😂
ليا : يومك كيف
لؤي : يادوب اليوم بدأ
ليا : اتعرفت على بنوته حلوة ثواني اناديها .. عاينت ناحية الباب ونادتها هي وصحبتها
لؤيي دي وتين صحبتي وتيين دا لؤي توأمي
سلم عليهم وطلعو برا ولؤي طلع معاهم لحد ما نزلو تحت واتفرقو
وتين : توأمك 😶
ليا : ما شايفة الشبه 😌
وتين : دا أحلى منك 🌚👋.. تعالي معاي .. ساقتها لحد ما وصلو شجرة كانو قاعدين فيها مجموعة من البنات .. سلمت عليهم واتعرفت عليهم وقعدت .. شوية ودخلت فيهم
قالو لي مشيتي فصل هندسية
وتين : الولد سممح
-دا ما صناعة سودانية .. بكون فيه حاجة غربية كدا
-ما جبتي لينا زيتو
وتين : زيتو دي
-انتي حبيبته !!
ليا : لا 😅 توأمه
-سيريسلي !!
ليا : ايوة
وتين : أخيراً ظهر زول جديد ينافس وسام
وسام دا ماف زول بقدر عليه شفتي حبيبته السنة الفاتت حصل فيها شنو
ليا : دا منو 😕
وتين : دا الولد المعانا في الفصل .. دا مكسر المدرسة كلها من سنة أولى .. ارتبط السنة الفاتت ببنت من المدرسة .. البنات عملو فيها عمايل بطالة لمن خلت المدرسة
-دا أبوه كوز ماف زول بقدر يسألو في المدرسة
وتين : ياخ دا كلو إجازة في بلد حتى رأس السنة بسافر .. أمه حلاتها صغنونة كدا وصاحبة ملاك صبري
-هو زاتو مصاحبها اكتر من أمه
ليا : ما حصل ملاك حكت لي عنه
وتين : انتي بتعرفي ملاك !!
ليا : ملاك أختي الكبيرة 😌
-ملاك ما عندها أخوان 😂😂 وحيدة عند أبوها دي حاجة الناس كلها عارفاها
ليا طلعت تلفونها من جيبها وفتحت الجيلري .. نزلت شوية لحد ما وصلت اول صورة اتصورتها مع ملاك لحد ما ورتهم صور العرس
-ممكن تكوني بتعرفيها بس لكن ما أختك
وتين : في الصورة دي بتشبهيها فعلاً والله .. حظظك حضرتي العرس كان نفسي اشوفها
ليا : 😊
قعدو اتونسو مع بعض لحد ما سمعو صوت الجرس ورجعو فصلهم
===================================
ملاك صحت متأخرة وعاينت للساعة ... لقتها 10:15 .. قامت من السرير بخلعة وجرت الحمام .. طلعت غيرت هدومها بسرعة وسرحت شعرها ونزلت .. لقت رايان قاعد في الجنينة وماسك تلفونه .. قالت ليه بوجه باسم : صباح الخير ☺
رايان : صباح النور .. بقيتي أحسن !!
ملاك : يب يسلمو
رحمة جابت ليها كباية عصير كبييرة ومعاها تفاح مقطع شرايح .. قبل ما تاكل تلفونها رن .. كان رقم غريب فما ردت .. تاني رن .. بعد تلاتة مكالمات أخيرا ردت .. قالت بصوت ثابت : الو
دكتورة ملاك
ملاك : ايوة
انا ممرضة كنت شغالة معاك في المستشفى واتفصلت قبل ستة شهور
ملاك : كيف بقدر اساعدك !! .. اتكلمت معاها حوالي خمسة دقايق وبعدها قفلت
رايان : أمي اتصلت قبل شوية عشان تسأل عنك وقلت ليها نايمة .. الأسبوع الجايي قبل ما اجازتك تخلص هنمشي مزرعة في*** كلنا
ملاك : okay .. عندي مشوار ضروري هسا ما هتأخر
رايان : طيب انا بردو طالع هوصلك في طريقي
ملاك : اووك
طلعت فوق بعد ما شربت عصيرها عشان تغير هدومها .. لبست فستان بيج طويل ومعاه كيمونو تيفاني .. لفت شعرها كعكة فوضوية وعملت غلوس لامع من غير أي ميك آب .. شالت شنطة صغيرة بنفس لون الكيمونو ونزلت .. لقت رايان مستنيها في العربية .. ركبت بعد ما ورته وجهتها الماشة ليها .. نزلها قدام المستشفى ومشى .. مما دخلت أي زول يلاقيها بيبارك ليها .. سألت من خالد وقال ليها لسة في عيادته .. استنت شوية وبعدها دخلت ليه
خالد : معقولة القمر بذاااات نفسه جايي علينا 😍
ملاك : انت عمرك ما هتتغير 😂😂
خالد : الليلة الذكرك لينا شنو
ملاك : عاوزة أتكلم معاك في موضوع
خالد : اتفضلي طواالي
ملاك : الليلة الصباح اتصلت علي الممرضة الفصلتها قبل ستة شهور !!
خالد : مالها
ملاك : قالت لي انك وظفتها في مستشفى صاحبه من معارفك
خالد : ااي فعلاً حصل
ملاك : قالت لي أنه بعد شهرين اكتشفت انه في عمليات غير قانونية بتتم في المستشفى .. في قسم الولادة كذا مرة بيقولو ليهم الطفل مات وهو بيكون عايش .. اكتشفت انه بيبيعو الأطفال بأسعار خيالية لأسر تانية .. اتكررت الحادثة دي اكتر من مرة .. عايزة اعرف صاحب المستشفى منو عشان نقدر نبلغ عن البيحصل
خالد كان التوتر وااضح في وشو .. قال ليها بصوت متقطع : لا حول ولا قوة إلا بالله .. أ أنا ما عارفو وين .. آخر مرة اتواصلت فيها معاه كانت قبل شهرين وعرفت انه سافر برا البلد 😰
ملاك : مااف داعي للتوتر 😂😂 حاول أعرف عنه أي حاجة لازم يتبلغ عنهم بسرعة
خالد : ل لا انا ما متوتر 😅 ما متوتر بس الموضوع فاجأني .. طيب هحاول أعرف ليك عنه أي معلومة .. بس انتي أبعدي من الحاجات دي يا ملاك الناس ديل مجرمين
ملاك : وانت عرفتهم من وين 😕
خالد : في زول بسيط بيعمل العمليات دي !!
ملاك : طيب انت اعمل العليك وأعرف لي أي معلومة ممكن تفيدنا
خالد : حااضر .. ملاك
ملاك : what !!
خالد : الليلة هنطلع انا وسمر .. عندك فكرة عن الموضوع العاوزة تتكلم فيه معاي
ملاك : قلت ليك قبل كدا اني عارفة بس ما هقول ليك حاجة .. إن شاء الله نفرح بيكم قريب
استأذنته وطلعت .. ركبت تاكسي ومشت المستشفى المقصود .. وقفت بتعاين ليه مسافة من برا واتفاجأت لما شافت ليث طالع من المستشفى 😳😳😳.. طمنت نفسها بأنه مستشفى وما حاجة غريبة اذا شافته طالع من المستشفى .. يمكن عندو زول من أقاربه او معارفه مريض وجا يزوره .. ركبت نفس التاكسي ومشت لأبوها في الشركة .. أول ما شافها قام وسلم عليها بشووق مع أنه امبارح كان معاها قعدت جنبها عشان يستفسر عن أسباب زيارتها
ملاك حكت ليه الحكاية كلها من مكالمة الممرضة ولحد كلامها مع خالد : ممكن انت تقدر تساعدنا بمعارفك في الشرطة
صبري : لازم نعرف أي معلومة عن مالك المستشفى .. حتى لو اسمه بس
ملاك : خالد قال لي أنه مسافر واخر مرة أتكلم معاه قبل شهرين تقريباً .. ممكن تكون العمليات دي كلها بتحصل من وراه
صبري : طيب انتي ما تشغلي بالك بالموضوع دا وانا بتصرف
قعدت اتونست معاه شوية وطلعت .. قبل ما تطلع تلفونها رن : الو
رايان : خلصتي
ملاك : Yup .. انا مع بابا في الشركة
رايان : طيب انا نص ساعة أو ساعة واكون عندك
ملاك : انا طالعة نااو .. هستناك في كافيه قريب من الشركة
قفلت الخط ودخلت التلفون في شنطتها .. الكافيه كان قريب من الشركة فقررت تمشي برجليها .. بعد كم خطوة وقفت لما حست بيد بتمسكها .. أول ما قبلت عليها حضنتها .. قالت ليها بصوت مرتجف : ملاك 😭 ملاك انا آسفة 😭😭 .. ما كنت عارفة الظروف الانتي مريتي بيها والأسباب الخلتك توافقي .. سمر حكت لي الموضوع كله 😭
.. انا آسفة لاني استعجلت واتكلمت معاك بطريقة سيئة 😭
ملاك زحتها منها براحة : ولا يهمك
نور : يعني خلاص ما زعلانة مني
ملاك : يمكن بعد فترة أنسى لكن ما بالسهولة دي
نور : ممكن نقد في أي حتة عشان نتفاهم
ملاك : sure .. مشو مع بعض لحد ما وصلو الكافيه وقعدو سوا .. ملاك طلبت فرابتشينو ونور موكا مثلجة
نور : كيف هتقدري تعيشي مع واحد انتي ما بتعرفيه وانتي لسة بتحبي ليث 😕
ملاك : ليث خلاص شلتو من راسي مستحيل أرجع اعاين ليه
نور : معقولة المشاكل بيناتكم كبرت للدرجة دي
ملاك : دا كان وهم احنا عايشينه .. ما كان بيشبه الحب حتى
قعدو لحد ما رايان إتصل عليها وطلعت خلت نور قاعدة وهي مبتسمة إبتسامة خبيثة 😏
===============================
سمر كانت قاعدة في غرفتها وفي كم من التوتر ظاهر في وشها .. لبست هدومها بسرعة وجهزت نفسها وطلعت .. وصلت المكان المفروض يتغدو فيه الاتنين .. ولأول مرة تصل قبل خالد .. بعد دقايق وصل وكان كعادته جذااب .. طول الوقت هي ساكتة وهو سرحان لحد ما خلصو اكلهم . قال ليها بلهجة صارمة : هتحكي المرة دي ولى هتفضلي ساكنة زي كل مرة !!
سمر : طيب نتكلم في العربية
دفع الحساب وطلعو قعدو في العربية .. اتندهت قبل ما تقول ليه بصوت هادئ : انا اكتشفت قبل سنتين انه عندي مشكلة .. عندي مشكلة في الرحم وهي أنه لسة ما ناضج .. ملاك بما انها دكتورة نسائية كانت متابعة معاي .. مافيه أي مخاطر صحية غير أنه الحمل مستحيل بالنسبة لي 💔.. بعد ما عرفت بالموضوع دا قضيت شهور من الاكتئاب وحالتي النفسية اتدهورت 💔.. انا ك مرأة دا يعتبر نقص .. ملاك حاولت معاي كتير لحد ما اقنعتني اني ما ناقصة حاجة .. طلعتني من الحالة الكنت فيها .. كنت دايما برفض أي راجل يتقدم لي من غير ما أحاول حتى .. كنت مترددة كتيير قبل ما أقول ليك .. كنت خايفة انك ترفضني .. قبل ما نكمل ونمشي أي خطوة لقدام .. عندك استعداد انك تعيش معاي كدا !! من غير ما تحلم في يوم يجيك طفل !!
خالد مسك ايديها الاتنين وقال ليها بصوت ثابت : طول ما انتي هتكوني معاي انا ما عاوز حاجة تاني ❤ .. إذا دي قسمتي انا راضي بيها ❤
ابتسمت ابتسامة صغيرة من نص دموعها الجات نازلة بغزارة .. ساق لحد ما وصلها بيتها .. أول ما دخلت طلعت تلفونها واتصلت على ملاك
ملاك : أن شاء الله المرة دي اتشجعتي وقلتي ليه
سمر : ااي حكيت ليه .. اتقبل الموضوع ببساطة ما كنت متوقعاها وردة فعله كانت عادية جدا
ملاك : انا قلت ليك من البداية انه خالد هيتقبلك زي ما انتي لكن ما اقتنعتي بكلامي
سمر : الحمد لله .. كيفك انتي
ملاك : ماشي الحال .. لاقيت نور الليلة
سمر : قالت ليك شنو
نور : اعتذرت لي كتير وقالت لي انك اتكلمتي معاها
سمر : قلت ليك انه قلبها أبيض دا بس في لحظة زعل
ملاك : أيا كان حتى لو سامحتها مستحيل علاقتنا ترجع زي ما كانت .. حواجز كتيرة اتخت بيناتنا بتصرفها دا
سمر : طيب وليث !!
ملاك : حتى اسمه ما طايقة اسمعو
سمر : اتكلمتي معاه تاني
ملاك أخدت نفس قبل ما تحكي ليها الموضوع كلو 😪
سمر : معقول ليث يعمل كدا !! ما اتوقعته يصل المرحلة دي
ملاك : انا كرهت اليوم الاتعرفت عليه فيه 💔.. ندمت على اليوم الحبيته فيه واليوم الجيت فيه السودان عشانو
سمر : ورايان 😕
ملاك : رايان من النوع الهادئ وما بتكلم كتير .. حتى في البيت بشوفو في أوقات معينة بس .. حاليا في حواجز كتيرة بيناتنا اتكسرت وعلاقتنا بقت احسن بس ما هتصل الحب
سمر : وليه لا !! يمكن يجي يوم تحبو فيه بعض
ملاك : ماا أظن ما عاوزة أدي قلبي مساحة يحب فيها تاني
اتكلمت معاها فترة وبعدها قفلت تلفونها واخدت ليها غفوة
==================================
في المدرسة اليوم إنتهى بدون أي أحداث تذكر .. رجعو البيت بباص المدرسة .. لؤي اول ما وصل البيت نام .. أما ليا فكانت مبسووطة شديد .. قعدت مع أمها وحكت ليها تفاصيل يومها كله وعن صحباتها الجدد وعن وتين .. بعدها مشت غرفتها ومن التعب بردو نامت ما صحت إلا المغرب .. مشت ل لؤي عشان تسألو عن تفاصيل يومه ولقته لسة نايم .. رجعت غرفتها واتصلت على وتين واتونست معاها طويل .. بعد ما خلصت طلعت دفتر وكتبت فيه يومياتها .. مسكت كتبها واتصفحتها لحد ما نعست ونامت
......
كالعادة من الحماس صحت بدري .. جهزت نفسها واتصورت تاني ونزلت استنت الباص تحت لحد ما جا .. جرت للؤي ولقته لسة في الحمام ف ركبت الباص من غيره
اول ما دخلت المدرسة لقت وتين في وشها : وين لؤي !!
ليا : الباص فاتو 😂😂 هيجي براه البيت ما بعيد
وتين : طيب تعالي خلينا نقعد لحد وقت الحصص
ليا : يلا
قبل ما تمشي حست بقبضة بتمسكها بقوة من يدها .. لفتها عليه بسرعة وفجأة لقت بيحضنها اتسمرت في مكانها وما عرفت تعمل شنو 😳 .. قال ليها بصوت هامس : خليك هادئة وما تتحركي دا تحدي وكان لازم اعمل كدا
قبل ما يكمل كلامو لؤي جراه بقوة ونزل فيه ضرب لحد ما جو الحرس وودوهم الإدارة
لؤي حمر ل ليا قبل ما يمشي .. قعدو في المكتب لحد ما جاتهم المديرة : شغب من اليوم الأول ومن الصباح كمان
وسام : يا أستاذة انا ما عملت حاجة فجأة دا جراني ونزل فيني ضرب
لؤي : ههه أرجل 😒
وسام :اوريك الرجالة 😒 !!
المديرة : عاوزين تكملو شكلتكم هنا 😑
لؤي كان عاوز يقول ليها انه حضن أخته بس سكت لما حس انه هيجرجر ليا في المشكلة
المديرة : وسام ارجع فصلك .. وانت تمشي للمشرفة عشان تستنى ولي أمرك
لؤي دخل ايديه في جيبه ومشى مكتب المشرفة .. قفل باب المكتب بقوة وطلع
في الممر لاقته ليا : لؤي 😕 عملو ليك شنو
لؤي : انتي حسابك لما أرجع البيت
مشى خلاها واقفة مع وتين : اعملي حسابك من البنات
ليا : ليه
وتين : منبرشات وسام ما هيسيبوك في حالك 😂😂
ليا : انا ذنبي شنو اذا هو تافه 😑
وتين : طيب يلاا عشان ندخل قبل الأستاذ بعدين تعالي شوفي لؤي
مشو فصلهم ولؤي مكتب المشرفة .. خبط الباب وبعدها دخل
-انت لؤي مهاب !!
لؤي : آي
-اقعد لحد ما أجيب استمارتك واتصل على أمك
لؤي : ممكن اتصل على اختي !! امي صعبة شوية وهتكبر الموضوع
-انت ما لقيت إلا وسام تتشاكل معاه
لؤي : لقيته ضامي اختي في نص الساحة
-دا أبوه سياسي كبير ماف زول بسألو .. مدت ليه التلفون عشان يتصل على أخته .. طلع تلفونه من جيبه واتصل عليها من تلفونه هو .. ردت ليه بصوت ناعس : الو
لؤي : ملاك .. ممكن تجيني في المدرسة !! لو اتصلت على امي ما هيحصل خير
ملاك : خير في شنو عملت مشكلة
لؤي : لحد ما تجي
ملاك : طيب يمكن اتأخر شوية لأني يادوب صاحية
لؤي : طيب
قعد التلاتة حصص الأولى في مكتب المشرفة لحد وقت الفسحة .. ملاك جات داخلة المدرسة وهي لابسة بنطلون هاي ويست أبيض وتيشيرت كبدي ورابطة شعرها ضنب حصان وعاملة ميك اب ناعم وروج كبدي مات .. أول ما دخلت كانو الطلاب كلهم برا .. ليا نادتها من بعيد وجاتها جارية وحضنتها .. كانت قاصدة تثبت لصحباتها أنها أختها وملاك فهمتها 😂😂 وسلمت على صحباتها كلهم : وين لؤي
ليا : في مكتب المشرفة
ملاك : .. طلعت فوق لحد ما وصلت مكتب المشرفة .. ساقت لؤي ومشت معاه للمديرة .. المديرة أول ما شافتها قامت وسلمت عليها
ملاك : لؤي قال لي انكم طالبين ولي أمره .. ممكن أعرف اعمل شنو
المديرة : انتي بتعرفيه !! .. أي عمل مشكلة كبيرة الصباح وضرب الولد
ملاك : لؤي أخوي الصغير .. طيب ما طلبتو أهله ليه !! لؤي مستحيل يغلط عليه بدون سبب .. ممكن تناديه
المديرة : لؤي امشي ناديه
لؤي طلع وبعد دقايق جا راجع معاه .. ملاك اول ما شافته قالت ليه بصوت متفاجئ : وسام 🤨
#نهاية_الجزء_الثالث_عشر
