إنني مُتعَبة للحَدّ الَّذي يَجعلني أرضى بِكُلّ أفكارك الخاطِئة عَنّي .. للحَدّ الَّذي لا أطيق فيه تَصحيحها أو شَرح حَقيقة مَشاعِري أو حَتّى تَبرير هذا التعب 💔
#ملاك
===============================
8:00 AM
Doha :Qatar
استيقظ على أشعة الشمس التي غزت غرفته 🌞.. فتح عينيه الرماديتين في كسل 😴.. ولكن سرعان ما تشبع بنشاط غريب 💪 .... اتجه نحو حمامه بسرعة .. خرج بسرعة على غير عادته وارتدى ملابسه في عجل .. هبط بخفة على الدرج ومشى بخطوات مسرعة نحو الخارج .. توقف على صوت صراخها المستغيث 😭.. جلس بقربها ومرر يده على خدها بحنان : خلوك براك 😍
ليان كانت قاعدة في الأرض وجنبها ألوان جواش لخبطت بيها وشها وهدومها والأرض 😂😂.. لؤي قام على حيله ومشى على المطبخ .. أمه كانت بتوصي في الشغالة عشان ترتب المطبخ وواضح من لبسها انها طالعة
لؤي : وين ليا 😕!! مش مفروض تفضل مع ليان
رشا : خليتها قاعدة معاها قبل شوية
لؤي : مشت خلتها براها وفوق دا كله ختت ليها ألوان جواش 😑 .. لو اكلتها هتتسمم .. المهم انا طالع
رشا : ماشي وين من الصباح !!
لؤي : تمرين 💪🏻 .. وهمر على المكتبة .. طلع قبل ما يستني ردها بعد ما لبس السماعة وشال بوتلز فيها موية .. جرى لمسافة طويلة لحد ما وصل مبنى عنده بوابة زجاجية كبيرة .. بعد دقايق طلع وهو شايل كيس كبير كان فيه كمية من الكتب .. جرى نفس المسافة لحد ما وصل البيت .. طلع غرفته مباشرة بدون ما يشوف زول .. كانت غرفة
كبيرة وديكورها حلو شديد 💙.. وفي جزء منها كله آلات رياضية .. طلع تلفونه من جيبه ووصله مع سماعة كبيرة .. شغل أغنية وبدى يتمرن
==============================
رايان دخل بعد ما دق الباب وسمع صوت رينا وهي بتقول اتفضل .. : صباح الخير 💙
رينا : صباح النور 😀
رايان : أمي لسة ما صحت !!
رينا : لسة 🙂.. انت ليه جيت بدري !! متين لحقت ترتاح
رايان : عارفة اني متعود اصحى بدري
رينا : كان ترتاح في البيت
رايان : عمتك دي ما بقدر أتحمل نقتها 😑.. قلت ليهم انه الزيارة هسا ممنوعة عشان ما يعملو زحمة هنا
رينا : طيب انت خليك مع امي انا هرجع البيت أجيب الحاجات المحتاجنها وعاوزة امشي اشوف يزن 🙂
رايان: طيب
رينا شالت شنطتها وطلعت نزلت تحت .. لقت ملاك قاعدة برا وماسكة كباية نسكافيه كبيرة وسرحانة .. قربت منها بس ملاك ما رفعت رأسها أو بتعبير أصح ما انتبهت ليها .. : دكتورة 😃
ملاك : ------------
رينا : دكتورة ملاك 😕
ملاك رفعت رأسها بخلعة ووقفت على حيلها : what's up 😶
رينا : كنت طالعة وشفتك قاعدة صباح الخير 🙂
ملاك : صباح النور ☺
رينا : شكلك ما على طبيعتك الليلة وشك تعبان ☹
ملاك : من الشغل بس 😪 .. خليتي أمك براها !! مواعيد الفحص قربت
رينا : لا معاها رايان .. برجع في مواعيد الزيارة
ملاك : OK ^^
رينا طلعت برا وملاك رجعت عيادتها .. مرت على مرضاها كلهم ومشت الحضانة شوية وبعدها رجعت لمريم .. دقت الباب ودخلت لقت مريم صاحية ومعاها ممرضة عشان تجهزها للفحص
رايان : هياخد فترة قدر شنو
ملاك : من 20 دقيقة ل30 .. وبعدها هننقلها الإنعاش 30 دقيقة
رايان : الإنعاش ليه 🤨
ملاك : في مرضى بيتأثرو بالمنظار ومعدل النبض بتغير وحرارتها بتتغير .. تفادياً لأي حاجة ممكن تحصل .. بعد ربع ساعة هنعمل الفحص .. اطمنت على مريم وطلعت مشت عيادتها .. مواعيدها بتبدأ من الساعة 10 اول مريض عندها مريم .. دخلت عيادتها ولقت خالد قاعد مستنيها جوا
خالد : قالو لي جيتي بدري 😑 .. قاعدة وين من قبيل
ملاك : كنت تحت 😪.. عاوز مني شنو
خالد : الواحد بيسلم اول 😒
ملاك : خالد انا ما فاضية ليك .. عاوز شنو 😑
خالد : اللهم طولك يا روح .. اقعدي طيب عشان نتفاهم
ملاك قعدت في الكرسي القصاده بعد ما أردت نفس طويل عشان تستوعب كلامه
خالد : مالها عيونك 😕 شكلك تعبانة شديد
ملاك : ضغط الشغل 😪💔
خالد : طيب يا ستي 😀 صحبتك
ملاك : منو 😕 سمر !!
خالد : ايوة .. بس اشمعنا ممكن أكون قاصد واحدة غيرها 😒
ملاك : فاهماك لأنه 🌚
خالد : طيب 😀 اتكلمي لي معاها
ملاك : خالد 😑 امشي ألعب بعيد كلو إلا سمر
خالد : احسني الظن يا زفتهه 😒 انا جادي
ملاك : لأي درجة 😶
خالد : اني همشي لأهلها دغري واتقدم ليها 😌
ملاك : Seriously 😮😮😮
خالد : انا جااااادي 😑
ملاك : انت ما بتعرفها لكن 😕
خالد : انتي بتعرفيني 🌚.. شفتها معاك كتير ونص صورك معاها .. وفي عيد ميلادك الفات كانت قاعدة .. وعشان ما ألف وادور معاها .. هتقدم ليها اول .. بعدين أتعرف عليها وبعدها الله كريم
ملاك : ولو ما وافقت 😀
خالد : انتي اعملي العليك
ملاك : حااضر 😁 في أول فرصة بتكلم معاها في الموضوع دا .. بس ما مسؤولة من الهيحصل بعدين
خالد : احبببكك 😍
ملاك : تففف 😒 بتاع مصالح
خالد : معقووول 😍 انا عندي كم ملاك بس 😌
ملاك : طيب انا ماشة 😪 عندي فحص
خالد : ملاك 😑 اخدي إجازة اسبوع انتي تعبتي شديد مع سفرة طارق دي
ملاك : نشوف بعدين
خالد : بطردك عديل بعد دا 👏🏻.. كفاية خلي بالك من نفسك هتمرضي بالطريقة دي .. ربت على كتفها وطلع .. شالت غلوفزات من الدرج ومعاهم كمامة وطلعت .. فحص المنظار أخد حوالي 25 دقيقة بالضبط .. بعدها اخدوها الإنعاش لمدة نص ساعة ورجعوها غرفتها .. ملاك كانت كل ما تلقى فرصة بتجي تزورها وبترجع .. خلصت شغلها الساعة 4 وكانت دي المواعيد المسموحة فيها الزيارة .. كانت ماشة لمريم بس كانو معاها ناس كتيرين ف نزلت تحت بدون ما تشوفها .. لاقت رينا في الطابق تحت واقفة في الإستقبال
رينا : بقيتي احسن 😃
ملاك : الحمد لله 🙂 بكرة مواعيد العملية 9:30 مساء .. أهم حاجة حالتها النفسية ومعنوياتها ليهم أثر كبير ^^
رينا : طيب .. والله انا زاتي ما مطمنة للوضع 😕
ملاك : العملية دي ما اقدر اقول ليك ساهلة أو مضمونة .. لكن ما عندها أي آثار جانبية .. بس هي ما تحس انها حتنقص حاجة بعد العملية دي .. نفسيات المريض دي أهم من أي حاجة تانية .. وقفت اتكلمت معاها فترة طويلة وبعدها طلعت فوق وملاك طلعت على عربيتها .. وصلت البيت الساعة 5:30 والجو كان حلوو وهاادي 💙.. لقت فاطمة قاعدة برا في الجنينة ومعاها تلاتة نسوان .. أول ما شافتها ختت يدها في قلبها ووشهقت بطريقة خلعت ملاك زاتها 😨 : مالك يا بتي عاملة كدا 😧 عيونك واقعة ولونك مخطوف !! ماتكوني عيانة كمان 😦
ملاك : ماما انا كويسة 🙂 بس تعبانة .. طالعة انوم ما تحاولو تصحوني
فاطمة : خلي خديجة تجهز ليك حاجة خفيفة اكليها ونومي
ملاك : لا طالعة انوم ما تصحوني أيا كان السبب .. طلعت غرفتها ونامت حتى بدون ما تغير هدومها
==============================
لؤي بعد ما خلص تمارينه دخل اخد حمام تاني وطلع .. لبس بنطلون جينز أزرق فاتح وتيشيرت لونه خمري اكمامه طويلة وكافي الاكمام لحد نص يدو .. بدا يفضي في الكتب الجابها من الكيس .. شال واحد من الكتب الفي الكيس ونزل تحت .. دخل المطبخ طلع من التلاجة تلاتة جزرات وبرتقالة وخلطهم مع بعض وكباهم في كباية كبيرة من غير سكر .. لقى ليا قاعدة في الصالة وبتتفرج في التلفزيون .. ورشا قاعدة قدام اللابتوب بتاعها وشغالة فيه .. قعد جنب ليا وقت الكتاب جنبو في الكنبة وبدا يشرب في العصير
ليا شالت الكتاب من جنبها عشان تشوفو .. صرخت بصوت خلى لؤي يتشرق بالعصير البيشرب فيه : عاااا 😍😍😍 رواية ليس بيدي نززلتت متيييين 😮 قبل كم يوم شفتها وما لقيتها
لؤي : ما بالطريقة دي 😑
رشا : ليا 😒 قلت ليك كتير ما تعلي صوتك
ليا : يا ماما دي رواية ملاك صبري الجديدة 😭😭💙 نزلت قبل كم يوم وانا كنت بفتش ليها وما لقيتها
لؤي : وما هديك تقريها 😑
ليا : ما على كيفك 😒 بعدين انت من متين بقيت بتقرا روايات مش كنت بتقول لي كلام فارغ
لؤي : من الليلة قررت اقراها عندك إعتراض 😒 !!
ليا : عاوزة اقراها ☺
لؤي : مااف ليك 😑
ليا : يا ماما اتكلمي مع ولدك دا 😢
رشا : --------
ليا : ماااااامااااا 😭
رشا كانت سرحانة وما سامعهم بقولو في شنو .. لؤي عايز ليها بطرف عينه وشال الكتاب من ليا وطلع قعد في البلكونة
ليا : عاجبك يا ماما البعمل فيه لؤي دا 😑
رشا : ها !!
ليا : حتى انتي يا ماما ما سامعاني !! كويس 😭 انا ماشة لليان اصلا ماف زول بفهمني غيرها
ليا قامت وطلعت فوق وحلت رشا لسة سرحانة .. قفلت اللابتوب بتاعها وغطت وشها بإيديها
=============================
بعد ساعة ونص ملاك صحت على صوت تلفونها بيرن .. قامت من السرير ومشت على جهة الحمام غسلت وشها ورجعت .. لقت المكالمة من ليث .. اتصلت عليه وبعد ثواني رد عليها : الو
ملاك كان التعب واضح من نبرة صوتها : أهلين 😊
ليث : لسة تعبانة !!
ملاك : لا 😪 بس عشان كنت نايمة
ليث : ملاك .. انتي لازم تاخدي إجازة
ملاك : كم يوم والتعب هيروح ما قصة 😪
ليث : ملاك اسمعي الكلام .. على الأقل اتنازلي عشاني
ملاك : اتنازل عشانك 😂😂 !! أنت حصل عملت حاجه عشاني
ليث : انا ما بهظر 😒 انا بتكلم معاك وأنا جادي
ملاك : ولا انا بهظر 🤷🏻♀ بتتكلم معاي بصفتك شنو !! راجلي !! ولى خطيبي !!
ليث : حبيبك
ملاك : وانت راضي عن كدا 😂 !!
ليث : لازمته شنو النقاش دا
ملاك : ننهيه معناها 🙂 وقفلت الخط في وشو .. رمت تلفونها في السرير ودخلت الحمام استحمت .. لبست تايت أبيض وفيه ورود بنفسج وليلكي 💜.. معاه تيشيرت أكمامه طويلة واصل لحد ركبتها بنفس لون الورود الليلكية .. عملت ضفيرة واحدة وجابتها بالجنبة .. نزلت تحت بدون ما تعاين لتلفونها مرة تانية .. لقت خديجة ماشة على المطبخ وشايلة صينية في كبابي : ماما لسة معاها ضيوف
خديجة : لالا يا بتي النسوان مشن 😀
ملاك : في منو طيب !!
خديجة : ليث
ملاك : طيب زفرت في انزعاج واضح وطلعت ليهم برا 😤.. لقته قاعد مع فاطمة وبتونس معاها .. مشت قعدت جنبهم بدون ما تتكلم
فاطمة : مالك جاية بتتسحبي زي الحرامي 😑
ملاك : بابا وين ☹
فاطمة : لسة ما جا .. اكلتي !!
ملاك : باكل مع بابا لما يجي
فاطمة : خلاص انا داخلة جوا عشان اخليكم تاخدو راحتكم
ملاك في قلبها ما كانت عاوزاها تمشي بس ما قالت حاجة
... اكتفت بإبتسامة رضى 🙂
ليث : انتي اتضايقتي مني !!
ملاك : اتعودت 😊
ليث : انا آسف لو زعلتك بطريقة كلامي بس دا من خوفي عليك
ملاك : ولا يهمك 🙂
ليث : ملاك .. انا اتكلمت مع حبوبتك .. مع أنه عارف رأيك ورأي أبوك بس انا هجي اطلبك منه .. هجيب أهلي ونجيكم يوم الجمعة ان شاء الله .. بس عندي شرط قبل العرس وانتي لازم تساعديني
ملاك : شرط !!
ليث : تقدري تقولي طلب طيب
ملاك : okay
ليث : عاوزك تبطلي شغل انتي مدية شغلك الأولوية في حياتك وما مهتمة بصحتك حتى .. وفي الفترة الأخيرة بقيتي بتتأثري بسرعة
.. بالطريقة دي ما هتقدري توفقي بين شغلك في المستشفى وبيتك واولادنا في المستقبل .. ما همنعك من الكتابة لانها ما بتاخد حيز في حياتك زي شغلك كدكتورة
ملاك بضحكة استهتار 😂😂 : أبطل شنو !! بتهظر صح 😂😂
ليث : ابدا 😐 انا جادي وكل الجدية .. إذا فضلتي شغالة في المستشفى انا هكون صفر على شمال في حياتك .. انك تطلعي من بيتك نص الليل ولى قبل الفجر دا ما بينفع .. وخصوصاً مبيت المستشفى .. انتي عندك المستشفى دا واثنين غيره .. عائدهم هيجيك وانتي في مكانك .. انا شغلي ممتاز وهيعيشك ملكة وما هينقصك شي .. بس انتي ارتاحي في بيتك
ملاك : ليث 🙂💔 اطلع من هنا
ليث : انتي ليه مصرة على الشغل كدا وانتي ما محتاجاه اصلا !!
ملاك : انا ما تعبت عمري كله اقرأ واتعلم ومضيعة حياتي كلها عشان اتخصص وتجي انت بكل بساطة تقول لي بطلي شغل في أحلامك يا باشا 😒
ليث كان طول الوقت هادي وبتكلم معاها براحة .. بس فقد اعصابه وبدا يعلي في صوته بعصبية : انتي طول الوقت مشغولة وما لاقية وقت حتى عشان تتكلمي معاي في التلفون .. مدام انك مشغولة قدر دا وما لاقية مساحة لأي إلتزامات تانية مدية نفسك فرصة عشان تحبي ليه !! دامك ما هتتخلي عن شغلك عشان تتزوجي وتفضي لراجلك وبيتك مرتبطة ليه !! ولى لأنه زهجتي مني وفي زول تاني دخل حياتك وعاوزة تطلعيني من راسك بالطريقة دي !! انك تكريهيني فيك !! .. ملاك كانت مقبلة على الجهة التانية ولا قالت ليه بتقول في شنو
ليث : ملاك أنا بتكلم معاك .. كان كل مرة صوته بيعلى أكثر وأكثر لدرجة أنه فاطمة وخديجة جو طالعين مخلوعين من جوا
فاطمة : خير يا ولدي في شنو .. اصواتكم علت 😕
ملاك قامت حيلها ووشها محمر وكلو دموع 💔.. قالت بصوت هادي ومبحوح : أطلع من حياتي ما عاوزة اشوف خلقتك تاني 💔.. جرت بسرعة على اوضتها بدون ما تقول ليهم أي حاجة .. ليث حس أنه اتهور في الكلام ورفع صوته عليها زيادة عن اللزوم .. أي زول مهما كانت مكانته في قلب ملاك أو قربه ليها .. ممكن تقطع علاقتها بيه وتخسره في دقيقة لمجرد أنه على صوته عليها 💔.. اكتر حاجة بتضايقها انه زول يرفع صوته عليها .. حتى أبوها بيعمل حساب للنقطة دي انه ما يرفع صوته عليها مهما كان غلطها .. مع أنه أبوها ودا من حقه وشي طبيعي جدا .. لكن عشان طبيعتها الصعبة ما كان في زول برفع صوته عليها .. ليث قعد في الكرسي وضغط على عيونه بيدو
... بعد دقايق قام وطلع على عربيته .. لاقاه صبري في البوابة عاوز يدخل العربية .. أول ما شافه نزل ومد المفاتيح ل عبد الله ( البواب ) عشان يدخل العربية .. سلم عليه ووقف أتكلم معاه شوية ودخل .. لقا فاطمة ممحنة في الصالة وخديجة قاعدة جنبها
صبري : خير في حاجة 😕 مالكم قاعدين كدا
فاطمة : تعال قاعد يا ولدي تعال .. صبري جا قعد جنبها وحكت ليه الموضوع كله .. أول ما خلصت صبري طلع فوق ومشى لملاك .. دق الباب بس ما ردت ليه .. أول ما فتح الباب حس بقشعريرة سرت في جسمه من البرودة .. الغرفة كان مضلمة وماف غير صوت المكيف .. أول ما شغل الضوء لقاها قاعدة في الأرض جنب الكنبة ومغطية وشها بإيديها .. قرب منه وقعد جنبها في الأرض .. أول ما خت يدو في كتفها رفعت رأسها .. أنفها كان محمممر كأنه قطعة كرز .. وعيونها متورمة شديد 💔.. حضنته وبدت تبكي بحررقة وبتشهق بطريقة تخوف 😭😭 كان بيمسح على رأسها بحنان ابوي وهو بيسكت فيها
ملاك : بابا انا تعبت 😭 وصلت لحد بيخليني أرضى بكل الأفكار الغلط الماخدها عني 😭😭.. وصلت لحد ما طايقة اصحح فيه أفكاره الغلط أو أشرح ليه مشاعري حتى 💔.. تعبت لدرجة ما قادرة حتى أبرر التعب الي حاساه 💔
صبري كان ساكت وبيطبطب عليها بهدووء .. وقف لما حس أنها هدئت فجأة
#نهاية_الجزء_الخامس
