بداية الحلقة مفقودة .. اول ما اتحصل عليها ان شاء الله اعدلها لكم ...
.
.
.
.
ملاك اخدت نفس طوييييل قبل ما تتماسك وتقول ليهم بلهجة ثاابتة : انا موافقة
صبري وفاطمة نظرتهم كانت متفاجئة وملامحهم كستها الدهشة .. آخر حاجة اتوقعوها منها انها توافق .. بعد المشكلة الي حصلت بينها وبين ليث وكانو عارفين كويس أنها لسة ما نست الموضوع ولسة في بالها .. صبري قال ليها بلهجة مستفسرة : موافقة !! متأكدة
فاطمة : ما تستعجلي ساي اخدي وقتك وفكري على راحتك عشان ما تندمي بعدين
صبري : العرس دا ما حاجة هينة .. دي حاجة هتغير حياتك وهتتعايشي معاها طول عمرك
ملاك : انا موافقة ومتأكدة من قراري دا كوييس فكرت كتير واستخرت والتفكير المفرط ما كويس انا وليث خلاص انتهينا حتى لو اجتمعت السماء والأرض احنا مستحيل نرجع لبعض هفضل أبكي عليه لحد متين مثلاً !! هوقف حياتي كلها عشانه !! يمكن انا و رايان نستمر مع بعض ويمكن لا بردو وانا ما خسرانة حاجة من المحاولة
صبري : ملاك دي ما حاجة بتجربيها ولو ما نفعت معاك بتوقفي .. لا دا مصيرك
ملاك : عاوزني أعيش نفس التجربة الي عشتها انت
صبري : عشان ما تمري بنفس الي مريت بيه ما تستعجلي
ملاك : انت قررت توقف حياتك عندها وانا ما هعمل كدا هشوف حياتي واستقر أخيراً مع رايان والكويس في الموضوع كله اني كا بعرفه ودي حاجة كويسة
فاطمة : خلاص يعني متأكدة من كلامك
ملاك : تقدري تقولي ليهم اني وافقت عن اذنكم عندي مشوار
صبري : وين
ملاك : عاوزة اشوف سمر وهنمشي لنور لأنها مسافرة بكرة
صبري : طيب .. قامت من جنبهم وطلعت غرفتها
فاطمة : البت دي هتجنني والله هتقتلني قبل يومي
صبري : بعيد الشر الله يطول في عمرك
فاطمة : يمكن يكون كلامها صح رايان الشافتو عيني دا والله مهذذب وشكلو رايق وما النوع البتعصب
صبري : قبل ما تقولي ليهم أنها موافقة انا عاوز اشوفهم .. لازم اقعد معاه وأعرف بتي هوديها وين
فاطمة .. انا هتصل عليها وأقول ليها هنزورهم بكرة .. لكن كمان لازم اقول ليها البنت وافقت عشان يجهزو نفسهم
صبري : اوكيي
ملاك جهزت نفسها بسررعة وطلعت .. كانت بتحاول تطمن نفسها أنها ما غلطت واحد قرار صح .. وقفت قدام عمارة كبيرة فيها ما لا يقل عن 12 طابق .. ركبت الاسانسير لحد ما وصلت الطابق العاشر ودخلت اول شقة على يمينها .. الباب كان شبه مفتوح ف دخلت طوالي .. نور اول ما شافتها جاتها جارية وحضنتها : كنت قايلاك ما هتجي
ملاك : انا عندي منو غيرك عشان ما اجي
نور : الله يخليك لينا اصلاا حياتنا كانت كيف من غيرك
سمر : هتقلبوها دراما
ملاك : من يومها نور درامية 😐💔 ما بتتوصى
نور : احترمو نفسكم الليلة بس لأنه تاني شهر ما هتشوفوني
ملاك : هنرتاح منك شهر
نور : همشي اتحبس عشان اجي اعرس طوالي 😌
سمر : ألقيه اول
نور : قااااعد مستنيني بس
ملاك : والله شفقانة عليه
سمر : قاعد وين في أحلامك
نور : استننو في النهايةة هعرس قبلكم الاتنين ملاك راجلي كيف
ملاك : وانا هعرف من وين
نور : اووووك 😑 رايان كيف
سمر : دا اسمه 😂😂 لقيتيه وين
نور : ما ضروري التفاصيل المهم اني لقيته .. ملاك راجلي كيف
ملاك ما ردت عليها ومشت قعدت جنب سمر .. نور بعدها مشت المطبخ عشان تجهز ليهم حاجة
ملاك : وين غصون !! ما جات
سمر : غصون سافرت مع وسام لراجلها
ملاك :مع وسام !! هو مشى عادي
سمر : متعبها شديد الأيام دي وكل يوم مشاكله بتزيد
ملاك : الله يعينه بس . وانتي !! عملتي شنو في موضوع خالد
نور جاتهم وهي شايلة صينية فيها كاسات عصير فريش : وافقت
ملاك : really 🌚 !!
سمر : وافقت اني اديه فرصة هتعرف عليه أول وبعدين نشوف اذا هوافق ولى لا
ملاك : تتعرفي عليه معناها هتوافقي 💃
نور : انتي مفروض تحمدي الله مية مرة عليه 😍 خالد دا زول ما بتعوض
سمر : يمكن رأيي يكون مختلف
ملاك : ابدااا انا واثقة انك هتوافقي 😌 خاالد دا زول ما بتكرر مرتين
نور : طيب افضو لي أنا عشان ما هتشوفوني شهر
قضوا معاها فترة طوييلة وهم بيضحكو وبتونسو مع بعض قضوا وقت حلو ورفهو عن نفسهم
ملاك : طيب انا هطلع لأنه بكرة عندي دوام الصباح
نور : بالسرعة دي
ملاك : ما باقي إلا ابيت معاك
نور : تكوني ما قصرتي
سمر : جيتي ب عربيتك !! وصليني معااك لأنه عربيتي في الورشة
ملاك : let's go
ودعو نور وطلعو .. طول الطريق ملاك كانت ساكتة وما قالت حاجة .. سمر حسن انه في حاجة ما طبيعية في ملاك .. بعد تردد اتشجعت وسألتها : ملاك
ملاك : yup 😀
سمر : عاوزة تحكي لي حاجة !! ما على طبيعتك الليلة .. اتكلمتي مع ليث تاني
ملاك : لا .. ويااا ريت ما عاوزةة أسمع إسمه .. خلاص انا محيته وهبدا حياتي من غيرو
سمر : كيف
ملاك : I'm getting married
سمر : كيف !! دقيقة .. ملاك انتي بتهظري !! بتهظري صح !! ولو جادة اكيد حصل لمخك حاجة
ملاك : أنا جادة وفي كامل قواي العقلية
سمر : طيب منو !! ولقيتيه وين !! ومتين لحقتو تعرفو بعض
ملاك : واحدة واحدة ما كدا .. وقفت العربية وحكت ليها الموضوع كللو والأسباب الي خلتها توافق
سمر : ونور
ملاك : انا ما عارفة اذا هي جادة ولى لا بس حالياً ما هحكي ليها حاجة وغالبا العرس يتم خلال شهر قبل ما ترجع .. ولما ترجع انا هحكي ليها
سمر : ملاك انتي متأكدة
ملاك : الموضوع عاادي ما تكبريه
سمر : OK 😪
ساقت بسرعة لحد ما وصلت سمر بيتها وبعدين رجعت البيت
================================
انتصف النهار وصارت الشمس في كبد السماء .. ولكنه لم يستيقظ بعد .. أصبحت حياته حلقة مفرغة من الملل لا يدري أين طرفاها .. فتح عينيه بتكاسل وامسك بهاتفه .. نظر الي الساعة التي تشير إلى الواحدة إلا ربع بعد الظهر .. نهض من سريره في ملل وتوجه نحو الحمام .. كل شئ يسير ببطء شديد .. خرج من غرفته ودلف نحو الساحة الخلفية للمنزل .. الشمس في منتصف السماء أي لا أثر لوجود الظلال .. عاد إلى الداخل وصعد إلى غرفة توأمه .. كانت هي الأخرى تغط في نوم عميق .. عاد إلى غرفته وامسك بهاتفه ثانية .. بدأ يتصفح في مواقع التواصل الإجتماعي .. انتزعه من فراغه صوت بكائها العالي .. هوى على الدرج بخطوات سريعة الى ان وصل غرفتها .. يبدو أنها كانت نائمة واستيقظت فجأة .. وعندما لم تجد أحدا بجانبها استغاثت ببكائها .. حملها على كتفيه وخرج بها إلى الشرفة .. عاد إلى داخل فور سامعه صوت أمه : صحت هسا
رشا : بكت كتير !! قبل شوية كنت معاها
ليث : يمكن صحت بعد ما طلعتي طوالي .. مسكها ليها ومشى .. التفت على صوتها وهي بتناديه : لؤي
لؤي : نعم
رشا : هتشوفها يوم الاتنين .. انا اتصلت عليهم وهنتعشى معاهم يوم الاتنين
طلع من غير ما يقول ليها أي كلمة .. وهو طلع على غرفته سمع صوت ليا .. دخل غرفتها ولقاها بتتكلم في التلفون .. استناها لحد ما خلصت مكالمتها .. قالت ليه بلهجة حمااسية : هنطلع يوم الاتنين
لؤي : امي قالت ليك هنطلع وين
ليا : يب .. واحدة من معارفها تقريباً صحبتها
لؤي : فرحانة قدر دا ليه وانتي صحيتي متين !! قبل شوية كنتي نايمة
ليا : فرحانة لأنه هنطلع اخيييرا انا صحيت بدري ولما ما لقيت موضوع نمت تاني .. ماما صحتني قبل شوية
لؤي : اوكيي
ليا : محتارة البس شنو ماما ما حكت لي عنهم عشان أعرف هلبس شنو
لؤي : بسم الله 😒 ما حفلة هي زيارة عاادية
ليا : حتى ولو مفروض أكون أنيقة دايما .. لؤي قام على حيلو وجراها من أنفها وطلع خلاها بتعطس ودموعها عشرة عشرة
=================================
فاطمة اتصلت على مريم وبعد جرس طوييل ردت عليها .. سلمت عليها وبشرتها انه ملاك وافقت .. وكلمتها عن رغبة صبري انه عاوز يشوف رايان قبل ما يجو ويطلبو يدها .. قفلت منها وخلتها في حالة من الفرح حتى الأرض ما سايعاها .. نادت لرينا بصوت عاالي وجاتها جارية : ااي يا أمي
مريم : ملاك وافقت
رينا : وافقت ك كيف
مريم : حبوبتها هسا اتصلت علي وقالت لي ملاك وافقت .. وبكرة هتجي هي وأبو ملاك عشان أبوها عاوز يتعرف على رايان اول
رينا : لكن رايان مسافر يوم الأربعاء
مريم : هنمشي ليهم يوم الثلاثاء قبل ما يسافر .. هو وينه
رينا : في غرفته يمكن نايم
مريم : امشي شوفيه
رينا : حااضر .. طلعت من غرفة أمها ومشت غرفة رايان الي كانت في نفس الطابق .. دقت الباب دقات خفيفة .. جاها صوته الرجولي وهو بيقول : اتفضل
دخلت براحة وهي بتتسحب زيالحرامي .. كان قاعد في سريره وشغال باللاب توب بتاعه .. قعدت في طرف السرير وهي بتعاين ليه
رايان : في شنو ومالك قاعدة بعيد
رينا : وافقت
رايان : منو 😕
رينا : ملاك وافقت .. وهيجي أبوها بكرة .. وأمي قالت هنمشي ليهم يوم الثلاثاء قبل ما تسافر
رايان : كيف يعني وافقت
رينا : انت الي اتسرعت في البداية .. كان لازم تقول ليها ما موافق قبل ما تصل الخطوة دي
رايان : لسة ما فات شي .. قام على حيلو ومشى غرفة أمه .. لقاها قاعدة مع حبوبته ومرت عمه وبتحكي ليهم وبخططو في العرس .. في حاجة اجبرته انه يسكت ويرجع غرفته .. لقى رينا لسة قاعدة ومستنياه
رينا : يمكن تكون ملاك قسمتك أدي نفسك فرصة ويمكن تليقو على بعض اصلا شكلكم حلو الاتنين سواا
رايان : رينا انا ما هقدر أكمل في الموضوع دا انتي عارفة لما وافقت كان عشان امي ما تتعب في ساعتها .. لكن حالياً هي كويسة وهتقدر تسمعني
رينا : طيب وملاك وأهلها !! هتقول ليهم وافقت عشان أمي ضغطت علي وكانت عيانة
رايان دخل يدو في نص شعرو وشد عليها بقوة .. كان كل ما يعصب أو يتوتر بيعمل الحركة دي .. في النهاية طلع من البيت ومشى جيم متعود عليه .. وبدأ يفرغ في عصبيته في التمارين .. في الوقت دا فكر كتير وأخيرا وصل لحل .. طبيعة شغلو ك كابتن بتخليه يسافر كتير وبيقضي معظم وقته في السفر .. وبالنسبة لملاك فهي دكتورة وواضح انه مشغولياتها كتيرة .. طبيعته كرجل بتمنعه من أنه يرجع في كلامه الي قاله
===================================
مر اليوم عادي من غير أي أحداث تذكر .. ملاك قضت يومها كله في غرفتها .. ماسكة دفترها وبتكتب أي حاجة جواها .. كانت الطريقة الوحيدة عشان تفضفض فيها عن الجواها .. في الفترة الأخيرة كانت بتميل للشغل اكتر .. إنها تشغل نفسها بالشغل في العيادة عشان ما تلقى فرصة تفكر فيها في الجوطة الحاصلة في حياتها .. الأحد كان دوامها صباحي .. طلعت الصباح ومشت المستشفى لحد الساعة 3:00 بعدين رجعت البيت .. لقت فاطمة وصبري بجهزو طالعين وقالو ليها انهم ماشين عشان يلاقو رايان .. بعد المغرب جوها راجعين ولقوها نايمة .. صبري من ناحية رايان كان مطمئن جدا .. كانت مخوفاه حالة ملاك .. بتتصنع الصلابة في الوقت الي هي انهارت فيه بالكامل من جواها .. كانت بتكابر عشان تظهر العكس .. بس يمكن تكون بداية جديدة ليها وحياتها تبقى أحسن .. صحت الساعة 12:30 ولقتهم كلهم نايمين .. رجعت نامت تاني لأنه مستنيها دوام بدري يوم الاتنين .. رغم النوم النامتو دا كلو صحت متأخرة .. لقت الساعة 8:23 جهزت بسرعة ومشت المستشفى من غير ما تعمل تمارينها الصباحية الي اتعودت عليها .. تركيزها كان منعدم وفاتحة عيونها بصعوبة .. سمعت تلفونها بيرن .. قامت عشان تشيلو وحست بوجع في عضامها كلها ..ردت بصوت متعب : الو
فاطمة : ملاك .. بعدين تعالي راجعة البيت بدري جايين ضيوف وهيتعشو معانا
ملاك : okay
قفلت الخط بدون ما اكتر كلامها وواصلت في شغلها .. بعد ما انتهت من مواعيدها وقبل ما تطلع جاها خالد : ملاك دا شنو
ملاك : what 😳
خالد : عيونك 😐 شكلك تعبانة شديد
ملاك : شوية صداع بس كويس انك جيت .. سمر مبدئياً وافقت .. هتتعرف عليك اول بعدين اذا هتوافق ولى لا
خالد : مش تديني رقمها بعد دا
ملاك ابتسمت ليه ابتسامة باهتة وفتحت تلفونها ومدته ليه عشان يكتب الرقم
خالد : انتي خلصتي صح !! يلا اطلعي قدامي هوصلك البيت لأنه مستحيل تسوقي بحالتك دي
ملاك : خالد انا كويسة 😐
خالد : يلا قدامي من غير نقاش 😑
ملاك : أمري لله 😪 .. رتبت حاجتها بسرعة وطلعت وراه .. فجأة حست براسها لفة وما شايفة كويس قدامها .. كانت في واحدة من عمال التنظيف بتمسح في الممر .. نادت على ملاك وخالد عشان تنبهم انه الأرضية مبلولة .. خالد أتلفت عشان يسمع كلامها اما ملاك ما حست بروحها إلا وهي بتضرب رأسها بحديدة السلم 💔.. الضربة كانت كفيلة بأنها تفقد وعيها فورا .. خالد شالها بسرعة ونزل بيها للطوارئ .. كان في جرح صغير في مؤخرة رأسها .. ورضوخ في يدها ورجليها .. كان عندها انخفاض في نسبة السكر في دمها .. ودا السبب ليها الدوخة من الصباح وعدم التركيز الي كانت فيه .. اخدت سيرومين جلكوز .. بعد ساعتين أو اكتر فتحت عيونها بصعوبة .. أول زول شافته في وشها كان خالد 💙 .. مما شافها فتحت عيونها قام وقرب منها .. اتحسس جبينها لفترة وبعدها قال ليها بصوت هادئ : حمد لله على سلامتك 💙
ملاك : الله يسلمك .. حصل شنو وانا ليه هنا
خالد : دا آخر عنادك 😒
ملاك : 😑
خالد : وقعتي وخبطتي راسك بحديد السلم .. لقينا نسبة السكر في دمك منخفضة شديد ليه مهملة نفسك كدا
ملاك : الساعة كم 😦 ماما هتدبحني في البيت
خالد : ستة ونص
ملاك : Shit 😱 خالد وصلني البيت سريع ماما منبهة علي اني ارجع بدري لأنه جاينها ضيوف
خالد : ما ينفع تطلعي بالحالة دي ارتاحي شوية 😕
ملاك : خالد كلها ضربة سلم ما هتموتني 😐
خالد : هتقدري تمشي على رجلك !! فيها رضخ كبير
ملاك : يب همشي عليها .. بس وصلني
خالد : حاااضر 💙.. ساعدها في أنها تقوم وكان ساندها عشان تقدر تمشي .. راسها كان ملفوف بشريط رفيع من الشاش ويدها اليمين ملفوفة بردو ورجلها الشمال .. وصلها العربية وركب جنبها وساق بسرعة .. دخل العربية جوا وسندها عشان يدخلها جوا .. فاطمة اول ما شافتها جاتها جارية : ملاك 😮 مالك حصل ليك شنو ليه ملفلفة كلك كدا
ملاك : اتزلقت في المستشفى ووقعت 😅
فاطمة : عين وصابتك 😕 قلت ليك ما تطلعي قبل ما تتحصني لكن كلامي ما بتسمعيه .. هسا بكرة بعد تعرسي بفرق معاك كلامي دا .. خلاص امشي ارتاحي فوق .. الضيوف في الطريق وهيوصلو هسا
خالد : عن اذنك 🌚
ملاك : بتستأذن عشان شنو 😕
خالد : عيب اشيلك قدام أمك فبستأذنها 🌚
ملاك : من متيين 😂😂 المهم ما عليك بطلع براي .. حمر ليها وشالها طلعها غرفتها لحد ما رقدها في السرير وغطاها كويس : كان نفسي ابوسك في جبينك ويكتمل المشهد 😂😂 بس للأسف
ملاك : بطل انحراف 😒 وامشي بعد داا ثاانكس ما قصرت
خالد : ملاك انتي متأكدة انك كويسة !!
ملاك : يب انا كويسة 🙂 شوفة عينك
خالد : بتكذبي علي انا 😒
ملاك اتنهدت قبل ما تحكي ليه عن موضوع انفصالها عن ليث وعرسها من رايان .. كانت بتحكي وعيونها ملياانة ودموعها بدت تنزل 💔
خالد : دا كلو حاصل معاك وانا آخر من يعلم 😕💔
ملاك : كنت مشغول في الفترة الأخيرة وما لقيت فرصة
خالد : طيب بكرة ما تجي المستشفى .. انا هكلم طارق انك اخدتي إجازة تلاتة ايام .. وكل يوم هجي اطمن عليك
ملاك : الله ما يحرمني منك 😊💙
خالد باسها في راسها وطلع .. نزل قعد مع فاطمة تحت واتونس معاها لحد ما قطعتها خديجة : الضيوف وصلو
فاطمة : طيب دخليهم .. اقعد شوية يا ولدي أدخل الضيوف ديل وأرجع ليك .. طلعت برا واستقبلتهم .. سلمت عليهم ودخلتهم جوا .. كانت امرأة أربعينية ومعاها توأم وبنوتة صغيرة .. سلمو على خالد الي كان لسة بيشرب في عصيره
فاطمة : دا زميل بنتي في الشغل .. خالد دي رشا من معارفي وتقدر تقول قرايب .. سلم عليهم واستأذن : طيب انا همشي وهجي بكرة اطمن على ملاك .. سلمي على عم صبري لما يجي
فاطمة : يوصل أن شاء الله .. خالد طلع وخلاها هي مع ضيوفها .. جيتو متين من السفر
رشا : قبل كم يوم
فاطمة : أن شاء الله اخدتو على الجو هنا
رشا : والله لسة الأولاد ما اتعودت على جو السودان دا
فاطمة : ما شاء الله 😊 الله يحفظهم ليك
لؤي وليا كانو ساكتين وما قالو حاجة .. فاطمة بتتكلم مع رشا ولما تسألهم بردوا على قدر السؤال .. سمعوا صوتها وهي بتنادي : مااماا
فاطمة : خديجة .. امشي شوفي ملاك عاوزة شنو شكلها ما نامت
خديجة : كويس .. طلعت ليها بسرعة وجات نازلة .. بتسأل عن أبوها جا ولى لسة
فاطمة : طيب .. أتلفت لرشا الي كان التوتر بدأ يظهر عليها .. حاولت تخفف من الجو المشحون في أنها تواصل في ونستها معاها
ملاك قامت من سريرها بصعوبة ومشت الحمام .. استحمت بصعوبة شديدة ووجع اكتر كان بيغزو أطرافها .. طلعت وجهزت نفسها عشان تنزل لضيوفها .. ما قدرت تلبس بنطلون فلبست فستان سادة في نص ساقها واكمامه كاملة ومخرمة بطريقة مظهرها جسمها .. حاولت تربط شعرها بس ما قدرت ف خلتو مفرود ... استندت على الحيطة وطلعت من الغرفة لحد ما وصلت السلم .. مسكت فيه بإيديها الاتنين وبدت تنزل فيهم براحة .. فاطمة اول ما شافتها قامت عشان تساعدها تنزل بسرعة .. سندتها لحد ما وصلت مكان ضيوفهم .. سلمت عليهم بأدب وقعدت في الكنبة القصادهم .. رشا ملامحها اتغيرت 360 درجة .. أما لؤي ولسبب ما معروف قلبو كان بدق بسرعة حس انه هيطلع من مكانه ❤.. الوحيدة الي ردت فعلها كانت طبيعية الي هي ليا .. أول ما شافتها صرخت فيها بصوت عالي : ملااكك 😳😳😳😳 ملااك صبري اعاااااااا 😭😭😭 .. ماما ليه ما قلتي لي من البيت
فاطمة : معليش ما قدرت تستقبلكم معاي
رشا : سلامتها
ليا قامت وقعدت جنبها وحضنتها تاني 😂😂 ملاك كانت بتضحك عليها بس : ممكن أتصور معاك 🌚 صورة واحدة بس
ملاك : yeah ☺
طلعت تلفونها واتصورت معاها صورة واحدة بس
ملاك عاينت ل ليان ورجعت عاينت لرشا : ممكن اشيلها 🌚
رشا : يدك !!
ملاك : لا عادي 😅.. قامت شالتها وقعدتها في رجليها .. كانت بتتونس مع ليا شوية وتلعب مع ليان شوية .. أما لؤي اكتفى بالمراقبة بس ❤.. بعد ما جهزو السفرة للعشاء قعدو كلهم في السفرة وليا لسة مستلمة ملاك 😂😂
ملاك : ماما 😐 دادي ليه اتأخر الليلة
فاطمة : يكون عندو شغل كتير
طول ما هم بياكلو لؤي ما اتكلم وكانبس مراقب ملاك بنظراته .. شكلها في الطبيعة كان غير شكلها البيشوفو في الصور ❤.. انتبه على صوتها وهي بتقول ل ليا : توأمك شكلو عكسك ما بيتكلم كتير
ليا : لا هو كلامه اكتر مني 😅 بس لأنه اول مرة يشوفكم وكذاا
ملاك : okay
خلصو اكلهم ورجعو قعدو في مكانهم .. ملاك كانت بتتحرك بصعوبة والا تتسند على زول .. خلوها قاعدة مكان واحد وهم الي جو عليها .. فاطمة : سوقي اختك دي ولعبيها شوية في الجنينية برا شكلها زهجت
ليا ساقتها وطلعت وبما أنه لؤي كان عارف من البداية فهم قصدها ولحقهم
ملاك : اول مرة اشوفكم ☺ حلوين أولادك الله يخليهم ليك
فاطمة : كانو في قطر ويادوب نزلو السودان
ملاك : اهااا 😀 .. كانت عاوزة تواصل كلامها بس شافت أبوها داخل نادته بصوت عالي: دااديي 😍
صبري عاين لأمه ولرشا الي قاعدة جنبها .. ما كان صعب عليه أنه يتعرف على ملامحها .. أول ما عاين لملاك جاها بخطوات سريعة : راسك مالو 😳
ملاك : وقعت في المستشفى لكن انا كويسة ما تخاف علي
صبري : عملتي صورة لراسك
ملاك : بابا 😃 انا كويسة وخالد جابني لحد البيت
صبري باسها رأسها وطلع غرفته .. ملاك استغربت انه اتجاهل رشا وأمه وما سلم عليهم 😕.. قطع حيرتها صوت فاطمة وهي بتقول ليها : ملاك
ملاك : yup 😀
انا قلت ليك انه ضيوفي الجايين قرايبنا
ملاك : يب 😕 طيب بابا !!
فاطمة : ملاك .. رشا هي زاتها مرة أبوك .. يعني أمك
#نهاية_الجزء_التاسع
#ملحوظة :
في الجزء التاني كنت كاتبة عمر رشا 38 غلطت في الحتة دي وعمرها في منتصف الأربعينات 45 سنة
