أنا لا أكره الحب ؛ أنا أكره الإنتظار ، الاكاذيب ، الإستغفال ، خيبات الامل ، عدم الإهتمام وكل شيء مشابه ..
#ملاك
=============================
ملاك فضلت لدقايق بتجول في نظرها بين حبوبتها ورشا الي هي أمها من غير ما تترسم في وشها أي تعابير .. ابتسمت إبتسامة باهتة قبل ما تقول : مرة بابا ممكن 🙂 لكن انا ماما اتوفت من زمان .. حتى بالنسبة لبابا .. بتعبير أصح طليقة بابا
فاطمة : ملاك 😐
ملاك : كلامي فيه حاجة غلط 😕 !! انا أمي اتوفت قبل 25 سنة وانا بنت بابا بس ملاك صبري
فاطمة : ملاك 😑 انتي ما عارفة ظروفها المرت بيها ما تحكمي عليها قبل ما تسمعيها
ملاك : لا انا عارفة وما محتاجة أسمع حاجة .. ظروف !! أي ظروف دي البتخليها تتخلى عن بنتها الي عمرها يوم أو أقل !! هي عندها الجرأة أنها تبرر لي تصرفها !! إنها بعدت عني 25 سنة !! وجاية بكل بساطة عشان تقول لي أنا أمك 😂😂 لو انتي متقبلاها انتي حرة .. لكن انا مستحيل اتقبل وجودها في حياتي كأم .. ممكن أتعامل معاها عاادي زي ما بتعامل مع معارفك أو اقاربك
فاطمة : مهما عملتي هي تفضل أمك
هنا ملاك عصبت وعلت صوتها عليهم : أمك أمك أمك 😤 كفااية ما عاوزة أسمع الكلمة دي تاني انا أمي ماتت من زمان .. قطعت كلامها ومسكت رأسها بألم 💔
فاطمة : يا بتي خلاص اهدي دي ما طريقة للنقاش وانتي لسة تعبانة 😕
ملاك الدموع الي حاولت تخبيها خذلتها وجات نازلة 😢 .. في ظرف ثواني أنفها حمر ودموعها كانت بتنزل بغزارة .. قالت ليها بصوت باكي : ليه ظهرتي في حياتي !! عاوزة مني شنو !! ما انتي متزوجة وعندك تلاتة أولاد .. ليه عاوزة تعكري حياتي انا !! ما اكتفيتي بالخراب السببتيه لما مشيتي وعاوزة تجي تدمري الباقي !! انا كبرت على واقع انه امي متوفية وبابا كان لي أي حاجة وهيفضل كدا .. ما هتغيري حاجة برجعتك
رشا كانت ساكتة وفي دموع اتسربت من عيونها .. ما كان عندها حاجة تقولها أو تدافع بيها عن نفسها .. لأنها فعلاً غلطانة وماف حاجة بتبرر تركها لبنتها .. كانت عاوزة تقوم وتحضنها بقوووة عشان تروي الشوق الجواها .. شوقها لبنتها الي بعدت عنها 25 سنة .. بس بأي حق هتعمل كدا !! هي اختارت أنها تبعد عنها بكامل إرادتها 💔
ملاك حاولت تقوم بس وقعت تاني في الكرسي بسبب رجلها .. فاطمة حاولت تساعدها بس زحتها منها .. لؤي جا داخل ولقاهم في حالة من البعثرة 💔.. أمه ساكتة وفاطمة بتعاين لملاك الي كانت لسة بتبكي .. من غير ما يتردد مشى على ملاك وسندها عشان تقوم 💙 .. مسكها لحد ما وصلها السلم وبدأ يطلع معاها واحدة واحدة من غير ما ينطق بحرف .. لحد ما وصلو أخيراً نهاية السلم .. أشرت ليه على ناحية غرفتها ومشى عليها .. أول ما دخلو لقو صبري جوا .. مسكها معاه لحد ما رقدوها في السرير .. لؤي انسحب براحة لحد ما طلع من الغرفة وملاك مراقباه بنظراتها .. نزل تحت ولقى ليا ماسكة ليان وقاعدة جنب أمها .. قال ليهم بلهجة ثابتة : نمشي !!
رشا هزت ليه رأسها بمعنى أي .. ساق ليا وليان وعلى رشا مع فاطمة .. قالت ليها بصوت هادئ : والله ملاك أعقل من كدا 😕.. بس الصدمة ما هينة .. يعني هي مما اتولدت ما حصل شافتك صبري زح الصور كلها وقال ليها انك متوفية ولما كبرت شوية عرفت الحقيقة .. كلها فترة وتتقبل الموضوع 😓
رشا : هي ما غلطانة .. كلامها كان صح وما كان لازم استعجل واجي
فاطمة ربتت على كتفها وطلعت معاها لحد ما وصلتها العربية .. لؤي كان راكب قدام مع السواق وليا ورا مع أمها .. كان في هدوء ما طبيعي في العربية .. رشا كانت ساكتة وسرحانة في الطريق .. مااف صوت غير أصوات انفاسهم والعربات الفي الطريق .. ليا اتردد قبل ما تقول لأمها بصوت مرتجف : ماما
رشا : نعم
ليا : في شنو !! انتو مخبيين عني حاجة !! لؤي من لما جينا ساكت وما نطق بحرف وأنتي ما على طبيعتك .. احنا سمعنا أصواتكم علت لكن لؤي ما خلاني أدخل .. انتي بتعرفيهم من وين !! ولا مرة حكيتي لي عنهم مع انك عارفة اني بحب ملاك ودايما بقرا رواياتها
رشا : لما نصل البيت
ليا سكتت وما كترت كلامها خوفا من عصبية أمها .. أول ما وصلو ليا مشت مع رشا غرفتها عشان تحكي ليها .. لؤي كان مستمع بس لأنه عارف الموضوع كله
رشا قعدت في السرير وهي ماسكة ليان وليا قعدت جنب لؤي في الكنبة الي قدام السرير .. أخدت نفس قبل ما تتكلم بصوت هاادئ : انتي عارفة انه جدك كان شغال في الجيش .. كان عندو صاحبه من أيام الكلية وعلاقتهم قوية .. قبل 26 سنة صاحب جدك دا كان عندو ولدو في الجيش .. وكان لسة متدرب .. جدك كان دايما بيمدحو ومعجب بيه شديد .. جا يوم اتكلم فيه مع حبوبتك وحكى ليها عنه .. كان بيجي بيتنا كتير بسبب معرفة أبوه بجدك .. وقتها كان عمري 19 سنة ولسة بقرا في الكلية .. قريت إعلام وجدك كان معارضني فيه .. جا اليوم الاكتشفت فيه بالصدفة اني مخطوبة ليه .. وجياته المتكررة لبيتنا كانت للتعارف .. حددو مواعيد العرس وبدو في الترتيبات وانا آخر من يعلم .. أمي كانت كل يوم بتقنعني بيه وأنه ولد ناس وهيعيشني عيشة محترمة والكلام دا .. حاولت اعترض كتير بس جدك كان مصر وما قبل أي نوع من النقاش في الموضوع دا .. ما كان عندي حل غير أني أقبل قرارو واتزوج صبري ..الراجل الي اختارو هو .. انا كأي بنت كان عندي أحلام كتيرة ليوم عرسي والراجل الهعرسو .. بس ضربت بأحلام المراهقة عرض الحيط واستسلمت لواقعي .. بعد شهرين تم العرس وخلاص بقيت مرته .. كان راجل محترم وما نقص علي حاجة .. كنا عايشين في شقة قريبة من بيت أهله .. أمه طيبة وكانت بتعاملني زي بنتها .. بعد شهرين أكتشفت اني حامل .. وكانت آخر لي سنة في الجامعة .. كانت في بالي فكرة انه الحمل هيكون عائق في مستقبلي كإعلامية .. ويمكن كان تفكير سطحي في الوقت دلك .. حاولت كتير أنزل الجنين بس ما قدرت .. لحد ما وصلت الشهر الرابع وهنا كان الإجهاض صعب .. لما خلصت الجامعة كنت في الشهر الخامس وداخلة على السادس .. بديت افتش في وظيفة .. لحد ما أخيرا لقيت وظيفة بمساعدة واحدة من معارفي كإعلامية لقناة إخبارية قطرية .. حاولت افتح الموضوع مع أهلي كتير لكن ما قدرت .. كانت المشكلة انهم عاوزين بنت شابة ووجه ملفت وبدون أي إلتزامات .. وافقت من غير ما اتردد وسكت على الموضوع لحد ما كملت الشهر التاسع وولدت .. حجزت تذكرتي قبل أسبوع من مواعيد الولادة على أساس هسافر بعد يومين بس ولادتي اتاخرت وصادفت يوم السفر .. كانت ولادة طبيعية ودا سهل علي حاجات كتير .. الوقت كان متأخر لما قالو لي جبتي بنت .. ولأنها اول مولود في حياتنا سميناها ملاك .. أول ما اتولدت كان عندها مشكلة في التنفس وخاتينها في الحضانة ... قعدت معاها في الحضانة قريب الربع ساعة وبعدها طلعت .. كنت حاسة بآلام ما يعلم بيها إلا الله .. وصلت المطار بصعوبة قبل مواعيد طيارتي ب20 دقيقة .. كانت أصعب تلاتة ساعات لحد ما وصلت قطر .. سكنت مع صحبتي في بيتها مع أمها .. بعد أسبوع اتعافيت وبقيت كويسة نوعا ما .. رسلت لصبري وقلت ليه عاوزة ورقة طلاقي .. شرحت ليه الوضع الي انا فيه عسى و لعل يتفهم وضعي وفعلا بعد يومين بس وصلتني ورقة طلاقي وطويت الصفحة دي من حياتي .. بعد شهر ونص اتعينت وبديت شغل .. كانت فرصة ما بتتعوض اني خريجة واشتغل طوالي .. اتصلت على أمي كتير .. كانت مرات ترد علي ومرات تتطنش .. أما أبوي صابته خيبة أمل من العملته .. في أقل من سنة رضو علي بعد محاولات كتيرة مني ومن أخوي .. استقريت في قطر .. بعد سنتين لاقيت مهاب .. . يمكن كانت أحلى صدفة ممكن تحصل معاي في وسط الكركبة العايشاها .. حكيت ليه عن حياتي كتير وعن بتي الخليتها وراي وجيت .. كنا بنتلاقى كتير لحد ما في النهاية اتزوجنا .. أبوي كان رافض وفضل مقاطعني سنين لحد ما اتولدتو انتو .. بعد ما اتزوجت سبت الإعلام وعملت المجلة دي .. رغم التغيرات دي كلها بس والله ما نسيتها .. بنتي التعبت فيها تسعة شهور لحد ما شلتها في يدي دقايق بس .. في حاجة كانت بتمنعني اني أسأل عنها .. بصفتي منو !! أمها الفاتت خلتها عمرها ساعات !! .. بتذكر أول مرة طلع فيها كتابها الأول .. كنت بتابع أخبارها دايما وبقرا كتبها كلها .. بنتي كبرت وبقت كاتبة معروفة .. بس حتى كلمة بنتي دي كنت بستكترها على نفسي. .. قبل عشرة ايام لما حددنا مواعيد السفر .. فتشت على رقم البيت والحمد لله ما غيروه .. اتكلمت مع فاطمة وكانت لسة زي ما هي حنيتها ما اتغيرت .. حكيت ليها اني اتزوجت وعندي توأم وبنت صغيرة ... حكت لي عن ملاك كتير وشجعتني في اني اجي واشوفها .. ودا اليوم الي اتغيرت فيه تصرفات لؤي .. لأنه سمع كلامي معاها وحكيت ليه الحقيقة كلها
ليا كانت بتسمع في كلام أمها ودموعها بتنزل بغزارة : وليه ما حصل حكيتي لينا !! كنتي عاوزانا نعرف متين !! معقولة انتي تعملي كدا !! عشان وظيفة تخلي بنتك !! طيب على الأقل كان تجي وتحاولي تشوفيها .. معقولة في أم عندها قلب بتمشي وبتخلي بنتها في نفس يوم ولادتها !! يا ماما بس قلبك قال ليك شنو !! قدرتي تنومي مرتاحة !! ..قبلت على لؤي قالت ليه بصوت باكي : وانت !! ليه ما قلت لي لما عرفت !! فجأة قررت تقرأ رواياتها وتصرفاتك الغريبة وحتى صورها في تلفونك .. لأنك كنت عارف انها اختك !! طيب انا بطيخة !! من متين بنخبي عن بعض
لؤي كان ساكت كالعادة وما رد عليها .. مسحت دموعها بيدها وجرت غرفتها .. لؤي عاين لأمه وطلع غرفته .. كان جو مشحون والبيت من غير شي هادئ
ليا مشت كملت بكاها في غرفتها .. اتذكرت كلام جدها لما قال ليها بتشبه أختها .. مسكت تلفونها وفتحت الصورة الاتصورتها مع ملاك .. لأول مرة تلاحظ للشبه البينهم .. وحتى عندهم نفس الشامة وفي نفس المكان .. قفلته وطلعت في بلكونتها وهي سرحانة
==================================
ملاك فضلت بتبكي لفترة طويلة لحد ما نامت 😴💔.. صبري نزل لأمه تحت ولقاها مع خديجة في المطبخ : ليه جبتيها البيت
فاطمة خلت حاجاتها الشغالة فيها وطلعت معاه برا المطبخ : لأنه دا المفروض يحصل .. من حقها تشوف بنتها
صبري : بنتها 😒 !! كانت وين السنين دي كلها .. قررت تشوفها الليلة بس
فاطمة : كانت برا البلد وجات قبل كم يوم
صبري : تقومي انتي طوالي تجيبيها البيت !! ما فكرتي في ملاك والصدمة الهتتعرض ليها !! من غير شي هي ضايعة الفترة دي .. ملاك صبورة وقوة تحملها كبيرة بس دا ما بيعني انها فولاذية وبتتحمل دا كلو
فاطمة : هسا هي نامت ولى صاحية !!
صبري : نامت 😪
فاطمة : بكرة هيجو عشان يطلبو يدها
صبري : قولي ليهم يأجلو الموضوع شوية لحد ما ملاك تتجاوز الهي فيه دا
فاطمة : هيجو يطلبو يدها بس ما عرس ما ضروري هي تنزل ليهم بس المهم وجودك أنت .. هيجو المسا
صبري : ملاك عارفة !!
فاطمة : أي .. قلت ليها انا .. رايان مسافر يوم الأربعاء .. أمه قالت لي بيته جاهز وهيسوق ملاك تشوفه قبل ما يسافر
صبري : الله يسهل
مشى غرفته وفاطمة طلعت فوق لملاك ونامت جنبها
فاطمة صحت مع آذان الصبح واتفاجأت انه ملاك لسة نايمة على غير عادتها .. حست بأنفاسها ما طبيعية ومتسارعة 😰.. اتحسست جبينها ولقتها محمومة .. قامت سريع ونزلت نادت صبري .. اتصلو على خالد بس ما رد
فاطمة : يمكن لسة نايم .. لكن هو قال لي هيجي يشوفها الصباح قبل ما يطلع المستشفى
صبري : طيب انتي اعملي ليها كمادات باردة عشان تخفض حرارتها
فاطمة : كويسس يا حليلها تمرق من حاجة تقع في حاجة
صبري قعد جنبها وفاطمة نزلت تجيب موية باردة
===========================
ليا صحت بدري بعد ما نامت بصعوبة .. طلعت من غرفتها وكانو كلهم تحت .. مشت غرفة لؤي ولقته لسة نايم .. أخيرا نزلت لأمها وحبوبتها تحت .. كانو قاعدين براهم وبيشربو في الشاي .. قعدت جنبهم وعيونها منتفخة من البكاء وقلة النوم
رشا : عيونك مالها !! ما نمتي كويس
ليا : ما اتقبلتك صح
رشا سكتت وما ردت عليها وهي واصلت كلامها .. : طيب إحنا !! هترفضنا زي ما رفضتك !! طيب انتي هتتحملي الذنب دا كله .. ختت رأسها في حضن أمها وهي لسة بتتكلم : ماما إنتي زعلتي من كلامي معاك !! انا آسفة لو زعلتك ما كان قصدي
رشا باستها في راسها ومسحت ليها على شعرها بيدها .. ليا رغم أنها اتضايقت من الموضوع .. لكن علاقتها بأمها كانت قوية .. من وهي صغيرة متعلقة بأمها اكتر من لؤي .. شافت لؤي واقف في البلكونة .. قامت من أمها ومشت ليه .. لما وصلت غرفته لقتو في الحمام .. استنتو لحد ما طلع ولا قعد معاها
ليا : لؤي .. انا عاوزة اشوفها تاني
لؤي : ليه 😕
ليا : عاوزة أتعرف على ملاك أختي 😓
لؤي : خليها بعد فترة لحد ما الوضع يروق .. بالطريقة دي هتكرهيها فيك
ليا : طيب انت زعلان من ماما
لؤي : لا .. كل القصة انه استيعابي للموضوع ما نفس استيعابك ليه .. انا ما زعلان منها .. انا بس متضايق من تصرفها
ليا : ماما هتخلينا نشوفها
لؤي : انا ما هاخد اذنها .. انتي حرة
ليا : لؤي ما تتصرف كدا ارجع لطبيعتك
لؤي : ومن القال ليك اتغيرت !! قرب منها جضمها شديد لمن خدودها حمرت
ليا : غلطانة أنا .. الجابني ليك شنو .. اتنفضت ومشت وخلته بيضحك عليها 😂
==================================
مريم صحت من الصباح وبدو يرتبو في البيت وحاجاتهم الشايلنها .. رينا كانت بترتب معاها بنشاط اما مرت عمهم صارة وشها وبتعاين ليهم بطرف عينها .. رايان ما طلع من غرفته ولا وراهم خلقته .. لحد ما المسا جا وبدو يجهزو للطلعة
===
خالد اليوم كلو ما جا وملاك حرارتها ماشة في زيادة .. بعد المغرب خالد أخيرا جا عشان يشوفها .. فاطمة نزلت تجهز مع خديجة استقبالا للضيوف وخلته مع ملاك .. لمس جبينها وكان مسخنن شديد .. صوتها كان واضح وهي بتئن في الألم 💔.. أداها خافض حرارة وبدأ يعمل ليها مكمدات مثلجة .. بعد دقايق رايان وأهله وصلو .. كانت معاه مريم ورينا ومرت عمه .. ومن الرجال عمه بس .. كان لابس بنطلون بيج وقميص أسود مشدود في جسمه 💙.. ملامحه هادئة وفي إبتسامة صغيرة مرسومة على شفاهو 💙.. استقبلوهم إستقبال حلو شديد وقعدو يتناقشو في التفاصيل بعد ما صبري وافق
-وينها العروس ما عاوزة تجي تشوفنا ولى شنو 😏
فاطمة : ملاك تعبانة شوية ومعاها الدكتور ما بتقدر تنزل 😐
رينا : سلامتها 😦 مالها
فاطمة :كان عندها نقص في السكر ووقعت في المستشفى ضربت راسها ويدها ورجلها ما بتقدر تمشي عليها والليلة كمان أصبحت محمومة
مريم : كرر عليي سلامتها 😞 .. راقدة وين وديني ليها
رينا : انا هشوفها قبل ما نطلع عشان ما نعمل ليها إزعاج كلنا هسا
فاطمة ساقت مريم وودتها غرفة ملاك .. كانت نايمة وخالد لسة بعمل ليها في مكمدات .. وحرارتها بدت تنخفض
فاطمة : نايمة
خالد : ايوة .. حرارتها بدت تنخفض .. بعد ساعتين كدا هترجع طبيعية لحد ما الدواء ياخد مفعوله
فاطمة : الله يحفظك يا ولدي
خالد : ولو ☺ دي أختي ❤.. هتصل بعدين اطمن عليها
استأذنهم وطلع .. مريم مشت قعدت جنب ملاك في السرير .. كانت في فراشة في يدها عشان لو احتاجت حقن تاني ما يكون صعب عليهم يدوها ليها .. راسها لسه ملفوف ويدها التانية ملفوفة : عين وصابتها 😞💔 الله يغطيها من العين
فاطمة : اميين
قعدت شوية ونزلو تحت .. اتحدد العرس بعد شهر .. واتفقوا على التفاصيل المهمة بس .. قبل ما يطلعو رينا طلعت عشان تشوف ملاك وأصرت على رايان يطلع معاها .. أول ما دخلو الغرفة رينا مشت قعدت جنبها .. أما رايان فاكتفى انه يراقب من بعيد بس .. في كل الأحوال ما كانت ما فارقة معاه هي حالتها شنو أو حاسة بشنو 💔.. تبع رينا وهو ساكت لحد ما طلعو برا الفيلا
رايان : لو الصباح بقت كويسة هسوقها تشوف البيت
فاطمة : كويس بتصل الصباح وبطمنك عليها
ابتسم ليها ابتسامة حلووة قبل ما يركب العربية ويتحركو
-لقيتوها كيف 😒
رينا : نايمة .. ليه ما طلعتي شوفتيها 😒
-ما قلتي نايمة !! اطلع اسوي شنو 😑
مريم : 😒😒
اتناقرو كدا لحد ما وصلو البيت .. أما ملاك صحت بعد تلاتة ساعات وكانت الحمى خفت شديد أو شبه اختفت .. أول ما فتحت عيونها لقت حبوبتها في وشها : حاسة روحك كيف
ملاك : لسة عايشة الحمد لله 😊
فاطمة : عرسك اتحدد بعد شهر شي حيلك عشان تبقي كويسة بسرعة
ملاك بلهجة متعبة : okay .. ماما !! عارفة عنوانهم
فاطمة : عنوان منو
ملاك : رشا
فاطمة : أي .. عاوزة بيهم شنو
ملاك : عاوزة اشوف التوأم والبنوتة الصغيرة 💙 مش هم أخواني
فاطمة : خلاص لمن تجي ماشة قولي لي عشان أوريك ليه
ملاك : لا وريني ليه نااو
فاطمة : سمح بكرة رايان هيجي يسوقك الصباح عشان تشوفي البيت الهتسكني فيه
ملاك : طيب .. معناها انوم بدري عشان اصحى
فاطمة : أي نومي وارتاحي عشان ما يشوف عيونك المورمة دي 😐💔
ملاك قبلت للجهة التانية وسرحت بخيالها بعيد .. فضلت تفكر لوقت طويل لحد ما تعبت ونامت
الصباح صحت بدري بس ما قدرت تتمرن ولا تطلع مشوارها المعتاد .. استحمت بصعوبة وصبري غير ليها رباط راسها ورجلها ويدها قبل ما يطلع شغلو .. لبست فستان أسود سادة في نص ساقها ومعاه جاكيت طويل كبدي وتونغ ( شبشب ) نسبة لإصاباتها بنفس لون الجاكيت .. لفت شعرها كعكة فوضوية وفي حصل متمردة نازلة في وشها من قدام .. ما عملت أي ميك اب في وشها غير غلوس شفاف ولامع 💙.. اتسندت على فاطمة وخديجة لحد ما نزلوها الجنينة .. بعد دقايق رايان وصل .. كان لابس أسود في أسود 💙 .. البنطلون اسود وتيشيرت أكمامه طويلة أسود .. شعرو كلو بالجنبة وفي خصل نازلة في جبينه 💙.. سلم على فاطمة وبعدها ساق ملاك .. طول الطريق كانو ساكتين وماف واحد فيهم قال حاجة .. لحد ما وقفو قدام فلة كبيرة .. رايان نزل ونزلها من العربية .. كان ماسكها من كتفها وهي مستندة عليه .. كان فلة كبيرة شديد نسبة لأنه هيعيشو فيها الاتنين بس .. كانت منظمة وزراعتها منسقة وواضح انه في زول متابعها .. دخلو جوا ولفو فيها كلها
رايان : لو في حاجة ما عجبتك في الديكور ممكن تغيريها على راحتك اكتفت بابتسامة ناعمه مرسومة على شفاهها 😊.. بعد ما خلصو رجعو العربية .. ركبها براحة وربط ليها الحزام وركب .. قالت ليه بصوت هادئ : ممكن طلب ☺ لو ما فيها تعب
رايان : اتفضلي
ملاك : عندي مشوار تاني ممكن توصلني وترجع
رايان :جدا .. العنوان
طلعت تلفونها وفتحت ال Map وكتبت العنوان القالتو ليها فاطمة .. مدته ليه وهو بدأ يتحرك على حسب الطريق المرسوم لحد ما وصلو .. عاينت في البيت لوقت طويل وبعدها فتحت الباب عشان تنزل .. لقتو نزل ومسكها تاني عشان يدخلها جوا
ملاك : بقدر أدخل براي 😊 لو مستعجل امشي
رايان : برجلك دي !! لا ما مستعجل .. انتي مطولة هنا
ملاك : زيارة بس ما هتأخر
رايان : طيب هدخلك جوا وأرجع ابركن العربية
ملاك : ثانكس ^^
رايان : ولو 💙
مسكها من كتفها ووصلها لحد جوا .. كلهم استغربو من زيارتها المفاجأة .. بالذات رشا .. دخلوهم الصالة وقعدت معاهم رشا وامها
ملاك : ممكن اشوف التوأم
رشا : أكيد .. دقيقة اناديهم
ملاك : لا مااف داعي انا بمشي ليهم .. هم وين
رشا : في الجنينة .. قامت وهم مشو وراها .. ليان كانت بتلعب مع جدها وليا قاعدة مع لؤي .. كان منتبه مع تلفونه وما لاحظ لهم لما جو .. أما ليا أول ما شافتها جرت عليها وحضنتها 💙
رايان سندها لحد ما قعدت : هستناك في العربية .. لما تخلصي اتصلي علي عشان اجي اسوقك
ملاك : okay ☺ I'll call you
لؤي سلم عليها وقعد جنبها وبقت هي في النص .. هو من جهة وليا في الجهة التانية .. طوالي استلمتها ودورت معاها الونسة اما لؤي كان مراقب بس
ملاك : بتخجل مني ولى لسة ما تعودت علي 🌚
ليا : بيكون خجلان منك لسة 😀
ملاك : really 😂😂 ok give me a huge 🌚💙
حضنتو شديد وليا خشت معاهم 💙.. فجأة سمعو صوت ليان جنبهم ومعاها جدهم .. ملاك اتسندت فيهم عشان تقوم وتسلم على جدها .. سلمت عليه بأدب بس هو ضماها لصدرو .. حفيدتو الي من اتولدت تاني ما شافها 💙.. حست بالأمان وهي في حضنو .. جزء من الحمل الفي ضهرها حسته خف .. جدها أبو أبوها مات وهي لسة ما تمت سنة .. باسها في راسها ودخل جوا عشان يخليهم براهم
ليا : ملاك 🌚
ملاك : نعم 😃
ليا : دا منو المعاك دا 😀
ملاك : خطيبي 🌚
ليا : جد 😦 انتي مخطوبة يعني
ملاك : yeah 😂😂 العرس بعد شهر
ليا : شهر بس 😱 كويس انك قلتي لي عشان ابدأ أجهز من هسا 😁
لؤي : طيب دا منو المعاك في صور كتيرة دا !! كان عندكم امبارح لما جينا 😕
ملاك : خالد 😂😂 !! دا زميلي في الشغل 😄 تقدر تقول عليه اخوي التاني 💙
ليا : حلويينن مع بعضض 😻😻 وظاهر انكم بتحبو بعض 🙈
ملاك : yeah 😅 something like that
كانو بيضحكو بيتونسو معاها كأنهم بعرفو بعض من زمان 💙... رغم رفضها لأمها بس دا ما أثر في علاقتها مع اخوانها
#يتبع
