هل شعرت يومًا بأنك مُرهَق إلى الدرجة التي تتوقف بها عن معاتبة أحد أو التمسّك به قبل أن يمضي .. حتى لو كانت عافيتك بيده؟!!
#ملاك
===========================
صحت على صوت دقات الباب .. حست بجسمها كلو معسم من نومة الأرض .. مسحت آثار الدموع من وشها وفتحت الباب
عاين ليها مساافة ولعيونها الاتورمت وقال ليها بصوت هادئ : بكرة كلهم هيجو يتغدو معانا اعملي حساب انك تبدي تجهزي من بدري
ملاك : okay 🙂
قفلت الباب ورجعت نامت في سريرها .. الوقت كان لسة بدري بس مع الزعل نامت طوالي
صحت الصباح بدري كعادتها وهي نشيطة .. لقت رايان بتمرن ف طلعت من غير ما تكلمو .. مشت مشوارها اليومي وبعد ساعة رجعت البيت .. الساعة كانت 7:00 دخلت المطبخ وخبزت كيك خفيف للشاي وجهزت السفرة في الجنينة .. جهزت شاي وقطع كيك في صينية تانية وودتهم للبواب : صباح الخير 😀
-صباح النور 🙂 اصبحتو كيف يا بتي
ملاك : بخيير الحمد لله انت كيفك ☺
-والله ياهو عايشين الحمد لله
ملاك : اتفضل الشاي
الله يرضى عليك
ادتو ليه وطلعت لرايان فوق .. قالت ليه بوجه باسم : جهزت الشاي في الجنينه
رايان : طيب دقايق وأنزل
نزلت تحت واستنتو .. كانت راايقة وملامحها كالعادة صافية .. بعد ثواني جاها نازل وشربو الشاي مع بعض .. بما انه رايان بطبعه هادئ ملاك كانت بتونس فيه وهو مبتسم ليها ومرات بيضحك على كلامها 💙.. في قعدتهم دي جاتهم بنت في أواخر العشرينات أو أوائل
الثلاثينات .. : صباح الخير
ملاك : صباح النور
انا رحمة 😀 خالتي قالت لي انك عاوزة واحدة تمسك ليك شغل البيت
ملاك : اااااه .. خديجة
رحمة : ايوة
ملاك : اهلييين .. تعالي معاي عشان اوريك هتعملي شنو
ساقتها البيت جوا ورايان متابعهم بعيونه وفي ابتسامة صغيرة في وشو
بعد ما خلصت طلعت غرفتها ومسكت تلفونها .. لقت مكالمتين من نور وواحدة خالد .. اتجاوزت مكالمات نور واتصلت على خالد .. بعد ثواني رد ليها بلهجة انفعال : خلاص يعني عرستي ونسيتينا 😒
ملاك : في زول بنسى روحو 😌 !!
خالد : ما ممكن تسكتيني من أولها كدا 😑 خليني أتم زعلي
ملاك : عملت شنو انت 😂😂 حددت العرس خلاص
خالد : ايوون 😌👏 بعد شهرين سمر عندها كورس بتقرا فيه وامتحانه بعد شهر والعرس بعده
ملاك : الليلة فاضي !! بما انه انت اصلا ما شفت رايان غير يوم العرس تعال لينا بعدين
خالد : بجيبني ليكم شنو مرة تانية
ملاك : لا اصلا بعدين جايين ناس ماما تعال معاهم 🌚
خالد : حااضر يا ستي هطلع من المستشفى بدري
ملاك : love youuu 😭😭💙
خالد : me more ❤sweetheart
بعد ما قفلت الخط اترددت تتصل على نور ولى لا .. كانت عارفة انها هتعمل مشكلة واكيد عرفت موضوع عرسها .. رمت التلفون في السرير ونزلت تحت
===========================
في بيت جدها ليا كانت متوترة بطريقة ما عادية من المدرسة .. مشت للؤي وكالعادة لقته نايم .. نزلت لأمها تحت ولقتها قاعدة مع جدها وحبوبتها
ليا : خالو طلع 😀
رشا : أي طلع بدري
ليا : انا عاوزة اطلع 😕 مليت
رشا : بكرة قعدة البيت دي تحلمي بيها حلم 😂😂
ليا : على الأقل المدرسة هتعمل لي موضوع 😑
-عاوزة تقري شنو تبقي لينا دكتورة
ليا : انا 😂😂!! ابدااا ✋🏻 يبقى ليكم لؤي دكتور
ماشي على خطى أخته
ليا : شكلو كدا 😂👋🏻 ماما .. انتي ما عاوزة تمشي تزوريها في بيتها
-تمشي ليه 🤨 كان البت ما دايراها هي تتلصق فيها
ليا : يعني انتي مشجعاها يا حبوبة ☹
رشا : حبوبتك كلامها صح 😕 يمكن ما تتبسط بزيارتي ليها
ليا : طيب انا عاوزة أمشي ليها بعدين .. لما لؤي يصحى
-خلاص انا بمشي معاكم
ليا : جدوو 😻 هتفرحها مشيتك ليها دي
-لما تجي ماشة كلميني
ليا : خلاص انا هتصل أقول ليها جاياها 😁
طلعت تلفونها واتصلت عليها .. لحد ما قطع ما ردت : شكلها مشغولة .. رايان رقمو عند لؤي هطلع اصحيه .. جرت بخطوات سريعة لحد ما وصلت غرفة لؤي وصحته .. بدون ما تتفاهم شات موية وكشحتها فيه .. صحى مخلووووع من الموية الاتكبت فيه دي عاين ليها بنظرات حسستها انه هيقوم يقتلها في مكانها
ليا : ع عاوزة رقم رايان 🌚 بس
لؤي : تقومي تصحيني كدا لا اما طاير ولا تلفوني طاير غالبك تنتظريني أصحى 😒
ليا : ايوة مستعجلة لأنه 😅 عاوزة امشي ليها بعدين وهيمشي معانا جدو 😻 عاوزة اتصل عليها اكلمها ما ردت
لؤي فتح التلفون ومد ليها الرقم ورجع نام في مويته .. كتبت الرقم ومشت غرفتها .. اتصلت عليه مرة ما رد .. المرة التانية وبعد جرس طويل اخيييرا رد : الو
ليا : صباح الخير معاك ليا
رايان : اهلين صباح النور
ليا : اتصلت على ملاك وما ردت .. لسة نايمة
رايان : بيكون تلفونها بعيد منها عاوزة حاجة
ليا : كنت عاوزة اكلمها انه هنجيها العصر لو فاضية
رايان : اكيد تتفضلو في أي وقت
ليا : طيب ☺ هيجي معانا جدو بس ما تقول ليها عشان تتفاجئ
رايان : اووكك
قفل الخط ونزل لملاك في المطبخ عشان يكلمها .. لقاها قاعدة مع رحمة وبيجهزو في الأكل مع بعض
رايان : ملاك
ملاك : what !!
رايان : ليا قالت إنها اتصلت عليك وما رديتي .. هيجو العصر
ملاك : تلفوني في غرفتي فوق .. طيب حلو جو في وقتهم
في وقفتهم دي جات واحدة من الشغالات وقالت ليها في بنت مستنياها في الصالة .. ملاك كانت عارفة كويس انها هتجيها وما هتعدي القصة على خير .. رايان طلع قدامها ومشى غرفته أما ملاك جات لي ضيفتها المستنياها .. كانت شبه متعرية 😷.. لابسة فستان جلدي ضيق فوق ركبتها ومن غير أكمام وضهرها مفتوح 🤧 لافة شعرها كعكة وعاملة فل ميك اب 😷.. ملاك وقفت قدامها وعاينت ليها بنظرات ثابتة .. نور كانت نظراتها عصبية وبتهز في رجلها .. ملاك ابتسمت ليها إبتسامة صغير قبل ما تقول : أهلين نور ما قلتي لي انك جيتي من السفر 🙂
نور : اتفاجأتي صح 😂😂 ما كنتي متوقعة جيتي على الأقل ما لحقت اجي يوم عرسك 👏🏻 ودا الكنتي عاوزاه صح ما كنتي عاوزاني اعرف .. كنتي قاصدة تعملي العرس في الفترة الي انا فيها برا البلد
ملاك بضحكة : وهتعب نفسي كدا ليه 😂😂 عملت حاجة غلط !!
نور : انتي عارفة اني كنت جادة في موضوع رأينا وقلت ليك قبل ما أسافر اني لما أرجع هتعرف عليه
ملاك : وانا مفروض اعمل ليك شنو 🙂 !!
نور : هه 😒 معقولة انتي ملاك !! ولى قناعك وقع وظهرتي على حقيقتك
ملاك : تحترمي نفسك بيكون أحسن
نور : واذا لا !! هتعملي لي شنو !! .. عصبت ورفعت صوتها وهي بتتكلم .. انتي بكل بساطة مشيتي عرستي من ورانا وما خسرتي نفسك تتكلمي حتى .. ليث ذنبو شنو انه حب واحدة زيك وانتي مشيتي عرستي غيره .. كان ممكن نقول طمعانة في القروش لكن العندك بيكفي ويزيد .. ههه الله أعلم كم واحد كان قبل ليث وكم واحد هيجي بعد رايان .. قطعت كلامها بكف جا على وشها 👋.. قبل ما ترفع راسها كويس ملاك لحقتها كف تاني في الجهة التانية 👋
ملاك : قبل ما تتكلمي عايني لنفسك اول 😒 حاسبي نفسك قبل ما تحاسبي غيرك .. حصل عاينتي للبسك في المراية مرتين قبل ما تطلعي !! والله الكلاب طلع ليها صوت 😂😂 اتفضلي برا بيتي بكرامتك قبل ما اجرك انا لحد الباب
نور : هتندمي على اليوم دا اتذكري الكفين ديل لاني هرجعهم ليك عشرة .. ملاك ضحكت ليها ضحكة مستفزززة قبل ما تطلع غرفتها .. نور تمتمت بصوت ما مسموع قبل ما تطلع عربيتها .. اتصلت على ليث وهي هااايجة : انت في الشركة !! .. طيب انا شوية ويكون عندك .. لما اجي هتعرف
ملاك دخلت غرفتها ووقفلت عليها الباب وهي بتشيل في نفسها بصعووبة 😪💔.. ماف زول قادر يفهم انها لسة بتحبو وما اتغيرت حاجة .. ظروفها العاشتها في الفترة ديك خلتها توافق في محاولة منها في نسيانو .. شالت تلفونها واتصلت على سمر : الو
ملاك : سمر انا تعبت 😪
سمر : مالك 😕💔 في شنو
ملاك حكت ليها الموضوع كله من زيارة ليث امبارح بالليل ولحد جية نور قبل دقايق
سمر : نور اصلا طايشة وما بتسمع الكلام لكن قلبها أبيض .. كلامها دا في لحظة زعل بس
ملاك : هي ما سألتني اصلا ولا كان عندها إستعداد تسمعني ولا انا مستعدة ابرر ليها
سمر : انا هتصل عليها واتكلم معاها انتي ريحي راسك وما تفكري في الموضوع كتير
ملاك : Okay .. بعد ما قفلت الخط شالت تلفونها ونزلت تحت .. اليوم عدا بسرعة لحد ما طلعت تجهز قبل ما ضيوفهم يوصلو .. أكدت حمام طوييييل لحد ما اعصابها هدت وطلعت .. لبست فستان دانتيل أسود ومعاه توب أزرق نيلي .. عملت ميك اب نااعم وخلت شعرها مفرود ونزلت 💙.. أما رايان كان لابس جلابية بيضاء تعمي 💙 ومرجع شعر كلو لورا وفي خصل مصرة تنزل على جبينه 💙.. لما نزل تحت لقى أهلو وصلو .. مريم سلمت على ملاك وحضنتها شديد وتشيل وتبوس فيها في خدها .. بعدها سلمت على ربنا وراجلها .. أما مرة عمهم سلمت عليها بطرف اصابعها اول ما قعدو كدا أهلها جو .. مما شافت أبوها مشت واتشعلقت فيه سلمت عليه وحضنتو بقوووة وبعدها سلمت على حبوبتها وخالد الجا معاهم .. أو حاجة جضمها حتى سلم عليها 😂😂 قعدو كلهم في الصالة النسوان على جهة والرجال قعدو بعيد شوية منهم
رينا : والله يا ملاك البيشوف الفلة هسا ما يشوفها زمان
مريم : عااد سكنتها مرة 😌 لازم تبقى أحلى
فاطمة : رحمة جاتك !! لقيتيها كيف أن شاء الله شغلها كويس
ملاك : تربية خديجة ما فيها كلام
مريم : كان تسافرو ليكم حتة تقضو فيها اجازتكم دي
فاطمة : سفرة بعد داك ما عندها معنى
ملاك : لما أنزل إجازة تاني هنسافر ورايان اصلا سفرو كتير
فاطمة : خففي شغلك شوية تاني بقيتي مرة راجل وعندك بيت شغلتك الكتيرة دي خليها
ملاك : هشتغل دوام الصباح لحد الظهر بس 😃 تمام كدا !!
فاطمة : 😒
شوية كدا ليا ولؤي جو .. لما قامت عشان تمشي ليهم جا جدها داخل وسايق ليان .. سلمت عليه بشوووق كأنه ليها منه سنين .. شالت ليان ودخلتهم جوا .. لؤي وجده قعدوا مع رايان وليا مشت مع ملاك
رينا : عمرها كم 😃 !!
ليا : سنتين ☺
رينا : ما شاء الله 😻 عقبال نشوف أولادك يا ملاك ☺
ملاك : أن شاء الله 🙂
الويترز الشغالين عندها بدو يجهزو في السفر .. كان نظام بوفيه مفتوح كدا .. الأكل كلو في مكان واحد وأي زول بكب العاوزو .. قعدو معاهم لحد وقت العشا وطلعو .. ملاك كانت حاسة رجليها واجعنها من الكعب العالي طلعتو ومشت غرفتها حفيانة .. غيرت هدومها ولبست بجامة تلت أرباع وايديها نص كم .. لفت شعرها على خفيف ونزلت .. ما كان عندها أي موضوع أو حاجة تقضي بيها وقتها .. رتبت معاهم البيت وطلعت مع رحمة عشان توريها مكان هتقعد .. في الفلة من ورا كان في ملحق عبارة عن بيت صغير كدا ساكنينه الشغالين في الفلة .. بعدها رجعت الفلة جوا وكان الجو هاادئ وما فيها غيرهم الاتنين .. وهي في طالعة في السلم لاقاها رايان وهو لابس : انا طالع .. ويمكن اتأخر ما تنتظريني
ملاك : okay 😀 .. خلي عم إسماعيل يديك مفاتيح البوابة عشان ما يساهر ويستناك
قعدت في الصالة وشغلت التلفزيون عساها تلقى فيلم أو أي برنامج يعبي فراغها .. قلبت في القنوات كتير لحد ما لقت فيلم شكلو رعب أو فانتازيا .. اندمجت فيه بسرعة وتلفونها جنبها .. حست بصوت حركة في الطابق التحت بس قالت يمكن رايان نسى حاجة ورجع يشيلها .. صوت الخطوات وصل السلم لحد ما حست بيها وراها .. أول ما اتلفت وراها وقفت بسرعة وهي بتشهق بخلعة 😳 : ليث !! جابك شنو ودخلت كيف !! انا مش قلت ليك ما عاوزة اشوف خلقتك دي تاني !! أطلع من بيتي لو سمحت 😒
ليث : على كيفك 😂😂 !! الفترة الفاتت دي كلها كنت صابر وسألت عشان ما اخسرك .. وبما انك اخترتي واحد غيري ولعبتي بصبري وقتك إنتهى
ملاك : بتهددني مثلا 😒 !! اطلع من هنا قبل ما أطلب الأمن وتتمرمط ومنظرك يبقى زبالة
ليث وهو بقرب منها : ليه راجلك وين 😏 في زول عاقل بيخلي عروسته براها في الوقت دا وفي فلة زي دي 😏
ملاك كشرت بطريقة واضحة : دي شنو الريحة دي 😷!! كنت بتدخن
ليث : ايوووة 😌 .. المشكلة وين !! لازم اتعاطى عشان أنسى العملتيه فيني 😒
ملاك : ليث كفاية أطلع من هنا
جراها عليه بقوة وهو برجع يدها لورا : ولو ما طلعت !! هتعملي شنو .. قرب منها شديد لدرجة حست بأنفاسه الدافية في رقبتها .. فك ليها شعرها ودفن فيه وشو وهو بياخد نفس عمييق
ملاك بصوت مترجي : ليث .. ليث الله يخليك اطلع من هنا .. البتعمل فيه دا غلط
ليث : اذا كان الصح ما نفع معاك معناها ماف غير الغلط .. طبع قبلة عمييقة في خدها لحد ما دموعها جات نازلة 😢.. زحته منها بقوة وهي بتصرخ فيه : لآخر مرة اطلع من هنا عشان باقي الإحترام الي فضل بيناتنا .. ما توريني وشك تاني .. قبلت على الجهة التانية وعاوزة تمشي بس هو كان أسرع منها .. جراها ليه بسرعة ومسك مؤخرة راسها بيدو .. ضغط عليها بقوة كانت كافية تفقدها وعيها 💔.. ضماها لصدرو مساافة وبعدها رقدها في الكنبة الجنبو .. قعد جنبها وهو بيمرر في اصبعه على خدها .. قرب منها وباسها في رقبتها .. .. عاين لي تفاصيل وشها لفترة طويلة وقرب من شفايفها .. حس بقبضة بتجرو بقوة وبتبعده من ملاك .. أول ما وقف على حيله رايان أداه بوكس في وشو كان كفيل بإنه أنفه ينزف 👊🏻.. اعتدل في وقفتو وجاهو بوكس في فكو لحد ما وقع في الأرض .. كان بضرب فيه ضربة ورا ضربة من غير ما يديه فرصة يردها لحد ما جسمو كلو اتملى كدمات .. جراهو من قميصه ونزل بيه تحت لحد ما وصلو الشارع ورماهو في الأرض .. قال ليه بلهجة عصبية : المرة الجاية الهشوفك فيها قريب من ملاك هتطلع من هنا جثة .. عم إسماعيل جا طلع ولقاهو بكورك فيه وليث واقع في الأرض : خير يا ولدي في شنو
رايان : مااف حاجة بس خلي بالك أشكال زي دي تاني ما تعتب بيتي
عم إسماعيل : كويس .. بس ما يكون حصل ليكم حاجة 😕
هنا رايان يادوب اتذكر ملاك وطلع فوق جري .. كانت لسة فاقدة الوعي ونايمة في الكنبة وباقي آثار الدموع لسة في خدودها .. شالها زي البيبي وكانت خاتة راسها في صدرو 💙.. دخلها غرفتها ونومها في السرير وغطاها كويس .. نزل تحت وجاب موية ختاها جنبها .. خلى الابجورة الجنبها شغالة وكان ضوها خاافت عشان لو صحت بالليل ما تخاف .. قعد جنبها لفترة لحد ما غفى
ملاك صحت بالليل مخلوعة وقامت فجأة .. عاينت للساعة ولقتها 3:04 AM
مسكت راسها من الصداع الحست بيه .. انتبهت لرايان النايم جنبها .. عاينت ليه ملامحه الصافية وهو نايم .. حست بيه اتحرك وبدأ يفتح في عيونه .. رفع راسو ولقاها قاعدة وبتعاين ليه
#نهاية_الجزء_الثاني_عشر
