ﺃﺣﻴﺎﻧﺂ „ ﻧﺤﺐ ﺍﻫﺘﻤﺂﻡ ﺸﺨﺺ 💙 !! ﻧﺤﺐ ﺃﺳﺂﻟﻴﺒﻪ 💙, ﻧﺤﺐ ﺗﺼﺮﻓﺂﺗﻪ 💙, ﻧﺤﺐ ﺻﻔﺂﺗﻪ 💙 , ﻧﺤﺐ ﻛﻞ ﻣﺂ ﻓﻴﻪ ﻟﻜﻨﻨﺂ ﻵ ﻧﺤﺒﻪ ﻣﻄﻠﻘﺂ 💔!…ﻭﺃﺣﻴﺎﻧﺂ ﻧﻜﺮﻩ ﺇﻫﻤﺂﻝ ﺸﺨﺺ 💔!! ﻧﻜﺮﻩ ﺗﺼﺮﻓﺂﺗﻪ 💔„ ﻧﻜﺮﻩ ﺃﺳﺂﻟﻴﺒﻪ 💔„ ﻧﻜﺮﻩ ﺻﻔﺂﺗﻪ 💔... ﻟﻜﻨﻨﺂ ﻵ ﻧﺴﺘﻄﻴﻊ ﺇﻵ ﺃﻥ ﻧﻌﺸﻘﻪ ﺑـ ﻋﻤﻖ 💙…ﺣﻘـًـﺎ
ﻣﻨﻄﻖ ﺍﻟﻘﻠﺐ ﻵ ﻣﻨﻄﻘﻲٌ ﺃﺑﺪﺁ
#ملاك
==============================
بعد ساعة ونص رينا وأمها رجعو لملاك تاني .. شالت منها النتائج وبدت تتفحصها بنظراتها 👀.. بعد دقايق من الصمت قالت بنبرة جادة : واضح أنه في أورام في عنق الرحم وهي السبب في النزيف .. هنعمل ليها فحص بالمنظار عشان نتأكد من الورم ونشوف انتشاره .. بعدها هتتحدد ليها عملية استئصال للورم وممكن تكون إستئصال للرحم
رينا بصوت متهدج : ورم 😰
ملاك : مافي داعي للخوف أو القلق 😅.. الأورام دي عبارة عن أورام ليفية .. والورم الليفي ورم حميد وهتتعافى منه بعد العملية أن شاء الله 🙂
رينا : طيب والعملية هتكون متين
ملاك : فحص المنظار هيكون بكرة الساعة 10 صباحاً والمفروض انها تفضل صايمة باقي الليل دا لحد مواعيد الفحص .. وبعدها أحدد ليكم مواعيد العملية
رينا : انتي هتعملي العملية !! ولى جراح تاني 😕
ملاك : Yeah ☺ Me
رينا : فيها أي خطورة ☹
ملاك : دعواتكم ليها 🙂 مافيها أي خطورة وما بتاخد وقت طويل .. والآثار الجانبية بسيطة .. ابدي في الإجراءات نااو عشان ما تواجهو مشاكل في الحجز يوم العملية .. طلعو واخدو مريم على غرفة في نفس الطابق ورينا بدت في إجراءات العملية
أما ملاك خلصت مواعيدها وطلعت عشان تسأل من رقم غرفة مريم .. وقفت قدام الإستقبال بعد ما نادت واحدة من الممرضات وقفت جنبها : في مريضة إسمها مريم .. رقم غرفتها كم !!
موظفة الإستقبال : ايوة .. في الغرفة 18 .. أتلفت على وول كان واقف على جنبة ونادتو بصوت عالي : يا أستاذ .. خليها توريك مكان الغرفة ماشة لنفس المكان
-اوكي
ملاك وقفت شوية اتكلمت مع الممرضة الجنبها ومشت بعد ما دخلت ايديها في جيوب اللابكوت بتاعها .. مشى وراها بخطوات ثابتة بدون ما يتكلم .. كان بيراقب بعيونو العسلية أرقام الغرف لحد ما وصل الغرفة الدخلتها ملاك وكانت نفس الغرفة الي هو عاوزها .. دخل وراها بدون ما يدق الباب .. رينا اول ما شافته قامت على حيلها وجاته : رايان 😯 وصلت متين
رايان بعد ما سلم عليها وحضنها بشوووق 💙 : من المطار جيت هنا
رينا : ااي واضح من ملابسك
-كان لابس فلايت سويت (بدلة الكابتن ) ومشدودة في جسمو بطريقة مظهرة عضلاته بصورة واضحة 💙.. طلع الكاب ختاه في الكرسي وشعره كان كلو راجع لورا وفي خصلات فوضوية نازلة في وشو مدياه جاذبية 💙 .. قبل على أمه وكانت ملاك قاعدة جنبها وبتقيس ليها في الضغط .. بعدها اتحسست جبينها وخدها .. قالت بصوت هادئ : حرارتها مرتفعة شوية .. خلو بالكم منها ولو لاحظتو أي زيادة في حرارتها نادي الممرضة وهي بتديها خافض للحرارة 😊.. كل شوية اشربي شوية موية وهتاخدي سيروم مغذي بعد نص ساعة عشان تبدي صيام .. استأذنت منهم وطلعت مشت عيادتها .. رأينا سلم على امو طوييل واطمن عليها ورينا فهمته وضعها والكلام القالتو ليها ملاك
رايان : طيب وين الدكتور المتابعها !!
رينا : دكتورة ملاك .. الي كانت هنا قبل شوية 😀
رايان : ودي نفسها الهتعمل العملية 😕
رينا : ايوة 😀
رايان : شكلها ما خلصت جامعة 🤨
رينا : لا أخصائية كمان 😄 بس شكلها بيقول أنها أصغر .. لكن شاطرة ما شاء الله وتعاملها حلو .. دي نفسها الي اتوسطت لينا للطوارئ
رايان : عيادتها وين
رينا : في الجهة التانية من الطابق دا .. بعد الاسانسير بشوية
رايان : اوك .. طلع ومشى على اتجاه عيادتها .. دخل بعد ما عرف انها خلصت مواعيدها وحالياً فاضية .. قعد في الكرسي القدامها وهي كانت مركزة في كم ورقة قدامها .. رفعت رأسها وانتبهت معاه عشان تسمعه ..
رايان : وضعها شنو بالضبط !! وفي حاجة بتخوف بالنسبة للورم دا
ملاك : أبدا 🙂.. أورام ليفية حميدة ومافيها أي خطورة وهتزول بعد الجراحة
رايان : العملية عبارة عن شنو !!
ملاك : هعمل ليها فحص بالمنظار عشان اتأكد وأقدر اعمل العملية .. هنستأصل الأورام بس .. أما لو كانت منتشرة هنستأصل ليها الرحم كله
رايان : العملية هتكون خطيرة بالنسبة لوضعها أو عمرها !!
ملاك : لا خالص .. العملية بسيطة والجراحة هتكون بالمنظار بردو وما هتاخد فترة طويلة أقصاها 4 ساعات لو اتعسرت .. الآثار الجانبية الممكن تحسها تعب وضعف في معظم أجزاء جسمها .. تقلبات في المزاج وغثيان من وقت للتاني ودي أعراض التخدير الطبيعية وبيحسها أي مريض بعد العملية .. هتفضل خمسة أيام في المستشفى وبعدها هتطلع وما عليها شر أن شاء الله .. مااف أي حاجة بتخوف أو بتقلق دعواتكم ليها 😊 ..
رايان بعد ما خلص كلامه وعرف الي عاوز يعرفه طلع من العيادة ومشى على غرفة أمه .. لقاها صاحية وبتتكلم مع رينا : هسا كان حصلت ليه حاجه 🙁
رينا : يا أمي قاعد مع عمته وحبوبته ما بتجيه حاجة
رايان : يزن !!
رينا : ااي .. أمي مصرة امشي اجيبه هنا
رايان : هنا عشان يعمل شنو في المستشفى .. دا غير أنه ممنوع يفضل هنا وقت طويل .. احسن ليه عند حبوبته .. قاطعهم صوت الباب .. دخلت ملاك ومعاها ممرضة وقعدت جنب مريم : حاسة بوجع
مريم هزت ليها راسها بمعنى أي 😢 ..
ملاك : طيب هديك حبة تخفف الوجع وتوقف النزيف .. بس شوية حارة استحمليها .. علينا لرينا ورايان عشان يطلعو برا .. بعد خمسة دقايق جو راجعين ولقو مريم مكشرة من الوجع وملاك بتطبطب ليها على يدها : اغفري لي 😢💔
مريم ابتسمت ليها ابتسامة حنووونة وهي واصلت كلامها .. هركب ليك مغذي عشان يعوض ليك وبعدو هتبدي صيام .. الممرضة مدت ليها كانيولا (فراشة) وبدت تركب ليها فيها
رينا : مش مفروض تركبها ليها الممرضة
ملاك بصوت ضاحك 😂 : أنا بعرف مااف مشكلة ليه يتعب زول تاني 🙂
رينا : لو لسة في ناس زيك الدنيا لسة بخيرها
ملاك اكتفت بإبتسامة لطيفة ^^ وهي بتركب لمريم في السيروم
رينا : انتي نفسها ملاك صبري !! الروائية
ملاك : yup 😀 it's me
رينا : ما غريبة عليك التصرفات دي انا واحدة من الناس مهتمة جدا بكتاباتك .. عندك منطق مختلف وأسلوبك عميق 💙
ملاك : Thanx 💙
رايان كان مستمع صامت بدون ما يشارك في كلامهم .. ملاك خلصت وطلعت طوالي
رايان : طيب انا هرجع البيت لأنه ما مسموح بأكثر من مرافق
مريم : امشي ارتاح يا ولدي وبكرة ما تجي بدري .. استنى مواعيد الزيارة عشان تلحق تاخد راحتك في البيت
سلم عليها وباسها في جبينها وطلع .. ملاك شالت شنطتها ومفاتيح عربيتها وطلعت .. مشت على اتجاه الاسانسير بخطوات سريعة .. وقفت على صوت رجولي بيناديها : ملاك
ملاك : خالد 😐
خالد : ممكن أتكلم معاك في موضوع !!
ملاك : اكيد .. اصلا عاوزاك في نفس الموضوع .. تعال معاي العيادة
خالد : لا هنا كويس .. اصلا مستعجل
ملاك : OK 🤷🏻♀ as you want
خالد : ممكن أفهم انتي ليه عملتي كدا 😒
ملاك : لأنه دا المفروض انه يحصل
خالد : بأي حق سجلتي مريض قبل الوقت المحدد !! بس لأنك صاحبة %60 من المستشفى وأنا %40 عاوزة تمشي كلامك علي 😑
ملاك : حبيبي الي على راسو بطة بتحسسها انت عارف انه النقطة دي بالذات ما فارقة معاي .. انا ما عملت حاجة غير أني صلحت الي انت خربته .. كيف يعني تحدد مواعيد على الطوارئ 😒 !! إسمها طوارئ على أي أساس اذا كانت الناس بتحجز من بدري !! ها !! ما ملاحظ انك في الفترة الأخيرة انشغلت بأشغال تانية !! بحاول تبني مستشفى على حطام واحد تاني مثلا 😒
خالد سكت وما رد عليها
ملاك : وين الحيوية الي كانت فيك 😒!! وين الدكتور الدؤوب الكان جواك 💙.. بقيت مغرور وما هامك بني آدم 😑.. خاف الله لأنه الناس دي الله هيسألك منهم .. القروش أثرت فيك للدرجة دي
خالد : ليه ما تكوني انتي الإتغيرتي 😒
ملاك بضحكة : ابدا 😂😂.. راجع نفسك
خالد : انتي م....... قطع كلامه وركز في الممر قدامه 👀
ملاك : أنا 😕 !!
-ملاك 😍
ملاك اتلفتت على جهة الصوت بسرعة وقالت بصوت ملهوف : سمور 😍.. ما مشيتي
سمر : معقولة امشي من غيرك ..
ملاك : oh sweetheart 💙 .. طيب خالد نكمل يوم تاني وحاول ما تعيدها وركز على تصرفاتك 😉.. ساقت سمر ومشو على جهة الاسانسير وخالد متابعهم بعيونه 👀
***خالد :
زميل ملاك من أيام الثانوية 😃.. أبوه كان في الجيش مع أبوها وعلاقتهم قوية شديد 💙.. قرو الاتنين في نفس الكلية ولحد ما عملو المستشفى دا سوا .. متخصص جراحة مخ واعصاب وعمرو 26 سنة 😍.. زول جنتل كدا وماالي مركزو .😌💙.. بشرته حنطية وعيونه واسعة 😍.. كحيل ورموشو كثيفة 💙.. معضضل وجسمو متناسق 😍.. طوله متوسط وشعره فلات 💙 .. شخصيته حيوية وبحب الظهار وعندو سلسلة مستشفيات
================
ملاك مشت مع سمر ونزلو تحت قعدو في الكراسي البراا .. : ليه ما مشيتي 😕
سمر : نور تقريباً زعلت منك وليث أعتذر انه مشغول 💔.. انا غصون قالت إنه أمها تعبت ومشت ليها في البيت 😔.. ف لغو الموضوع
ملاك : god 😪💔
سمر : ولا يهمك بكرة هترضى ونعيدها مرة تانية 😉
ملاك : طيب يلا لأنه الوقت اتاخر
سمر : ظاهر عليك التعب ☹
ملاك : والله هلكانة وتعبانة شديد 😭😭.. الحمد لله طارق هيرجع بكرة وهشتفل دوام واحد بس المسا .. جيتي بعربيتك
سمر : ايوة الله يعينك حبيبتي تصبحي على خير ❤
ملاك : وانتي من أهل الخير .. قامو على حيلهم وأي واحدة ركبت عربيتها واتحركت .. ملاك وصلت البيت الساعة 12:40 وما كان في زول صاحي غير خديجة بترتب في المطبخ .. طلعت غرفتها بدون إزعاج .. أكدت حمام طويل لحد ما حست بالراحة .. فكت شعرها وعملتو ضفيرتين ولبست شورت قصير ومعاه تشيريت ساتان بدون أكمام .. شالت دفتر كبير ومعاه قلم وتلفونها وقعدت في البلكونة 💙.. بدت تكتب بسرعة لحد ما غفت في مكانها .. صحت على صوت أذان الفجر الأول .. دخلت الحمام اتسوكت واتوضت وغيرت هدومها .. لبست عباية الصلاة وصلت ركعتين وقعدت تقرأ في قرآن لحد وقت الإقامة .. بعدها صلت الصبح ونزلت تحت .. أول ما نزلت لقت فاطمة في وشها : ماشة وين لابسة كدا 😐
ملاك : يا ماما بتحسسيني انك ما حصل شفتيني بطلع بالوقت دا 😑💔.. طالعة اتمشى الرياضة كويسة بالوقت دا
كانت لابسة تايت أسود وهودي تيفاني 💙.. وفاكة شعرها وجايبة جزء منه قدام .. دخلت المطبخ شالت بوتلز فيها موية وقطع فواكة حامضة .. قبل ما تطلع تلفونها رن 📞..ردت بسرعة وبعدها زفرت في بضيق ورجعت غرفتها .. بعددقايق جات نازلة وهي لابسة هدوم تانية وركبت عربيتها وساقت بسرعة جنونية .. وصلت المستشفى في أقل من 10 دقايق .. دخلت المستشفى وهي جارية بسرررعة .. غيرت هدومها ودخلت غرفة العمليات
بعد تلاتة ساعات إنتهت العملية .. ملاك طلعت ووشها مصفر 💔
أهل المريضة أول ما شافوها التفو حوالينها وبدو يسألو فيها .. أخذت نفس طويل وقالت بلهجة ثابتة : ما قدرنا نسعفها .. نزفت شديد ووصلت هنا متأخرة .. كان من المستحيل انها تعيش وعملنا العلينا .. أدعو ليها بالرحمة والثبات عند السؤال لأنها محتاجة دعاكم في الوقت دا
أم المريضة : طيب والولد
ملاك : كانت في الشهر الثامن .. والطفل في المرحلة دي ما بيعيش
علت أصوات النواح والبكاء حوالينها 💔 وهي حالتها كل مرة بتسوء اكتر مشت بخطوات بطيئة وهي منزلة راسها💔 .. حسن بأنها هتخبط في زول قدامها .. رفعت راسها وكان اكتر زول محتاجاه في اللحظة دي 💔.. قالت بصوت مبحوح 😢 : ليث
ليث : ملاك 😕 في حاجة !! جسمك بارد ووشك مصفر
ملاك : ماتت
ليث : منو هي 😕 !! بتتكلمي عن شنو
ملاك حست بدموعها هتنزل 😭.. ختت يدها في عيونها وبدت تاخد في نفس طويل في محاولة منها انها تحبس دموعها 💔.. وملاك بعادتها ما بتحب تبكي قدام زول 💔.. دا جانب مستحيل توريه لزول .. ما قدرت تقاوم دموعها أكتر وبدون مقدمات جرت جاكيت ليث وخبت وشها في صدره وبدت تبكي 😭😭.. ليث كان متفاجئ من تصرفها وما فاهم حاجة 😶.. ربت على ضهرها بهدوء 💙.. بعد لحظات رفعت راسها ولفت بسرعة عشان ليث ما يشوفها 💔.. مشت المغسلة وغسلت وشها كتير عشان تمحي آثار الدموع من عيونها .. كأنها مجرم بيخفي في الأدلة البتدينو 💔.. الوقت كان بدري والمستشفى ما فيه ناس كتيرين .. خصوصاً القسم النسائي .. ما كان فيه غير الممرضين وأهل المتوفية والبقية في غرفهم .. لقت ليث قاعد ومستنيها جنب عايدتها .. قعدت جنبو بدون ما تقول أي كلمة
ليث : حاسة انك احسن
ملاك : Yeah
ليث : طيب فهميني مالك
ملاك : كانت صغيرة عمرها 19 سنة 💔.. اتعرضت لحادث إغتصاب قبل كم شهر .😞.. وبعد فترة اكتشفت أنها حامل 💔 .. أهلها حاولو يقنعوها كتير أنها تنزلو بس هي كانت رافضة ومتمسكة بيه 💙.. كانت بتجيني كتير وبتحكي لي عن وضعها في البيت وحالتها في الجامعة 😞.. في فترة قصيرة بقت قريبة لي شديد 💙 .. مشيت ليها في البيت كتير واقنعت أمها شوية شوية وبدت تتفهم في الوضع لحد ما اقتنعت .. الليلة الصباح اتصلو علي وقال لي لازم اجي ضروري .. وصلت بسرعة وأول ما دخلت غرفة العمليات اتفاجئت من الوضع الي كانت فيه .. حاولت قدر ما أقدر اساعدها لكن قدر الله وما شاء فعل .. يمكن لو جيت ابدر شوية كنت لحقتها 💔
ليث كان واضح في صوته التأثر : انتي ما عندك ذنب 😕.. لو هتفضلي تلومي نفسك على أي حاجة ما هتقدري تعيشي حياة طبيعية
ملاك : انت ليه جيت بدري 🙁
ليث : آخر مرة قفلتي في وشي الخط و ما رجعتي .. اتصلت عليك تلفونك مقفول وقلقت عليك .. اتصلت على البيت وحبوبتك قالت لي طلعتي بدري فمريت عليك قبل ما اطلع الشركة
ملاك كانت بتهز في رجلها بسرعة وبتتنفس بطريقة ما طبيعية
ليث : ملاك انتي كويسة 😕
ملاك : I need water
ليث : لا 😑
ملاك : please 😭💔
ليث : ملاك 😐 انتي وعدتيني انك هتحاولي تتخلي عن العادة دي
ملاك : but I can't 😞
ليث : انتي ما حاولتي اصلا .. هتحسي بالموضوع دا صعب عليك بس بعد كم يوم هتبقى ليك عادي
ملاك شافت ممرضة نازلة تحت .. نادتها ومشت عليها .. همست ليها في اضانها ورجعت قعدت في مكانها
ليث : مصرة 😒
ملاك : حاول تفهمني
ليث : انتي فاهمة نفسك !!
ملاك : لما تعيش الظروف الي انا عشتها بعدين تعال واسألني نفس السؤال
ليث : هه 😒 ظروف !! عن أي ظروف بتتكلمي !! انتي اتولدتي وفي خشمك ملعقة من ماس مش دهب .. عشتي في أوربا نص عمرك وعايشة مع أب مثالي أي حاجة عاوزاها بجيبها ليك .. أي حاجة قبل ما تتمنيها بتلقيها في قدامك .. عاوزة شنو اكتر من كدا
ملاك : انت بتحكم على الناس من الحاجة الشايفها انت 😒!! القروش ما أي حاجة في الدنيا ولا بتعوضنا عن الحاجات الفقدناها .. القروش ما بتعوضنا عن الناس الفقدناهم ولى بتعوضنا عن الحنان المحتاجينه 💔
ليث فهم قصدها وحس انه وصل لمنطقة ما كان لازم يوصلها واتعدى خطوط حساسة في حياتها .. جات الممرضة راجعة وشايلة كيس فيه كمية من القوارير .. ملاك شالت منها الكيس وبدت تشرب فيهم واحدة ورا التانية .. كانو 9 قارورات موية شربتهم كلهم .. ليث كان بعاين ليها باستغراب مخلوط بالاسى 💔 .. بعد ما خلصتهم ختت يدها في خشمها وانفاسها بتتسارع اكتر .. قامت ومشت على جهة المغسلة بسرعة .. استفرغت الموية الشربتها .💔. وشها بقى محمممر وظاهر عليها التعب 💔.. رجعت تاني وقعدت في نفس مكانها .. : ليث انا كويسة امشي على شغلك بعد دا 🙂
ليث : ما همشي اخليك في الحالة دي 😐
ملاك : لا انا كويسة ما تخاف علي .. اصلا عندي مقابلات كتيرة الليلة ويومي مزحوم ☺
ليث : متأكدة !!
ملاك : Yeah ☺ Surely
ليث مشى بعد ما اطمن على ملاك أنها كويسة
ملاك عندها عادة غريبة .. من وهي صغيرة أنها اول ما تزعل بتشرب كمية خيالية من الموية
.. فضلت قاعدة في مكانها وهي منزلة راسها 💔.. غمضت عيونها وبدت تاخد نفس طوييل عشان ترتاح 😪.. رايان جا طالع فوق وكان جاييها عشان يسألها عن أمه .. لاحظ انها ما طبيعية وما حب يزعجها .. مشى على غرفة أمه بدون ما يسألها أو يتكلم معاها
#نهاية_الجزء_الرابع
