Ma Boy

Special part.

Би: "ЁООЁ. КИМ ЁНМИН! ЧИ НАМАЙГ ТАЙВАН БАЙЛГААД ӨГ Л ДӨӨ"

Мингюү: "Ёнмин-а, одоо больё тэгэх үү? Ээж чинь уурлаад байна шдээ"

Ёнмин: "Тэгвэл гадаа гаръя"

Мингюү: "Хоёулаа Дугёмыг хүүхэд асрагчаар авах уу?"

Би: "Өмнөх шигээ л юм болно биз"

Ёнмин бүр зовоож ханахгүй юм аа. Яг галзуурах нь ээ. Дөнгөж таван настай ганцхан хүүхэд байж гэрт бүр тавин хүүхэд цуглуулчихсан юм шиг л байх юм. Аймар том хүүхэд болно, бөх болгоно энэ тэр гээд донгосоод байсан одоо байж байгааг нь хар. Даавууны өөдөс шиг юм.

Ёнмин аавынхаа гараас татаад: "Аав аа, гадаа гаръя л даа"

Мингюү: "Аав нь ядраад байна аа. Хоёулаа өдөржингөө тоглолоо шдээ"

Хөөрхий Мингюү аавынхаа ажилладаг компанид ажилд орсон юм. Ганцхан амралтын өдөртэй. Тэр өдрөө ч аятайхан амарч чадахгүй, Ёнмин гэж дайсны цэрэгтэй зууралдаад л. Би ч яахав Ёнминыг цэцэрлэгт нь эрт өгчихөөд хичээлдээ явж, орой нь авч байгаа. Оюутан ээжийн амьдрал ч хэцүү байна даа. Ядаж төгсчихвөл мэргэжлээрээ орох ажил зөндөө байна. Мингюүгийн цалин хаа очиж гайгүй болохоор бид гуравт бол гайгүй л байгаа. Сургалтын хөтөлбөрийн талыг Мингюү хийгээд талыг нь аав ээж хоёр хийгээд би ч бүр агаар дээр бөмбөрч байна, айн? Бас аав ээжүүд маань сайхан мөнгөө нийлүүлээд, Мингюүгийн анхны цалин дээр нэмэрлэж бид гурав хоёр өрөө байр ч авсан. Залуу гэр бүл гэхэд үүнээс илүү яаж амьдрах юм?

Удахгүй нөгөө хэд чинь ирнэ гэсэн болохоор гэрээ жоохон цэвэрлээд хоол хийж тавилаа. Нэг их удалгүй тэд ч ирсэн юм.

Вонү: "Алив даа, миний хүүхнийг оруул"

Би: "Өө цүдгэр хүүхэн"

Жиү: "За за! Ядаргаатай юм"

Нөгөө хэдийн амьдрал бас л сайхан л байна. Хансул сургуулиа төгсчихөөд Америк руу явсан. Зуныхаа амралтаар энд ирдэг юм. Манай Жиү жирмээ болсон шд. Одоо зургаан сартай. Мөд бас орилоод л төрнө дөө. Жихүн Сүёон хоёр чинь бараг салж сарних дээрээ тулчихаад байж байснаа эргээд нийлчихсэн гангар гунгар гээд явж л байна лээ. Бараг сарын дараа манай хоёрын хурим болно.

Жихүн: "Сайхан хоол үнэртээд байх чинь, айн?"

Би: "Суугаач. Би гоё хоол хийсэн"

Тэр хэд зочны өрөөнд орж суугаад юм ярьж байх хооронд нь би хоолоо аягалаад зөөж байлаа. Ёнмин өрөөний буланд хамаг тоглоомоо асгаж хаяад цэвэрлэсэн гэр нураагаад хаячихав.