AFTER an AFFAIR

Chapter sixteen

Matagal na niyang pinaghahandaan ang posibilidad na iyon. Ngunit ngayon niya napagtantong hindi pa sapat ang paghahanda niya, na hindi pa pala niya kaya.

Maghapong naghintay si Faye sa tawag o text ni Steven. Papagabi na at katatapos lang niyang maghanda ng dinner nang marinig niyang bumukas ang pinto ng unit. It could be Steven, kaya nagmamadaling lumabas siya ng kusina para salubungin ito. Ngunit napatda siya nang makitang hindi lang si Steven ang dumating. He’s with Samantha.

Tila tinadyakan siya sa dibdib ng makitang magkasama ang mga ito. Nugnit sa kabila ng sakit ay ang naramdaman niyang awa nang mapagmasdan si Samantha. Ang laki ng ipinagbago nito, malayong-malyo sa babaeng kinainggitan niya noon.

Malaki ang ibinagsak ng katawan nito. Kapansin-pansin ang pasa nito sa ibaba ng kanang mata nito na hindi naitago ng suot nitong shades. May maliit na sugat rin ito sa labi na walang bahid ng lipstick, at nangingitim. Wala sa ayos ang pagkakatali ng buhok nito. Though she still look beautiful and elegant by the way she move.

Inalalayang makaupo ni Steven si Samantha na medyo hirap sa paglalakad. Lumapit siya sa mga ito ng senyasan siya ng una.

“ Samantha will be staying here for a while.”

=========================

“Hoy! Natulala ka na d’yan.”

Nagising sa saglit na paglutang ng isip niya si Faye nang pagsanggain ni Julie ang balikat nila. Nakakunot noo ang kaibigan—nagtatanong.

“Ano saan ka nakarating?” Napailing si Julie. “Tanghaling tapat pinagnanasaan mo si Kuya. Pwede mamaya ka na mag-wet-day-dream.Tulu—.” natawa na lang si Julie ng batuhin niya ito ng isa sa mga damit na isinusukat nito.

“Bilisan mo na kaya riyang magsukat at nagugutom na ako. Hindi iyong kung ano-ano pa ang napapansin mo. Kanina pa tayo dito, at halos yata lahat na ng display na damit dito naisukat mo na. Pwede pumili ka na kahit ano d’yan, kasi kanina pa nagwewelga ang alaga ko sa tiyan. Pakainin mo na ako.”

Wala siyang pasok kaya naaya siya ni Julie na samahan itong bumili ng isusuot nitong damit para sa dinner date nito at ni Lenard mamaya. Tatlong boutique na ang pinuntahan nila ngunit wala pa ring mapili ang kaibigan.

“E, kasi naman, kanina pa kita tinatanong kung ok na ba ang suot ko, hindi ka naman umiimik.” Iniladlad ng kaibigan ang suot nitong damit. “Ano, bagay ba?”

Hindi na kailangan pang magtanong ni Julie dahil kahit naman yata basahan ang isuot nito ay tila nagiging mamahaling gown kapag suot nito. She’s pretty and graceful.

“Hmm..” sinipat niya ang kaibigan, umiling-iling pa siya habang pabalik-balik ang tingin niya sa mukha nito at suot nitong damit. Nais lang niya pag-tripan ang kaibigan at sa pagkakakunot ng noo nito tila effective. “’Yong moss green na dress na lang kaya ang isuot mo.”

“Masyado namang mababa ang neckline,”sumimangot ito ng sulyapan ang damit na tinutukoy niya.

“Paniguradong kapag iyon ang suot mo hindi na titingin pa sa iba si Lenard.”

“Yeah, right. Dahil mas nakatitig na siya sa cleavage ko.”

“Kunwari ka pa. I know you like the idea,”

“Tse!” namumulang pumasok uli ng fitting room ang kaibigan. Lihim siyang natawa nang hagipin ng kamay nito ang dress na isi-n-uggest niya. And she did purchased the dress.

Nag-ikot-ikot pa silang magkaibigan sa mall. She had fun, at kahit sa maikling oras ay naisantabi niya ang mga alalahanin niya lalo na nitong mga nagdaang araw.