لهفة قلب عاشق

إقتباس (آدم وآريام)

كانت بترد علي مامتها إللي مابطلتش إتصال بيها لدرجة لما وصلت مصر لقيت 1500 ميسد كول كلمتها تطمنها وهى مشغوله بشنطها وبتسمع وصايا والدتها لمحته وبصتله(( أيه ده معقوله ممكن الخيال يوصل بيا للدرجه دي هو نفس الشخص إللي بشوفه في أحلامي هو بكل تفاصيله ايه ده هو كمان بيبصلي كده ليه)) وبعدين شافت بنت حلوة اوى قربت منه واتكلمت معاه وشعرت أنهم قريبين من بعض أوى إحساس غريب حسته إنها تروح تضربه وتضربها إزاى تقرب منه كده وبعدين قالت لنفسها( أيه الهبل إللي بفكر فيه ده معقوله أنا شكلي اتجننت ولا أيه) وبعدين قالت:( بس أنا ليه قلبي دقله أوى كده معقوله من نظره أحس بكده) وبعدين ابتسمت بسخريه علي أفكارها ومشيت في طريقها بعد مابصتله بصه أخيره ومشيت ماتعرفش إن هو كمان عيونه عليها وحس بنفس إحساسها
وقلبه قاله إنها آريام
~٠~٠~٠~٠~٠~٠~٠~٠~٠~٠~٠
ده إقتباس من الفصل الجاي إللي خلاص غموض كتير هيتكشف فيه وخطوط هنمشى وراها آريام إللي نجت من براثن المافيا والقتل بنفس طريقة أختها واللي هتلاقي نفسها متورطه في دايرة انتقام
وهنعرف سر جاسم وفريده!! ومين هو إللي خطف آريام !؟؟وراحت فين وياترى ماريا هى آريام!؟
آدم هيعمل اية في ماريا؟
ياتري حاسم ليه علاقه بالمافيا واللي حصل لبنات سيف؟ وسيف أيه هى خطته وليه أجل انتقامه المده دى كلها!؟
وآدم ناوى يعمل أيه؟
الروايه أحداثها كتير وغموضها كتير بس رومانسيتها هتبقي أكتر وقصة حب جميله أووى هتبدأ وكل واحد من أبطال الروايه هيكون ليه قصه مميزة وكلهم هيدخلوا دايرة الدم
آدم مراد الجارحى وآريام سيف الدين الجارحى
وماريا جاسم الحديدى واسيل زيدان
~٠~٠~٠~٠~٠~٠~٠~٠~٠~٠~٠

#لهفة_قلب_عاشق
#آدم_وآريام
#سعاد_عباده