ထိုလူကြီးလက်ညိုးညွှန်ပြရာ တစ်လျှောက်လုံးကို တမေ့တမောကြီးငေးနေမိသည်။ရေကန်ဆိုတာကလည်း အကြီးကြီးပင်။ရေကန်ပတ်ပတ်လည်မှာ စိုက်ပင်ပျိုးပင်သီးပင်စားပင်စသဖြင့် အပင်တချို့လည်းရှိသေးသည်။
ရေကန်ရဲ့တဖက်ခြမ်းမှာတော့ ပန်းပွင့်လှလှလေးတွေကို အများအစားပင်တွေ့လိုက်ရသည်။ဒါတွေက တကယ်ပဲ အိပ်မက်တွေလား။
"ကဲ မျက်နှာသစ်ချေ"
နေရာစိမ်းမှာကောင်လေးနေသားကျဖို့ အချိန်အတော်ယူရပေဦးမည်။ကြည်လဲ့ကာ စိမ်းမြနေတဲ့ရေရိပ်မှာ ထင်နေတဲ့ကောင်လေးရဲ့ပုံ။လက်ကလေးနဲ့ တို့ထိကြည့်မိတော့ လှိုင်းလေးတွေကြား ပုံရိပ်ငယ်လူးလွန့်သွားတာကို ကြည့်နေမိသည်။
အိန်ဂျယ်ကို တွေ့ချင်တယ်။
မျက်နှာသစ်ရမယ်တဲ့။အတွေးနဲ့အတူ ရေကိုလက်နဲ့ပဲ ခပ်ယူလိုက်ကာ ဖြစ်သလိုသစ်ချလိုက်သည်။ကြေးအထပ်ထပ်နဲ့ အင်္ကျီကိုယောင်ယမ်းကာ သုတ်လိုက်မိသည်ကို ကောင်လေးမသိလိုက်။
"သွားစို့"
အတန်ကြာသွားပြီးတဲ့နောက် အိမ်အကြီးကြီးရှေ့မှာ ရပ်သွားသည်။ထို့နောက် ကောင်လေးဘက်လှည့်လာပြီး သူ့လို ကိုယ်ခန္ဓာအားရုံ့ရုံ့လေးလုပ်ရန် မျက်နှာရိပ်မျက်နှာကဲ ပြလာသည်။
အဆင်ပြေပြီဆိုမှ အိမ်ကြီးထဲကိုဝင်လာခဲ့သည်။ပြောင်လက်နေတဲ့ကြမ်းပြင်ကိုကြည့်နေသော ကောင်လေးရဲ့မျက်လုံးထဲမှာ ကြယ်ကလေးတွေ လင်းနေသယောင်ရှိသည်။
ခေါင်းငုံ့ထားရတာမို့ မျက်လုံးတွေကိုသာ ဘယ်ဘက်ထောင့်ကပ်ကြည့်လိုက် ညာဘက်ထောင့်ကပ်ကြည့်လိုက်လုပ်နေရသည်။ခပ်ဖွဖွခြေသံ တစ်ခုနောက်မှာ သခင်လေး ဟူသော အသံကို ဦးလေးကြီးဆီမှ ကြားလိုက်ရသည်။
တခါက ရှူရှိုက်ဖူးတဲ့ ရနံ့သင်းသင်းကြောင့် ခေါင်းဆတ်ခနဲထောင်ကာ ကြည့်လိုက်မိသည်။ဟင် အိန်ဂျယ်။
![](https://img.wattpad.com/cover/176667584-288-k162134.jpg)
YOU ARE READING
❝အိန်ဂျယ်တွေရဲ့ရာဇဝင်❞
Fanfictionအိန်ဂျယ်တွေမှာ အတောင်ပံပါတယ်။ ခင်ဗျားကအိန်ဂျယ်မဟုတ်ဘူး ခင်ဗျားမှာ အတောင်မှမပါဘဲ။ ဤဇာတ်လမ်းတွင်ပါဝင်သော အကြောင်းအရာ၊အချိန်ကာလတို့သည်စာရေးသူ၏ စိတ်ကူးသက်သက်သာဖြစ်ကြောင်း အသိပေးပါသည်။