❝အိန်ဂျယ်တွေရဲ့ရာဇဝင်❞​

၅

ငါရူး​နေတာ ဖြစ်​ချင်​ဖြစ်​မယ်​
မင်းရူး​နေတာ ဖြစ်​ချင်​ဖြစ်​မယ်​
ဒါမှမဟုတ်​ တ​လောကလုံးရူး​နေကြတာပဲဖြစ်​မယ်​။

"အင်း"

အ​နွေးဓာတ်​ကောင်း​ကောင်းရလို့ထင်​ပါရဲ့ အိပ်​ရာ​လေး​ပေါ်က​ကောင်​လေးက​တော့​ ပုစွန်​ကွေး​လေးပမာ အိပ်​လို့​နေသည်​။

တချက်​တချက်​ ခန္ဓာကိုယ်​လေးတုန်​သွားကာ လီလို ဆိုတဲ့နာမည်​ကို​ခေါ်လိုက်​ အိန်​ဂျယ်​လို့​ခေါ်လိုက်​နဲ့​ပေါ့။ထို​ကောင်​လေးကိုကြည့်​ပြီး သက်​ပြင်းချကာ​ ဆေးလိပ်​ကြမ်းကြီးကိုပဲ ဖွာ​နေလိုက်​သည်​။သခင်​လေးက ဘာလို့ ဒီ​ကောင်​လေးကို စံအိမ်​ထဲသွင်းခိုင်းရတာလဲ။

စိတ်​အစဉ်​က အ​တွေး​တွေထဲ​မျောပါ​နေတာမို့​ ကောင်​လေးနိုးလာတာကိုပင်​ ချက်​ချင်းမသိလိုက်​။​ကောင်​လေးသည်​ ရောက်​ရှိ​နေ​သော​နေရာကို အထပ်​ထပ်​ခေါင်း​လေးလည်​အောင်​ လိုက်​ကြည့်​နေသည်​။

"နိုးပြီလား"

"ဒါက ဘယ်​နေရာလဲ"

"အိပ်​မက်​ဖြူ"

ထိုလူကြီး​ပြော​သော နာမည်​လိုလို ဘာလိုလိုအရာကို​ကောင်​လေးတိုးတိုး​လေး လိုက်​ရေရွတ်​လိုက်​မိသည်​။အိပ်​မက်​ဖြူဆိုတာ ဘယ်​လိုမျိုးလဲ။​ကောင်​လေးအခု​ရောက်​နေတာ အိပ်​မက်​လို့​ပြောချင်​တာလား။

ဒါဆိုရင်​တော့ ဒီအိပ်​မက်​ထဲမှာပဲ အမြဲတမ်း​နေသွားချင်​မိသည်​။​နေပါဦး အိန်​ဂျယ်​မှမရှိတာပဲ။​ကောင်​လေး ငိုင်​ကျသွားသည်​။အိန်​ဂျယ်​ဘယ်​မှာလဲ။

"လာ မျက်​နှာသစ်​ပြီးရင်​ သခင်​လေးဆီသွားရမယ်​"

သခင်​လေးဆိုတာ ဘယ်​သူလဲလို့​တောင်​ မေးခွင့်​မရလိုက်​။ဆွဲ​ခေါ်သွားရာ​နောက်​ကို​ပါသွားကာ​ ရေကန်​ကြီးတစ်​ခုနားရှိ အခန်းငယ်​များတွဲလျက်​ရှိ​သော အ​ဆောက်​အဦး​ရှေ့တွင်​ရပ်​လိုက်​သည်​။

"ဒီမှာ မျက်​နှာသစ်​ရမယ်​ ရေချိုးလို့လည်းရတယ်​ ဟိုမှာ​တွေ့လား အဲ့ဒါ အိမ်​သာ အ​ပေါ့အပါးသွားချင်​ရင်​ပေါ့"