School 26 University

08- Let's Get This Party Started

[Jane's POV]

Natawa nalang ako nung biglang ngumisi ang mukha ni Erika, matapos naming pahigain si Yin ay agad-agad na din akong tumulong para mabilis naming matapos ang lahat

Bigla nading dumating ang grupo nila Katrina, at paramg pagod na pagod sila sa paglalakad, hinayaan nalang namin sila, total konti nalang din ang aayusin namin

Bigla akong nilapitan ni Katrina at kinalabit niya ako

"Jane, may mga maitutulong pa ba kami? Sorry pala kung na-late kami" Sabay sabi ni Katrina

"Ay, wala na, di na kailangan, patapos narin kami atsaka pagod na pagod kayo kaya alangan naman pagtrabahuin pa namin kayo" Sabi ko habang nakangiti

"Ay, sige, salamat nalang" Sabi ni Katrina at umalis na ito

Matapos ang 15 minutes pa na paghahanda ay bigla nalang pumalakpak at sumigaw si James

"Woohoo! Salamat tapos na sa wakas!" Sabay itong pumalakpak, at bigla narin namin itong sinabayan

Matapos niyan ay tinignan ko lahat ng tao sa paligid at napansin ko na wala si Bea at Chris

"Guys sinong nakakita kanila Bea at Chris?" Tanong ko habang nakunot ang noo ko

"Hindi nalang daw makakapunta si Bea, mas pipiliin nalang daw niyang mag-stay sa---" Naputol ang sinabi ni Anthon nang biglang pumasok si Bea sa cafeteria

Hingal na hingal si Bea nang pagkapasok niya, at agad nitong nilock ang pintuan ng cafeteria

Nagulat kaming lahat sa nangyari at agad-agad itong tinanong ni Carly

"Anong nangyari? Bakit pagod na pagod ka?" Tanong ni Carly ng seryoso kay Bea

"Si.. si. Ang killer" Sagot nito habang patuloy parin ang lalim nang paghinga niya, nakikita namin sa mukha ni Bea na kinakabahan talaga ito at parang may masamang nangyari

"Ano? Sinong killer? Nasaan si Chris?!" Tanong ulit ni Carly sa kanya

"Wala na si Chris, patay na din siya, nakita ko siya sa chemistry lab kanina nakadapa at tinakpan ng, ng panyo ang kanyang ulo" Mapabuntong hiningang sinabi ni Bea

"O, tapos yung killer? Ano ba talagang nangyayari dito?" Carly

"Pagkasilip ko sa chemistry lab, may narinig akong yapak sa bandang kaliwa ko, at tinignan ko ito, nagulat ako, may hawak itong itak at agad agad siyang lumapit sa akin, kaya tumakbo ako dito kasi alam kong andito kayong lahat" Sabi niya na halos mawalan na nang hininga

"Sino ang killer? Bakit niya ginagawa ito?!" Tanong ulit ni Carly

Napasabunot nalang bigla si Bea sa  kanyang sarili at sinabing

"Hindi ko alam, pero sabi niya bago siya lumapit na iisa-isahin daw niya tayo dito" Sinabi ni Bea na halos maiyak

Inabutan ito ng tubig ni Carly at naganunsiyo

"Guys! Alam kong gusto niyong magparty, pero kailangan nating ikansela ito" Anunsiyo agad ni Carly

"Sayang naman ang hirap ko pa namang inayos tong mga to" Sabi naman ni James

"Kung gusto mong magparty, magparty ka mag-isa mo! Total sarili mo lang din iniisip mo, nanganganib na nga ang buhay natin magagawa mo pang magparty?!" Pasigaw kong sinabi kay James

"My god James, anong pumasok sa isip mo at nagkaroon ka pa ng ganang sabihin yan" Sabi naman ni Carly

Hindi nalang umimik si James at bigla itong lumabas na cafeteria, nilock agad ni Bea ang pinto matapos lumabas ni James