Sa buong buhay ko, tanging inaasam ko lamang ay ang pangarap ko.
Malaki ang pasasalamat ko sa Diyos dahil tinulungan Niya akong makamit iyon. Kahit na napakarami at napakahirap ng pinagdaanan ko para makamit iyon, ginabayan Niya pa rin ako at pinatatag ang loob ko.
Ngayong tumatanda na ako, ginagampanan at tinotoo ang pangarap na matagal ko nang hinihintay. Pinili kong mag isa. Sinabi ko sa sarili ko na hanggang sa huli kong hininga ay mabubuhay ako nang mag isa. Malungkot ba? Pwes sa akin ay hindi. Dahil sa desisyong pinili ko sa buhay, hindi ako nagsisi. Ang dami nitong itinuro sa akin na tanging ang sarili ko lamang ang nakakaalaam.
Pero napagtantuan kong mahihirapan ako habang inaabot ang pangarap kong iyon. Nangusap sa akin ang puso ko. Ang sabi niya ay nalulungkot siya at gusto niyang umiyak. Tinanong ko ang dahilan at ang sagot na nakuha ko ay,
"May nawawala."
Tinanong ko ang sarili ko kung may nawawala sa akin pero wala akong natanggap na sagot, gan'on din sa kalooban ko. Matagal ko nang kilala ang pagkatao ko at matalik kong kaibigan ang sarili ko.
Nakakapagtaka lang talaga dahil ngayon lang nagkaganito ang puso ko. Ano ba ang solusyon para sa problema niya?
Ano ba ang nawawala? Saan ko mahahanap 'yon?
🎬
Featured song: Fine on the Outside by Pricilla Ahn
YOU ARE READING
Huling Hiraya
General Fiction( D R A F T ) Ang sabi nga, ang edad na trenta ay mahuhuli na sa biyahe. At ngayong tumatanda na si Direk, ano na nga ba ang balak niya sa buhay? Isang mahusay na direktor si Skyler Marie Barbosa o mas kilalang 'Direk Kyler'. Malimit siyang pangaral...