جسارة الإنتقام كاملة

١٨

مهانش عليا أنام من غير ما أنشر اللي كتبته ❤️❤️

مهم قبل القراية

الناس اللي كانت بتسأل عن التهتك في الرحم، ده عبارة عن حاجة بتحصل في الولادة، بتكون زي انفجار وجرح في الرحم بسبب انقباضات وتشنجات من الطلق وبالذات للستات اللي ولدت قبل كده وبتيجي مكان جروح في الرحم من الولادة الاولى..

ازاي ده ممكن يحصل لبنت انا هاقولكم بس بعد ما طلعت عيني وانا بدور في الموضوع ده بقالي اسبوعين

ده ممكن يحصل لبنت الرحم عندها ضعيف وبسبب عنف في الممارسة وبالذات الاعتداءات والاغتصابات

أنا لقيت ده كمان موجود في تقارير طب شرعي لحالات اغتصاب

الرحم في الحالة دي يا بيسيطروا على التمزق وبياخد وقت في العلاج ولازم نقل دم وسيطرة على الجرح نفسه يا اما بيضطروا يشيلوا الرحم نفسه عشان الحالة متفضلش تنزف وتتعرض للموت وغالباً بيكون في حالات ولادة صعبة لكن الموضوع في البنات مختلف..

يارب البارت يعجبكم ومعادنا الأربع
ومن غير ما تقولوا أكيد لو كتبت حاجة بكرة هنشرهالكم 😘❤️

 - الفصل الثامن عشر - 

غابت الكلمات عنها من اثر الصدمة وهي تنظر إلي اخيها لبرهة ثم رمقته بمزيد من عدم التصديق لتصرخ به:

- انت مش ممكن تكون بني آدم.. ازاي تعمل فيها كده؟ ليه يا جاسر عشان ايه كل ده؟

 تهاوت دموعها ثم صاحت به في حرقة: 

- ليه تعمل كده؟ عشان ايه؟ عشان خاطر كدبـ..

 وما إن كادت تخبره حتى قاطعها "معتز" مسرعًا:

- نور خلاص اهدي.. هي كلها شوية وهتكون كويسة.. الوقت كمان أتأخر ولازم تروحي وتبقي تعالي الصبح 

حاول أن يوقفها عن ما بدأت به ولكنها صرخت به من جديد:

- أنت مش إنسان.. لو حتى حيوان مش هيعمل فيها كده، أنا بكرهك يا جاسر.. نور بالنسبالك ماتت خلاص، لا أنت أخويا ولا أعرفك من النهاردة! متشرفش أكون أخت لواحد زيك

صُدم "جاسر" مما وقع على مسامعه ولكنه استطاع البقاء على هدوءه وجذب "معتز" ذراعها برفق وتوجه معها حتى ابتعدا عن أعينه وضغط زر المصعد حتى آتى وأصبحا بداخله وما إن انغلق بابه احتضنها لتنفجر هي باكية بين ذراعيه..

همس لها وهو يقبل جبينها:

- علشان خاطري متعيطيش..

صاحت بين شهقاتها المتتابعة وهو يربت على ظهرها في حنان: