جسارة الإنتقام كاملة

١٠

تاني بارت اهو النهاردة ١٧/١٢/٢٠١٨ الساعة ٤
ولا كلمة! 👿👿👿

مفيش بارتات تاني خلاص شطبت

⬢ ⬢ ⬢ ⬢ ⬢ ⬢

- الفصل العاشر - 

التفت رامقًا اياها بنظرة جانبية رافعًا احدى حاجباه مما اكسب ملامحه شراسة ثم هدر بصوته العميق:

- تسوقي.. تسوقي ايه؟ انجري قدامي على العربية بدل ما ابهدلـ..

قاطعته بصرامة وألقت بكلماتها الغاضبة عليه بمنتهى الجرأة ولم تعطي له الفرصة لإكمال حديثه: 

- بص بقا أنا قرفت منك ومن أسلوب تهديدك ده اللي ولا بياكل معايا! مش سيرين اللي تتهدد! وبعدين أنت اللي جي برجليك لغاية عندي ولسه تلت أيام والاسبوع يخلص.. مش هتفرض عليا حاجة، سيبني اعمل اللي عاوزاه واعقل كده وبطل شغل الأطفال ده، ولو على الصور الزفت اللي عاوزني اخدها معاك ابقا اتنيل بليل وتعالى ونبقا نتزفت نتصور..

عاوز فستان و make up وشغل النسوان الهايفة ده ماشي، قولتلك هاتصور عشان اخلص من زنك.. لكن أكتر من كده وملكش حاجة عندي.. وبعدين فارق معاك اوي حد يشوفني ماشية مع رجالة ولا لأ ولسه محدش يعرف اننا متجوزين، انت اهبل يا ابني؟ بس برضو ماشي عاوز تيجي اتفضل وانا معنديش حاجة اخبيها؛ مش سيرين منصور اللي تستخبى ولا تعمل حاجة في الضلمة..

فكفاياك قرف فيا بقا وارضى بحياتي زي ما اتزفت ورضيت بحياتك الوسخة اللي شوفتها من اول كام ساعة في بيتك..
ويا تهدي اللعب كده يا جاسر بيه يا هنفضل نطلع في روح بعض وزي ما قولتلك قبل كده.. يا قاتل يا مقتول!

دلفت سيارتها وهي تتنهد في راحة أن انتهت من احدى المعارك الكلامية معه ثم  تمتمت وأشعلت محرك السيارة:

- آف.. يا ساتر! مش معقول البني آدم ده.. طلعلي منين بس!

 كادت أن تتحرك بالسيارة لتجده يُمسك بحاسوبه دالفا بجانبها على المقعد المقابل لمقعد السائق تحت أنظارها المندهشة وهو يتحدث عبر هاتفه:

- وحياة أمي لأطربقها فوق دماغهم وأقفلهم الجرنال اللي فرحانينلي بيه واشردهم.. المحاجر هتشتغل النهاردة.. خليك بس وراهم.. المحامي قالك كده؟.. طيب ماشي.. لا مش جاي.. هابقا اكلمك تاني.. سلام

 رمقها بفيروزيتيه الباردتين ثم حدثها في تهكم قائلًا:

- سوقي يا حيلة ابوكي.. 

نظرت له بجرأة وهي تحاول أن تتحكم في غضبها فلجأت لبعض الأغاني ثم أنطلقت لتلحق بـ "مراد" حتى لا تتأخر أكثر من هذا..

⬢ ⬢ ⬢ ⬢ ⬢ ⬢

دنت على مقربة منه عندما وجدته لا يزال مستيقظًا ثم تحدثت بإبتسامة سائلة: