كان صديقي

كان صديقي البارت الثاني

كان صديقي
اسفه جنت مريضه اعذروني
الجزء الثاني

اريدها ممكن؟؟
محتاج ورقة وماعندي لان مو طالب ..!
بس قلم اذا تسمحين..
اها عادي مااحتاجها اني وهسه اجيبلك قلم من الجنطة..
لا ميصير اتعبج اني اجي وياج اخذه..

قبل لا ارفض اجه وراي..
فتحت المحفظه اريد انطي قلم جاف كال لا اريد رصاص..
اني ماستخدم بس مكانيكي وهالقلم كلش عزيز عليه..
صارلي عندي من ماول مادخلت كلية..
جنت جاي اجهز للكليه ولان فلوسنا محدودة ..
يعني نشتري قليل ..
من ردت اشتري قرطاسيه شفته وكلش عجبني سالت عنه كال الولد بعشرة..
اني كمزت.. بقلبي شنو قابل يكتب لوحده لو ميغلط..
بس عجبني كلش لان جان ماروني وبي خطوط رصاصي..
وشكله كلش نازك وسلايته رفيعه وخطه حلو..

امي كالت اخذي مدام عجبج وصرتي كلية حلو تستخدمي احسن من الرصاص ..
هذا لطش كال انطيني رصاص ..
كتله ماعندي..
لعد هذا شنو واشر ع قلم ..
ها اي ميكانيكي..
اي بعد احسن احب خطه..
اوكي تفضل..
مشكورة شويه وارجعه..

اخذه ورجع للكرسي وبيده الاسئلة يكتب بظهرها..
وهذا اليمه نظراته تريد تاكلني شكد شكله ماصخ وفاهي..
رغم شكله اجمل مايكون..
جان ابيض بياض اجنبي عبالك مو عربي بسرته ترفه جنه طفل..
لون عيونه ازرق صافي..
شعري خفيف اشقر ..وملامحه ناعمه ..
طوله مرتب جسمه تارس شويه يعني حلو لا ضعيف ولا سمين..
جان لابس جينز ازرق وقميص سمائي وجوزي نصين..
انتقدت لبسه بوقتها شكله ماعنده ذوق..

التفتت ع صوت البنات وهم يحشون بيهم ..
لج مروة اني انضغطت منهم احلى منيييي..
كالت امل،.سكتي سالي حسيت روحي رجال من شفتهم..
جاوبتها ولاء اصلا ماتجرأ واباوعلهم..
دشوفي جنهم ايس كريم..
مو اني جني شلغم..
بين الكلام والشقه اجه الخط ردنا نكوم اباوع!!!
لا يااا هذا ماكو والقلم...
اف هسه شبيك فكر حتى قلم ماعندك..

رجعت للبيت تغديت ونمت للمغرب كعدت..
سويت العشا اني واية..
ليلى جاي تتعلم خياطة فاتحين دورة مجانية..
وتروح تتعلم تكول افيد امي..
كملنا وصبينا الاكل اكرم بالمنطقة وي جماعته خابرناه كال ماريد..
صحت ع هشام نزل ..
جوعان شمسوين..؟
بتيته وطماطه وجاي..
اووووو هم بتيته مو روحنا طكت شنو قحط لازكين بس بيها..
جاوبته امي..

يمه كول الحمدلله اني منين اجيب ابوك ..
ااذا اخوك حتى مايذكرنا بفلس لو يكول امي محتاجه شي..
هسه فلس مرايده خل يسال عني لو يكول ميته عدلة..
وانت تنطيني ٢٥ بالشهر وراتبك حتى متقبل تكول شكد..
واكرم مسكين ماعنده شغله يوميه بمكان..
هسه هل يشتغل بهالمحل مال الجبب بالسوك صانع..
وشياخذ قابل ملايين هي تفاليس..
يلا يطلع منهن مصرف جيب ..لبس حاله حال شباب البعمره..

اي فهمنا يمه فهمنا..هسه ال٢٥ الانطي وين تودي..
ههه يمه اذا مان علينا بي اخذه..
وين اودي ؟؟اخلي عليه ٥ وانطي لابو المولد..
اذا تريد لا تنطي مو مشكله الا نفتح لاله من تطفى الكهرباء عود..مو الا نسحب..