كان صديقي

كان صديقي
الجزء الثلاثون

شمدريج ؟؟وشبي؟
سولفلي مصطفى كال مستهدفي وهو راجع للبيت
محاصري ع الطريق الخارجي خمس سيارات وصايرة مواجهة بينهم
وضاربي طلقة بايدة وبفخذة وببطنه وضل شكد حالته خطرة الى ان استقر
واصابة فخذة كلش مأثرة ع مشيته وحركته وراح للبنان حتى يتعالج
عزااا ومنو سوا بي هيجي؟؟؟ماعرفو!
الصراحة مصطفى كال قيس ورا السالفة لان صايره بينهم مشاكل
واعتقد ع سالفة الثوب هيج مسوي بي...
ضربت خدي ولج شتكولين معقوله؟؟هيج قيس يسوي؟

شوفي مروة ترى بغض النظر عن قيس والي صار بس من توصل السالفة للعرض
لا معذور شمايسوي..ترى واحد غيره يخبلج بالشك ويعذبج لان جنتي بعلاقة ويا
بس هو لان يحبج وواثق بيج حاول ينسى كلشي وطلعتله سالفة الثوب
يعني شتتوقعين يتصرف ؟؟ترى الرجال غيرته مو مثل المرة
يعني يحاجي الي جان يحبج وتحبي يكله ثوب مرتك عندي ويدزله صورته
ويكعد يحجيله عن جسمج شلون متريدي يتخبل ؟؟
واحد غيره يطبككم انت وجراح ويصب فوگاكم نفط ويحرگكم..
ترى الشرف غالي مروة بس انت عنده اغلى لهذا تصرف بعقل وحاجاج وافتهم منج والاكبر من هذا صدكج
اني اختج واحبج وتهمني مصلحتج واكلج بكل الاحوال قيس يموت عليج
جراح جان يحبج صح بس لا صارحج ولا افتهم منج رغم انت شريفه ويا وايدج مالزمها
بس ماخله الثقة كدام عينه وصدك من اول شي ...

اوووف ليلى هالاثنين دمرو حياتي ساعة السودة بيوم الجعت ورحت للهندسة
لو راجعه هنا وماكلة خبز وجاي ولا البلوة الثارتلي من ورا اللفة....
اي سميها لفة غيرت حياتي...
ههههه يلة الحمدلله ع كل حال..
هسه اخابر مصطفى اعرف منه قيس وين رايح بس ماخلي يحس انت كتيلي...
اوكي يلا..

خابرت ليلى خطيبها مصطفى وكال رايح لاوكرانيا!!
ع اساس شغل
بس هو لوتي ماحجه كلشي بس كال رايح لاوكرانيا وسكت كانه يريد يقلقني اكثر..
مر الوقت ولليل يلا خابرو كالو مرت هشام جابت وشويه ويجون..
نص الليل كلش يلا اجو ..
باركنا لهشام وشفنا البنوته تخبل دنفوشه كلش وعيونها مسدوده من السمن
صبينالهم اكل اية سسوتلهم اية تشريب لحم
اكلو ونامو
واحنا بقينا يم الطفلة

مرت كم يوم وقيس مااتصل ابد ولا حجه
خلص الاسبوع والاسبوعين خلصن وهو ماكو ابد ولا اتصال
بيوم الصبح كاعدين نتريك واندك الباب طلعت امي ورا شويه دخلت ووياها قيس
سلم عليهم وباوعلي شفت نظره عيونه بيها لهفه عجيبه
مثل نظره الطفل من تروح امه مكان ويريد يستعطفا بنظرته حتى تاخذه وياهل
نظرة بريئة وصادقة كلللش...
تقرب مني سلم عليه و باسني براسي امي والبنات طلعو بقينا وحدنا
ضل يسال عني وعن الطفل كتله زينين بس اسلوبه جاف جان رغم لهفته وشوقه فاضحه
بس ابد ماعبرلي عنهم وانت سكتت كالعادة..

كال روحي حضري اغراضج واني طالع اجيب الهدايا من السيارة
رحت اني والبنات حضرت جنطتي واجه هو صاح على امي والبنات
جايب لأمي محبس فضة وبي شذر اسود كلش مرتب وامبين غالي
لآية فستان حفلة قصير زيتوني بس يكطع
وليلى جايبلها هم فستان ابيض كللها هذا مالت عرس تكدرين تلبسين بدلة وبعدين فستان اذا عاجبج
او تخلي للسبعة
بس ليلى من شافته كلتله اصلا لا ااجر ولا اشتري هذا الفستان هسه يصفن بنات البصرة
لان حورية وشغله فخم كلش هواي تشكرت منه ليلى كلتله كلفت نفسك
كلها مو كلش غالي عدهم هالامور اسعارها مناسبة وحتى وان غالي تستاهلين انت اختي
واخواني جايبلهم ملابس هم وحتى لبنت هشام ومرته جايب استغربت شمدري تالي كلت ماكو شي ينضم...