كان صديقي

كان صديقي
الجزء الاخير
...
.............................................
مروة..
كمتله..شبيك حبيبي وجهك مو ع بعضه..
جر ايدي باسها ..كال..
مبروك ياروحي انت حامل..
اني ضحكت كتله فرحاااانه حيجي لوجد اخو او اخت..
بس انت ليش ضايج..
ماضايج بس افكر شلون تولدين وانت عندج خفقان..
الحمل والولادة متعبة الج وشكد مامتمني هالطفل بس ضجت من عرفت..
اووووه قيس ليش تخرب فرحتنا..
اني وياك قلبي قوي ومااموت لتخاف ع قلبك اكعد ..
ههههه هو انت كاعد بنص قلبي ومتربعة وحتى ورجليج طويلة وطالعات برا ...
هههههه فديت دمك ياعمري..
هو يباوعلي ويغمز..
اخذني للدكتور ..كال الحمل بي نسبة خطورة بس مو موت..
يعني يرادلة مراعاة وماكو ضغط مطلقاً..ولا قهر ولا بجي زايد..
حاجيت قيس وحاولت اطمنه لان الخوف بعيونه واضح كلش..
بشرناهم من رجعنا وعمو كلش تونس وخالتي ابد مباركتلي..
قيس كلها ..
حجيه ع الاقل باركي كولي الله يكوج بالسلامة...
معقولة لهالدرجة كارهتها..
كالت..لا اني مااكرهها بس هي ملسونة وترادد ودومها تحجي عليه..
كلها عمي..
مروة من دخلت لليوم ماشفت صوتها على عليج ولا غثتج..
والسويتي بيها لو وحدة غيرها جان صارت فصول..بس البنية متربية وعاقلة..
الظاهر عمو يعرف بسوالفها..

رحت لبيتنا اني وقيس..
واجت ليلى ومصطفى ..
وحاجينا اكرم وكناله نروح نخطبها الك واذا رفضوها ندز ناس خيرة..
ومصطفى وقيس كالو نجيب ناس كبار وقيس كال ناخذ ابوي..
ومصطفى كذلك..
واذا ماقبلو نخطبها من شيخ العشيرة مالتهم..
اتفقو امي وليلى يروحون لاهل البنية اسمها مها..
راحو وكالت امها نسال الزلم ونشوف..
ورا اسبوع يلا ردو ومموافقين..
قروو الولد ياخذون مشية زلم الهم..وخطيب اية من سمع هم كال اجي..
راحو تقريبا عشرين واحد ..رتب وشيخ وسيد وناس واصلة..
كالو ابن عمها يريدها وهو اولى من الغريب..
كلولة البنية قابلة لو لا؟؟؟
اي البنية اكيد تقبل بابن عمها سترها وغطاها..
انطوهم محاضرة ع الزواج الغصب ويعتبر حرام هالشي لان الشرط القبول بالزواج..
من بعد كلام الخيرين ..الناس وافقو..
بس شرطهم تتزوج بلا عرس ..مجرد عقد وياخذوها ..لان هي ارملة وسبق وعرست قبل شتكول الناس عليها ..كل يوم تعرس..
وزوجها مو غريب هذا ابن عمها وحزنهم عليه مينتهي ومن هالكلام الماله كل صحة وكله نفاق...

ورا فترة قليلة اكرم حضر كلشي وجهز وعقد عليها وجابها للبيت..
وبلا علم اهلها لبست بدلة وسوينالهم حفلة بيناتنا وااخذو صور..
فرحت كلش من شافتنا مسوين حفلة وكيكة مرتبة وحنة هم بيها ..
البنيه امبينه هادئة ومتواضعه...هي مهندسة وتشتغل بشركة بس اكرم كلها تبطلين..
وهي هم ضايجة من الشغل الظاهر جانت مغصوبة عليه...
خلال هالفترة الحمدلله وضعي زين ما اتعب كلش..
لان وجد اغلب الوقت يم اجداده متخبلين ع سوالفه لان لوتي عكس ماجان هادىء عد اهلي وفقير..
يم اجداده خبلهم بسوالفه..
ولسانه طويل..
وميكلي ماما يكلي مروة بيبته تكله كلي ماما وهم يصيحها باسمها من يسمع عمي يصيحها..