كان صديقي
الجزء السادس والاربعونصحيت ع ضرب اية ع خدودي واباوع نفسي ناكعة ماي ذابي بوجي حتى اكعد..
اباوع بس اية يمي تبجي ووجد يبجي يمها..
احس الم بصدري ونفسي ضيق ..واريد انطق لساني ثكيل مااكدر احجي..
ايدي اليسرى احسها خشبة بس اشرت لوجد اجى بحضني وهي تكول الحمدلله من رجعتي مابيج شي..
بس البيت هادىء ومحد لا امي لا امين وين راحو..
اشرتلها ع امي وين..؟كالت تخربطت واخذها امين للمستشفى..
بقيت الطم خدي بيدي وابجي ووجد ضل يعيط بحضني ويلزم بيدي سكتت لخاطره لان اخترع..
كالت اية اني خابرت اكرم يروحلهم للمستشفى وليلى هم حتجي تاخذج يمها..
ردت افهم منها شنو صار ودخل امين عليه هيج لان جنت نايمه..
كالت ..اهل الشايب ابو المصايب جايين ويكولون نحلها بيناتنا لان باجر محكمته ويخافون عليه ينحكم
لام كل الادلة ضده ..ومن سامع امين بالقصة وهو ميدري متخبل واجه هنا ويعيط كدام امي وتخربطت عافها ودخل عليج ..واني التهيت بيها وانوب وكعتي امي فقدت و راح امين يركض بيها للسيارة واني احتاريت بيج..
جانت اية تسولف واني دموعي تصب..عفاج من عيون شكد تبجين ماشبعتي؟؟؟بقت اية تدلك بيدي لان تشنجت واني نطقت الكلام بصعوبه الحروف تطلع مبلوعه بس احسن من اول ماكعدت..
اندك الباب راحت اية اجت ليلى تركض شبكتني كالت لتخافين كومي ويانا..
كتلها مااطلع الا اتطمن على امي..
امي بخير لتخافين كومي ذولة ياذوج مو اخوااان ذولة عدوااان كووومي يلاا... لبسوني العباية والحجاب وحضرولي ملابس اني ووجد وطلعنا مصطفى ينتظرنا برا..
بقت بس اية لوحدها انقهرت عليها هالبنية ابتلت بيه وبمشاكلي...
شافني مصطفى كال الحمدلله ع السلامه..لتخافين اني الشغلة يمي اعتبريها محلولة ..
هسه اوصلكم بالبيت واطلع للمستشفى افهم الولد لتقلقين ولتفكرين..
وصلنا للبيت وراح..نزلتني ليلى ولزمت وجد بيدي وهي شايلة ابنها ودخلنا ..
تمددت وهي جابت دهن وتدلك بيدي شوي حسيتها لانت ..
ووجد يحاجي ابنها ويسويله حركات التهى ويا لان خلصها بجي سودة عليه..اذن الاذان وصلينا وكعدنا نسولف..اني بعز المشكلة وافكر بقيس وسؤال بداخلي يحوس..
سالتها..ليلى شخبار قيس؟؟
زينة اخباره الحمدلله ..
اهاا يعني زينه من جميع النواحي؟
اي زينه شنو شبي؟؟
يعني ماكو شي منا منا؟؟
مثل ايش يعني؟؟؟
يعني بعده متعارك ويريد ينفصل؟؟
اوو ايي انفصل عنها تفركش كلشيي..
يومه هي كالت هيج..
اني كمزت عليها وابوس بيها وجد اجه يركض ملزم بيه
واني المرض كله طار ماعرف وين راح
لساني جنت كوة انطق بقيت احجي عدل وكلامي واضح..
انوب من الفرح قلبي يدك وهو منا يدك حيل
احسه يكمز من صدري..
دفعتني كالت موتيني امداج..
ولج فرحاااانه فرحانه ..هس ه لو امين يجي يهد عليه بمدفع ماهتم
اخ فديته ولج واخيرا اكدر ارجعه الي وتذكرت اخاف بطل يحبني برطمت كتلها
بس يمكن بعد ميحبني ويلكى وحده جديده ونساني..
ضحكت ليلى وغمزتلي
اخيتج موجوده نرجعه وهو الممنون ..
اييي فديتج هسه انت اختي والا انطيج الباجة مالت الذبيحة..
غمتني وراحت..
أنت تقرأ
كان صديقي
Mystery / Thrillerاية ولج اية روحي شوفيمنو بالباب.. اي اجت البنكلادش اية صار صار.. ولي ام لسان بسرعة.. ماما ولد بالباب يكول نريد الطرشي مالت ام مهند.. اي هاي المرة اول مرة تشتري مني جديدة.. همزين طلبها كامل.. تعاي نتكابل اني وياج حتى نطلع السطل ثكيل شوي.. مابيه يمه ث...