وسمعنا صوت الباب اسكر بالقوه
ماما "اهو شكله سمعك وطلع تريحتي
عيب الي اديري فيه مش هكي مربيتك مهما كان خلاف الي بينك وبينه
انا " ماما انتي مش فاهمه حاجه وماكملتش كلامي وطحت دخــت
ماما " ندي ردي عليا
وصبت جابت عطر وقعدت تنوض فيا
ماما" ندي معايا انتي
انا " فتحت عيوني
ماما " انتي كويسه
انا " كويسه مافيا شي
ماما " نكلم عمر ونمشو للمستشفى
انا " ماما دبالك تكلمي حد تعبانه بس لاني مانكلش كويس بس
ماما" تو نصبي نديرلك وكال وتاكلي غصبن عنك
انا" باه
طلعت ماما وقعدت نفكر زعمك صاح انا حامل
رنيــت هدي
هدي " طمنيني عليك
انا " هدي تعاليلي بعدين ضروري
هدي " جايه بدون ماتقولي
انا " نبي نطلب من طلب ممكن
هدي " اطلبي من عيوني
انا " جيبلي اختبار حمل امعاك
هدي" حامل قصدك
انا " شاكه
هدي" لوووووووووووللي
انا " وطي صوتك ومانبيش حد نعرف
هدي دبالك راه والله معش نحكي معاك
هدي " خلاص حاضـر تو نصرف
انا" تمام نستنا فيك
سكرت منها حطيت راسي علي المخده ورقدت
عمـر " محمد اسئل هدي اكيد تعرف
شن الي قلبها فجاءه نبي نفهم
محمد " وسع بالك انت كنك وطي صوتك قاعدين في المستشفى راه
عمر" خبط الكرسي بكراعه
محمد ماتقوليش وسع بالك نبي نفهم انا شن الي قلبها فجاءه حطيتها في الصبح جوها تمام شن الي صار نبي نفهم ازح
محمد " مشيت حكيت معاها
عمر " ماتبيش تشوفني
محمد " خلاص يصير خير توا ندوي مع هدي تفهم منها
عمر " انا طالع
محمد " اطلع توا انا نمسك شغلك
عمر" سلام
طلعت وروحت للحوش دغري اول ماخشيت لقيت امي في الجنان
عمتي" وين مراتك
عمر" عند هلها
عمتي " وليش ماشيه ومسيبتك بلا غذاء
عمر" امي كنك كبرتي الموضوع
عمتي " خلاص سكتت اصلا كان ندوي كلمه تركبوا فيا
عمر" راكب فوق
عمتي " خليك تغذاء معانا
عمر " مانبيش
عمتي " تعال راه تكونوا متعاركين
عمر" مافيش منها الدوه هذي
ركبت فوق
عمتي "نحلف عليها وراها حاجه
اسامة "كنك ي امي تحكي بروحك
عمتي " من الهم
اسامة "كانك ياكبيدة اسامة
عمتي " خوذني انت لاخر بي كلامك -_-
اسامة "نحكي جد كنه راقيلك
عمتي " علي خوك
اسامة " كنه خويا
عمتي " شكله متعارك مع مراته
اسامة " وكيف عرفتي توا انتي ؟
عمتي " تو جاء للحوش وهيا مش معاه وقالي عند هلها
اسامة "باهي من قال متعاركين توا
عمتي "جاي وقالب وجه وراقيله
اسامة " بلكي موضوع في الشغل بس
عمتي " لالا توا تشوف كلامي
اسامة" باهي درتي غداء ولا كيف
عمتي " خش غير دبشك توا نحطلك
ماما " لقيتها راقده
مراد " كنها هيا في حاجه
ماما " خليها علي راحتها
مراد " في حاجه
ماما " لالا مافي شي مغير تعبانه بس تغذاء انت تو لما تنوض تاكل هيا
فرح " معش تجيني قدام الحوش راه يفطن بابا
فرج " محد فطن لي حاجه
فرح " اليوم مافطنش مره اخره ممكن يفطن
فرج " ماتخافيش مستحيل اندير حاجه اضرك
فرح " شن خطر علي بالك اتجي
فرج "نضت الصبح كان خاطري نشوفك لقيت روحي قدام حوشكم
فرح " ياراجل
فرج " هههههههههه كنك مش مصدقه
فرح " ههههه يعني تبي ادير هكي كل يوم
فرج "عادي نديرها
فرح "راه انتعود عليها وبعدها تتعب انت
فرج " عادي مايهمك شـي
نجي كل يوم بيش نشوفك عليك عز
فرح " صدقت روحك
فرج " ماتبيش تقـري اليوم انتي
فرح " تو نقرا بعدين نبي نهدرز معـاك
فرج " ههههه
فرح "هيي نقولك اليوم شن صار
فرج " احكي
قعدت تحكيلها كل حاجه صارت في يومها بدت تقرب من فرج وفرج كان عاجبه الوضع ومتريح معاها
