الحب في زحـــــام
الحلقة 11 ♡
فرج " من وين نبدا
انا " من البداية
فرج "قعد يبحت زين
انا " الموضوع في بنت صاح
فرج " كيف عرفتي
انا " واضح من عيــونك يلمعن
فرج " كيف الي يحب عيونه يلمعن
انا " شووور احكيلي عليها
فرج " شن نحكي
انا" كل حاجه وين تعرفتوا وكيف صار نحب نسمع
فرج " انشوف فيها قدامي شبه يومي
انا" معاك في الشغل
فرج "لا
انا" وين باهي
فرج " مش حنجاوب ع سؤال هذا
انا "باهي ي حصله كمل هيا
فرج " مش عارف حب ولا اعجاب ولا اني تعودت عليها
انا " هيا تعرف
فرج " المشكله في الموضوع كلها هنـا
ياريتها تعرف وتريحني انا بالنسبه لها كيف خوها
انا" عبيطة ضيعك من يديها
انت حكيتلها شفت ردت فعلها
فرج " مانقدرش نحكي لانة كل حاجه واضحه تعتبر خوها ونخاف نحكيلها تخرب علاقتي معاها مانبيش نخسرها انا
انا" جرب بلكي ينوضن مشـاعرها
فرج" كان انتي مكانها شن اديري
انا " كان مشاعري اتجاه الشخص هذا مش اخوه بس يمكن نقبل مش عارفه شنو اندير الحق يعني يفرق الوضع
فرج " شفتي مافيش حل للمشكلتي
انا " ماتقعدش كأيب هكــي
يمكن مع ايام ينقلب كل حاجه وتغير مشاعرها هيا اتجاهك كان نصيبك حتقعدو لي بعضكم
فرج " نصيب
انا" باهي احكيلي سمحه ولا شينه
فرج" عيونها زرق وقصيرة مجنونه بكل مطرشقة
انا" شبيهتي الفرخة هذي حسيتك تحكي عليا شويه اخره ونصدق المهم عرفني عليها
فرج" شنو انتي تي هيا احلي منك مليون مره
انا " خزي بهيم -.-
خلاص كملت سمسام نغسل المواعين
فرج " بنقله اغسلي
انا" وحق ربي كان ماتبطل تقولي اسم هذا خيرلك
فرج" ترقالك
انا " اها مستفز
فرج "بنقلة
انا "عمر شفت بنقلة ابيض -.-
فرج " لا والله
خش علينا مراد
مراد " غريبة شن لمكم ع بعضكم انتوا
انا "صقع عليك صاحبنا
فرج "طفلة نحكي معاها ياهووو
صار اصاحبنا
مراد " مغولية راهي -.-
انا " خزي عليك قتلك جبتلي الي وصيتك عليهن
مراد " جبتهن جبتهن وحطيتهن في دارك امس
انا "نعني مانفقدك ي قلبي
مراد " اكثر انسانه تاكل في شوكولاتة وماتسمنش
انا " احسدني احسدني
فرج " قصدك موصيتك ع كنـدر
مراد " تي بكل مفلسة بيا
فرج " ههههههههههههه زمان لما كانت صغيره كان خالي مفتاح يجبلها نذكر تاخذ وتاكلها كلها قدامنا وماتعطينا بكل :/
انا " خزي مازالت مذكر -.-
فرج " مستحيل ننساه يومها كريت منك طرف عضيتني
مراد " متوحشة في وكال ماتجيش شورها بكل
انا " مسمطكم راه -_-
مراد " باهي تبي تقعد اليوم شكلك ماتبيش تروحي
انا "لا روح بيا خلاص نبي نبدا جامعة
مراد " حي شيل ي مراد وجيب ي مراد
فرج " كان تبي تو نجي نشيلك
انا " مصدومه
مراد " بجد ومش بنطق
فرج " اليسا اعتزلت
مراد " عاود شن قلت
فرج " كان تبي نجي نشيلها كنك
مراد " انت تشيل وتجيب عادي عندك
فرج " شن فيها
انا " لا فيها واجد من امتي وحق ربي رايح فيك جو
فرج " كيف من قبل شن كنت
انا " كنت ثقيل بكل
مراد " كان حصله
انا " بكل داير روحه شخصيه
فرج " حسيتكم قلبتوها تشفيط
خشت علينا نور
نور " كان متت من العطش وماجبتيش اميه
انا " تييييي نسيتك بكل
مراد " عقلها مش معاها عادي انا واخذ عقلها
انا " بكل مش قادره نعيش من غيرك
مراد " للاسف مرتبط
نور " نقطع يدي كان تقول فيها كلمة هذي للبنات لاخرات
انا " اي وحده في طريقه يرتبط بيها هو
مراد "حرام عليكي هنا عارفتني فاضي ونكسد ماحد زرهن
انا " خزي يارب اطيح في وحده تخليك تشعف
فرج "وين العروس
نور " دايره روحها متحشمة ماتبيش تطلع من الدار
مراد " ههههههههههههه والله
انا " يخطر في بالك كيف مايخطر في بالي
مراد " نعليا تفهمني فيا
كر السفره الي كانت ع طاولة وقعد يدربك عليها ومشاه جيهت دار نرمين وقعد يغنيلها
ولحقنا كلنا
مراد " هل النهار عليه اندور هل النهار ربيع منور
نرمين " قعدت تبحت ووجها قعد ألوان ألوان
وانا نور نصفقوا
وفرج مصبي قدام الباب وحط يدي في جيوبه ويبحت فينا
انا " لووووولي
نرمين " ياسامط
فرج " قالو متحشمة
نرمين " خزي ماتفهموش بكل
مراد "جاء مسكها من رقبتها صار تبي تجوزي
نور " يامينتي امه داعيه عليه
مراد " تعرف ي فرج
امبدري دارت غباء قريب قال راجل خلوها عندكم
مستغرب ليش وافق وهو شاف عاهه كيفك
انا "شن دارت احكي
مراد " خشت بالقهوه عطتني انا وشلطت الراجل في الساس وقعمزت
انا" ههههههههههههههههههههههههه
نرمين " خلاص اطلعوا بره
ياماما ياماما فكيني منهم
مراد " من قال العبيطة هذي تبي تجوز ووه
يقعدلنا قردات لاخرات نعطوهن لي اول تشادي
انا " في عينك مانيش مجوزه قاعده ع قلبك
مراد " مانك ع قلبي انا نجوز ونفوتك
انا "تفوتني عينك -.- انت تقدر اصلا
مراد " عليا الطلاق مانقدر
