الحب في زحام
الحلقه 52 <3
انا " عمر ماتقولش لا علشاني
عمر" لا ومعش تناقشيني فيه الموضوع
انا " من جدك انت
عمر" اها من جد جدي اخره
انا" علامات الصدمه ع وجي
ليش باهي -_-
عمر " مافيش بيات مافيهاش ليش
نشيلك من الصبح وتروحي في الليل
انا " تبصر معايا صاح
عمر" وراسك نحكي جد
انا" نرمين كيف اختي بالضبط ومانقدرش نسيبها في احلي ايام حياتها
عمر" واانا قتلك سيبيها قتلك مافيش بيات بس
انا" اووووف منك
وصبيت وسيبته
عمر" شن قتلك ع النفخ انا
انا " خشيت للمطبخ ومارديتش عليه
قعدت انحط في الغذاء
ورقتلي منه
عمر" مازال الغذاء جعت
انا " شن تحق فيا اندير
عمر " زعلاتي قصدك
انا" لا
عمر" باهي كنك تقول تبي تضربي
انا " مش وقت حناطه امتاعك راه
عمر" باهي ابرمي بحتي فيا تره -_-
انا" ها شن تبي
عمر" كنك قريب تبكي
انا " اصلا انت رايح اناني ماتفكرش الا في روحك بس
عمر" انا اناني ؟
انا" شوف روحك انت كل حاجه نقولك عليها تقولي لا لا
عمر" ماهو انتي تطلبي في حاجه مستحيله
تبي تقعدي اسبوع غادي عادي وتسيبيني
انا " مش مهاجره انا وحتشوفني راه يعني ليش انت مسكر راسك بس يعني وهو اسبوع مسرع مايمشي علشاني وافق
عمر" باهي خلاص
انا " يعني موافق صاح
عمر" كلمة اخره نغير رأي
انا" حضنته
تعرف نموت فيك
عمر " توا بس علشان خليتك يعني
انا" ههههههههه
عمر " مش حرام ننحرم من وجه السمح هذا اسبوع
انا " بيش ترايف عليـا
عمر" بديت نرايف من توا
انا" ههههه لا كده اوفر
عمر" باهي حنتغدو اليوم ولالا
انا" خزي همك بطنك
عمر" لانه مش وقت رومانسيتك هذي بكل جعان
انا " انت لعند بطنك واستوب
عمر" اكيد ي روحي
انا" ههه باهي توا نحط
فارس" نور
نور " فارس شن جيبك للجامعه ؟
فارس " جاي نشوف صاحبي هنا
كيف حالك
نور " كويسه وانت
فارس " ميه الميه
نور" شفت صاحبك
فارس " خلاص شفته
نور" نستأذن نبي نمشي
فارس" سؤال
نور " تفضل
فارس" ليش قاعده لعند توا في الجامعة الساعه 4 راه
نور " كانت عندي محاضره متأخـر
ونستنا في فرج يجيني بس
فارس" اهــا ماحكلكش حاجه فرج
نور " علي شنو يحكـيلي ؟
فارس" مش مهم
نور" لا قولي شن هو الموضوع
فارس" حاجه مش مهمه خلاص
نور " براحتك
فارس" غريبه تحكي ومش طالقه لسانك
نور " تبيني نطلقه عادي يعني
فارس" هههههههه ماتعرفيش تقعدي هاديه بكل
نور "حاولت مافيش فايده
ورن تلفونها
نور " نستأذن فرج بره
فارس" ممكن ماتقوليش لي فارس انك شفتيني
نور " وليش
فارس " طلب طلبته منك ممكن
نور "حاضر
وطلعت وهيا تفكر شن قصده فارس بي كلامه
فرج "طولت عليك
نور" ديما عازقيني وناسييني -_-
فرج " بلاش طولت لسانك خيرلك
نور "ليا ساعه تحت الشمس لين راسي وجعني
فرج " دوري مكان مافيش شمس وقعمزي فيه
نور" وكنك ماتجيني بدري وتريحني -_-
فرج" تي خلاص قتلك نسيت موعدك بكل
نور" اخره نسيتني هابا علي حظي وخلاص ديما ناسييني
فرج " انتي زارطه راديوا
نور " احسن حاجه الاسبوع الجاي ماعنديش محاضرات مهمه وتريح مني -_-
فرج " نوني
نور " الله ادلع فيها تبي مصلحه
فرج" خلاص معش نبي وجك
نور "لا احكي شن فيه
فرج " فرح نجحت ونبي ناخذلها هديه وحاير
نور "وتبي مساعدتي قصدك
فرج "ايوه
نور " هابا ننجح ماتعدل عليا
فرج "انا الحييوان الي دويت اصلا
نور " هههههههه خلاص يعني انت شن مفكر تشيللها
فرج " مش عارف ؟
نور" هكي خوذلها ساعه عطر ومعاها ورد وجو حاجات هكي يعني شغل مخك بروحك -_-
فرج " منوره ساعدتيني الحق واجد -_-
نور" هيا شن تحب مثلا
فرج " وانا شن عرفني
نور " انت تحبها
فرج " حسيتك خذيتي وجه واجد
نور " سالتك انا سؤال عادي يعني
فرج" اسكتي وبلا طروح -_-
نور " نقولك حاجه بس سامحني
فرج "شن دايره
نور "سمعتك من قبل تحكي انت ومراد علي انك تحب ندي
فرج " هذا موضوع قديم
نور "باهي نبي نعرف جوابك ممكن
فرج " ندي حاجه حلوه في حياتي بس مش نصيبي ومش ليا وبس
نور" اممممممممم باهي سؤال اخر
فرج " ولا نص سؤال انزلي هيا ورايا عرم مواضيع
نور" جاوبني عليه بعدها ننزل
فرج "في عينك هيا مش وقتك
نور " حتجاوبني بعدين حتجاوب
فرج " هيا انزلي وانتي لصقه
نور "طلعتلك
