الحب في زحام
الحلقه 8
عمر" هيا كويسة ليش تبكي
انا " رفعت راسي
انا" مـتاااكد
عمر" ماتخافيــش كويسة بكل
انا" شكرا بجد ماليش غيرها في الدنيا هذي كلها
هذي مش ماما وبس صاحبتي وحياتي كلها
عمر " ولو واجــبي مش داعي تشكــريني وهيا حتقعدت كويسة
انا" طبست راسي وقعدت نبحت في ماما
عمر " سكت شويه بعدها
ممكن نسأل سؤال
انا " تفضل
عمر" مراد شن يقربلك :/
انا " نعم
عمر" سؤال واضح تقريبا
انا " انت مشاء الله طلعت تعرف بابا وتوا مراد
عمر " حتي ايمن ^^
انا" وهذا السؤال ضمن العلاج ولا كيف ي دكتور
عمر " اسف ع سؤالي
حسيت روحي ادخلت
انا" تمام مش داعي اتأسف
عمر" برم وجاء يبي يطلع
انا " مراد خويــا ع فكره
عمر" ضحك
مش داعي تجاوبي
انا" حبيت نجاوب :/
عمر" فتح الباب وطلع
انا" ناقصني حالات اصلا
قعدت جنب ماما
محمد " ماتبيش اتروح
عمر " لالا اليوم نبي نقعد
محمد " وعليش الحب الي نزل عليك الليلة
عمر" روح انت لي مراتك خيرلك
محمد" قول انه صاحبة العيون الزرق قاعده علشانها قاعد
عمر" عارفني مش من نوعية هذي
محمد " لا عارفك انا وفاهمك كويس
تي طايح بي وجك
عمر" مش عطيتني وجه بكل
محمد" هههههههههههه تستاهل بس شكلك كبدت
عمر" مجرد اعجاب بس لانها بنت اي حد يحقها يعجب بيها بس
محمد " واعجاب يوم وراه يوم يقعد حب راه
عمر" باهي ماتبيش تروح
محمد " اهي هدي ترن :/
عمر " مربوحة هيا
هدي" وينك ي بيبي
محمد "تو كيف طلعت من المستشفى
هدي" باهي بسرعه رايفت عليك
محمد " طياره وراسك
هدي "سوق بشويه هيا نستنا فيك
مروه " انت شن الي دير في
حركات المراهقة هذينا
اسلام " اسمعي كلامي ورني عليها
مروه" مستحيل خلي البنت اتريح منك
انت بديت حياة جديده وسيبتها بي إرادتك محد جبــرك
اسلام " رني عليها ي مروه مش داعي نتعصب عليكي
شفتها راكبه مع واحد امبدري وطالعة
مروه "وانت مالك بيها شن دخلك بيها
اسلام " نبيها وحنخليها تردلي غصبن عنها
مروه " استغفر الله
اسلام " هيا رني
مروه " باهي اسكت يرن قاعد
انا" شن تبي هذي توا
انا" ايــوه
مروه " هلا ندو كيف حالك
انا "كويسة كنك في حاجة
مروه " لا مافيش حاجة بس حبيت نطمن عليك
انا" انا كويسة اطمني
مروه " اصلا نبي..
انا " اصلا شنو
اسلام " انا الي نبيها تكلمك
انا " انت شن تبي اخره
وطيت صوتي وطلعت بره الدار بيش ماما ماتنوضش
اسلام " نبيكي انتي
انا " اسلام خليني مازالت محترمتك ومحترمه العشرة الي كانت بينا
اسلام "سامحيني
وعطيني فرصه انرد كل حاجه خربتها فرصه بس نبي منك
انا" يسامحك ربي
امشي لي مراتك وبنتك وانساني
اسلام " منقدرش
انا " لا تقدر كيف ماقدرت تمشي تجوز وتسيبني تقدر تنساني كيف ماقدرت تعيش مع انسانه غيري تقدر
ماتحاولش تضحك عليا بكلمتين انك اتحبني ومازالت تبيني
اسلام " شن الي غيرك هكي وخلاكي انانية وقاسيه لدرجه هذي
انا " جرحك ليا خلاني هكي واشــر
واحسن حاجه درتها ليا انك سيبتني بجد تغيرت وقعدت انسانه تانية بكل بجد شكرا واجد
معش تفكر انك اترن عليا ولا حتي تسأل عليا كمل حياتك بعيد عني وماتخربش حياتي الي جاني منك ساد والله
وسكرت
مش عارفه اذا كان الكلام الي قلته له كله من قلــبي ولالا
من كان يقول انه اسلام الي كنت انموت في و نحبة حب مستحيل يتكرر في حيــاتي كنت نخطط انا وياه في حيـاتنا كيف حتكون في المستقبل كان الحب الاول ليا
ومع كل حاجه دارها فيا عمري ما دعيت عليه
